• July 18, 2024
  • Search in People's Balita

  • Ang Diyaryong Pinagkakatiwalaan

 

Archive for July 4th, 2023

PH, nakatakdang matamo ang digital payments target

Posted on: July 4th, 2023 by @peoplesbalita No Comments

SINABI ng Bangko Sentral ng Pilipinas na “on track”  ang digitalization efforts sa Philippine payments system para makamit ang target na i-convert ang kalahati ng kabuuang retail payment sa  digital form para ngayong taon ng 2023.

 

 

Sinabi ng BSP sa report nito na may pamagat na 2022 Status of Digital Payments noong nakaraang taon,  “digital platforms accounted for an overall sare of 42% of the number of all transactions that year, rising from 30% in the previous year.”

 

 

Pagdating sa value, kinakatawan ng digital payments ang 40% ng lahat ng transaksyon, bumaba mula sa 44% noong 2021.

 

 

Sa nasabing report,  naayos ng BSP ang kabuuang transaksyon na $195 billion kung saan $78.17 billion ang nagawa digitally.

 

 

“The latest results show that we are steering in the right direction as we move closer to our goal of converting at least half of total retail payments volume into digital form by the end of 2023 under the  BSP Digital Payments Transformation Roadmap,” ayon kay outgoing BSP Governor Felipe Medalla sa isang kalatas.

 

 

Sinabi ni Medalla, Ipinakita lamang ng bilang o pigura ang deliberate reforms at initiatives na ang BSP at ang nagawa ng gobyerno ay tumutugon sa “shifting need’ ng publiko tungo sa mas epektibong payments services.

 

 

“Since the pandemic, which broadened digital payments adoption and acceptance, the upward trajectory of digital payment usage has been sustained,” anito sabay sabing ” We need to carry on to maintain this trend, focusing on the overall value-adding experience of using digital payments.”

 

 

“As the party doing the payment, the government was the “most cash-lite” as it made 96% of all its payments digitally,” ayon sa ulat.

 

Ang dalawang iba pang uri ng payors, individual (55%) at business (10%).

 

 

In terms of value, 63% o $47.6 billion of payments ng indibiduwal ay ginawa  sa pamamagitan ng digital channels.

 

 

“Business paid digitally  at $19.78 billion o 18% ng kabuuang transaction value habang ang gobyerno ay mayroong $10.75 billion o 98% ng kabuuan.

 

 

“Merchant payments, person-to-person (P2P) transfers, and salaries and wage payments were the top contributors to the increasing adoption of digital payments,” aniya pa rin. (Daris Jose)

Gagawin ang lahat para walang maiwang gutom at mayroong magandang kalidad ng buhay

Posted on: July 4th, 2023 by @peoplesbalita No Comments

TINIYAK ni Pangulong Ferdinand R. Marcos Jr. sa mga mamamayang Filipino na gagawin ng kanyang administrasyon ang lahat upang walang maiwan kahit na isang nagugutom at ine-enjoy ng lahat ang kanilang mas maayos na kalidad ng buhay.

 

 

Sa naging talumpati ng Pangulo sa pagdiriwang ng ika-56 founding anniversary ng lalawigan ng Davao del Sur, sinabi nito na ang  pagbibigay ng  “best services” sa mga mamamayang Filipino ay kanyang paraan para ipaabot ang kanyang pasasalamat para sa tiwala at kumpiyansa sa kanyang administrasyon.

 

 

“With the local government focusing on all aspects of your daily life that we have identified in the national agenda, we can look forward to a boost in local businesses, improved daily transactions, and an overall better quality of life,” ayon sa Pangulo.

 

 

Isa sa mga programa ng gobyero para bawasan ang pagkagutom at kahirapan sa mga pamilyang nabibilang sa “lowest income bracket ay ang “food stamp” program ng  Department of Social Welfare and Development (DSWD).

 

 

Sa isinagawang first en banc meeting ng  National Anti-Poverty Commission (NAPC)  sa Palasyo ng Malakanyang, ipinag-utos ng Pangulo sa mga ahensiya ng pamahalaan na  gamitin ang  whole-of-government approach para labanan ang long-standing problem ng kahirapan sa Pilipinas.

 

 

Tiniyak naman ng Pangulo sa mga mamamayan ang buong suporta ng gobyerno upang masiguro ang tagumpay ng kanilang inisyatiba “and the success of the people and of the province of Davao del Sur.”

 

 

“Muli, uulitin ko ang aking pagpasalamat sa inyong suporta at tulong at pag-alala sa nakaraan,” ayon sa Pangulo.

 

 

“Huwag sana po kayong magsawa at kami naman ang aming isusukli sa inyong pagmamahal ay ang aming pawis na hindi mauubos hangga’t masasabi natin tapos na ang trabaho, hangga’t masasabi natin wala ng gutom na Pilipino,” dagdag na wika nito.

 

 

Samantala, binigyang diin ng Punong Ehekutibo  na walang hanggan ang kanyang pasasalamat sa mga residente ng  Davao del Sur para sa patuloy na pagmamahal at suporta ng mga ito sa kanya lalo na noong panahon ng  May 2022 presidential elections.

 

 

Inulit naman ng Pangulo ang kanyang panawagan na pagkakaisa.  (Daris Jose)

Ads July 4, 2023

Posted on: July 4th, 2023 by @peoplesbalita No Comments

ENTER THE RED DOOR, CATCH MIDNIGHT SCREENINGS OF INSIDIOUS: THE RED DOOR ON JULY 5

Posted on: July 4th, 2023 by @peoplesbalita No Comments

MIDNIGHT is the witching hour! Be among the first to see Insidious: The Red Door by booking tickets for July 5, at 12:01 am, in these participating cinemas:

 

  • AYALA MALLS CINEMA GREENBELT 3

  • EVIA LIFESTYLE CENTER

  • FISHERMALL CINEMA QC

  • NOMO LIFESTYLE CENTER

  • SM CINEMA BATAAN

  • SM CINEMA CDO DOWNTOWN PREMIER

  • SM CINEMA CEBU

  • SM CINEMA CLARK

  • SM CINEMA DASMARINAS

  • SM CINEMA DAVAO

  • SM CINEMA FAIRVIEW

  • SM CINEMA GRAND CENTRAL

  • SM CINEMA ILOILO

  • SM CINEMA MALL OF ASIA

  • SM CINEMA MARIKINA

  • SM CINEMA MEGAMALL

  • SM CINEMA NORTH EDSA

  • SM CINEMA SEASIDE CEBU

  • TEATRO DE DAPITAN ZAMBOANGA

  • VISTA MALL MALOLOS

  • VISTA MALL PAMPANGA

  • VISTA MALL STA. ROSA

  • VISTA MALL TAGUIG

 

**Due to demand of horror fans, cinemas offering midnight shows may still be expanded.**

 

Watch the “What’s Behind the Red Door” featurette: https://youtu.be/5HDU2jYnaZI

 

Insidious: The Red Door brings the original cast (Patrick Wilson, Ty Simpkins and Rose Byrne) back together for the epic conclusion to the terrifying saga of the Lambert family. Directed by Wilson and produced by Jason Blum, Oren Peli, James Wan, and Leigh Whannell, the much-anticipated horror film opens in cinemas July 5. Book your tickets now: SM Cinemas https://bit.ly/InsidiousTheRedDoorAtSMCinema, Ayala Malls Cinemas www.sureseats.com, Vista Cinemas https://bit.ly/Insidious5AtVistaCinemas, Fisher Mall Cinemas https://fisherboxoffice.fishermall.com.ph

 

Watch the film’s final trailer at https://youtu.be/3NOce4Ky6PQ

 

About Insidious: The Red Door

 

In Insidious: The Red Door, the horror franchise’s original cast returns for the final chapter of the Lambert family’s terrifying saga. To put their demons to rest once and for all, Josh (Patrick Wilson) and a college-aged Dalton (Ty Simpkins) must go deeper into The Further than ever before, facing their family’s dark past and a host of new and more horrifying terrors that lurk behind the red door.

The original cast from Insidious is back with Patrick Wilson (also making his directorial debut), Ty Simpkins, Rose Byrne and Andrew Astor. Also starring Sinclair Daniel and Hiam Abbass. Produced by Jason Blum, Oren Peli, James Wan and Leigh Whannell. The screenplay is written by Scott Teems from a story by Leigh Whannell, based on characters created by Leigh Whannell.

 

Opening in Philippine cinemas July 5, Insidious: The Red Door is distributed by Columbia Pictures, local office of Sony Pictures Releasing International.  Connect with the hashtag #InsidiousMovie

(ROHN ROMULO)

LTFRB magbubukas ng 3 bagong ruta

Posted on: July 4th, 2023 by @peoplesbalita No Comments

MAGBUBUKAS ng tatlong bagong ruta ang Land Transportation Franchising and Regulatory Board (LTFRB) dahil sa napipintong paghinto ng operasyon ng serbisyo ng Philippine National Railways (PNR).

 

 

Ang mga sumusunod na bagong ruta ay ang FTI-Divisoria via East Service Road, Alabang (Starmall) – Divisoria via South Luzon Expressway para sa mga public utility buses (PUBs), at Malabon-Divisoria para sa mga Modern Public Utility Jeepneys (MPUJ).

 

 

Ayon sa LTFRB ay may 30 PUBs ang inaasahang tatakbo sa rutang FTI-Divisoria at 25 units sa rutang Alabang (Starmall) – Divisoria.

 

 

Habang may 5 units ng MPUJ ang tatakbo sa rutang Malabon-Divisoria na maaari pang mabago ang bilang depende sa bilang mga pasahero.

 

 

“The effect of the closure of these select PNR stations on commuters will be quite substantial, so through these PUV routes, we hope to lessen the impact of the closure. We appreciate the help of the PNR in identifying the routes, and we know that once the NSCR is completed, its benefits will be truly worth in terms of passenger mobility along our railways, which is regarded as one of the most convenient and affordable modes of public transportation in the country,” wika ni LTFRB chairman Teofilo Guadiz III.

 

 

Dagdag ni Guadiz na ang pagpili sa mga operators sa mga bagong bukas na ruta ay nasa ilalim ng “Consolidated Guidelines on the Process of Issuance of Certificate of Public Convenience and Provisional Authority/ Special Permit Under the Omnibus Franchising Guidelines and Public Utility Vehicle Modernization Program” ng pamahalaan.

 

 

Kinakailangan lamang na ang mga units na tatakbo sa mga bagong ruta ay hindi na tataas sa 5 taon na dapat ay nakalagay sa Certificate of Registration ng Land Transportation Office (LTO). Dapat din ay may special permit ang mga units na valid lamang ng 1 taon na puwedeng magkaron ng renewal kada taon hanggang ang North-South Commuter Railway (NSCR) ay fully operational na.

 

 

Ayon din sa LTFRB na ang existing pamasahe sa mga PUBs na pinayagan ng LTFRB ang siyang ipatutupad sa mga nasabing bagong ruta.

 

 

Halos 5 taon na sususpendidhin ng PNR ang operasyon ng serbisyo nito upang bigyan daan at ng maging mabilis ang pagtatayo ng proyektong NSCR.

 

 

Ang rutang Alabang-Calamba ng PNR ay suspendido na simula kahapon, July 2 upang bigyan daan ang NSCR. LASACMAR

PBBM tiniyak ang mas maayos at modernong transportasyon sa bansa

Posted on: July 4th, 2023 by @peoplesbalita No Comments

SINIGURO ni Pangulong Ferdinand Marcos Jr. sa sambayanang Pilipino ang mas maayos at modernong transportasyon at ginagawa ng kaniyang administrasyon ang mga nararapat na hakbang upang makamit ang layuning ito.

 

 

Ginawa ng Pangulo ang pahayag ng dumalo ito sa paglagda ng loan agreement para sa Davao Public Transport Modernization Project (DPTMP) kahapon sa Davao City.

 

 

Ayon sa chief executive ang mga proyektong kagaya ng DPTMP ay magbibigay daan sa modernisasyon ng transportasyon at paglago ng ekonomiya sa bansa.

 

 

Ang DPTMP ay isang integrated network na binubuo ng 29 na ruta na magkokonekta sa mga pangunahing commercial center ng Davao City.

 

 

Samantala, pinasinayaan din ng Pangulong Marcos Jr. ang pagbubukas ng Davao City Coastal Bypass Road (DCCBR) Segment A kasama si Vice President at Education Secretary Sara Duterte at iba pang kawani ng gobyerno.

Sa yearly list ng People Asia Magazine: ALFRED, kasama sa pararangalan sa ‘Men Who Matters 2023’

Posted on: July 4th, 2023 by @peoplesbalita No Comments

HANDA na raw ulit si Rita Daniela na bigyan ng second chance ang pag-ibig.

 

 

 

Marami ang nanghinayang sa apat na taong relasyon ni Rita sa ex-boyfriend nito na ama ng kanyang baby boy na si Uno.

 

 

 

Pero matagal na raw na naka-move on ang Kapuso singer-actress at nandun pa rin daw ang pangarap niyang magsuot ng wedding gown at ikasal ng bongga sa isang simbahan.

 

 

 

Pero bago raw mangyari ito, priority raw ni Rita ang kanyang anak na si Uno.

 

 

 

“It’s still one of my dreams na maglakad na naka-wedding gown. Part pa rin ‘yun ng aking pangarap. But I want to be the best mom for my son. Kaya lahat ng atensyon ay ibubuhos ko sa kanya. Si Uno muna bago ang sarili ko,” sey ni Rita na malapit na ring nagbalik fulltime sa pag-arte sa isang teleserye.

 

 

 

***

 

 

NAPABILANG si Alfred Vargas sa taunang listahan ng People Asia Magazine ng ‘Men Who Matters 2023’.

 

 

 

Napili ang list base sa personalidad na nakagawa ng significant contributions and changes sa larangan ng business, politics, society, pop culture, the arts, and entertainment.

 

 

 

Ang ‘Men Who Matter’ ay grupo ng esteemed gentlemen na pinipili parangalan ng People Asia, na isang bi-monthly magazine, na nagfi-feature ng movers and shakers, decision-makers and opinion-leaders sa loob at labas ng bansa.

 

 

 

Hindi nakakapagtataka na mapasama si Alfred sa listahan ngayong taon dahil bukod sa kanyang pagiging aktibo niya ulit sa showbiz, naging mahusay din siyang public servant noong pasukin niya ang politics bilang konsehal at congressman.

 

 

 

Noong pasukin nga raw ni Alfred ang politics noong 2013, pinag-isipan daw niya ng husto ang desisyon na ito dahil alam niyang makakaapekto ito kahit paano sa kanyang showbiz career.

 

 

 

“I remember my manager then, Lolit Solis, asking me, ‘Anak, are you sure?’ She told me, win or lose, my showbiz career would never be the same again should I come back. For sure, there were offers for me to run, but even without them, I would have still run. I told Nanay Lolit, yes!”

 

 

 

Noong manalo si Alfred, hindi siya nag-rely sa kanyang pagiging popular na aktor dahil pinagtrabahuan niya ang lahat ng pinangako niya noong mangampanya siya. Naging masipag siya sa kanyang advocacy na maiangat ang kalidad ng buhay ng mga PWDs, nakapag-author at naipasa niya ang 93 laws and 1,200 measures. Natawag ngang isang “prolific lawmaker” si Alfred during his term as congressman.

 

 

 

Kaya wala raw pagsisisi si Alfred sa pagpasok niya ng politics: “No regrets. Politics is 10 times more stressful than showbiz, but 10 times more fulfilling. Showbiz will always be my first love, but public service is my true love.”

 

 

 

Bukod kay Alfred, kabilang rin sa Men Who Matter sina Coco Martin, DILG Secretary Benhur Abalos, MMDA Chairman Romando Artes, Grab Philippines Director For Deliveries Greg Camacho, Sto. Niño De Paz Chaplain Fr. Dave Concepcion, Leeroy New, Dr. Jose Pujalte Jr., Chris Yu, Josh Boutwood, Sandeep Uppal and Fred Hui.

 

 

 

Huling napanood si Alfred sa GMA afternoon teleserye na ‘AraBella’.

 

 

 

***

 

 

 

ANG cameo role ni Kim Cattrall as Samantha Jones sa final episode ng ‘And Just Like That’ season 2 ng HBO ay nagpa-excite sa maraming fans ng ‘Sex and the City’ na sumubaybay sa series mula 1998 hanggang 2004.

 

 

 

Sey ni Kim na hindi pa raw siya ready na magpaalam sa character niyang si Samantha Jones.

 

 

“This isas far as I’m going to go. I don’t think I’ll ever say goodbye to Samantha. She’s like a lot of other characters that I’ve done over the years. I get very emotionally attached and protective of my characters. She gave me so much, and I’m so appreciative of her.”

 

 

 

Pumayag si Kim na lumabas sa final episode ng ‘And Just Like That’ pero wala siyang ibang kasama sa eksena. Isang phone conversation yung scene with Carrie Bradshaw played by Sarah Jessica Parker.

 

 

Nagkaroon ng fallout ang friendship ng dalawa ng tumangging gawin ni Kim ang third ‘Sex and the City’ film noong 2016.

 

 

Gusto na raw mag-move on ni Kim to play other roles on TV. Naging successful naman siya sa paggawa ng spin-off na ‘How I Met Your Father’ for Hulu, ‘Filthy Rich’ for Fox and ‘Glamorous’ for Netflix.

 

 

(RUEL J. MENDOZA)

Happy mom dahil muling nabuo silang tatlo: KRIS, kinailangang pabalikin agad si BIMBY at sumama naman si JOSHUA

Posted on: July 4th, 2023 by @peoplesbalita No Comments

MASAYA si Queen of All Media Kris Aquino na muling nakasama ang kanyang dalawang anak na sina Joshua at Bimby.

 

 

Sa Instagram post ni Kris, ibinahagi niya na bumalik na sa Amerika ang mga anak mula sa short vacation sa Pilipinas.

 

Sa panimula niya, “There are so many people to thank for the love,care, and compassion they gave me & the 2 i love most. I’ve already started sending my personal THANK YOU messages.

 

 

“My pictures were ready to share- memorable moments of kuya Josh & bimb w/ their Tito Noy timed for his 2nd death anniversary, but each time i tried to edit, i kept crying- because i can never forget how much he hated when the 3 of us weren’t together.”

 

 

Kuwento pa ni Kris kung kailangan na niyang pabalikin sina Bimb, “i’d like to believe my “Kuya”is still keeping his deathbed promise to our mom, to be patient & protective of “bunso”, kuya Josh, and bimb… it was on June 24 LA time, making it Sunday, June 25 in the 🇵🇭 (🇵🇭 is 15 hours ahead of LA) when i told bimb the deep bone pain i felt in my joints & lower back was getting worse, walking was becoming harder because of my swollen right knee, and i needed him to please come back earlier.

 

 

“Since naka FaceTime, i asked kuya kung gusto nyang sumama to visit mama in LA? Nagulat ako when he said “yes, mama – sama ako with bimby sa LA.” i told Kuya to think about it. Nag FaceTime kami the next morning and i asked- what’s your decision, kuya? He said: mama, i’ll visit you in LA. I asked him SURE KA NA BA? Siguro tumatak na kay kuya, ang sagot nya: SURE NA.”

 

 

Say pa ni Kris, “i wanted for Bimb to experience normal teenage life & kuya’s happy place is Alto, our family compound in Tarlac… pero mahirap mag chemotherapy medication as part of my immunosuppressant therapy without the support system of family.

 

 

“i’m allergic to all NSAIDS, pain relievers, pain killers, and i have an adverse reaction to all steroids. Aamin ako w/ methotrexate + Fasenra (my biological injectable, tapos na ko sa 1st cycle) ang feeling ko 3-4 days of extreme fatigue, chills, headaches, and everything has a metallic taste. Bedridden ako at halos ‘di makagalaw- sa lahat ng dumaan sa matinding chemotherapy- saludo ako sa tatag ninyo.

 

 

“Kuya & Bimb are my living reminders to not give up because they still need a healthier mama. ‘Pag mahal mo, hinding hindi ka susuko, itutuloy ang LABAN.

 

 

“Tonight i’ll sleep “siksik” in between my 2 giants. Muling nabuo kaming 3, thank you God for making me a very happy mama.”

 

 

Sa latest IG post ni Kris, patuloy siyang nagpapasalamat sa patuloy na nagdarasal sa kanyang paggaling…

 

 

“Kahit matindi ang pinagdadaanan, i remain very grateful to God for blessing me with my 2 sons and blessing us with so many Prayer Warriors.

 

 

“Thank you for including my healing in your prayers even though you don’t even know me personally.

 

 

“When i read your comments, i get teary eyed because i ask myself- what did i do to deserve this outpouring of concern & compassion? Maraming salamat dahil sa gitna ng mga sarili nyong mga problema, naiisip nyo pa rin isama ako at ang mga anak ko sa inyong panalangin. God bless you more.”

 

 

Reaction naman ng mga netizen:

 

 

“She looks healthier. Not a fan but I do wish for her recovery. She seems like a good mother.”

 

“Prayers for you Miss Kris. 🙏🙏🙏”

 

“I wish one day makabalik siya sa TV as host.”

 

“I’m happy na starting na to look healthy again di Krissy. I hope her chemo will work or at least help.”

 

“na-teary eyed naman ako..ewan ko ba hindi naman fan ni ms.kris..pero dahil nakalakihan ko na since GKNB…winiwish ko na gumaling at mas lumakas pa sya.”

 

“grabe yung salubong ni bimby sa mom nya. nakakaiyak.”

 

“Pina-uwi si bimby para mag-aral then balik ulit si bimby, stay strong bimby and Aquino family.”

 

“I love Kris, kaka-touch naman yun video. Prayers for you Kris.”

 

“Her only source of strength and happiness talaga yung mga anak nya, kesehodang may lovelife na sya.”

 

“Love Bimby and Josh, u can feel love nila Mama nila talaga!”

(ROHN ROMULO)

Walang ginamit na public funds para sa kontrobersyal na video ng “Love the Philippines”

Posted on: July 4th, 2023 by @peoplesbalita No Comments

DUMIPENSA ang DDB Philippines, ang advertising agency na gumawa ng kontrobersiyal na audio-visual presentation ng tourism slogan campaign na “Love the Philippines” ng Department of Tourism (DOT) na wala umanong public funds na nagastos para dito.

 

 

Ito ay matapos umamin ang naturang ad agency na gumamit ito ng ilang hindi orihinal na video at hindi kuha sa Pilipinas para sa bagong tourism campaign video.

 

 

Paliwanag ng naturang ad agency na sarili nilang inisyatibo at gastos ito para tumulong na maipakilala ang bagong slogan.

 

 

Sa isang statement, humingi ng tawad ang ad agency kay DOT Secretary Christina Frasco at sa mga Pilipino sa paggamit ng video clips mula sa ibang bansa gaya ng Indonesia, Thailand at Dubai.

 

 

Saad pa ng agency na bagamat isang standard practice umano sa industriya ang paggamit ng stock footage sa mood videos dapat aniya na sumunod ito sa maayos na screening at proseso ng pag-apruba.

 

 

Ang naturang presentation din aniya ay ginawang isang mood video para ma-excite ang internal stakeholders sa naturang kampanya. (Daris Jose)

VP Sara, pinuri si PBBM sa kanyang unang taon bilang Pangulo ng Pilipinas

Posted on: July 4th, 2023 by @peoplesbalita No Comments

PINURI ni Vice President Sara Duterte si Pangulong Ferdinand Marcos Jr. sa matagumpay na unang isang taon nito sa pamamalakad sa bansa bilang  halal na Pangulo.

 

 

Sinabi ni Duterte na pinatunayan lamang ni Pangulong Marcos sa unang taon niya bilang Pangulo na determinado ang kanyang gobyerno na tupdin ang lahat ng kanyang mga ipinangako noong eleksyon.

 

 

“Masaya po ako na ako’y bahagi ng isang administrasyon na nakatuon sa pagpapalakas ng ating bansa — at agresibo sa pagpapatibay ng ating ekonomiya; pagkakaroon ng sapat na trabaho at hanap-buhay; pagtugon sa hamon ng kahirapan; pagbibigay ng suporta sa mga sektor tulad ng mga mangingisda, magsasaka, at mga manggagawa; pagpapatayo ng mga importanteng imprastraktura; pagpapaganda ng kalidad ng edukasyon at kalusugan para sa mga Pilipino; at ang pagpapalakas ng relasyon ng Pilipinas sa ibang bansa,” ani Duterte.

 

 

Hunyo 30, 2022, nanumpa na bilang ika-17 pangulo ng Pilipinas ang 64-anyos na si Ferdinand “Bongbong” Marcos Jr. Siya ang ikatlong anak ng dating pangulo na nasundan ang yapak ng kanilang mga magulang.

 

 

Si Bongbong ay anak ni dating Pangulong Marcos Sr., na naging pangulo ng bansa mula 1965 hanggang sa mapatalsik siya sa puwesto noong 1986 sa People Power Revolution.

 

 

“Makikita ng lahat ang sipag at pagpupursigi ng ating mahal na Pangulo na ituloy ang mga magagandang pagbabago na nasimulan ng nakaraang administrasyon — at magpakilala ng mga bagong programa at proyekto upang mabigyan ng ginhawa ang buhay ng ating mga kababayan,” ani Duterte.

 

 

Sa kabilang dako, sinabi ni Duterte na nagpapasalamat ang  Department of Education at Office of the Vice President (OVP) para sa suporta  ni Pangulong Marcos para sa mga programa para sa mga kabataang Filipino.

 

 

Nanawagan naman ang Pangulo sa  buong bansa na suportahan ang administrasyong Marcos at pagtibayin ang kanilang pagkakaisa laban sa mga hamon na darating sa kanila.

 

 

Nananawagan ako sa lahat ng ating mga kababayan na suportahan ang administrasyon ni Pangulong Marcos upang maisakaturapan ang mga adhikain nito para sa ating lahat. Sana ay mas palakasin pa natin ang ating pagkakaisa — at gamitin natin itong sandata upang malampasan ang mga darating na hamon sa atin bilang isang bansa,” ayon kay Duterte. (Daris Jose)

People's Balita.
All rights reserved. © Copyright 2024.