2021 August Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for August, 2021

MATAAS ANG KASO NG COVID PERO BUMABA ANG SEVERE AT CRITICAL

Posted on: August 28th, 2021 by @peoplesbalita No Comments

BAGAMA’T tumataas ang mga kaso ng COVID-19 sa maraming lugar sa bansa, bumababa naman ang severe at critical cases, ayon sa isang opisyal ng Department of Health (DOH).

Gayunman, aminado si treatment czar at DOH Usec Leopoldo Vega na tumaas ang COVID cases sa Region 2,3, 4A, NCR , 7 at 10.

Tumaas naman sa 72% hangang 73% ang COVID intensive care unit o ICU utilization o paggamit ang paggamit ng ICU.

Aniya ang Metro Manila ay nasa moderate risk pero hindi naman ganun kadami ang pasyente kung ikukumpara sa nakaraaang wave na kung saan napupuno ang ICU.

Sinabi ng opisyal na maaring ito ay dahil sa bakuna at pinag-igting na mga pag-iingat at mga hakbang.

“Tumataas ‘yung kaso pero yung severe, critical cases po eh nasa 1.86% compared ho sa mga 3-4% na dati talagang dumadaan na wave , kaya medyo siguro pwede natin ma-speculate na baka nga namang ano na’to, ito na yung dahilan dahil sa bakuna at sa talagang ano natin intensified preventive aspects”pahayag pa ng treatment czar.

Dagdag pa nito, kung titignan ang active cases, 98% ang mild, asymptomatic at moderate cases.

Nasa 92% naman ang gumaling na sa COVID-19. (Bishop Jesus “Jemba” M. Basco)

Libreng sakay ng MRT-3 malaking ginhawa para sa mga APORs

Posted on: August 28th, 2021 by @peoplesbalita No Comments

Menos gastos at maginhawang biyahe ang dulot ng libreng sakay ng MRT-3 para sa mga bakunadong Authorized Persons Outside Residence (APORs), sa nagpapatuloy ng nasabing programa ngayong nasa Modified Enhanced Community Quarantine (MECQ) ang NCR.

Ayon sa mga bakunadong APORs, malaki ang naititipid nila sa libreng pamasahe araw-araw at magmula noong August 21.

Ang libreng sakay ng MRT-3 ay tuwing peak hours lamang alas-7:00 hanggang alas-9:00 ng umaga, at mula alas-5:00 hanggang alas-7:00 ng gabi.

Ayon sa bakunadong APOR na si Lyn Solano, halos P40 araw-araw ang naititipid niya at naitatabi para sa iba pang pangangailangan sa kanilang tahanan.

Para naman kay Ronnel Reyes, malaking bagay ang libreng pamasahe upang mahikayat din ang iba pang pasahero na gawin ang kanilang parte at magpabakuna laban sa COVID-19.

Ang mga APOR na nabakunahan ng isa o dalawang doses ng COVID-19 vaccine ay kwalipikadong makatanggap ng libreng pamasahe. Magtatagal ang libreng sakay sa MRT-3 hanggang August 31.

At upang makatanggap ng libreng sakay, kinakailangang ipakita ng mga APOR ang kanilang vaccination card sa security personnel sa mga istasyon, kasama ang alinman sa sumusunod na ID na nagpapatunay na sila ay APOR: Certificate of Employment (COE) at isang valid o government-issued ID; Professional Regulation Commission (PRC) ID; o company ID. Tanging mga APOR lamang ang pinahihintulutang makasakay ng MRT-3 sa ilalim ng MECQ.

Ang libreng sakay sa MRT-3 ay sa direktiba ni Department of Transportation – Philippines Sec. Art Tugade upang hikayatin ang mga pasahero na magpabakuna at matulungan ang mga ito sa pagbiyahe sa panahon ng pandemya.

Samantala, nasa kabuuang 31,251 mga Authorized Persons Outside Residence (APOR) ang nakatanggap ng libreng sakay mula sa pamunuan ng MRT-3 kahapon, ika-23 ng Agosto 2021, sa oras ng peak hours mula ika-7:00 hanggang ika-9:00 ng umaga at mula ika-5:00 ng hapon hanggang ika-7:00 ng gabi.

Ang inisyatibong ito ay direktiba ni DOTr Sec. Art Tugade upang hikayatin ang mga pasahero na magpabakuna at matulungan ang mga ito sa pagbiyahe sa panahon ng pandemya.

As of August 23, 2021, ang MRT-3 ay nakapag silbi na ng 115,217 bakunadong pasahero.

PhilHealth sinagot P21.1-B unpaid hospital claims

Posted on: August 28th, 2021 by @peoplesbalita No Comments

Emosyonal na humarap sa pagdinig ng Kamara ang presidente ng Philippine Health Insurance Corp. (PhilHealth) ngayong araw matapos ang sunud-sunod na banat sa kanila dahil sa bilyung-bilyong utang sa mga ospital.

Sabado nang sabihin ng Private Hospitals Association of the Philippines, Philippine Hospitals Association at Philippine Medical Association na kakalas sila sa PhilHealth dahil sa suspensyon ng pagbabayad sa mga ospital at health care providers na under investigation ang claims.

Sa kabila nito, iginiit ni PhilHealth president Dante Gierran sa pagdinig ng House committee on good government and public accountability, Huwebes, na personal na humingi ng tawad sa kanya si Philippine Hospitals Association president Dr. Jaime Almora matapos mag-“overreact” sa unpaid claims.

“Ito, sasabihin ko na po, bugbog na po kami. I opened my heart, bugbog na po kami. No less than ‘yan si Dr. Almora, tumawag sa akin, nagsosorry po sa akin na he was just overreacting,” ani Gierran kanina sa hearing.

“Ito sasabihin ko na, ano ibig sabihin ng overreacting? Eh, nagoverreact lang pala siya. You see? It’s unfair, Mr. Chair, na kami lahat ang mali.”

Lumabas din sa parehong pagdinig na nasa P21.1 bilyon ang kabuuang utang ng naturang Government-Owned and Controlled Corporation (GOCC) sa mga ospital. Nangako naman sina Gierran na babayaran din naman nila ang naturang halaga.

Una nang pinuna nina Almora ang aniya’y mabagal na disbursement ng COVID-19 claims na hindi ginawa sa ilalim ng debit-credit payment method ng state insurer.

Giit pa ni Gierran, na dating direktor ng National Bureau of Investigation (NBI), na naaapektuhan na ang pamilya’t mga kaibigan niya dahil sa pagkundena ng publiko sa kanya at kanilang tanggapan.

“When I came, hindi po ako sanay dito, Mr. Chair. Sa NBI, maganda po ang trabaho namin doon. Hindi ako binugbog ng mga komentaryo doon. Dito kawawa talaga. ‘Yung pamliya ko, mga kaibigan ko,” sabi niya.

Dati nang inamin ng PhilHealth official na “hindi niya alam ang public health” dahil ang NBI operations daw ang gamay niya.

Ngayong buwan lang nang sabihin ni presidential spokesperson Harry Roque na dapat i-settle ng Philhealth ang hospital claims sa lalong madaling panahon lalo na’t maaari raw nitong maapektuhan ang pandemic response ng pamahalaan.

“The debts have to be paid because if we don’t, the private hospitals won’t be able to continue treating people who are sick with COVID and we do not have enough public hospitals,” ani Roque sa isang press briefing.

“So the appeal of the president, and I’m sure attorney Gierran will listen to this, the claims have to be settled as soon as possible… We need to see results now.”

Hulyo 2020 lang nang paratangan ni Thorrsson Montes Keith, dating anti-fraud legal officer ng PhilHealth, na “ibinulsa o mali ang paggastos” ng kanilang executive committee sa P15 bilyong halagang pondo ng tanggapan.

Nangyayari ang lahat ng ito matapos sabihin ni Health Secretary Francisco Duque III na “winarak” sila ng Commission on Audit matapos i-flag ng komisyon ang “deficiencies” ng Department of Health sa P67.3 bilyon nitong COVID-19 funds. (Daris Jose)

NAVOTAS NAKAKUMPLETO NA SA PAMIMIGAY NG P199.8M ECQ AYUDA

Posted on: August 28th, 2021 by @peoplesbalita No Comments

NAKAKUMPLETO ang Pamahalaang Lungsod ng Navotas sa pamamahagi ng national government allocation para enhanced community quarantine (ECQ) ayuda.

Nasa P201,407,000 ang naipamahagi ng lungsod sa 62,600 pamilyang Navoteno hanggang August 25.

Nasa P199,871,000 ang pondo mula sa national government, habang P1,536,000 naman ang mula sa pamahalaang lungsod.

“We were able to finish the distribution of ECQ ayuda within the 15-day deadline. We are thankful to all our city government and barangay employees, as well as personnel of the Philippine National Police–Navotas, who took on the task of delivering prompt and efficient services in all payout venues,” ani Mayor Toby Tiangco.

Muling naglaan ang Navotas ng P24,610,000 para dagdagan ang ECQ cash aid budget.

Sakop ng local fund ang cash assistance ng persons with disability, solo parents, at ang natitirang benepisyaryo ng Pantawid Pamilyang Pilipino Program.

Makikinabang din dito ang mga indibidwal at pamilya na hindi pa nakakatanggap ng anumang tulong ng financial assistance.

“Our grievance and appeals committee has started validating requests of constituents who have not received any cash assistance since the community quarantine began last year,” sabi ni Tiangco. (Richard Mesa)

Ads August 28, 2021

Posted on: August 28th, 2021 by @peoplesbalita No Comments

Serena Williams umatras na sa pagsali sa US Open

Posted on: August 28th, 2021 by @peoplesbalita No Comments

Umatras na si Serena Williams sa pagsali sa US Open.

Sinabi nito na hindi pa gumagaling ang kaniyang torn hamstring injury kaya minabuti niyang umatras sa torneo na magsisimula sa susunod na linggo.

Natamo nito ang kaniyang injury sa nagdaang Wimbledon.

Dahil dito ay naging malabo na makamit nito ang ika 24th mjor matapos ang pag-atras din nito sa nagdaang Tokyo Olympics at sa Cincinnati Masters.

Pinoy paralympic swimmer Gary Bejino bigong umusad sa 200m Individual Medley finals

Posted on: August 28th, 2021 by @peoplesbalita No Comments

Bigo ang Pinoy paralympic swimmer na si Gary Bejino na umabanse sa sa finals sa men’s 200m Individual Medley sa paralympic games na ginaganap sa Tokyo, Japan.

Sa kanyang paglahok kanina pumuwesto siya sa ika-17 bilang pinakahuli sa mga sumabak sa 200 meters medley.
Nanguna bilang may pinakamabilis na paglangoy ang pambato ng Colombia.

Sa kabila nito hindi pa rin naman tapos ang paralympics journey ni Bejino dahil sasabak pa ito sa Men’s 50m butterfly, Men’s 400m freestyle at sa Men’s 100m backstroke.

Ang 25-anyos na si Bejino ay isang amputee kong saan dahil sa aksidente noong pitong taong gulang ito, naputol ang kanyang kanang braso at kaliwang paa.

TSERMAN AT ILANG OPISYAL DINAKIP SA SAP

Posted on: August 28th, 2021 by @peoplesbalita No Comments

DINAKIP ang isang Barangay Chairman at ilang opisyal nito dahil sa reklamong Malversation of Public Funds partikular ang paglustay sa Social Amelioration Program (SAP) at pamemeke ng dokumento.

Ayon sa MPD Public Information Office, alas 9:20 kagabi nang maaresto sa Bagumbayan St. Sta. Mesa, Maynila si Mario Simbulan Ferrales, 73, Chairman ng Bgy 608 Zone 61 District VI at residente ng 217-C Bagumbayan St Sta Mesa.

Naaresto rin ang kasabwat nitong sina Ma.Cristina Zara, 53, Kagawad; Isagani Darilay, 42, Brgy.EX-O at isang John Mark Nagera,24.

Ang nasabing mga indibidwal ay inireklamo dahil sa hindi naibigay na ayuda mula sa SAP ng gobyerno para sa ikalawang quarter na halagang P8,000 ng mga complainants na sina Jerson Ceniza, 30,walang trabaho at Renerio Salabo, 32, store attendant at kapwa mga walang asawa.

Ayon sa impormasyon, sa kabila na nasa listahan ang mga recipient, hindi nila natanggap ang dapat sanang cash aid na kanilang matatamasa.

Narekober sa mga naaresto ang Masterlist ng Beneficiaries at dalawang pekeng identification cards ng mga suspek na nakalagay ang pangalan at address ng mga complainant na inisyu ng Brgy.608.

Ayon kay Capt.Philipp Ines, MPD-PIO Chief , nasa tanggapan ngayon ng SMaRT (Special Mayors Reaction Team) ang mga suspek dahil nasa pamamahala ng Manila Social Welfare Development ang pamamahagi ng naturang cash aid.

Mahaharap sa kasong paglabag sa Art 217 (RPC) Malversation of Public Funds (Social Amelioration Program Funds) at Art 172 Falsification of Public Documents ang mga opisyal ng barangay. GENE ADSUARA

FDCP, Ipagdiriwang ang Pinakaunang Philippine Film Industry Month ngayong Setyembre

Posted on: August 28th, 2021 by @peoplesbalita No Comments

MAYNILA, PILIPINAS, AGOSTO 26, 2021 — Simula ngayong taon, ang Pilipinas ay opisyal na ipagdiriwang at gugunitain ang heritage, significance at legacy ng Philippine Cinema sa Philippine Film Industry Month ngayong Setyembre, ang buong buwan na taunang selebrasyon na isinautos ni President Rodrigo Duterte.

Ang Film Development Council of Philippines (FDCP), bilang nangungunang ahensya na ipagdiriwang ang Philippine Film Industry Month, ay mayroong mga nakapilang kaganapan at programa para sa pambungad ng selebrasyon na may temang “Ngayon ang Bagong SineMula!”

Dahil sa COVID-19 pandemic, ang pag-obserba ng Philippine Film Industry Month 2021 ay gaganapin ng online sa social media pages ng FDCP para sa Opening at Closing events. Ang screenings naman ay eksklusibong idadaos sa FDCP Channel virtual platform (fdcpchannel.ph).

Ang Opening ng Philippine Film Industry Month sa Setyembre 1 ay maipapalabas ng live sa Facebook pages at YouTube channel, na magtatampok ng paglunsad ng Nood Tayo ng Sine Campaign kasama ang important announcements mula sa International Film Industry Conference (IFIC), First Cut Lab Philippines (FCL PH), FDCP FilmPhilippines Incentives Program, at Mit Out Sound: International Silent Film Lab.

Ang flagship program ng FDCP, ang ika-limang Pista ng Pelikulang Pilipino (PPP), ay nagbabalik sa FDCP Channel kasama ang first leg nito, tampok din ang free screenings mula sa Sine Kabataan Short Film Competition at Sine Isla: LuzViMinda Short Film Competition mula Setyembre 17 hanghang 26.

Ipalalabas din ng libre sa FDCP Channel ang walong heritage films na restored o enhanced ng FDCP Philippine Film Archive kabilang dito ang Insiang ni National Artist Lino Brocka at Manila by Night ni National Artist Ishmael Bernal sa buong buwan ng Setyembre, at ang mga pelikula sa espesyal na Elwood Perez Retrospective mula Setyembre 25 hanggang 30.

Tatlong pelikula, Ang Turkey Man Ay Pabo Rin ni Randolph Longjas at ang mga restored version ng Bata Bata Paano Ka Ginawa at Dekada ’70 ni Chito S. Roño ay for rental para sa Pamana ng Lingkod Bayani @ FDCP Channel mula Setyembre 1 hanggang 12, isang partnership sa pagitan ng Civil Service Commission (CSC) at FDCP upang ipagdiwang ang 121st Philippine Civil Service Anniversary.

Samantala, ang natatanging in-person na kaganapan ay ang Philippine Film Industry Gala sa The Manila Metropolitan Theater (MET) sa Setyembre 12 tampok ang by-invitation na screening ng Dalagang Ilocana ni Olive La Torre, launch ng Elwood Perez Retrospective, at ang book launch ng “Ang Daigdig ng mga Api” ni Clodualdo “Doy” del Mundo, Jr., “Alter/native Cinema: The Un-chronicled History of Philippine Alternative Cinema” at “Three-Volume Anthology of Essays on Philippine Cinema (Vol.1 Philippine Cinema and History; Vol.2 Philippine Cinema and Culture; and Vol.3 Philippine Cinema and Literacy) ni Nick Deocampo, at “Keeping Memories: Cinema and Archiving in Asia-Pacific” ng SouthEast Asia-Pacific Audiovisual Archive Association (SEAPAVAA).

Espesyal na araw ang Setyembre 12 sa kasaysayan ng Philippine Cinema dahil ito ay kung kailan naipalabas noong 1919 ang Dalagang Bukid ni Jose Nepomuceno, ang pinakaunang Filipino-produced at directed na feature pelikula.

***

ANG Pilipinas naman ay ipinagmamalaking irerepresenta sa 78th Venice International Film Festival sa Italy ng On The Job: The Missing 8 ni Erik Matti, ang natatanging Southeast Asian film na lalahok sa kompetisyon sa prestihiyosong Biennale Cinema mula Setyembre 1 hanggang 11.

Ang Filipino delegates ay lalahok din sa China International Fair for Trade in Services (CIFTIS), Kre8tif! Elevator Pitch sa Malaysia, at Philippine International Comics Festival (PICOF).

Sa ika-limang taon nito, ang Film Industry Conference ng FDCP ay magiging IFIC mula Setyembre 16 hanggang 19. Ang ibang industry trainings ay ang CreatePHFilms Online Scriptwriting Session, Safety and Health Officers Training Seminar (SHOTS) ng Safe Filming Program ng FDCP, Workshops in Film Incentives (WIFI) at Co-production Masterclass of the FDCP FilmPhilippines Office, Musical Score Lab ng FDCP National Registry (NR) at Mit Out Sound, at FCL PH na inorganisa ng FDCP at Tatino Films.

Ang Unsung Sariling Bayani (USB) Short Film Competition ni National Artist Kidlat Tahimik ay patuloy na idadaos ang USB Storming with Kidlat: Usapang Bayani Forum with USB Breakout Sessions and USB with Kidlat Tahimik.

Ang vaccination program ng FDCP para sa film at entertainment workers kasama ang “Vaccine Nation is the Solution” program ng City of Manila ay ipagpapatuloy ang ikalawang dose sa Setyembre 29 sa Adamson University para sa mga nakatanggap na ng kanilang unang dose noong Agosto 2 sa Palacio de Maynila.

Ang Closing ng Philippine Film Industry Month sa Setyembre 30 ay magtatampok ng Awarding ng Sine Kabataan at Sine Isla winners, paglunsad ng bagong FDCP website, at mga espesyal na anunsyo mula sa FDCP Channel at CreatePHFilms.

“Ngayon ang Bagong SineMula! This is the declaration of hopeful survival of the first-ever Philippine Film Industry Month amid the COVID-19 pandemic. It speaks of a new beginning, a chance to restart and rebuild a system that would be more inclusive and sustainable for all stakeholders, allowing Philippine Cinema to push forth with its heritage and legacy towards a brighter and more prosperous future for the industry,” wika ni FDCP Chairperson at CEO Liza Diño.

Sa pamamagitan ng Presidential Proclamation No. 1085 na pinirmahan noong Pebrero 3, 2021, idineklara ni President Duterte ang buwan ng Setyembre bilang Philippine Film Industry Month, na kinikilala ang pangangailan na pahalagahan ang “invaluable contribution and sacrifices of all stakeholders and sectors of the film industry, as well as provide avenues to showcase and celebrate the achievements and progress of the discipline of film and filmmaking.”

Inatasan ng Pangulo ang FDCP upang manguna sa pagdiriwang ng Philippine Film Industry Month, at kasama ang lahat ng ahensya ng gobyerno at mga kasapi ng National Government, kabilang ang government-owned o -controlled corporations at state universities at colleges, pati na rin ang pribadong sektor upang tumulong sa FDCP na paunlarin at ipatupad ang mga programa at mga aktibidad para sa Philippine Film Industry Month.

(ROHN ROMULO)

WBA nag-sorry, ‘Champion for Life’ award igagawad kay Pacquiao

Posted on: August 28th, 2021 by @peoplesbalita No Comments

Humingi na nang paumanhin ang World Boxing Association (WBA) kay Filipino boxing champion Manny Pacquiao matapos na bawiin ang kaniyang boxing belt dahil sa hindi pagiging aktibo sa boxing.

Sinabi ni WBA President Gilbert Mendoz na nagkaroon lamang sila ng kalituhan tungkol sa “super” WBA welterweight title.

Kasabay din nito ay pinuri niya ang fighting senator dahil sa hindi na nito inalmahan ang desisyon nila.

“Thank you for being such a nice gentleman, thank you for your understanding… I was fooled, and I’m sorry about it,” ani Mendoza sa statement. “This is the 100 years of the WBA, the centennial year, you’re gonna be a Champion for Life. I’ll have a belt made and we’ll come with a resolution later.”

Tinanggap naman ni Pacquiao ang paghingi ng paumanhin ni Mendoza kung saan sinabi nito na ginagawa lamang ng WBA ang kanilang trabaho.

Plano rin nigayon ng WBA na bigyan ng pagkilala ang eight-division boxing champion kahit na tinalo siya ni Cuban boxer Yordenis Ugas.

Bibigyan nila ng “champion for life” belt si Pacquiao bilang bahagi ng pagdiriwang ng centennial celebration ng WBA.