2021 September 14 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September 14th, 2021

Gobyernong Duterte, hindi pinaboran ang Chinese manufacturers sa pagbili ng PPE -Galvez

Posted on: September 14th, 2021 by @peoplesbalita No Comments

TINIYAK ng pamahalaan na hindi nito pinapaboran ang Chinese manufacturers sa pagbili ng personal protective equipment (PPE).

”Noong panahon po na iyon, kahit na ang US, Canada at mga western countries, wala pong makunan ng face masks at PPEs—kumukuha po sila sa China. Hindi po natin fine-favor ang China kasi kung tutuusin po, wala po tayong capacity to pro- duce PPEs at the time ,” ayon kay Secretary Carlito Galvez Jr., chief implementer ng National Task Force against Covid-19.

Ani Galvez, ang mabilis na delivery ng PPE sets sa pagsisimula ng pandemiya sa bansa ay mahalaga upang kagyat na mabigyan ng proteksyon ang mga healthcare workers laban sa nakamamatay na virus.

Bunsod ng nakalululang situwasyon, hiniling ng Armed Forces of the Philippines (AFP) na dagdagan ang logistical capabilities sa Department of Health (DOH).

Ginamit ang C-130 ng AFP para kunin ang mga delivery ng PPE sets.

”Bakit natin ginamit ang C130? Kasi po sabi ng supplier, kapag papatay-patay kayo, mawawala ‘yung supply, kukunin ng ibang countries, kasi nag-aagawan po ng supply eh. Wala pong lumilipad na eroplano noon kasi naka-lockdown po tayo,” ayon kay Galvez.

Ang PPE sets aniya ay inilagak sa Camp Aguinaldo in Quezon City.

”Wala pong warehouse ang DOH sa pag-iimbak ng mga PPE ,” aniya pa rin.

Aniya pa, karamihan sa mga per- sonnel ng DoH ay nahawa na ng Covid-19 noong panahon na iyon.

Ang desisyon naman ng pamahalaan ay batay sa “whole- of-government approach” Covid-19 response. (Daris Jose)

LONG -AWAITED “THE MATRIX” FOURTH FILM “RESURRECTIONS” REVEALS FULL TRAILER

Posted on: September 14th, 2021 by @peoplesbalita No Comments

FROM visionary filmmaker Lana Wachowski comes The Matrix Resurrections, the long-awaited fourth film in the groundbreaking franchise that redefined a genre.

The new film reunites original stars Keanu Reeves and Carrie-Anne Moss in the iconic roles they made famous, Neo and Trinity.

Check out the film’s full trailer below and watch The Matrix Resurrections in Philippine cinemas soon.

Facebook: https://www.facebook.com/watch/?v=399036525193501

YouTube: https://youtu.be/4T7BN8J9hJc

About The Matrix Resurrections:

The Matrix Resurrections also stars Yahya Abdul-Mateen II (“Candyman,” the “Aquaman” franchise) Jessica Henwick (TV’s “Iron Fist,” “Star Wars: Episode VII – The Force Awakens”), Jonathan Groff (“Hamilton,” TV’s “Mindhunter”), Neil Patrick Harris (“Gone Girl”), Priyanka Chopra Jonas (TV’s “Quantico,”), Christina Ricci (TV’s “Escaping the Madhouse: The Nellie Bly Story,” “The Lizzie Borden Chronicles”), Telma Hopkins (TV’s “Dead to Me,”), Eréndira Ibarra (series “Sense8,” “Ingobernable”), Toby Onwumere (TV’s “Empire”), Max Riemelt (series “Sense8”), Brian J. Smith (series “Sense8,” “Treadstone”), and Jada Pinkett Smith (“Angel Has Fallen,” TV’s “Gotham”).

Lana Wachowski directed from a screenplay by Wachowski & David Mitchell & Aleksander Hemon, based on characters created by The Wachowskis. The film was produced by Grant Hill, James McTeigue and Lana Wachowski. The executive producers were Garrett Grant, Terry Needham, Michael Salven, Jesse Ehrman and Bruce Berman.

Wachowski’s creative team behind the scenes included “Sense8” collaborators: directors of photography Daniele Massaccesi and John Toll, production designers Hugh Bateup and Peter Walpole, editor Joseph Jett Sally, costume designer Lindsay Pugh, visual effects supervisor Dan Glass, and composers Johnny Klimek and Tom Tykwer.

Warner Bros. Pictures Presents, In Association with Village Roadshow Pictures, In Association with Venus Castina Productions, The Matrix Resurrections. The film will be distributed worldwide, including the Philippines, by Warner Bros. Pictures.

Join the conversation online and use the hashtag #TheMatrixMovie

(ROHN ROMULO)

18-anyos British tennis player Raducanu naibulsa ang 1st US Open title matapos talunin ang Filipina-Canadian na si Fernandez

Posted on: September 14th, 2021 by @peoplesbalita No Comments

Naibulsa ng teenager at British professional tennis player na si Emma Raducanu ang kanyang kauna-unahang US Open matapos talunin ang teenager din na Filipina-Canadian na si Leyla Fernandez.

Sa unang set nagkaroon nang adjustment ang dalawang teenage tennis rising star dahil hindi pa nila makuha ang kanilang momentum.

Dikit ang unang apat na set at naitabla pa ito sa 4-4, pero kinalaunan ay nakuha ng 5 foot 9 na si Raducanu sa 5-4 lead hanggang sa maabot nito ang 6-4 at naipanalo ang unang set.

Sa ikalawang set, nakalamang pa si Fernandez matapos iposte ang 2-1 lead pero naagaw ito ni Raducanu nang maitabla at iniangat pa sa 3-2 ang kalamangan.

Lalo pang ibinaon ni Raducanu ang Fil-Canadian nang maabot ang 4-2 at 5-2 lead.

Bumawi pa sa sunod na game si Fernandez pero hindi nagpatinag si Raducanu na tinapos ang laro sa 6-3 lead at naibulsa ang US Open title.

Sa US Open, kailangang maipanalo ang dalawang set na mayroong tig-anim na games para magkampeyon sa torneyo.

Ang Filipina Canadian na si Leyla ay ranked number 73 sa buong mundo, habang ang 18-anyos na si Raducanu mula sa Britanya ay pang-150 sa ranking.

Ang 19-anyos na si Fernandez ang pinakabatang manlalaro mula pa noong taong 1999 kung saan 17-anyos pa lamang noon na si Serena Williams, ay tinalo ang tatlo sa top-5 players sa isang major tournament.

Sa panig naman ni Raducanu, kabilang sa marami niyang record ang unang British woman na sumabak sa major singles final sa loob ng 44 na taon.

Ang ina ni Raducanu ay isang Chinese.

Samantala, sa panayam kay Fernandez na ang ina ay isang Pinay, labis daw ang kanilang pasasalamat sa mga Pinoy fans na nakaabang din sa kanyang mga laro.

FAILURE OF BIDDING SA OMR MACHINE

Posted on: September 14th, 2021 by @peoplesbalita No Comments

NAGDEKLARA ng failure of bidding ang Commission on Elections (Comelec) Special Bids and Awards Committee (SBAC) sa pagkuha ng karagdagang optical mark reader (OMR) machines para sa May 2022 elections.

Inanunsyo ni SBAC chairperson, lawyer Allen Francis Abaya sa virtual opening ng bids ang kabiguang mag-bid matapos hindi magsumite ng kanyang bid ang nag-iisang bidder na SMMT-TIM Inc.

Ang service provider ay hindi ng nagsumite ng bid nito na binabanggit ang mas mataas na gastos s electronic components dahil sa coronavirus pandemic.

“We have given the procurement documents a thorough study, trying to find ways to comply with all the requirements within the approved budget. Unfortunately, we have determined that the budget is not sufficient to cover all of Comelec’s conditions stated in the TOR (Terms of Reference),” saad sa liham ng kumpanya sa komite.

“As stated in our letter of queries and appeal dated August 14th with reference number SMMT 2021S-0075, the pandemic has disrupted the global supply chain servicing the electronic sector resulting in huge backlogs in the manufacturing process…For these reasons, it is with deep regret that we inform you that we cannot participate in the bidding scheduled on September 9, 2021,” ayon pa sa kumpanya.

Inamin ng SMMT-TIM Inc. na handa silang ibigay ang mga serbisyo nito at hiniling para sa komisyon na muling bisitahin ang badyet para sa proyekto.

“We wish to affirm that SMARTMATIC is very much interested to participate in this endeavor if the budget allocation is adjusted as provided by the local procurement law to address these pandemic-caused cost increases,” nakasad pa sa liham na nilagdaan ni Filipinas Ordona, ang otorisadong kinatawan ng kumpanya.

Sinabi ni Abaya na isasaalang-alang nila ang apela ng kompanya.

Ang pag-bid ay para sa pag-upa ng OMR / OPSCAN Precinct Counter na may mga ligtas na digital (SD) cards. (Bishop Jesus “Jemba” M. Basco)

RFID sa NLEX mataas na ang detection capability

Posted on: September 14th, 2021 by @peoplesbalita No Comments

Pinaganda at mas mataas na ang detection capability ng RFID na ginagamit sa North Luzon Expressway (NLEX), ang unit ng Metro Pacific Tollways Corp., upang mabigyan ang mga motorista ng magandang customer experience sa mga toll gates.

“We have finished installing RFID early detection features in 188 toll lanes, completing the current RFID upgrading project at the toll lane level throughout the NLEX and Subic-Clark-Tarlac Expressway network,” ayon sa pamunuan ng NLEX.

Ang proyekto ay may ginawang masinsinan na pag-aaral sa aspeto ng engineering review kung saan nakita ang mas epektibong positioning ng RFID antennas at sensors upang mas madaling malocate ang RFID sticker na nakalagay at nakakabit sa mga sasakyan.

Kumapara sa dating RFID, ang RFID scanners ngayon ay puwedeng malaman ng advance hanggang tatlong (3) sasakyan at mas madaling madetect at maproseso ang toll rate transactions.

“Part of the commitment to our customers is to consistently improve our electronic systems and services, providing them with a better experience each time they travel,” saad ni NLEX president at general manager Luigi Bautista.

Maliban sa paglalagay ng mas epektibo at magandang RFID, ang NLEX ay naglagay din ng driver-friendly contactless terminals upang maiwasan ang mga RFID scanner glitches.

Kailangan lamang na ipatung ang kanilang Easytrip card sa mga nasabing terminals upang maiwasan ang unnecessary queuing sa mga toll lanes.

Noong nakaraang taon, ipinagutos ng Department of Transportation (DOTr) ang pagpapatupad ng cashless transactions simula noong Dec.1, 2020 upang mabigyan ng proteksyon ang mga tao mula sa pandemic.

Subalit maraming naging problema ang simula ng pagpapatupad ng nasabing cashless transactions.

Ayon kay DOTr secretary Arthur Tugade na hindi talaga nila maiiwasan ang pagkakaron ng cash booths para sa mga emergencies. Ang NLEX ay mayron pa rin na mga cash lanes sa kanilang toll plazas.

Sinabi naman ng SMC na mayron din silang isang cash lane kada toll plaza upang ang mga sasakyan na walang RFID stickers ay mapayagan pa rin pumasok at mabigyan ng Autosweep stickers at upang maiwasan ang pagsisikip ng traffic sa sa mga toll plazas. LASACMAR

Mga senador na nagsasagawa ng senate inquiries, habol lang ay exposure- PDU30

Posted on: September 14th, 2021 by @peoplesbalita No Comments

INAKUSAHAN ni Pangulong Rodrigo Roa Duterte ang mga senador na nagsasagawa ng mga Senate inquiries na habol lamang ng mga ito ay “exposure” dahil sa nalalapit na ang 2022 national elections sa bansa.

Sinabi ni Executive Secretary Salvador Medialdea sa Talk to the People ni Pangulong Duterte, araw ng Sabado na may iba’t ibang opisyal ng pamahalaan ang nasasayang ang oras at effort sa pagdalo sa Congressional hearings sa halip na gawin ang kanilang trabaho para tugunan ang COVID-19 pandemic.

Aniya, ang mga imbestigasyon na ito ay maiiwasan kung babasahin muna ng mga mambabatas ang mga “voluminous” reports na ipdadala sa kanila na may kinalaman sa Bayanihan 1 at 2 Laws.

“At the very least, they would have at least cared to read those reports so we could have avoided these hearings… this daily hearing, your honor. They are only on their fifth day, and I think they intend to break the record on the hearing of the Binay investigation for 25 days, your honor. We’re wasting so much time and effort in fighting a pandemic, your honor. We cannot waste a day hearing on all these matters, your honor,” ayon kay Medialdea.

Kinatigan naman ni Pangulong Duterte ang posisyon ni Medialdea sabay sabing isa si vaccine czar Sec. Carlito Galvez Jr. sa madalas na pinapatawag sa Congressional hearings.

“Papaano tayo makatrabaho neto kung nandoon kayo? (How can we work if you are all there?) Well anyway, I’ll tell you why. The reason is, it is election time and they want exposure and they think that if they come up with certain corruption cases, true or false, they can get the mileage,” ayon kay Pangulong Duterte.

“The only reason also why we are doing it to them is because they cannot have… Gordon cannot have his cake and eat it too. So, ‘yung tinutumbok n’ya e sasagot ako ,” dagdag na pahayag ng Pangulo ung saan ang tinukoy ay si Senador Richard Gordon, nangunguna sa Senate investigation kaugnay sa di umano’y overpriced pandemic-related goods.

Inakusahan din nito si Gordon nang paggamit kay sinibak na Police Colonel Eduardo Acierto sa kanyang imbestigasyon.

Inaulit naman ni Pangulong Duterte ang kanyang alegasyon laban kay Acierto, sinasabing di umano’y nasa likod ng pag-angkat ng AK-47 rifles, na di umano pa rin ay ibinibigay sa New People’s army (NPA).

BInanggit din ng Pangulo ang di umano’y pagkakasangkot ni Acierto sa importasyon ng shabu na natagpuan sa loob ng magnetic lifters at ang kanyang di umano’y partisipasyon sa extortion o pangingikil sa Chinese businessmen.

“‘Yan ang trabaho ni Acierto (That is Acierto’s job). He is guilty of treason against the country and a criminal at that, and he is being utilized by Gordon… Kaya Gordon sumabay ka na kay Acierto pareha na kayo, halos pareha na ang style niyo,” ayon kay Pangulong Duterte.

“Namumulitika itong si Gordon using itong dubious characters and underworld characters who became a character in police files for committing crimes,” dagdag na pahayag nito.

Mag-asawa kulong sa P4M shabu sa Caloocan

Posted on: September 14th, 2021 by @peoplesbalita No Comments

BAGSAK sa kulungan ang isang mag-asawa na tulak umano ng illegal na droga matapos makuhanan ng mahigit P.4 milyon halaga ng shabu sa ikinasang buy-bust operation ng pulisya sa Caloocan City.

Kinilala ni Caloocan police chief Col. Samuel Mina Jr, ang naarestong mga suspek na sina Leo Gonzales alyas “Netoy”, 50 at Adela Gonzales alyas “Dina”, 42, kapwa ng No. 6511 Mangga St., Brgy., 178 ng lungsod.

Ayon kay Col. Mina, nakatanggap ang mga operatiba ng Sta- tion Drug Enforcement Unit (SDEU) ng impormasyon mula sa isang regular confidential informant hinggil sa umano’y illegal drug activity ng mga suspek kaya’t isinailalim ang mga ito sa isang linggong surveillance at validation.

Nang makumpirma ang ulat, isinagawa ng mga operatiba ng SDEU sa pangunguna ni PMAJ Deo Cabildo, kasama ang mga tauhan ng 5 th at 6 th MFC RMFB- NCRPO ang buy-bust operation sa bahay ng mga suspek dakong alas-12:30 ng madaling araw.

Kaagad sinunggaban ng mga operatiba ang mga suspek matapos bentahan ng P7,500 halaga ng shabu ang isang undercover police na nagawang makipagtransaksyon sa kanila.

Nakumpiska sa mga suspek ang humigit-kumulang sa 60 grams ng hinihinalang shabu na may standard drug price P408,000.00, buy- bust money na isang tunay na P500 bill at 7 pirasong P1,000 boodle money at isang small box.

Nahaharap ang mga naarestong suspek sa kasong paglabag sa RA 9165 o Comprehensive Dangerous Drugs Act of 2002. (Richard Mesa)

Fil-Canadian tennis player Leyla Fernandez tiniyak ang malakas na pagbabalik sa US Open

Posted on: September 14th, 2021 by @peoplesbalita No Comments

Umaasa si Filipino-Canadian tennis player Leyla Fernandez na magtatagumpay na sa kaniyang pagbabalik sa paglalaro sa US Open.

Ito ay matapos na mabigo siya kay Emma Raducanu sa finals ng US Open.

Ikinumpara pa ng 19-anyos na si Fernandez ang sarili sa New York na matapos ang 20 taon na September 11 terror attack ay matatag pa rin ito.

Bago kasi ang finals kay Raducanu ay tinalo ng ranked 73 sa buong mundo ang ilang mga sikat na tennis players gaya nina Naomi Osaka, 17th-ranked Angelique Kerber at ranked number 5 na si Elina Svitolina.

Kahit na natalo ay pinasalamatan niya ang pamilya nito na sumuporta mula sa simula at maging si Canadian Prime Minister Justin Trudeau at Brooklyn Nets coach Steve Nash.

Ang coach ni Fernandez ay ang kaniyang ama na dating Ecuadorian footballer habang ang ina nito ay isang Fiipino-Canadian.

JIMUEL, handa nang makipagbasagan ng mukha sa loob ng ring; mas gusto ang boxing kesa mag-showbiz

Posted on: September 14th, 2021 by @peoplesbalita No Comments

HINDI man gusto ni 8-time boxing champion na si Manny Pacquiao na may sumunod sa kanyang yapak bilang boxer, handa na si Jimuel Pacquiao na makipagbasagan ng mukha sa loob ng ring.

Nagti-training na para maging boksingero si Jimuel sa Wild Card Boxing Gym kung saan kasama niya si Jonas Sultan.

Pinaghahandaan ni Jimuel ang kanyang laban this month sa YouTuber na si Boy Tapang.

Kung si Pacman ang masusunod, hindi siya pabor na maging boksingero ang kanyang panganay. Alam niya kung gaano kahirap ang maging isang boxer at ayaw niyang pagdaanan ito ng kanyang anak.

Pero tulad niya, passion din ng kanyang anak na si Jimuel ang boxing kaya hindi siya nakatanggi when his son asked for his blessing.

Ang tanging hiling ni Pacman ay maging amateur boxer lang muna ang kanyang anak at huwag muna umakyat sa professional ranks.

Alam ni Jimuel na may pressure na nakasampa sa kanyang balikat lalo dahil sa impresibong boxing career ng kanyang ama subalit determinado at handa si Jimuel na gumawa ng sariling pangalan sa mundo ng boxing.

“The pressure is always there, laging nandoon kahit sa pagbo-boxing. Hindi naman ito maiiwasan. But I take it as a challenge and I wanna make a name for myself. I believe I can do it,” pahayag ng binata sa mga kanyang previous interviews.

Nakagawa si Jimuel ng isang iWant series para sa ABS-CBN pero mas gusto niya ang boxing kaysa showbiz.

***

MULING gumaganap ng gay role si Christian Bables sa Joel Lamangan film na Bekis On The Run.

Gay man ang role ni Christian sa movie. Iba naman ito sa roles niya sa Die Beautiful at Panti Sisters kung saan bading na bading talaga siya at cross dresser pa. Pero nakatulong naman daw ang pagganap niya sa mga nasabing movie para magampanan niya ang role niya credibly sa Bekis on the Run.

Kasama rin sa movie si Diego Loyzaga, na gumaganap na kuya ni Christian.

The movie also stars Kylie Verzosa as Adriana, ang ex-gf ni Diego at at si Sean De Guzman as Martin, na ex-boyfriend naman ni Christian.

Nakatrabaho na ni Sean si direk Joel sa launching film niya na Anak ng Macho Dancer at Lockdown kaya sanay na ito sa torrid kissing at bed scene.

Pero nakumbinsi ni Direk Joel si Christian na magkaroon ng bed scene at torrid kissing scene with Sean.

Bukod sa pagiging isang comedy-drama film, tatalakayin din ng Bekis On The Run ang corruption at ang hindi pinag-usapan na mga bading na miyembro ng military.

At dahil gawa ito ni direk Joel, siguradong may matinding statement ito about corruption.

Nakatakdang ipalabas ang Bekis on the Run sa Vivamax on September 17.

***

MATINDI ang epekto ng COVID-19 sa entertainment industry.

Maraming nawalan trabaho. Since nagsimula ang pandemya ay nagsara ang mga sinehan at hindi pa rin nagbubukas up to now.

Kahit na itinuloy ang Metro Manila Film Festival 2020 ay via streaming lang ang mga film entries kaya mababa lang ang kinita ng mga entries, unlike noong may sinehan at pwedeng dayuhin ang screening sa mga malls.

May annunsiyo na ang MMFF Execom para sa mga interesadong sumali sa MMFF this year. May abiso na sila kung kailan ang deadline ng submission ng entries.

Pero wait and see pa rin ang attitude ng mga producers. Paano ka nga naman sasali kung wala pa rin sinehan kung saan pwede ipalabas ang entries.

Mahirap na naman sumugal sa festival kung sarado pa rin ang sinehan at via streaming lang ang panonood dahil tiyak na maliit lang ang kikitain ng producers na susugal sumali sa festival.

Pero siyempre ang mga taga-movie industry ay umaasa na matatapos din ang pandemya at makababalik rin ito sa dating kalakaran na pwede ng buksan ang sinehan.

May mungkahi na buksan ang sinehan pero ‘yung mga bakunado lamang ang pwedeng manood. Kailangan din na sumunod sa ipinapatupad na safety protocols.

Papayag naman kaya ang IATF, considering na mataas pa rin ang kaso ng Covid-19 cases sa bansa?

(RICKY CALDERON)

BRITNEY SPEARS, engaged na sa longtime boyfriend na si SAM ASGHARI

Posted on: September 14th, 2021 by @peoplesbalita No Comments

ENGAGED na ang pop superstar na si Britney Spears sa kanyang longtime boyfriend na si Sam Asghari.

Nangyari ang proposal ni Sam pagkatapos magwagi si Britney sa kanyang pinaglalaban na freedom mula sa conservatorship ng kanyang amang si Jamie Spears. Nag-file last week si Jamie ng petition sa korte para maalis na siya bilang conservator ng singer.

Ibig sabihin nito ay hawak na ng 39-year old singer ang buhay niya, kasama na roon ang pag-asikaso ng kanyang finances at pagpapakasal sa kanyang boyfriend na si Sam.

Pinost ni Britney sa social media ang engagement ring sa daliri niya na may caption na: “I can’t f***ing believe it!”

Kinumpirma ng manager ni Asghari na si Brandon Cohen ang engagement ng dalawa: “The couple made their long-standing relationship official today and are deeply touched by the support, dedication and love expressed to them.”

Ito ang magiging third marriage ni Britney, Una siyang kinasal noong 2004 sa kanyang childhood friend na si Jason Alexander in Las Vegas. Pero tumagal lang ng ilang araw ang kanilang marriage at nag-file agad sila ng annulment.

Second marriage ng singer ay sa dancer na si Kevin Federline, also in 2004 at nagkaroon sila ng dalawang anak. They divorced in 2007.

Ang bagong fiance ni Britney na si Sam ay 27-years old at pinanganak sa Iran. Isa siyang personal trainer and actor na lumabas sa Showtime series na Black Monday. Nagsimula silang mag-date ni Britney noong 2016.

***

KABILANG ang Unang Hirit host na si Love Añover-Lianko na tinamaan ng sakit na COVID-19.

Sa kanyang post sa social media, nagpapasalamat ito sa mga nagdasal para ma-survive niya ang naturang sakit. Pinost pa ni Love ang medical certificate na issued September 11 na nagsasabing nakumpleto niya ang 14-day isolation at naka-recover na siya sa COVID-19.

“To God be all the glory. You are the greatest, Lord. Our warmest gratitude to Dr. Percival P. Pangilinan M. D. for helping us and guiding us through the 14-day quarantine and knocking down COVID, eventually.

“We owe you, Doc. Also, to everyone who have prayed, offered masses, sent food, fruits, messages, texts, called, and everythaaang! I am positive– your prayers, love and care have made us stronger to fight this battle. I hope you are all doing good and may God bless us and protect us all.”

Nagbigay din ng words of encouragement si Love sa mga nakikipaglaban pa rin sa sakit na COVID-19.

“And if you are going through the same phase we have been through, may God give you all the strength you need– physically, emotionally, and mentally, and may God heal you. #GRATEFUL #weSURVIVEDcovid”

***

NAGING pleasant ang experience ng veteran actors na sina Bing Loyzaga, Noel Colet at Lloyd Samartino sa mga young stars ng teleseryeng Stories From The Heart: Loving Miss Bridgette.

Isang buwan daw nilang nakasama ang mga Gen Z stars sa lock-in taping ng teleserye at wala raw naging pasaway sa mga ito.

Sey ni Bing: “I’ve worked with so many young stars of different generations. Yaman din lang at nasa showbiz tayo for more than 40 years na and you can just imagine kung ilang mga artista na ang nakatrabaho ko. Gumanap na akong Ate, tita, mother, kontrabida, you name it.

“Kaya hindi madaling mag-adjust agad with new stars kaya may standard ka nang inaasahan from them parati. But with this cast, ang gaan talaga. Walang naging pasaway and they are all behaved. Ang babait nila sa amin and they really listen sa amin. Ramdam namin yung respeto nila sa aming mga nakakatanda sa kanila.”

Para naman kina Lloyd at Noel na mga naging heartthrobs noong ’80s, parang naging barkada na raw nila ang nakasama nilang mga young stars sa set.

“It’s a good experience working with new stars every time. Nakakabilib ang energy nila sa set. Kami namang mga veteran stars, we are happy na nae-experience naming makatrabaho ang mga batang ito, who are not just good-looking at mga mukhang mga artista talaga, but are very, very talented. They actually inspire us to work more. Nakakahawa ang energy nila,” sey ni Lloyd.

Sey naman ni Noel: “Kung meron kaming natuturo sa kanila, sila rin ay may natuturo sa amin. It’s a give and take thing for us and these young actors. Kaya hindi mo sila iti-treat na parang katrabaho lang, para mo na rin silang barkada. And they ask us questions about being actors noon. Gusto rin nilang matuto sa mga pinagdaanan namin noon.”
(RUEL J. MENDOZA)