IT’S sad to know na sa kabila ng pagiging masayahin ni Carla Abellana ay may mga heart conditions pala siya.

Biro niya sa isang interview, “best friend ko na ang cardiologist ko.  May “tachcardia” ako which means my heart is beating faster than normal.

“Meron din akong neurocardiogeneric syncope na nahihirapang mag-circulate and blood sa brain ko kaya madalas akong mahilo at himatayin kaya medyo may adjustment po ako sa diet.”

Sa biro kung ready na siyang ma-fall in love again, sagot ni Carla, busy siya sa pag-aayos at paglipat niya sa bago niyang bahay.

May bago rin siyang project sa GMA Network, and “Stolen Life,” na muli nilang pagtatambalan ni Gabby Concepcion at first time nilang pagsasamahan ni Beauty Gonzalez sa GMA Afternoon Prime.

***

HINDI naman makapaniwala si Sparkler actress Bianca Umali na gagawa siya ng isang movie na makakasma si Superstar Nora Aunor.

“Parang panaginip ang lahat sa akin nang matanggap ko ang balita, super excited ako,” wika ni Bianca.

Wala pang details kung ano ang story at kung sinu-sino ang bubuo sa cast ng movie.  Pero naka-schedule na raw ang shooting nila sa Siquijor.

Balita ring inaayos na ng GMA Network and susunod na teleserye ni Bianca, ang fantasy series na “Sang’gre.”

(NORA V. CALDERON)

MEGASTAR Sharon Cuneta and Asia’s Multimedia Star Alden Richards will play mother and son sa movie titled “A Mother & Son’s Story.”  

First time na magkakasama sila sa isang project at pwede naman silang mag-ina na nga dahil ang eldest daughter ni Sharon, si KC Concepcion turned 38 years old na last April 7, while si Alden naman turned 31 years old noong birthday niya last January 2.

Ilang raw na silang nagsu-shooting ng movie nang mag-IG post si Sharon ng conversation nila ni Alden sa shooting:

“Alden said this in 2019!  Ngayon ko lang nga nakita ito nung sinend niya sa akin.  It has been a long time since I did a movie like ours (A Mother & Son’s Story) – simple and straight-forward, funny and touching and just all-around feel-good!

“And it has been some time since I last “fell in love” with a co-star in a movie. @aldenrichards02 and I talked lengthily for the first time only when we did workshops for this new project, and were both amazed at how much we had in common that might as well have given birth to him!

“We are now so bonded, and my three younger children now have a Kuya!  In our scenes together, it is so very easy to call up emotions because he truly is like my own son.

“God never fails to surprise me – this year He out of the blue brought me and Alden together and I cannot be more thankful.  I love Alden so truly and sincerely and still cannot believe how very similar we are!

“We are bit sorry that you might get to watch our movie in December pa – but we feel that December would be the perfect time to show you our little gift – the Christmas season being a time for family and love.

“Hang in there – we promise it will be worth the wait!”

Sinagot ni Alden ang post ni Sharon ng “Love you, Ma!” na sinagot muli ni Sharon ng, “@aldenrichards02, I love you so much my son.  Di na tayo talaga maghihiwalay kahit tapos na ang movie natin.  Ako na talaga ang Mama mo!”

Sagot muli ni Alden: @reallysharoncuneta, for keeps, Ma!  Thank you for everything!”

Intended ang movie sa coming Metro Manila Film Festival this December, 2023.

(NORA V. CALDERON)

TOTOO pala na hiwalay na ang komedyanteng si Cai Cortez sa Tunisian husband nito na si Wissem Rkhami.

Kinasal ang dalawa noong 2016 at meron silang dalawang anak. Ayon sa kuwento ng aming source, taong 2021 daw noong magkaroon ng problema sa pagsasama ng dalawa na nauwi na sa hiwalayan.

Sa programa na “Fast Talk with Boy Abunda’ na isiniwalat ni Cai na hiwalay na sila ni Wissem at single parent na siya sa dalawang anak nila.

“Being a single mother to my two kids. Kaya namin and we are happy and thriving. Hindi lang masabi na nabubuhay pero thriving, happy,” sey ni Cai.

Wala raw natatanggap na child support si Cai mula sa ex-husband niya kaya kayod-marino sa pagtrabaho ang aktres.

“Importante ang pera kasi may dalawang anak ako eh at ako ang sole provider, kaya hindi puwedeng matigil ang pagpasok ng pera. Kasi ayokong umasa sa iba,” diin pa ni Cai.

Thankful si Cai sa kaibigan na si Kakai Bautista dahil sa suporta na binigay nito nung magdesisyon siyang iwan ang tatay ng mga anak niya.

“Isa si Kakai sa mga nagturo sa akin kung gaano ako ka-special bilang tao. She was a stepping stone in realizing na hindi dapat ako pumapayag na mabastos, ma-disrespect. And kaya kong tumayo sa sarili kong paa.

“Ang babae kasi mapagtiis eh. For the peace tatahimik ka, so akala nila okay lang ‘yon. But no. Itinuro niya (Kakai) sa akin na kailangan mong magsalita, kailangan mong ipaglaban ang sarili mo para sa mga anak mo,” ayon pa kay Cai.

(RUEL J. MENDOZA)

NAKASASABIK pero nakakakaba ang pinagdaraanan ngayon nina Angge (Yukii Takahashi) at Bryce (Wilbert Ross), mga bida sa serye ng Puregold Channel, na “Ang Lalaki sa Likod ng Profile”.

Isipin mo: nakalutang ka sa ulap, inaalala ang nakaw na tingin at tawanan ninyo ng espesyal mong kaibigan, at dama mong mayroong potensyal na relasyong higit sa pakikipagkaibigan na namumuo sa pagitan ninyong dalawa.

Isusugal mo ba ang lahat at ipagtatapat ang iyong nararamdaman, kahit na maaaring magbago ang dinamiko ng inyong pagkakaibigan? Worth it ba na ilagay sa panganib ang maganda namang relasyon?

Habang nalilito rin sina Angge at Bryce kung magtatapat sila sa isa’t isa, ibinahagi ng cast ng hit na serye na “Ang Lalaki sa Likod ng Profile” ang naiisip nila tungkol sa pag-amin sa kaibigan, na maaaring mauwi sa happily ever after, o sa pagkawala ng isang matalik na kaibigan.

Ayon kay Migs Almendras, na gumaganap na Ketch sa digital na serye, “Hindi ako magtatapat, kasi pinahahalagahan ko ang pagkakaibigan higit sa ideya ng pakikipagrelasyon sa isang tao.”

Si TJ Valderrama, na gumaganap bilang Cyrus, nadala na dahil sa mga pangyayayari sa nakaraan. “Na-try ko nang umamin sa isang tao na nagustuhan ko, pero nasira ang pagkakaibigan namin. Naging awkward ang mga bagay at hindi na kami close gaya ng dati. Ngayon, kapag may nararamdaman ako para sa isang kaibigan, hindi ko muna pinapansin at lumalayo ako nang kaunti.”

Maaari ding makaapekto sa desisyon ang tapang, sabi nga ni Anjo Resurreccion, na gumaganap bilang Jerry, “Dahil torpe ako, hindi ako aamin kahit kanino. Ayaw kong maramdaman ang sakit ng rejection.”

Para naman sa iba pang cast nang pinag-uusapang digi-serye, dapat kang umamin kapag may nararamdaman para sa kaibigan.

Say ni Kat Galang, si Genski sa serye, “Wala namang mali sa pagpapahayag ng totoo mong nararamdaman, lalo na kung espesyal ito. Gusto kong maging honest sa kaibigan ko na mayroon akong special feelings, at hindi ako aasa na mayroon siyang ibibigay sa akin pabalik. Plus points kung gusto ka din niya. Kung hindi, balik na lang sa friendship!”

Sabi ng bidang aktres na si Yukii Takahashi, na gumaganap bilang Angge sa serye, kailangan tayong maging tapat sa nararamdaman. “Ipapaalam ko sa tao ‘yung nararamdaman ko, at titingnan ko kung may mangyayaring maganda mula doon.”

Si Wilbert Ross naman, o si Bryce, ibinahagi na sa palagay niya, mayroong mga taong okay lang na manatiling kaibigan, lalo na kung hindi pareho ng nararamdaman ang isa. “Mararamdaman naman natin kahit kaunti kung may gusto rin sa atin ang kaibigan natin. Kung ganito, bakit hindi aamin? Baka maging kayo!”

Kahit iba-iba ang pananaw nila sa isyu, sang-ayon ang lahat na mahalagang pundasyon ng pangmatagalang relasyon ang pagkakaibigan.

Sabi ni Moi Marcampo, na si Chili Anne sa serye, “Lahat ng relasyon dumadaan sa pagkakaibigan. Mas mabuting kilala niyo ang isa’t isa bago magdesisyon na maging magkarelasyon.”

Sinesegundahan naman ito ni Star Orjaliza, o ni Yaya Aimee sa ALSLNP. “Kailangan may pundasyon. Kilalanin muna ang isa’t isa bago pumasok sa susunod na level.”

Marami pang miyembro ng cast ang naniniwalang kailangan ang pagkakaibigan sa isang pagmamahalan, gaya nina TJ, Kat at Anjo.

“Mahalaga ang pagkakaibigan sa pakikipagrelasyon. Dumadali ang mga bagay. Mahirap makipagrelasyon, pero kung nararanasan mo ang buhay kasama ang isang tao na tinuturing mo ring kaibigan, nagiging mas masaya,” sabi ni TJ.

“May respeto sa dalawang partido kapag nagsimula silang magkaibigan, na para sa akin, mas matatag sa pagmamahal,” ani Anjo.

Dagdag ni Kat, “Sa huli, mas genuine ang pakiramdam ng relasyon dahil kilala ninyo ang isa’t isa sa malalim na paraan.”

Nabanggit naman ni Marissa Sanchez, na gumaganap bilang nanay ni Bryce na si Bessie, ang pagpapakasal. “Walang limitasyon ang pakikipagkaibigan, habang ang relasyon naman ay puwedeng mayroon. Kaya ang palagi kong payo: magpakasal ka sa kaibigan mo.”

Sang-ayon dito si Yukii. “Kung nakikipag-date ka dahil gusto mong ikasal sa hinaharap, dapat ang partner mo, bestfriend mo rin, dahil ito talaga ang susi sa mabuting pakikipagrelasyon.”

Siyempre, ganito rin ang perspektiba ni Wilbert. “Ang pinakamaayos na partner na puwede mong piliin ay isang bestfriend, isang taong nandiyan lagi para sa iyo, at isang taong maaasahan ka, ano man ang mangyari.”

Sa nakaraang mga episode ng digital na serye, real-life friends na sina Bryce at Angge, at lumagpas na sila sa pagiging birtwal na magkaibigan. Habang mukhang gusto nilang manatiling magkaibigan, pareho nilang hindi maitanggi ang nararamdaman para sa isa’t isa.

Bubuksan ba nina Angge at Bryce ang kanilang mga puso, at ile-level up pa ang kanilang relasyon? O may mga pagsubok at hadlang na darating–gaya ng mga dating mangingibig, at isyu sa pamilya?

Abangan ang pinakabagong episode ng “Ang Lalaki sa Likod ng Profile” ngayong Sabado, June 24, 7 p.m., sa opisyal na Puregold YouTube Channel.

Gusto mo ba ng LIBRENG entertainment? Mag-subscribe na sa Puregold Channel sa YouTube. Para sa marami pang update, i-like ang @puregold.shopping sa Facebook, at i-follow ang @puregold_ph sa Instagram at Twitter, at @puregoldph sa Tiktok.

(ROHN ROMULO)

SOLID DongYan fan ang sikat na vlogger na si Zeinab Harake kaya naman hindi kataka-taka na napaiyak siya noong makita at makaharap niya ng personal sa isang event ang magandang misis ni Dingdong Dantes na si Marian Rivera.

Sa isang episode ng “Fast Talk with Boy Abunda” ay ikinuwento ni Zeinab na lahat ng projects ng mag-asawa, tulad ng “Marimar”, ay napanood niya.

At nang makita niya si Marian sa unang pagkakataon nang personal sa isang event, sinabi ni Zeinab na hindi niya napigilan na maiyak.

“Kasi parang nananaginip ako na isang batang naglalaro lang ng ‘Marimar’ dati sa trisikelan ngayon makakaharap yung idol niya,” sinabi pa ng vlogger.

Nang tanungin ni Tito Boy si Zeinab kung ano ang una niyang nasabi kay Marian, tugon niya…

“Sobrang ganda. Iyon yung una mong sasabihin sa kaniya. Kahit sino namang kausap niya pagtingin mo, ‘Ay! ang ganda ni mama may spotlight ang mukha.’

“Ang ganda talaga ni Ate ‘Yan.

“At hindi lang sa mukha [maganda], puso niya gustong-gusto ko.”

Kaya naman natutuwa niya na nagiging kaibigan na niya ang kaniyang idolo.

Samantala ay sumasailalim na si Zeinab sa acting workshop dahil mag-aartista na siya.

***

AMINADO si Herlene Budol na kabado siya sa pagpasok sa pageant.

Nadoble pa ang kanyang nerbiyos dahil nakatakda na ring magsimula ngayong Lunes, June 26, ang bago niyang GMA Afternoon Prime series na ‘Magandang Dilag’.

“‘Yung kaba na ‘yun, ‘yun ‘yung magpapapursigi pa sa ‘yo ng mas sobra-sobra dahil hindi ka nagiging petiks, hindi ka nagiging kalmado. Ibig sabihin, gigil ka sa lahat ng ginagawa mo,” pahayag ni Herlene.

Excited na rin daw siyang mapanood ng mga Kapuso ang serye dahil sigurado siyang maraming makaka-relate rito.

“Sobrang ganda noong kuwento. Hindi naman nakakalayo sa kung ano ‘yung mga na experience ko sa buhay. Ang ganda noong story na hindi ko akalain na mangyayari at magagawa ko po ng tama.

“As Gigi Robles naman po, wala po siyang pinagkaiba as Herlene. Sobrang trying hard niya sa lahat ng bagay. Gusto lang niyang maging masaya ‘yung pamilya niya.

“Also, ayaw niyang napapagod dahil may goal siya sa buhay niya na kailangan niyang ma-achieve in the future,” kuwento ni Herlene.

Sinabi rin niya na pursigido pa rin siyang sumali sa beauty pageants kahit na patuloy na gumaganda ang takbo ng kanyang showbiz career.

“Kahit anong marating ko sa buhay ko, titingala pa rin ako. Kahit gaano na ako kataas, titingala pa rin ako. Ibig sabihin noon, every time na mayroon akong naa-achieve, nangangarap pa rin po ako,” saad ni Herlene.

Kamakailan ay nakatanggap ng kritisismo si Herlene dahil sa tila paliguy-ligoy niyang sagot sa casual interview sa isang event ng Miss Grand Philippines 2023.

Sinabi naman niyang isang pagkakamali lang ang nangyari at patuloy niyang isusulong ang pagsasalita ng Tagalog sa mga pageants na sasalihan niya.

(ROMMEL L. GONZALES)