“мостбет Уз Скачать Skachat Приложение Мостбет для Андроид Apk и Ios”

TITIGILAN na siguro ng mga bashers at body shamers si Kris Bernal ngayon dahil kinumpirma nito na buntis siya sa first baby nila ni Perry Choi.

Ibinahagi ni Kris ang magandang balita via social media at bongga ang announcement nila ng asawa dahil ginastusan pa nila ang concept ng pregnancy reveal.

“WE ARE PREGNANT! It happened — we weren’t really ‘trying’ but we were blessed with pregnancy! I can still remember I’ve felt a rush of different emotions when the test showed two lines. I already had suspicion weeks prior to finding out the good news but I was able to confirm it when something happened,” caption pa ni Kris na nararanasan na ang hirap ng pagkakaroon ng morning sickness sa first trimester ng kanyang pagbubuntis.

Laging nagiging target si Kris ng bashers dahil sa sobrang kapayatan nito. Kahit na pinapaliwanag ng aktres na masipag siyang mag-workout at mag-diet, pinipilit pa rin ng ilang netizens na may eating disorder siya kaya siya payat.

Pero ngayon at buntis na si Kris, mababawasan na ang mga magsasabing may eating disorder siya. Hindi nga naman puwedeng mag-diet at masobrahan sa workout si Kris dahil may dinadala na ito sa kanyang tiyan.

Sinisigurado nga raw ng mister nito na aalagaan niya si Kris at ibibigay nito ang mga gustong kainin ng isang buntis para maging healthy ang kanyang mag-ina. Two years din ang hinintay ni Perry bago nabuntis si Kris.

Huling napanood si Kris sa Amazon Prime Video original movie na ‘Ten Little Mistresses’.

***

BIGGEST achievement nga ng Dubai-based designer na si Ryan Pacioles ang magawan niya ng bonggang gown ang nag-iisang Beyonce Knowles.

Si Ryan ang creative director ng Atelier Zuhra at sila ang nagbuo ng bright yellow feathered dress ni Beyoncé na sinuot nito noong mag-perform ito sa private party ng Atlantis The Royal Resort in Dubai noong nakaraang January.

Kuwento ni Ryan: “Our PR company in US asked us to do a design for Beyoncé and they sent some references. And then after that, we did some sketches. Our team carefully thought of how we can make it based on the references they sent. We presented a few designs, and they approved the yellow gown.”

Hindi naman daw inaasahan ni Ryan na masusuot ang ginawa nilang gown dahil maraming pagpipilian na isusuot si Beyonce sa gabing iyon. Pero noong lumabas si Queen Bey na suot ang yellow gown, nag-viral ito sa social media na ikinatuwa ni Ryan.

“Ang Queen B lang ang makakaalam kung anong pipiliin niyang suotin. So, expect the unexpected talaga. Then, lumabas na sa mga influencer na may mga kuha pala sila. Alam mo ‘yung you can’t believe? Nakaka-overwhelm ang feeling.”

Advice nga ni Ryan sa mga aspiring fashion designers ngayon: “You need to build it from scratch. You start creating unique pieces para ma-achieve mo ‘yung expectation ng mga boss mo. Kailangan mo talagang ipakita ‘yung uniqueness ng mga dress na gawa mo. Hindi typical na nakikita nila. You need to make it better para mapasok mo talaga ‘yung gusto mo.”

(RUEL J. MENDOZA)

NAGKAROON na ng story conference ang upcoming Kapuso series “Love Before Sunrise” na magpapabalik sa tambalan nina Dennis Trillo at Bea Alonzo, after twenty years na unang nagkasama sila sa ABS-CBN. 

Sa story conference, natanong si Dennis kung ano ang masasabi niya sa new series na gagawin, after “Maria Clara at Ibarra?

“Para siyang movie na dinala sa telebisyon,” sagot ni Dennis.  “It’s going to be film-like.”

Say naman ni Bea, “ito ulit ‘yung pagbabalik-drama ko. Ito ay maraming iyakan, masasakit na mga salita, masasakit na mga sitwasyon, kaya hayun excited akong gawin.”

Makakasama rin nina Dennis at Bea sina Andrea Torres and Sid Lucero, who were excited and nervous at the same time to do the show.

“Medyo talagang marami kaming eksena rito na magkakabanggaan kami nina Bea, Dennis and Sid,” sabi ni Andrea.

“I’ve been doing a lot of action lately, so it’s really nice to do a little bit more conversational and more emotional series,” sabi naman ni Sid.

Ang serye ay collaboration  ng GMA Network at Viu Philippines na ididirek ni Mark dela Cruz.  Ayon naman kay GMA Network Senior Vice President Atty. Annette Gozon Valdez, “this is one soap opera that will really go down in history.”  Ipalalabas ang serye this 2023.

Kasama pa rin sa cast sina Tetchie Agbayani, Isay Alvarez, Ricky Davao, Nadia Montenegro, Matet de Leon, Vaness del Moral, Sef Cadayona, Vince Maristela, Cheska Fausto, Rodjun Cruz, Juan Rodrigo, Teresa Loyzaga, Gary Estrada, Ayen Munji-Laurel, Simon Ibarra and Chanda Romero.

***

NAGSIMULA nang mapanood ang “AraBella” sa GMA Afternoon Prime pero wala pa ang character ni Althea Ablan dahil bata pa sila ng gumaganap na Ara sa story, played naman ni Shayne Sava.  Thankful si Althea dahil bida-kontrabida ang role ni Bella na tulad din sa una niyang serye na “Prima Donnas” na ang character niyang si Donnabelle, ay palaban at hindi nagpapaapi.

Sa story ay siya ang nawawalang anak ni Camille Prats na lumaki naman sa pangangalaga nina Nova Villa at Ronnie Lazaro. Ibang bata ang inampon ni Camille, si Ara.

“Ako po ang tunay na anak, pero lumaki akong maldita at si Shayne naman ang api-apihan sa story,” pagkukuwento ni Althea.

“Ganoon po kasi ang pagpapalaking ginawa sa akin, matapang ang personality ko, kasi ang intention nina Tita Nova ay kuwartahan lamang nila si Ate Camille.”

Happy si Althea to work again with Wendell Ramos, ang tatay nila nina Jillian Ward at Sofia Pablo sa “Prima Donnas,” at with Alfred Vargas, first time naman siyang maidirek ni Adolf Alix.

Sa kabila ng pag-arte ni Althea, hindi niya pinabayaan ang studies niya, she’s now in Grade 12 at pag-graduate daw niya, gusto niyang kumuha ng tourism or a business course, dahil nagsimula na siyang mag-invest ng kinikita niya in a take out food business, ang Gourmet in a Box.

“Sana po it will prosper, pero hindi ko pa rin iiwan ang first love ko, ang acting.  Sana po ay panoorin ninyo ang ‘AraBella’ daily, 3:25 PM, sa GMA-7.”

(NORA V. CALDERON)

PROUD na proud na pinost ng Beautederm Home endorser at Kapuso Primetime Queen na si Marian Rivera-Dantes sa kanyang IG stories ang mga photos ng 7-year old daughter nila ni Dingdong Dantes na si Zia Dantes, na kung saan nanalo ito ng Bronze medal for swimming.

Makikita sa larawan na nakasabit ang kauna-unahang medalya sa leeg ni Zia, at ‘yun isa naman ay kasama ang swimming coach ng dalagita.

Pinost din ni Maria ang black and white photo ni Zia na naghahandang mag-dive sa pool at nilagyan niya ito ng caption ng, “So proud of mahal.”

Grabe talaga itong si Zia, sobrang talented, halos lahat ay gustong subukan. Matatandaan na nagpamangha siya sa pag-awit kasama ang kanyang Daddy Dong, na nasundan ng pagkanta sa mga parties, magaling din siyang sumayaw tulad ng kanyang Mommy Yan, at nagkainteres din sa pangangabayo at may talent din sa pagdo-drawing at pagbi-bake.

Kinagigiliwan din siya ng netizens sa kanyang mga nagawang print and TV commercials, kaya san ka pa?

Pero mukhang hindi lang si Zia, dahil maging ang nakababatang kapatid na si Sixto ay mukhang nahihilig din sa mga sports, tulad ng taekwondo at pagsa-soccer, na kitang-kita naman sa mga photos na nai-upload sa social media na pinusuan ng mga netizens.

Winner na winner talaga ang Dantes Squad na patuloy na nagsi-send ng mga good vibes sa kani-kanilang posts.

***

PROUD na proud din ang CEO at founder ng Beautederm na si Rhea Anicoche-Tan na ibinahagi sa Facebook post niya ang bagong batch ng mga scholars para sa SY 2022-2023.

Sa tulong nga ito ng kanyang company at mga mamimili na patuloy na nagtitiwala sa mga kinagigiliwang produkto.
“Sa lahat po ng nagmamahal sa #BEAUTéDERM salamat po sobra sa pagbili, pagtangkilik sa amin. Every time bumibili kayo, nadadagdagan pinapag aral ng aming munting kompanya 🙏🫠 eto na po second batch of Scholars natin.

“Lord, nakakaiyak, thank you ! Your Love Never Fails. This is All for You.”

Ayon pa kay Ms. Rei, hindi pa rin daw niya ma-imagine na nakapagpa-aral siya ng ibang tao at mga anak ng kanyang empleyado, kaya ganun na lang pasasalamat niya sa Diyos.

Ibang klase talaga si Ms. Rei, kaya patuloy siyang bini-bless dahil sa pagiging very generous niya at ngayong Women’s Month, nakita namin na nakaparami rin niyang sinusuportahang adhikain ng mga kababaihan.

Samantala, limang taon na pala ang partnership ng Beautéderm at Sparkle GMA Artist Center.

Kaya sa ginanap na media conference, kahapon, March 7, sa Luxent Hotel, labis nga ang pagpapasalamat ni Ms. Rei sa naging kontribusyon ng Sparkle sa kanyang kumpanya.

Sa naturang presscon, present ang Beautéderm endorsers na sina Cassy Legaspi, Bianca Umali, Ruru Madrid, Rayver Cruz, at Sanya Lopez na nag-renew ng kontrata.

“I value my partnership with Sparkle GMA Artist Center. Part of the reason why Beautéderm continues to sparkle is because of these artists—Ruru, Rayver, Cassy, Bianca, Sanya—who put us on the map.

“They represent the brand well through their efforts, talents, and beauty inside and out,” pahayag ni Rhea.

Nadagdagan pa ng limang bagong endorsers ang Beautéderm na nagmula rin sa Sparkle GMA Artist Center, na sina Patricia Tumulak, Buboy Villar, Thia Thomalla, Ysabel Ortega, at EA Guzman.

“Beautéderm is beyond grateful and beyond beautiful. We believe that these stars—Patricia, Buboy, Thia, Ysabel, and EA are perfect example for what beyond beautiful means.

“We are dedicated to reaching more people all over the world, making sure they have quality products to rely on—from beauty to wellness products.

And by expanding more, we are able to help more people—from elderly people to our scholars,” pagbabahagi pa niya.
Sa paglago ng negosyo ni Rhea, na natatagpuan sa Angeles City, Pampanga ang Headquarters, mas maraming taong matutulungan.

Para sa Beautéderm CEO, patuloy siyang magbibigay-tulong—free scholarships para sa mga mag-aaral at quality assistance para sa mga matatanda.

Sina Cassy, Bianca, Ruru, Rayver, at Sanya, kasama sina Patricia, Buboy, Thia, Ysabel, at EA, na endorsers ng Blanc Set, an effective and proven skincare regimen that delivers visible results in as early as one week, ay nagpasalamat kay Ms. Rhea.

Ayon sa kanila, “Big thanks to the one and only, Ms. Rhea Tan, for giving us the opportunities to represent her brand Beautéderm. We have the highest respect for her and this opportunity will forever be treasured. Ms. Rhea is the epitome of achieving success not just for herself but also for others. We hope to help the brand continue to sparkle.”
Para sa karagdagang detalye, follow Beautéderm on Instagram @beautedermcorporation, @beautedermcorp on Twitter, and @beautedermcoporation on TikTok; like Beautéderm on Facebook; and subscribe to Beautéderm TV on YouTube.

(ROHN ROMULO)