SO, hindi pa rin matatapos ang FPJ’s Ang Probinsyano dahil may bagong papasok na kaabang-abang ang karakter na gagampanan ni Ms. Charo Santos-Concio.

Sa teaser na inilabas ng Dreamscape Entertainment, ini-reveal ang pagpasok ng award-winning actress sa teleserye ni Coco Martin na nantunghayan na kagabi (June 17), na sinasabing, “Isang babae ang magsisilbing liwanag sa kanilang madilin nadaan!”

Tama nga ang sinabi ng isang nakausap namin na hindi pa matatapos ang FPJAP dahil marami pang mangyayari. Kung akala nung iba na mamatay na si Cardo eh heto at buhay pa rin ang famed character ng serye.

Kaya kahit na ‘yung di makapaniwala na mabubuhay pa si Cardo after siya mabaril eh nagtataka dahil kahit sobrang bugbog na si Cardo ay kaya pa rin nitong bumangon at makipaglaban.

Hindi pwedeng mamatay ang karakter ni Cardo dahil if that happens, tapos na ang serye.

So, kahit na may balita na mapapanood na ang Darna this July, patuloy pa rin ang pakikipaglaban ni Cardo at ng Task Force Agila.

***

CEO na si Angeline Quinto ng Twinqle, ang baby product line business na kanyang sinimulan habang ipinagbubuntis niya si Sylvio, ang kanyang firstborn.

Ginanap ang launching ng baby product line ni Angeline noong June 15, Miyerkoles sa Chantara Room ng Dusit Thana Hotel sa Makati City.

Naisipan daw ni Angeline ang magbukas ng online business selling na ito ng baby products para makatulong sa mga nanay na gustong kumita kahit na nasa bahay lang sila.

Bago pa lang siya nagbubuntis ay marami nang tanong si Angeline na health issues tungkol sa pag-alalaga ng sanggol. Siyempre gusto niyang maging handa sa pagiging isang ina.

Dati raw ay hindi siya maalaga sa kanyang sarili pero mula ang isilang niya si Sylvio ay naisip niya na dapat maging healthy siya for her son.

Sinabi ni rin Angeline na kinailangan din niyang mag-change ng lifestyle at mag-diet para maging healthy siya.

From being the Queen of Teleserye Theme Songs ay Mompreneur naman si Angeline ngayon with the launch of her baby product line.

“Siguro engaged ka na,” pabirong sabi ng tatlong natirang press people na nag-interview sa kanya after ng launching ng kanyang kompanya naTwinqle na ang specialty ay baby products.

Hindi itinanggi ni Angeline Quinto na engaged na siya sa father ni Sylvio.

Hindi naman tahasang inamin ni Angeline na engaged na nga siya, suot naman niya ang singsing na duda ng press ay engagement ring nila ng kanyang partner.

Hindi naman niya itinatago ang suot niyang singsing. It was there for us to see. Kaya nung tanungin niya kung paano nalaman ng tatlong press people na engaged na siya, ‘yung suot niyang singsing ang sagot doon.

***

KAHAPON ay pormal na iginawad ni Pangulong Rodrigo Duterte sa Malacanang ang parangal sa mga nahirang na National Artists.

Kabilang sa pinarangalan ay ang multi-awarded screenwriter na si Ricardo “Ricky” Lee.

Ayon sa kanya, Biyernes ng gabi (June 10, 2022) nang ipakita sa kanya ng kanyang assistant ang balita sa TV Patrol. Bago pa siya nakapag-react ay nagdating na ang mga text, calls at messages para batiin siya kaya wala siyang time to let it sink.

Pero na-realize daw niya na ang swerte niya dahil kasama niya sa paparangalan ang dalawang babaeng pinakamamahal niya sa industriya na sina Nora Aunor at Marilou Diaz-Abaya.

Ayon pa sa kanya, mahalaga raw ang karangalang ito hindi lang para sa kanya kundi para sa lahat ng scriptwriter, dahil madalas daw na director at artista lang ang naiisip kapag pelikula ang pinag-uusapan.

Ang karangalan daw na ito ay gentle reminder na mahalaga ring bahagi ng pelikula ang scriptwriter. Kaya sobra-sobra talaga ang kanyang pasasalamat sa kapwa niya mga artists na nagtiwala at nagbigay ng karangalang ito.

Sana ay muling gumawa ng pelikula sina Ricky Lee at Nora Aunor.

(RICKY CALDERON)

TAHIMIK pa rin ang actor na si Tom Rodriguez sa mga pinakawalang statement ng actress na si Carla Abellana laban sa kanya.

Napakahaba nang naging statement ni Carla bilang sagot sa isang netizen sa kanyang Youtube vlog. Ang comment ng netizen ay ang tungkol sa pagla-like ni Carla sa “cheating” post ni AiAi delas Alas sa Instagram.

Mahaba ang naging reply ni Carla na part of her reply, “Opo, nag like po ako, pero yun lang po ang ginawa ko. Hindi ko na po yun inulit.”

Sey pa niya, “Ang taong lubos na nasaktan hirap pong pigilang hindi ilabas ang galit sa anumang paraan. I was disrespected. I was betrayed. I was lied to. I was used. I was shamed. I was made to look so stupid. Kung sana hanggang doon lang po makakabangon din po ako balang araw. Pero para gawan pa po ako at ang pamilya ko ng mas marami pang kasamaan at kataksilan sa mga sumunod na araw, linggo at buwan, sobra sa sobra na po ang sakit at pagdurog ng puso at pagkatao ko.

“Pero bukod po dun wala po akong ginawang masama kay Tom. Wala po akong binigay kay Tom kundi tunay na pagmamahal, respeto, pag-aalaga, pag-aaruga, pag-unawa, pagtitiis, sangatutak na pagpapatawad, milya-milyang pasensya, paniniwala, pagtiwala, pag-asikaso, pag-protekta, lahat-lahat na. Binigay ko po buong buhay ko sa kanya.”

Napakarami pang sinabi ni Carla na tila ibinuhos na lahat ng nararamdaman o galit dahil na-trigger ng isang netizen sa comment. At durog na durog halos si Tom.

Tahimik lang si Tom at hindi nagpo-post sa kanyang social media account. Pero ang legal counsel daw ng actor ay nagsabing “no comment” muna si Tom.

Sa isang banda, sa kabila ng mga ipinahayag ni Carla, nakapagtataka na hindi niya lubusang makuha ang simpatiya ng netizens. Binabasa namin ang mga comments, pero ang daming nega for Carla. May mga nagpapakita ng simpatiya kay Tom, pero meron din naman na nagpapalakas pa ng loob ni Carla.

Pero marami kaming nababasa na kung pitong taon itong nagtiis kay Tom, bakit daw, nagpakasal pa? Eh, ‘yung kasal pa naman nila, tumagal lang ng three months.

***

PARANG mas lalong nag-iba ang mindset at priorities ni Matteo Guidicelli simula nang ikasal sila ni Sarah Geronimo and in turn, si Sarah din naman ay tila nahahawa.

‘Di ba nga’t kakatapos lang ni Sarah ng baking course. Si Matteo naman, balita naman talaga na nakikipag-usap ito at nagpi-pitch ng project s sa GMA Network.

At bukod dito, heto at sinisimulan na ang bago nilang business, kasabay ng birthday ng nanay ni Matteo ay nag-ground breaking na sila ng bagong project.

Sey niya, “June 15 2022—our mamas birthday @glfguidicellu and the ground breaking of our new project, G STUDIOS! The building will rise soon and will welcome all content creators, advertisers, celebrities and just anyone and everyone who wants to use the space! See you at G Studios located in Landers Alabang.”

(ROSE GARCIA)