2023 March 01 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 1st, 2023

‘Di rin sila nakalilimot gumawa ng TikTok videos: JULIE ANNE, proud na si RAYVER ang ka-partner sa dalawang serye

Posted on: March 1st, 2023 by @peoplesbalita No Comments

DALAWANG projects ang proud si Julie Anne San Jose na kasama niya si Rayver Cruz.

Ito ay ang YouTube mini-series na “Pag-ibig Na Kaya” at ang “The Cheating Game” ng GMA Pictures.

Kasama na rin siyempre ang pagiging host nila sa GMA singing contest na The Clash Season 5.

Sey ng Asia’s Unlimited Star na isang blessing daw na naging partner niya si Rayver sa mga projects niya dahil ramdam niya ang pagiging masigasig nito sa trabaho at never daw niyang narinig na nagreklamo ito kahit alam niyang pagod na ito.

“Kasi, para mag-work ‘yung mga kasi eksena talaga, you have to get to know the person. And I’ve known Rayver for quite a long-time. We’ve been really-really close,” sey pa ni Julie.

Bukod sa kanilang mga projects, hindi raw sila nakalilimot na gumawa ng mga TikTok videos para sa mga ever-loyal fans ng loveteam nila na JulieVer.

Ang mga pampakilig na duets at sayaw daw nila sa TikTok ay para sa mga fans nila na hindi nagsasawang sumuporta sa mga ginagawa nilang shows sa Kapuso network. Hindi nga raw mabubuo ang JulieVer kung hindi dahil sa mga fans nila.

Nagpasalamat din si Julie sa mga sumubaybay sa Maria Clara At Ibarra hanggang sa pinakahuling episode noong nakaraang February 24.

Marami raw nakamit na parangal ang show, pero ang pinaka-espesyal daw ay ang maibalik nila sa mga kabataan ngayon ang importansya ng pagbabasa ulit ng mga libro at bigyang halaga ang pagiging isang Pinoy.

Post pa ni Julie: “Isang napakalaking karangalan na mapabilang sa programang #MariaClaraAtIbarra. Maraming salamat sa @gmanetwork at @sparklegmaartistcenter sa tiwala at pagkakataon na mabigyang buhay ko si Maria Clara.

“Higit sa lahat, maraming salamat sa inyo gabi-gabi, nakakataba ng puso ang inyong pagsuporta at pagmamahal sa programang ito. Hanggang sa muli, ito po ang inyong Maria Clara delos Santos Y Alba, isang maalab na pagpupugay sa kasaysayan ng Pilipinas, salud!”

(RUEL J. MENDOZA)

Nagpunta sa Fortis Airbase para mag-skydiving: EULA, hinangaan sa kanyang adventurous spirit

Posted on: March 1st, 2023 by @peoplesbalita No Comments

TODAY, March 1, ang simula ng showing ng second episode ng controversial but top-grossing movie for 2022, na “Maid in Malacanang,” ang “Martyr or Murderer” produced again by Viva Films under the direction of Darryl Yap.

After the very successful premiere night last Monday, February 27, sa SM North EDSA The Block Cinemas 1, 2 & 3. Ayon kay Direk Darryl, as of today, mapapanood na ang movie in 250 theaters at malamang madagdagan pa.

Ang controversial movie ay magkakaroon din ng premiere night bago mag-showing in theaters sa Luzon, Visayas and Mindanao. Sa March 5, sa Davao in Mindanao, March 11 sa Cebu in Visayas, March 12 sa Laoag in Luzon at sa March 15, as a homecoming ni Direk Darryl sa kanilang lugar, sa Olongapo City in Zambales.

Magkakaroon din ng premiere night ang movie sa malalaking bansa, na dadaluhan nina Direk Darryl at Ruffa Gutierez. Una nilang pupuntahan sa March 11 and 12 ang Dubai at Abu Dhabi, for a meet and greet with the supportive fans of the movie.

Ang “Martyr or Murderer,” ay binigyan ng Parental Guidance (PG) rating ng MTRCB.

*****

NAG-TRENDING at hinangaan ng mga viewers si Sparkle artist Kylie Padilla sa pilot episode ng action drama series na “Mga Lihim ni Urduja,” na tampok din sina Gabbi Garcia at Sanya Lopez. Nagpakita kasi agad ng mga action scenes si Kylie which she shared sa kanyang Instagram na: “If I wasn’t an actress I’d be a sniper,” while she is training in a shooting range na ang instructor niya ay ang amang si Robin Padilla.

Caption pa ni Kylie, “Just like when I was a kid, I love you ‘Pa.” (Noong bata pa kasi si Kylie, mahilig siyang sumama sa Papa Robin niya kapag nagti-training or nagsu-shoot siya ng mga action scenes ng movies and TV shows).

Ang bagong serye ay napapanood gabi-gabi at 8PM, after ng “24 Oras” sa GMA-7.

***

GINULAT ni Eula Valdes, ang mga kasama niya sa pagti-taping nila ng “Unbreak My Heart” sa Switzerland, ang much-talked about collaboration ng series between GMA, ABS-CBN at Viu Philippines.

During their taping break, nagpunta si Eula sa Fortis Airbase, a dropzone for all skydiving enthusiasts. Nai-share niya ang mga information sa kanyang social media followers.

Hindi rin kinalimutan ni Eula na puntahan ang famous platforms of Iseltward sa Switzerland, kung saan kinunan ang mga eksena ng 2019 Korean drama series, ang “Crash Landing on You.” Kaya naman ang mga kasamahan at other celebrity friends ni Eula ay hinangaan ang kanyang adventurous spirit.

After ng Switzerland, magsu-shoot din sa Italy ang “Unbreak My Heart” ay magtatampok din kina Richard Yap, Gabbi Garcia, Jodi Sta. Maria, Joshua Garcia, Will Ashley and Bianca de Vera.

Mapapanood ang romantic-drama series sa GMA Network and will be viewed in more than 50 countries outside the Philippines , this 2023.

(NORA V. CALDERON)

7-araw na tigil pasada, ikinakasa ng ilang transport group

Posted on: March 1st, 2023 by @peoplesbalita No Comments

IKINAKASA ngayon ng ilang transport group ang isang linggong tigil pasada o pitong araw sa buwan ng Marso asais- hanggang a-dose para sa mga UV express at mga traditional jeepney sa bansa.

Ito pa rin ay bilang pagtutol sa inilabas ng Land transportation franchising and regulatory Board na memorandum circular 2023-013 sa Public Utility Vehicle Modernization program na hanggang Hunyo a-trenta na lamang.

Sa panayam sa transport group na Manibela na si Chairman Mar Balvuena, aniya ang dahilan umano ng gagawin nilang transport strike ay para mapansin at makita pa sila ng pamahalaan, kung ano nga ba ang kahalagahan ng mga sasakyan sa bansa. Sakripisyo rin umano ito sa mga driver na hindi papasada sa ilang araw gaya na lamang ng hindi pagpapasada sa gitna ng pandemya.

Nanawagan rin ang grupo sa pamahalaan na sana’y pagbigyan ang hiling na limang taon pa bago ipatupad ang Public Utility Vehicle Modernization program at sana’y mapakinggan sila hinggil sa iprenisinta nilang disenyo ng Jeepney na pasok naman sa standards at mas mura pa sa gagastusin sa nasabing programa.

Sa ngayon, patuloy ang pakikipaglaban ng mga transport group hinggil pa rin sa modernization program na inilabas ng LTFRB at ang patuloy na banta ng transporst strike sa buong bansa. (Daris Jose)

PBBM, nangako ng 6M housing units sa pagtatapos ng kanyang termino

Posted on: March 1st, 2023 by @peoplesbalita No Comments

NANGAKO si Pangulong Ferdinand R. Marcos Jr. na magtatayo ang kanyang administrasyon sa pamamagitan ng “National Pabahay Para sa Pilipino Housing” (4PH) ng 1 milyon na housing units kada taon o 6 million units sa pagtatapos ng kanyang termino sa 2028.

“Layunin po ng programang ito na makapagpatayo ng isang milyong pabahay sa bawat taon ng aking termino bilang Pangulo. Dahil ang kakulangan ng housing para sa ating mga kababayan ay tamang-tama umabot na sa 6 million ang kulang. Kaya’t hinahabol po natin ‘yang 6 million na numero na ‘yan,” ayon kay Pangulong Marcos sa kanyang naging talumpati.

Pinangunahan ni Pangulong Marcos kasama sina Cebu Governor Gwendolyn Garcia, Cebu City Mayor Michael Rama, Department of Human Settlements and Urban Development Secretary Jose Rizalino Acuzar at Speaker Martin Romualdez ang groundbreaking ceremony ng Cebu City South Coastal Urban Development Housing Project sa South Road Properties (SRP) sa Barangay Basak San Nicolas, Cebu City.

Ang housing project sa SRP at iba pang 4PH housings ay dinisenyo para sa minimum wage earners, informal settlers, sa mga nakatira sa danger zones, at iba pang miyembro ng poor communities na naghahangad ng mura, simple, at komportableng bahay.

Tiniyak din ng Pangulo na ang gobyerno ay mag-aalok ng “affordable monthly payments” para sa mga nasabing housing units.

“Sisiguruhin natin na mananatiling abot-kaya ang buwanang hulog at bayad para sa mga bahay na ito kaya patuloy po ang ating pakikipag-ugnayan sa Kongreso upang maging matagumpay ang programang ito.,” aniya pa rin, siniguro sa publiko na ang housing units na itatayo ay de-kalidad at kayang tumayo kapag may kalamidad.

Sa kabilang dako, sinabi pa ng Pangulo na ang proyekto ay kinabibilangan ng pagtatayo ng pasilidad gaya ng eskuwelahan, pamilihan, health centers, at ilang economic structures sa komunidad.

“Therefore, it cannot be just a house. We need all the needs as I mentioned: markets, schools, even churches, also for children to play, not far from the work of the parents, this is all necessary to think about,” ayon sa Pangulo. (Daris Jose)

Stephen Loman kinagat ang hamon ni Andrade

Posted on: March 1st, 2023 by @peoplesbalita No Comments

Tumugon si Stephen Loman, isang bantamweight contender at dating Brave CF bantamweight champion, sa hamon ng bagong koronang ONE bantamweight world champion na si Fabricio Andrade kasunod ng kanyang panalo laban kay John Lineker noong Sabado sa Lumpinee Boxing Stadium sa Bangkok.

Pinababa ni Andrade, 25, ang dating UFC fighter na si Lineker sa kanyang trono bago magsimula ang round 5 na nakakuha sa kanya ng fourth-round technical knockout win. Pagkatapos ay tinawag niya si Loman sa post-fight interview, na nagsasabi na siya ang kalaban at dapat na kunin ang titulo sa mundo mula sa kanya.

“Una sa lahat, congratulations Fabricio for winning. Alam niya na susunod ako dahil nakita niya ang mga laban ko,” ani Loman.

“Tinawag niya ako, kaya alam niya na mag-aaway kami. Hindi ako nagba-back out. Hindi ako umaatras; kahit kailan Kahit saan. Magagawa natin ito sa kanyang bayan, sa ating bayan, o kahit sa USA. Handa akong lumaban.”

Si Loman, ang kinatawan ng Team Lakay na may hawak na propesyonal na rekord na 17-2, ay nagmumula sa kanyang pinakamalaki at pinaka-kahanga-hangang panalo hanggang sa kasalukuyan sa pamamagitan ng unanimous decision laban sa dating world champion na si Bibiano Fernandes noong Nobyembre.

Siya ay kasalukuyang na-rate bilang ang no. 3 bantamweight sa mundo sa pamamagitan ng ONE Championship at nakikita bilang karapat-dapat na humahamon sa titulo. Ayon kay Loman, handa siyang sumabak sa world title fight anumang oras.

“Ako ang susunod sa pila. Kukunin ko na sa kanya ang sinturon. Paghahandaan ko siya ng husto. Pumapasok ako at ginagamit ko ang lahat ng aking mga tool sa pag-strike, wrestling, at grappling para lang makuha ang sinturon. Kung may pagkakataong isubmitt siya, bakit hindi?,” pahayag ni Loman. (CARD)

Angel Canino debut sa La Salle, nagpasiklab

Posted on: March 1st, 2023 by @peoplesbalita No Comments

Agad nagpasikat si De La Salle University rookie Angel Canino sa kanyang unang laro sa UAAP women’s division na tamang tama sa hype na nakapaligid sa kanya.

Kumamada ang batang open spiker ng 18 puntos sa kanyang unang laro para sa Lady Spikers, kung saan kanilang dinaig ang University of Santo Tomas (UST), 25-20, 16-25, 25-8, 15-25, 16-14, noong Linggo sa ang Mall of Asia Arena.

Isang pulutong ng halos 7,000 tagahanga ang nanood habang umiskor si Canino sa iba’t ibang paraan, kabilang ang isang walang tigil na pagpatay sa frontline sa unang set na umani ng naparaming manonood sa venue at online. Walo sa mga puntos ni Canino ang dumating sa unang set, kung saan pinasigla niya ang pagbabalik ng La Salle mula sa 3-12 deficit.

Nakakuha ang atensiyon ang kanyang magandang laro, kabilang ang tatlong beses na UAAP Most Valuable Player na si Alyssa Valdez na nagbigay ng shoutout kay Canino sa Twitter.

Isang MVP sa juniors level para sa La Salle-Zobel, sinabi ng 19-anyos na si Canino na isang pangarap na natupad para sa kanya na sa wakas ay makapaglaro sa ilalim ng maliwanag na ilaw ng MOA Arena.

Nakakuha si Canino ng sapat na back-up mula sa beteranong si Jolina dela Cruz (14 points, 10 receptions, 10 digs), at Leila Cruz (12 points kasama ang limang blocks). Nakinabang din sila sa mga error-prone ways ng UST: ang Tigresses ay nakagawa ng 35 miscues, kabilang ang back-to-back attack errors sa fifth set na sa huli ay nagbigay ng panalo sa Lady Spikers.

Muling aaksiyon ang La Salle sa Miyerkules laban sa University of the Philippines (0-1) sa MOA Arena. (CARD)

Malaking tagas ng tubig sa Manila, nadiskubre – Maynilad

Posted on: March 1st, 2023 by @peoplesbalita No Comments

KINUMPIRMA ng West Zone concessionaire na Maynilad Water Services, Inc. (Maynilad) na may nadiskubre silang major pipe leak sa Osmeña Highway, kanto ng Zobel Roxas sa Maynila, kasunod na rin ng isinagawang leak detection activities sa lugar kamakailan.

Sa pagtaya ng Maynilad, magkakaroon sila ng water loss recovery na nasa 20 hanggang 30 MLD (million liters per day) sa sandaling matapos na nila ang pagkukumpuni sa naturang tagas.

Ayon sa Maynilad, nadiskubre nila ang naturang major leak sa isa sa kanilang routine pipe network inspections, gamit ang iba’t ibang acoustic leak detection equipment.

“We were able to pinpoint the location of the leak from above-ground. Based on our initial assessment, the leak appears to be coming from a 2,200mm-diameter primary line, which is located 7 meters underground,” pahayag ni Maynilad Water Supply Operations head, Engr. Ronaldo Padua.

Kakailanganin aniya nilang maghukay sa lugar upang makita ang tubong pinagmumulan ng tagas upang tuluyang makapagsagawa ng assessment hinggil sa laki ng pinsala nito.

Inaasahan naman ng Maynilad na aabutin ng ilang araw ang naturang aktibidad dahil na rin sa laki ng tubo at lalim ng lokasyon nito, gayundin sa kakailanganing panahon ng pagkukumpuni.

Agad namang humingi ng paumanhin ang Maynilad sa mga kustomer nilang inaasahang maaapektuhan ng naturang pagkukumpuni.

“Given the size of the pipe and the depth of its location — and depending on the repairs that will be required–the activity may take several days to implement, and this will affect water service for customers who receive their supply through this primary line,” anang Maynilad.

Tiniyak din na kaagad nilang iaanunsiyo sa mga susunod na araw ang iskedyul ng service interruptions at ang mga ispesipikong lugar na maaapektuhan nito, bago tuluyang ipatupad ang pipe repair, upang makapaghanda ang kanilang mga kustomer.

Kumpiyansa rin ang Maynilad na sa sandaling makumpuni ang tagas, makatutulong ang inaasahang water loss recovery upang mapalakas pa ang water pressure sa mga kalapit nitong lugar at epektibong makapagbibigay sila ng mas maraming suplay ng tubig para sa kanilang mga kostumer.

GRUPO NG MGA MIDWIFE SA BUONG BANSA, UMAPELA SA DOH

Posted on: March 1st, 2023 by @peoplesbalita No Comments

UMAPELA sa pamahalaan ang mga grupo ng mga kumadrona, partikular na sa Department of Health na huwag silang balewalain at kilalanin ang kanilang kontribusyon sa health sector.

Ayon kay Patricia Gomez, Executive Director ng Integrated Midwife Associations of the Philippines, Inc., o IMAP, isa sa kanilang hinaing ay ang Administrative Order 2012-0012 na nagsasaad na bawal sa kanila na magpaanak ng panganay at pang limang anak, dahil diumano ito ay nasa high risk level na.

Dagdagn pa rito ang iba’t-ibang dagdag na bayarin at penalty na nakaugat sa nasabing kautusan mula sa ahensya.

Dagdag pa ni Aileen Gay Vinoya Chapter President ng IMAP Rizal/Marikina chapter, “kami pong mga midwives ay masunurin at tumutulong sa aming kapwa, masunurin po kami sa lahat ng pinapagawa ng DOH at PHILHEALTH subalit hindi kami kinikilala, pinapatawan pa kami ng violations”

Tinukoy pa ni Vinoya ang Section 3 Article 12 of 1987 Philippine Constitution, dapat panatilihin ito ng gobyerno. “Pagtiwalaan nyo kami, may aral po kami registered po kami, paano namin tutulungan ang gobyerno pinapatay nyo kami, nagsara na ang ibang clinic kasi di kami nababayaran ng Philhealth”

Dagdag pa Vinoya na dahil sa panggigipit ng gobyerno ay nasasagasaan na ang kanilang karapatang magpractice ng kanilang propesyon, ang mga private lying-in clinic owners ay partners ng gobyerno, wag nyo kaming isantabi, isali nyo kami sa health system ng gobyerno wag nyo pong isantabi kaming mga midwives. (BISHOP JESUS “JEMBA” BASCO)

Ads March 1, 2023

Posted on: March 1st, 2023 by @peoplesbalita No Comments

PSC, Bangsamoro Sports PARES

Posted on: March 1st, 2023 by @peoplesbalita No Comments

NAKIPAGPULONG ang delegasyon ng Bangsamoro Sports Commission (BSC) sa Philippine Sports Commission (PSC) Board nitong Lunes, Pebrero 27, para sa grassroots program ng Bangsamoro Autonomous Region in Muslim Mindanao (BARMM).

Pinamunuan ni Chairperson Arsalan Dimaoden ang BSC na nagharap ng 12-point agenda sa PSC na kinabibilangan ng mahigpit na kooperasyon sa pagpapaunlad ng mga pasilidad sa palakasan, kalusugan at kagalingan sa BARMM, isports sa katutubo at kabataan, edukasyon sa palakasan at pagpapaunlad ng human resource.

Kabilang din ang pagpapatuloy ng Sports for All program sa pamamagitan ng pagsasagawa ng Laro’t Saya sa Parke (LSP) ng PSC, elite sports identification at suporta, tradisyunal sports at games preservation at promotion, pagtiyak ng kasarian at pagkakapantay sa sports, sports linkages at collaboration, sports tourism at sports competitions.

“It is our earnest understanding that we can utilize sport as a realization for the development of Mindanao and the country,” sabi ni Dimaoden, na sinamahan ng kanyang mga komisyoner at consultant sa isang oras na pagpupulong sa PSC Conference Room sa Rizal Memorial Sports Complex sa Maynila.

Ipinahayag naman ni PSC Chairman Richard Bachmann ang kanyang suporta sa panukala.

“I would like to consider us as one group as we are focused on the Filipino athletes. Let us find the athletes sa bawat parte ng Pilipinas. This is what I want to push in my term together with our Board of Commissioners,” sabi nito.

“Let us work together to build facilities not only for popular sports but also for other sports throughout the country. We also need to align the grassroots programs for the stakeholders such as the NSAs, BSC and other individuals who have ideas regarding grassroots sports development in the country,” dagdag pa ng PSC chief.

Nagpahayag din ng suporta at posibleng pakikipagtulungan sina PSC Commissioners Walter Torres at Olivia “Bong” Coo sa BSC.

“The PSC can send a team to conduct a feasibility study for the sports facilities development in the region and ask that accessibility for para-athletes be observed for the building of the facilities,” sabi ni Commissioner Torres.

“I offer our programs Laro ng Lahi and Women in Sports programs to be conducted in BARMM. There is a need to increase the inclusion of more girls in grassroots programs,” sey naman ni Commissioner Coo.

Bukod kay Dimaoden, kinatawan rin ng BSC sina Commissioner ng Maguindanao Nu-man C. Calutiag, Tawi-Tawi Commissioner Abdulkhabir Musa, Basilan Commissioner Yushoup Sario, Executive Director Salihwardi Alba, Consultants Prof. Henry Daut ng Mindanao State University (MSU) at Ateneo de Davao University Athletics Director at Mindanao Peace Games Founder at Convener Noli Ayo. (CARD)