NAKIKITA namin kay Joaquin Domagoso na tila surreal sa kanya ang lahat ng mga nangyayari sa kanya, lalo na ang sunod-sunod na pagtanggap ng mga awards.

After sa Malacañang, binigyan naman siya sa Manila.

“Binigyan po ako ni Sir Yul (Servo) ni-recognize niya po ‘yung award na binigay rin sa akin na award ng Malacañang, which, I’m very thankful po for Sir Yul. And natuwa rin po ako na nando’n din po ang signature ng lahat ng councilors ng Manila.”

Siyempre, isang Manileño talaga si Joaquin kaya malaking bagay sa kanya na mai-recognize raw siya sa mismong bayan niya. Kahit daw ang Daddy niya, si former Manila Mayor Isko Moreno ay nagulat at natuwa raw nang malaman.

“Shock din ang Papa ko, kasi, he didn’t expected na ire-recognize ako ng Manila,” sey niya.

Mukhang hindi pa matatapos ang pagbibigay ng pagkilala kay Joaquin sa bansa dahil sa naibigay niyang karangalan sa bansa sa pelikula niyang “That Boy in the Dark” na limang Best Actor International awards ang nakuha niya.

Pero inamin ni Joaquin nang makausap namin sa Scott Media na nando’n siyempre ang saya sa mga hindi niya inaasahang maagang pagkilala sa kanya bilang actor, pero nando’n din daw talaga ang nararamdaman niyang matinding pressure.

Aniya, “I’m very happy lang talaga but now that I keep getting awards, I’m stuck with what knowing what to do. Currently, marami na po akong napasalamatan. I’m at the point na, ‘ano na next?’ The awards, yes, I’m thankful, pero parang, what’s next po?”

Sa ngayon daw, patuloy pa rin siyang nagwo-workshop para tuloy-tuloy ang improvement niya sa pag-arte.

“Pero ‘yung pressure, opo, it’s like a lot of people are waiting for you to fail,” pag-amin niya. “Kailangan ko lang din po sigurong ma-sustain,” sabi naman niya.

(ROSE GARCIA)

NAGING sobrang maingat na raw sa kanyang kinikita sa showbiz si Miss Universe Philippines 2020 Rabiya Mateo.

Natuto na raw itong maging kuripot dahil alam niyang hindi magiging permanente ang buhay niya sa showbiz at ayaw niyang bumalik sa dati ang buhay nila.

Ayon sa TiktoClock host: “I’m very sigurista. Siguro dahil panganay ako at nanggaling ako sa walang-wala. So, sa lahat ng bagay at trabaho na ginagawa ko, I make sure na secured yung future ko at ng pamilya ko.

“So now, habang blessed pa talaga ako with my work sa hosting and, hopefully, may matutuloy na teleserye; I just want to save as much as I can. Takot ako bumalik kami sa time na nangungutang, walang makain, napuputulan ng kuryente.”

Kahit na afford na raw ni Rabiya ang mamuhay ng bongga, hindi raw niya naging ugali ang gumastos ng sobra-sobra dahil mas gusto raw niyang ilaan ang mga kinikita sa isang negosyo na makakatulong sa kanyang pamilya.

““I’m looking for investments na po. Pero hindi ko basta ipagkakatiwala ang mga kinikita ko. Pag-aaralan ko pa rin lahat. Kasi, nakikita ko rin na sa showbiz, today gusto ka, pero tomorrow hindi.

“Siguro po mas natatakot ako noon. I need to sacrifice a lot of things para ma-secure ko yung single mom ko kasi wala rin po siyang work. Yung kapatid ko, konti lang din ang kinikita niya bilang physical therapist sa bansang ‘to.”

***

MATAGAL ang hinintay ni Beauty Gonzalez para makagawa siya ng una niyang episode para sa Kapuso real life drama anthology na ‘Magpakailanman’.

Gagampanan ni Beauty ang papel na Diana sa episode na Takas Sa Impiyerno.

“Natupad na rin ang hiling ko na makapag-guest sa MPK. Marami na akong shows na nilabasan sa GMA at dapat makagawa ako ng MPK episode.

“Very proud ako kasi first time akong madirek ni Direk Gina Alajar. Iba talaga ang feeling kapag babae rin ang magdirek sa yo. Maganda ang experience ko working with such a great actress-director.”

Maayos ang pagsamama ng mag-asawang sina Diana at Albert (played by Lucho Ayala) pero masusubukan ang kanilang tibay nang magkasakit ang anak nilang si Lucas (Seth dela Cruz).

Dahil malaking halaga ang kailangan para maipagamot ito, magtatrabaho si Albert bilang isang drug dealer.

Hindi batid ni Diana ang bagong trabaho ni Albert pero mapapansin niya ang pagbabago sa ugali nito. Dito na kasi sisimulan ni Albert na saktan sina Diana at Lucas.

Nang malaman ni Diana na isang drug dealer si Albert, susubukan niyang lumayo dito kasama ang kanyang anak. Magtagumpay kaya si Diana na makatakas kay Albert?

Mapapanood ito sa March 11.

(RUEL J. MENDOZA)

KITANG-KITA ang magandang katawan ni Sanya Lopez sa role na ginagampanan niya sa isa pang groundbreaking drama, set in pre-colonial and modern worlds na “Mga Lihim ni Urduja,” ng GMA Network. 

Sanya plays the role of Hara Urduja kaya, sa costume na suot niya ay hindi maitatago ang magandang hugis ng kanyang katawan.

Kaya hindi kataka-taka na may mga pageant fanatics na nagsasabing pwedeng-pwede siyang mag-join sa beauty contests.

Minsan na nga niyang ipinakita ang kanyang sexy beauty sa isang eksena noon sa “First Lady”.

Pero nang may kumausap daw kay Sanya, sinabi niyang wala siyang balak sa sumali sa mga beauty contests dahil sa pagiging busy niya sa sunud-sunod na projects na ginagawa niya.

“Busy po tayo ngayon, at kung sasali ako sa mga beauty pageants, hindi ko na kakayanin,  Sayang po naman ang mga projects na ibinibigay sa akin kung hindi iyon ang pagtutuunann ko ng oras.”

Sa “Mga Lihim ni Urduja,” maraming bagong ginawa si Sanya kaysa noon sa “Encantadia.” Kinagiliwan nga noong isang gabi ang pagsayaw niya bilang si Hara Urduja.

***

TULAD ni Ashley Ortega, ang lead star ng first figure skating series na “Heart on Ice,” love din pala ni Ina Feleo ang ice skating sport.

Kaya na-excite siya nang isali siya sa GMA Network sa serye, at hindi na siya nagdalawang-isip na tanggapin ito, kahit hindi pa niya alam kung ano ang role na gagampanan niya.

“Iba kasi ang figure skating sport, hindi ito masyadong kilala, di tulad ng ibang sports natin, ang basketball or boxing,” sabi ni Ina.

“Kung tutuusin, marami tayong mahuhusay na figure skaters na lumalaban sa mga competitions abroad, tulad ni Michael Martinez na dalawang beses nang nag-join ng figure-skating sa Olympics.”

Kaya thankful si Ina nang ibigay sa kanya ang role ni Coach Wendy, isa sa pinakamagaling na figure skating coach sa Pilipinas.

Kaya hindi naman nahirapan si Ina sa role niya dahil nag-champion na pala siya sa figure skating 20 years ago. Kasama rin sa cast ang Champion Ice Skater na si Skye Chua, na isa na ring Sparkle GMA Artist.

***

SURE na raw ang pagbabalik ni Asia’s MultiMedia Star na si Alden Richards sa longest running-noontime show na “Eat Bulaga” this Saturday, March 11.  Ayon sa aming source, marami pang fans na hindi na nakakuha ng slot sa APT Studio para sila makapasok at makapanood nang live.

Tinupad daw ni Alden ang pangakong tatapusin lamang niya ang mga nasagutan na niyang TVC shoots ng mga endorsements niya at babalik na nga muli siya sa EB.

(NORA V. CALDERON)