IPINAGDIINAN ni Derrick Monasterio na “nanliligaw” pa rin daw ang status niya kay Elle Villanueva, sa kabila ng mukhang sila na naman.

Pero tingin naman daw niya, malapit na siyang sagutin ni Elle. Ang nagulat kami, being known as may pagka-playboy, kay Elle ay gusto na raw niyang ito na ang pakakasalan niya.

“As much as possible, gusto ko, siya na. ‘Yung gano’n.”

Sinabi ito ni Derrick sa contract signing nila bilang mga ambassadors ng Dermclinic, partikular ang Derm Plus Moisturizing Sunscreen.

“Oo,” pag-amin niya.

“Ang tanda ko na rin, e. Twenty-seven na ‘ko. Kung hindi ko pa rin mahahanap ang babae na para sa akin, magiging para na rin akong ibang actor na matanda na, pero bachelor pa rin.

“Living their life pa rin,” sey niya.

“Anytime soon, gusto ko na stable ako,” ang sagot naman niya kung kailan niya nakikitang magpapakasal.

Sa isang banda, inamin ni Derrick na noong ginagawa nila ni Elle ang “Return to Paradise,” may iba raw siya noon.

“May someone ako that time, pero dumating na medyo malabo na. Hindi na kami gano’n kasaya. Medyo nagdi-drift-apart.”

Diretsahan naman naming tinanong si Derrick kung hindi ba parang love in rebound ang nangyayari sa kanila ni Elle.

“Well, kung ganito ang feeling ng rebound, gusto ko ng magkaroon ng rebound palagi,” walang-gatol na sagot niya.

***

MASARAP talagang kausap si Mikoy Morales.

Naging live guest namin siya sa Marites University.

At dito nga, naitanong namin sa kanya kung ano talaga ang naramdaman niya noong time na nag-reformat ang “Bubble Gang” at isa siya sa natanggal.

Alam kasi namin na nakakasama na rin si Mikoy in-terms of creative ng show. Inamin naman niya na hindi siya magsisinungaling na naapektuhan din siya at napa-isip.

Alam naman daw niya ang nangyari at alam daw niya na hindi siya yung artistang malakas sa social media, pero do’n daw siya napaisip na as an artist, madali siyang mapapalitan.

Pero positive para kay Mikoy ang bagong project, ang stage play na “DickTalk” na produced ng VRoll Media. Para sa kanya, it’s a new avenue for him.

At sabi naman namin sa kanya, isa siya sa limang cast na talagang napakahusay naman bilang si “Cecil.”

Ang “DickTalk” ay magsisimula na sa RCBC Theater sa April 15.

(ROSE GARCIA)

NANGGULAT sa social media ang anak ni Mark Anthony Fernandez na si Grae Fernandez.

Pinost nito sa kanyang Instagram na shirtless siya. Nilagyan niya ito ng caption na: “I miss the Heat.”

Kuha ang naturang sexy photo niya sa Miami, Florida. Bigla tuloy siyang pinagnasaan ng mga nag-init na accla!

Sumikat ang loveteam ni Grae at Kira Balinger sa teleserye na Ang Iyo Ay Akin sa ABS-CBN noong 2020. Yun na kasi ang naging huling TV appearance ni Grae bago ito nawala sa eksena.

Napag-alaman na pagkatapos ng kanyang teleserye noong 2021, lumipad ito for the US at doon na namalagi kasama ang kanyang mother. Dun niya pinagpatuloy ang kanyang pag-aaral kaya iniwan niya pansamantala ang showbiz.

Sa ibang post ni Grae sa IG, ay mas mature na siya at lalo pang guwapo. At dahil 21-years old na siya, hiling ng mga accla na bumalik sa Pilipinas si Grae at maging celebrity endorser ng sikat na underwear brand.

Sayang naman daw ang katawan nito kung hindi niya ise-share!

***

UNTI-UNTI nang nakaka-recover si Carlos Agassi sa natamo niyang aksidente sa kanyang tuhod noong nakaraang taon.

Last month ay natanggal na ang cast sa kanyang kaliwang binti at maayos na siyang nakakatayo at nakakalakad. Pero kailangan pa rin daw niya ng physical therapy para bumalik ang dating lakas ng pareho niyang binti.

Post niya sa Instagram: “Leg update. surgical left leg 140 degree flexion and normal extension, good right leg normal but got bakers cyst from physiotherapy excersises, trying to regain the muscle size of surgical leg to right leg. lesson learn, do your own reserach and do whats good for you.

“No one else will endure, the pain, suffering and expenses of surgery medicine and rehab plus the effort, down time also of not being able to work and do normal routine, trust your gut feel trust yourself. love yourself.”

September 2022 noong maaksidente si Amir habang naglalaro ng baskteball. Napuruhan ang kaliwang tuhod niya at kinailangan niyang sumailalim sa isang surgery para maibalik sa dating puwesto ang kanyang tuhod. Nangamba noon si Amir na baka hindi na siya makalakad ulit dahil sa matinding sakit na pinagdaaanan niya habang nagpapagaling siya.

Ngayon ay mabilis nang nakakapaglakad si Amir at bumalik na siya sa pag-workout ng kanyang legs para muling bumalik ang mga nawalang muscles sa mga ito.

(RUEL J. MENDOZA)

MARAMI nga ang kinilig sa Fast Talk with Boy Abunda noong Huwebes, March 16 dahil sa JulieVer.

Guests nga ni King of Talk Boy Abunda sina Julie Anne San Jose at Rayver Cruz.
Isang two-in-one Fast Talk ang nangyari na kung saan salitan silang sumagot sa mga tanong tungkol sa isa’t-isa.

Isa sa tanong si Kuya Boy, “What do you like about Julie?”

“Everything, Tito Boy. She’s my world,” sagot ni Rayver.

Ang sagot naman ni Julie sa nagustuhan niya sa boyfriend: “he is very loving.”

Marami rin ang kinilig sa tanong kung ano ang tawagan nila sa isa’t-isa.

“Juls, pero sa totoo lang, ang tawag ko sa kanya ay my love” sagot ni Rayver.

“Pumpkin kasi tawag ko sa kanya and love,” sabi ni Julie.

Pagkatapos ng Fast Talk, may binalikan si Kuya Boy sa ilan sa mga sagot nina Julie at Rayver.

Pinaliwanang ng isa celebrity endorser ng Beautederm kung bakit ‘yun ang tawag niya sa Asia’s Limitless Star, “Yun po talaga yung tawag ko sa kanya kasi.

“Ine-express ko po Tito Boy everyday, parang nahihirapan na po ako kapag hindi ko sinasabing love, mahal.”

Pareho naman silang natawa nang tinanong ni Tito Boy kung tuwing kailan sila naiinis sa isa’t-isa.

Kuwento rin ni Julie na naiinis siya kapag ‘di agad nagre-reply si Rayver dahil busy ito sa paglalaro ng mobile game.
“Alam naman ng lahat na gamer ako. Two minutes lang po ‘yun pag ‘di ko nakaka-reply,” natatawang sagot ni Rayver.

Pero kinontra ito ni Julie: “Grabe, hindi kaya two minutes ‘yun. May times (na mas matagal), pero okey lang naman.”
Kaya nasambit tuloy ni Rayver na, “pero itatapon ko na ‘yun. Ikaw lang kailangan ko,” sabi pa ng guwapong aktor.

Sagot naman ni Julie, “‘wag, I know that you love it. So, I’m not gonna take that away.”

Of course, sinagot din ng couple sa tanong na ‘Lights on or lights off?’ pero magkaiba ang sagot nila. Lights on si Rayver, lights off naman si Julie.

Pero humirit pa ang singer/actress na, “Kasi lights on pagkagising. Lights off pag tulog.”

Panunukso naman ng aktor, “Galing ah. Pag paliwanag, ang bilis mo!”

Sa pagtatapos ng Thurday episode ng ‘Fast Talk with Boy Abunda, hiningan sila ng mensahe para sa isa’t-isa.

“Palagi ko namang sinasabi sa kanya na… Gusto ko lang sabihin sa’yo na, this is it,” seryosong tugon ni Rayver.

“Kung hindi mo man alam, pero I’m getting ready kasi ikaw na talaga ang nakikita kong makakasama ko habang-buhay.”

Dagdag pa ng 33-year old actor, “noon kasi, nagre-ready ako for myself. But now, I’m getting ready para sa mga future plans ko and future ko with her.”

Maikli lang ang naging sagot ni Julie pero malaman, “Basta kung nasaan ka, nandoon ako.”

Kasunod nito ang masaya at malakas nilang tawanan.

Aliw na aliw din si Kuya Boy sa pagtatapos ng interview na parang ayaw na niyang tapusin at napaupo pa siya sa floor.

At bago tuluyang magsara ang naturang episode, humirit pa ang King of Talk para sa JulieVer, “kung nasaan kayo, naroon kami, dahil mahal namin kayo. Maraming-maraming salamat!”

(ROHN ROMULO)