IDINEKLARA na isang National Hero ang singer-actress-businesswoman na si Rihanna o Robyn Rihanna Fenty in real life sa kanyang hometown sa Bridgetown, Barbados.

Iginawad ang honour kay Rihanna noong November 30 by Prime Minister Mia Mottley kasabay ng pag-celebrate nang pagiging republic ng Barbados after 396 years sa ilalim ng British monarchy.

Si Rihanna ang second woman at 11th person to be declared a national hero of Barbados. The honor allows the singer to use the title “Right Honorable” in front of her name going forward.

Ayon kay Prime Minister Mottley: “On behalf of a grateful nation, but an even prouder people, we therefore present to you the designee for national hero for Barbados, ambassador Robyn Rihanna Fenty. May you continue to shine like a diamond and bring honor to your nation by your works, by your actions, and to do credit wherever you shall go. 

“Commanding the imagination of the world through the pursuit of excellence, her creativity, her discipline, and above all else, her extraordinary commitment to the land of her birth.

“Having satisfied that, Ambassador Robyn Rihanna Fenty has given service to Barbados which has been exemplified by visionary and pioneering leadership, extraordinary achievement and the attaining of the highest excellence to the Government of Barbados.”

Since 2018, nabigyan si Rihanna ng honorary title of Ambassador for Culture and Youth in Barbados. In 2008, former prime minister David Thompson declared February 22 as “Rihanna Day”

Isa si Rihanna sa biggest musical artists sa buong mundo with hit singles tulad ng “Umbrella”, “Pon de Replay”, “Disturbia”, “Don’t Stop The Music”, “Rude Boy”, “Shut Up And Drive”, “Love The Way You Lie”, “Only Girl (In The World)”, “We Found Love”, and “Diamonds”.

As of September 2018, Rihanna has sold over 250 million records worldwide, making her one of the best-selling music artists of all time.

On social media, Rihanna has 112 million followers on Instagram, 103.6 million on Twitter and 102 million on Facebook.

Na-declare din na isang billionaire si Rihanna ng Forbes with a net worth of $1.7 billion, making her the wealthiest female musician in the world and second only to Oprah Winfrey as the richest female entertainer.

***

HINDI raw ininda ni Direk Perry Escaño ang ‘di pagkakasali ng pelikula nilang Caught In The Act sa Magic 8 ng Metro Manila Film Festival 2021.

Ang importante raw ay nabigyan nila ng trabaho ang maraming film workers noong kasagsagan ng pandemya.

“Ang intention namin is for everyone na magkaroon ng trabaho. This movie helped more than 200 film workers during the pandemic. From staff, crew, talents, drivers, medical team, post production staff, our media friends and even the musicians kasi nga we released six songs for the Caught in the Act Inner love soundtrack.

“No hard feelings sa MMFF screening committee. Baka may different taste sila at may gusto silang genre pagdating sa pag pili ng Magic 8.”

Pinagmamalaki ni Direk Perry ang professionalism ng Gen Z cast niya na binubuo nila Joaquin Domagoso, Andi Abaya, Josh Lichtenberg, Bamboo B. at Jhassy Cruz Busran. 

“We shot the film during pandemic. That was June, As director, challenging for me kasi you have limited time, 12-14 hours per day unlike before you have 24 hours to shoot. The hardes part, you need to shoot in the province na ‘di mataas ang covid. 

“Thank God, no one got sick. Sumunod kami sa strict safety protocols lalo na at mga teenagers ang nasa cast namin.

“Even though, most of them are newcomers, they are very professional. They came to the set on time and prepared, alam nila dialogues nila. Kaya napadali ang work ko as director at maganda kinalabasan.”

Magbubukas sa mga sinehan ang Caught In The Act on December 15.

***

SA taong 2022, isa sa goal ng Kapuso actor na si Kelvin Miranda ay ang magpalaki ng katawan.

Marami raw kasing netizen na gustong makitang borta si Kelvin para mas marami raw ang magnasa sa kanya kapag mag-post ito ng shirtless photo sa social media.

Inamin ni Kelvin na may kulang pa sa pangangatawan niya at nagsimula na raw siyang mag-boxing para makondisyon ang katawan niya sa sisimulan niyang borta workout.

“Sana mas maayos ko na ‘yung physical. Wino-work hard ko talaga kung papaano ko ipe-present yung sarili ko sa susunod pang mga taon. Kasi papunta na tayo don eh, hindi naman tayo tumatandang paurong so nagre-ready na rin ako sa mga role na puwede kong matanggap sa future,” sey ni Kelvin.

Gusto raw kasi ni Kelvin na gumawa ng action na teleserye tulad ng kay Ruru Madrid sa Lolong. Pero mas feel daw ng maraming netizen na mapanood siya sa mga naughty roles tulad sa ginawa niya sa Stories From The Heart: Loving Miss Brigette.

Kaya hiling nila ay pang-thirst trap na mga litrato ni Kelvin sa socmed.

“Gusto ko talaga mag-action kaya ang focus ng workout ko ay para doon. Pero may mga gusto akong mag-sexy. Puwede rin naman, pero depende po sa anong role ang ibigay sa akin ng GMA sa susunod na teleserye. Gusto ko ring pagbigyan lahat, lalo na sa mga sumuporta sa akin sa simula pa lang ng showbiz career ko,” diin pa ni Kelvin.

(RUEL J. MENDOZA)

EXCITED na sina Ultimate Multimedia Star, Toni Gonzaga, at ng Country’s Top Influencer, Alex Gonzaga sa pagpapalabas ng The ExorSis sa taunang Metro Manila Film Festival.   

Mula ito sa Viva Films at TinCan Productions na pag-aari ni Toni at isa sa mga maswerteng napili bilang official entry sa MMFF 2021 ang The ExorSis na isang horror-comedy film na pinagbibidahan nga ng box office queens at certified comedic duo. Mula sa pelikula nilang Mary, Marry Me noong 2018, nagbabalik MMFF ang Gonzaga sisters para muling magbigay ng kasiyahan sa buong pamilya.

Makakasama rin nina Toni at Alex ang kaibigan nilang si Melai Cantiveros na gusto nilang ipag-produce ng pelikula sa darating na panahon.

Hindi ipinagkaila ni Toni, na ang shooting nila ang isa sa pinakamasayang experience sa panahon ng pandemya.

“Nu’ng nagluwag na at puwede nang mag-shoot para sa pelikula, sobrang grateful ko na nakasama ko itong cast na ’to. “They’re such a joy to work with. Parang hindi kami nagsu-shooting.  Feeling namin, nag-retreat lang kami dahil mas marami yung bonding moments. Ang saya-saya, sobra akong grateful dahil tinanggap nila ‘yung proyekto tapos nag-enjoy sila na ginawa ‘yung pelikula.

“I like doing comedy films tapos horror, kasi this brings back mga memories yung mga unang pelikula na ginawa ko sa Star Cinema, yung ‘D’Anothers’.”

At ngayong balik-MMFF ang magkapatid, wala naman daw silang nararamdamang pressure.

Pahayag ng asawa ni Paul Soriano, “Kahit noong unang sumali kami sa MMFF, para hindi kami ma-pressure ni Alex, ang lagi naming pinag-uusapan, ‘Naalaala mo, Catherine (Alex), nu’ng bata tayo, lagi tayong pumipila ‘pag MMFF sa Sta. Lucia East Grand Mall?’

“Tapos the mere fact na makita lang namin yung poster natin na nakahilera sa mga pelikula na pagpipilian na panoorin sa MMFF, parang we’ve come a long way.

“Yun lagi ang sinasabi ko sa kanya, ‘Imadyinin mo, Catherine, dati nanonood lang tayo ng MMFF, ngayon isa na tayo sa pagpipilian sa MMFF.’ Yun ang palagi naming nire-remind sa isa’t-isa para hindi kami ma-pressure.  

“Mas iniisip namin na magpasalamat na lang tayo dahil atleast napasama tayo sa choices. Dati kami yung nanonood, ngayon kami na yung napapanood.”

Asahan nga ang kakaibang Christmas “spirit” ang mararamdaman natin sa pagdating ng The ExorSis sa mga sinehan para sa MMFF 2021.

Kwento ito ni Gina (Toni Gonzaga) at ni Dani (Alex Gonzaga), magkapatid na malaki ang pagkakaiba ng mga ugali. Si Gina ay isang pormal at goal-oriented na tao, samantalang si Dani naman ay pa-easy-easy lang sa buhay.

Sa pagkakaulila sa mga magulang, naging responsibilidad na ni Gina bilang panganay na alagaan ang kanilang pamilya, at ang kanyang grocery business ang nakatulong na makapagtaguyod sa kanila ng kanyang kapatid. Gumawa naman ng paraan ang tadhana upang matupad ni Gina ang mga naudlot niyang pangarap at nabigyan ito ng pagkakataon na makapunta sa abroad, pero nagdadalawang isip si Gina na ituloy ito sa pag-aalalang hindi kaya ng iresponsableng si Dani na i-manage at alagaan ang pinaghirapan niyang grocery business.

Isang gabi, may isang misteryosang babaeng nagngangalang Leng-Leng ang mapapadaan kina Gina at maaaksidente mismo sa harap ng kanilang grocery at sa kasawiang palad ay babawian  ng buhay. Gagala ang espiritu nito at sasanib kay Dani.

Aatakehin nito ang lahat ng makita, maging ang kanyang kapatid. Magiging malala ang sitwasyon ni Dani at hahanap si Gina ng paraan upang matulungan at maprotektahan ang kapatid, at maligtas si Dani sa masamang espiritu ni Leng-Leng na sumanib sa katawan nito.

Matapos ang virtually celebrated festival noong nakaraang taon dahil sa pandemya, magbabalik muli sa mga sinehan ang 47th Metro Manila Film Festival, at isa ang The ExorSis sa mga official entries na pasok para sa prestihiyosong pagdiriwang na ito na magsisimula sa December 25.

Pinahayag ng magkapatid sa kanilang mga social media kung gaano sila kasaya para sa kanilang paparating na pelikula, “Yehey! We made it to this year’s MMFF! See you sa Pasko!” saad ni Toni sa kanyang Instagram account kung saan pinost ng aktres ang poster ng pelikula, pinromote din ito ni Alex sa kanyang account at nag post naman ng isang pang poster ng pelikula at may caption na, “Mga sissss!! Deserve ninyong tumawa ng natatakot ngayong Pasko. Balik sine na tayo! Ito na #TheExorSis. December 25 sa mga sinehan!”

Ang pelikulang ito ay mula sa up-and-coming na direktor na si Fifth Solomon, na isa ring malapit na kaibigan ni Alex at direktor ng pelikula niyang Nakalimutan Ko Nang Kalimutan Ka. Si Fifth din ang nagsulat at direktor ng Dulo, isang Vivamax Original movie na mapapanood na sa darating na Disyembre 10.

Ang The ExorSis ay kwento ng pamilya at ng walang kondisyong pagmamahal sa kanila. Ihanda ang sarili na tumawa, umiyak at matakot.

(ROHN ROMULO)