MASAYANG-MALUNGKOT ang pagbabalik ni comedienne-actress Rufa Mae Quinto sa bansa kamakailan lamang.  

After three years na nanirahan sa Amerika, sa piling ni Alexandria, ang anak na babae nila ni Trevor Magallanes, parang natapat naman ang pagbalik niya sa pagyao ng brother niyang si Vincent Sy.

Sadya palang umuwi sa bansa si Rufa Mae, dahil nami-miss na niya ang showbiz.  Pinayagan naman siya ng husband niya, kaya kasama ang baby girl nila, ay bumalik nga sila sa bansa.

Sa palagay naman namin, hindi mahirap para kay Rufa Mae ang makakuha ng kahit mga guest roles sa mga shows ng GMA Network na dating contract artist, bago siya bumalik muli sa America.

Our condolences, Rufa Mae and your family.

***

THANKFUL ang buong cast ng GMA Network’s first suspense-serye na Widow’s Web dahil lagi silang nagri-tate sa mga kasabayan nilang shows at 8:40PM gabi-gabi.

Isa nga sa naging usap-usapan ng mga netizens ay ang daring role na ginawa ng bida-kontrabidang si Barbara Dee, played by Carmina Villarroel.

Tanong nila, hindi raw ba nagkaroon ng second thought si Carmina, na may love scene kay Mike Agassi na sports coach ng anak niya sa story?  Mike was in his briefs while si Barbara ay naka-night gown.

Hindi raw tumanggi si Carmina, nang mabasaa niya ang script, kailangan talaga iyon sa story, kaya hindi siya tumanggi.

Si Direk Jerry Sineneng ang nagsabi na si Mike ang naging reluctant dahil nahihiya raw siya kay Carmina.  Kaya naman ang actress ang kumausap mismo kay Mike para maging comfortable sa kanya doing the scene, kaya maayos nilang na-execute ang said love scene.

“Masaya kami sa taas ng rating ng serye gabi-gabi,” wika pa ni Carmina.

“Siguro gigil na ang mga viewers malaman  kung sino ba talaga ang pumatay sa kapatid kong si AS3 (Ryan Eigenmann).  

“Lahat kasi, parang isa sa amin ang killer, ako, ang wife niyang si Ashley Ortega, ang half-brother naming si Adrian Alandy, si Vaness del Moral, pero ang nakakulong ay si EA Guzman as Frank, ang driver ni AS3 at boyfriend ni Pauline Mendoza na lihim na nag-iimbestiga sa kaso.”

Pero ngayon nasa last three weeks na lamang ang serye, happy ang cast dahil hindi na sila naka-lock-in taping.

Si Carmina ay masaya dahil nakakasama na niya araw-araw ang kambal nila ni Zoren Legaspi, sina Mavy at Cassy. Si Zoren ang naka-lock-in taping ngayon dahil out-of-town ang location nila ng bagong serye sa GMA, ang Apoy sa Langit, katambal si Maricel Laxa.

***

NAGKAROON ng ambush interview si Kapuso actor Buboy Villar sa isang political vlogger, habang nagpapakain siya nang libre sa harapan ng bahay nila.

Mahusay magluto si Buboy, kaya may small karinderia siya. Iyon ang isa pa niyang pinagkakaabalahan, ang pagluluto ng mga ulam, sa tulong ng kanyang pamilya, kapag wala siyang shooting or taping sa GMA Network.

Hindi ikinaila ni Buboy na supporter siya ng BBM-SARA tandem sa coming 2022 national elections.

Kaya tanong sa kanya, hindi ba siya bina-bash ng mga supporters ng ibang kandidato?

   “Wala po naman akong pakialam sa kanila, basta supporter po lamang ako, alam ko ang mga pananaw nila, pero nagisnan ko na po ang family ko na Marcos loyalists sila, kaya tuluy–tuloy lang ang suporta namin sa BBM-SARA,” sagot ni Buboy.

“Kaya ito pong ginagawa ko ngayon, para rin sa mga supporters nila. Support ko po para sa future ng ating bansa. Bahala po ang iba kung ano ang gusto nilang gawin, basta ako, suporta po lamang.”

May coming new teleserye si Buboy sa GMA-7, ang False Positive, na kasama niya sina Glaiza de Castro, Xian Lim at Herlene  Budol.  Papalitan nila ang Widows’ Web, simula sa Monday, May 2.

(NORA V. CALDERON)        

ISANG buwan bago ang Pambansang Halalan sa Mayo 9, karamihan sa mga bontanteng Pilipino ay nakapili na ng kanilang ibobotong pangulo at pangalawang pangulo.

Batay naman sa huling survey ng Pulse Asia mula Marso 17 – 21, sina VP Leni Robredo at dating Senador Kiko Pangilinan ay umabante na sa 24% at 15%.

Nagpapatunay lang ito na bagamat nasa 3% pa rin ng mga botante ay nananatiling “undecided” o hindi pa nakapagpasya, ay mas dumarami naman ang mga pumipili sa kandidatong may mahusay na track record at mahusay na plataporma sa pamamahala.

Sa laban naman ng mga Senador, garantisado ang 1Sambayan senatorial block na susuportahan, palalakasin, at ipatutupad nila ang mga layunin ng Leni-Kiko tandem para i-angat ang buhay ng mga Pilipino.

Inihahain ng 1Sambayan ang kanilang alternatibong listahan kumpara sa mga tradisyunal na pulitiko. Pinagsama ng 1Samabayan ang 11 senatorial aspirants na bagamat nagmula sa iba’t ibang pinagmulan at katayuan sa buhay ay may iisang hangarin na pagkaisahin ang bansa.

Kasama sa senatorial slate ang kanilang pang-11 senatorial candidate na si Monsour Del Rosario.

Isang magiting na kakampi at tagapagtanggol ng ordinaryong Pilipino, si Monsour na kilala rin sa showbiz bilang aktor ay nagsilbin sa publiko sa loob ng 6 na taon bilang isang natatanging konsehal, at 3 taon bilang isang masipag na kongresista ng 1st District ng Makati City.

Kilala bilang “Ama ng Work From Home Law” at may-akda/sponsor ng mahigit 292 panukalang batas sa kongreso, layunin ni Del Rosario na ipagpatuloy ang kanyang mabuting gawain sa senado upang matulungan ang mga health frontliners ng bansa, mga atleta, mga batang may iba’t ibang kakayahan sa pag-aaral, magsasaka at mangingisda, at iba pang marginalized na sektor ng lipunan.

Noong Biyernes, Abril 8, pormal na inendorso ng 1Sambayan si Monsour bilang kaalyado ng Gobyernong Tapat.

“Dapat tayo ay magsama-sama at magkaisa para sa ating kinabukasan. Sa darating na eleskyon, wag po natin kalilimutan na meron din po tayong 12 na senador. We have to choose wisely sa mga senador na bibigyan natin ng six years para tulungan si VP Leni.

“We have to be discerning. Binibigyan po kayo ng 1Sambayan ng magandang alternatibo at kasama po rito pang-11 sa aming listahan, isang taong tunay na nagtatrabaho at nagse-serbisyo sa tao, si Monsour Del Rosario,” sabi ni 1Sambayan convenor Atty. Howard Calleja.

Para naman kay Monsour, ang kanyang napipintong pag-upo sa senado ay hindi lamang tagumpay para sa sarili at sa hangarin ng 1Sambayan na maghatid ng gobyernong tapat, kundi tagumpay para sa kinabukasan ng maraming Pilipino.

“When I was competing in taekwondo years ago, I was very proud to bear the flag of our country. That still means the same to me today,” sabi ni Monsour.

“Just as I fought for the country in sports, I will be as fervent and dedicated in this fight for a seat in the senate not for myself, but for the future of our countrymen.”

Diin pa nang tumatakbong Senador, “I reiterate my support for our future president Leni Robredo and the ‘Angat Buhay Lahat’ movement because the Philippines needs a leader that cares for the youth, cares for this country, and cares for the future of our people.      “We have to choose the right leader. If we don’t choose the right leader, our problems will never be solved and will only worsen.

“If we don’t choose the right leader, our people will only continue to suffer. Kaya piliin natin ang gobyernong tapat dahil dito aangat ang buhay ng lahat,”

(ROHN ROMULO)