MUKHANG wala pa ring balak si Kapuso actress LJ Reyes na bumalik ng Pilipinas, lalo pa at mukhang nagagamay na ang mga kasama niyang anak na sina Aki at Summer.

Sinubukan siyang kausapin noon ng father ni Aki (Paulo Avelino) na kung uuwi sila ng bansa, pwedeng mag-stay sa kanilang bahay sa Baguio ang mag-iina, pero she didn’t buy the offer.  Wala namang paramdam man lamang si Paolo Contis, ang tatay ni Summer, tungkol sa kanila.

Nalilibang na si LJ sa pag-aalaga sa mga anak, lalo na at magiging teenager na si Aki at naiintindihan na raw nito ang mga pinag-uusapan nila at si Summer ay mukhang ini-enjoy na ang bago nilang kapaligiran.

Tumutulong din kasi si LJ sa business ng mommy  niya, a café bar, sa New York at very soon ay baka ituloy na rin niya ang business niya na tungkol sa mga beauty products.

Bago umalis ng bansa, katatapos lamang mag-renew ng contract niya si LJ sa GMA Network at hindi kataka-taka kung one day ay maisipan na ring bumalik ng mag-iina rito.

***

KAHAPON ang finale episode ng cultural drama series na Legal Wives ni Kapuso Drama actor Dennis Trillo, with ‘wives’ Alice Dixson, Andrea Torres and Bianca Umali. 

Kaya si Dennis, ay gusto namang makagawa ng isang romantic comedy project, o isang naiiba namang role, like iyong siya naman ang antagonist.

      “Gusto ko namang ako ang kinamumuhian ng mga taong manonood sa akin,” sabi ni Dennis sa interview sa pagtatapos ng kanilang serye.

“Gusto ko rin namang baguhin iyong mga usual roles na ipinagagawa sa akin.  Iyong magpakita ako ng bago na magiging interested pa rin ang viewers na panoorin ako.”

At since isa na ring Kapuso ngayon ang actor na si John Lloyd Cruz, nagpaabot si Dennis ng message na willing siyang maging kontrabida ni Lloydie sa future project nito sa GMA.

Dati na silang magkasama noon ni Lloydie sa ABS-CBN pero hindi naman nagtagal doon si Dennis kaya hindi sila nagkaroon ng chance na magkatrabaho.

***

NAGING open noon pa si Asia’s Multimedia Star Alden Richards, na fan siya ng loveteam nina John Lloyd Cruz at Bea Alonzo, kahit magkaiba sila ng network.

Gumawa pa noon ng paraan si Alden na ma-meet niya nang personal ang mga idols niya, at makasama sila sa isang informal dinner.  Kaya naman nang magkasama na sina Alden at Bea sa TVC shoot sa Thailand ng isang shampoo commercial, palagay na ang loob niya sa actress.

Very soon nga ay magkakasama na sila sa isang movie ni Bea na ipu-produce ng Viva Films, GMA Pictures at APT Entertainment.

Nang magbigay naman ng welcome message si Alden nang mag-sign ng contract si JLC sa paglipat sa GMA, ipinaabot niya ang wish niyang magkasama sila nito sa isang project.

Sinagot naman din agad ito ni JLC na sana nga ay magkasama sila sa isang project sa GMA ni Alden.

(NORA V. CALDERON)

PAGKATAPOS ng successful first part Limitless online concert ni Julie Anne San Jose, ang “Breath” at sa Mindanao ang naging location, ngayon ay nasa part 2 na kunsaan sa Visayas naman siya nag-ikot at ang title ay “Heal.”

Special guest ni Julie Anne sina Jessica Villarubin at Rayver Cruz.

With Rayver, inamin ni Julie na although lahat naman ay nag-conceptualize, isa siya sa may personal choice na makasama ito sa part 2. Kaya bukod sa highlight ang pagkanta at pagtugtog ni Julie ng piano sa tabing dagat, with a cinematic sunset, tiyak na marami ang maghihintay sa gagawin nila ni Rayver.

Sa isang banda kasi, mula nang magkasama sa All-Out Sundays at maging hosts sila ng The Clash, kahit na alam ng lahat na may girlfriend si Rayver, may mga kinikilig talaga sa kanila.

Pero wala naman daw silang ilangan o awkwardness na dalawa.

Sabi nga ni Julie, “Wala namang dapat na awkwardness kasi we’re more on a tandem than loveteam. Talagang comfortable lang kami sa isa’t-isa.

      “At ‘yun naman talaga ang factor para magkaroon ng chemistry ang isang tandem.”

At the same time, nagpapasalamat daw siya sa sumusuporta sa tandem nila.

     “I really appreciate it at marami pa pong kaganapan sa ‘Heal’. Basta, hindi ko pwedeng i-spoil, basta abangan niyo na lang po.”

Ang Limitless Part 2: Heal ay sa November 20 na mapapanood at maaari ng makabili ng ticket sa gmanetwork.com at synergy.

***

TULOY na tuloy na nga ang magiging kasal ni Ritz Azul sa kanyang non-showbiz fiancée na si Allan Guwi. 

      May mga unang report na sa December ng taong ito ang kasal ni Ritz, so not unless nagbago siya ng schedule or as Maid of Honor, kasama si Miles Ocampo sa mga preparation sa kasal kaya may pa-“see you next week” si Ritz comment nito sa post ni Miles.

Ang sigurado, hindi hadlang ang pandemic para ma-enjoy at magawa ni Ritz ang usual na ginagawa ng isang bride-to-be at ang kanyang wedding mismo.

Nagkaroon ng bachelorette party si Ritz kasama ang mga napili niyang entourage sa wedding, kabilang nga rito si Miles na masaya na isa sa napiling Maid of Honor. Ito rin ang nag-post ng naging bachelorette party ni Ritz na may pa-hastag na #bacheloRITZ sa Bohol.

Nagpasalamat naman si Ritz sa post niya at sey nga niya, “Thank you soo much for this wonderful and memorable trip, girls!  Roller coaster feelings, pustahan, sunset viewing, height realizations and more! I love you all! Alam nyo yan! See you soonest!”

At may pa-good luck pa ito sa mag-speech daw.

Sa isang banda, simula nang sumali sa Artista Academy, very consistent si Ritz sa pagsasabing NBSB (no boyfriend since birth) siya. So, kung totoo talaga at paniniwalaan nga itong statement niya sa kabila ng mga ilang na-link din sa kanya, kabilang ang isang director, masasabing first and last boyfriend ni Ritz ang mapapangasawa.

***

ANG Kapuso Primetime Queen na si Marian Rivera talaga ang masasabing “reyna” may pandemic man o wala.

Kasi kahit na may pandemic and unlike others, sa loob halos ng dalawang taon, nagagawa talaga ni Marian na tuloy-tuloy pa rin ang mga trabaho niya kahit na nasa bahay lang. Bukod sa sunod-sunod na endorsements, ang sold-out palaging Floravida by Marian niya na business at heto nga, apat na taon ang hino-host niyang Tadhana.

Na ‘yung dalawang taon, purely sa bahay lang siya nagsu-shoot kunsaan ang asawa na si Dingdong Dantes ang naging director niya.

Kung may kulang man at nami-miss sa kanya lalo na ng mga tagahanga ay ang mapanood siyang muli na umarte sa isang teleserye.

Kaya kinamusta namin ito kung posible na kaya siyang mapanood ngayong 2022.

     “Naku, ang hirap kasi na sabihin ko on the spot na oo o hindi. Kasi, depende pa rin ‘yan sa magiging situwasyon at protocol ng GMA.

      “Kung konting araw lang naman, bakit hindi, ‘di ba? Let’s compromise pero kung katulad ng lock-in taping at mawawala ako ng isang buwan para sa mga anak ko, medyo mahirap ‘yan para sa akin. Siyempre, ‘yung mga anak ko, umaasa ‘yan sa akin. Si Zia nag-aaral, si Sixto sa akin, so mahihirapan ako.

     “Pero tingnan natin, baka naman pagdating next year, mas smooth na ito at alam na natin kung paano diskartehan, so tingnan natin.”

      At least, pwedeng sabihin na mas medyo open siya ngayon sa posibilidad kesa dati na talagang definite ang answer nya na no for a lock-in taping.

(ROSE GARCIA)

INANUNSYO ng Cornerstone, ang talent agency ni John Prats, na nag-level up na ang career ng dahil isa na rin siya direktor ng FPJ’s Ang Probinsyano.

In fact, nabasa na nga name ni John bilang isa sa co-directors ng action-drama series ng ABS-CBN.

By accident ang pagpasok ni John sa pagdidirek. Ang unang nagbigay ng break sa kanya as a director ay sina Angelica Panganiban at Sam Milby.

Nag-produce silang magkakaibigan — Angge, Sam at John — para sa first concert noon ni Moira dela Torre at wala raw silang director.

Dahil bago pa lang sila sa business at kulang sa budget kaya nag-decide ang magkakaibigan na kay John ipadirek ang concert.

Successful naman ang first major concert ni Moira at marami ang humanga sa trabaho ng newbie director.

Ilang concert pa ang naidirek ni John. After that ay kinuha na siya ng ABS-CBN para magdirek ng It’s Showtime!

Siya ang pumalit sa dating director at creator ng programa na si Bobet Vidanes.

Kaya bukod sa pagiging artista ng FPJ’s Ang Probinsyano, na pinagbibidahan ni Coco Martin, may bagong trabaho si John as a director.

HABANG ang ibang dating Kapuso stars ay pinili na lumipat sa ABS-CBN namely Janine Gutierrez at Sunshine Dizon, mas pinili ni dating Kapamilya actor John Lloyd Cruz na pumirma ng kontrata sa Kapuso Network

Isang sitcom ang nakatakdang gawin ni Lloydie sa kanyang bagong network na labis ang kagalakan matapos piliin ng actor to make his showbiz comeback sa Kapuso Channel.

Ever since he started his career ay sa Dos na nakilala si Lloydie. Bagets pa siya when he did the youth-oriented drama series na Tabing Ilog.

Now that he is with GMA, may chance kaya na gumawa ng project si John Lloyd with Bea Alonzo, na Kapuso star na rin?

Maraming box-office movies na pinagsamahan sina Bea at John Lloyd when they were still with ABS-CBN and Star Cinema.

***

KAHIT na eager na mag-promote ng pelikula kung saan isa siya sa lead stars, nalungkot ang artista dahil ayaw siyang payagan ng kanyang management team.

Maganda pa naman ang role niya sa movie at marami ang pumuri sa kanyang performance.

Bakit nila kaya ayaw payagan sa promo ang artista eh kasama sa trabaho niya na i-promote ang movie?

Buti pa ‘yung artista nauunawaan na dapat siyang mag-promote ng pelikula. Naniniwala siya na dapat maging masipag siya sa promo para maraming manood ng movie nila.

(RICKY CALDERON)