SOBRANG saya ang pa-surprise bonding ni Ms. Rhea Anicoche-Tan kasama ang SPEEd officers and members last Friday, July 7, na kung saan nagpa-set up siya ng bonggang dinner na pang-presscon ang dami ng foods and desserts.

Hindi lang ‘yun at may set-up din ng pang-acoustic na puwedeng makipag-jamming. Kaya naman, isang tawag lang ni Ms. Rei kina Kakai Bautista, DJ Jhai Ho at Thia Thomalla, na pawang available, ay sumugod agad sila Beautederm HQ sa Angeles, Pampanga, para makipag-bonding.

Napuno nga ng kantahan ang gabing ‘yun, na sinimulan ng CEO at President ng Beautederm, na pinamalas ang kanyang sweet voice.

Na sinundan ng mga members ng SPEEd at ni DJ Jhai.

Pagkarating na pagkarating ni Kakai mula sa Manila, na natrapik sa NLEX, ay sumalang agad ito sa pagkanta na naging mini-concert niya. Na ang ilang ay pawang hugot songs, na sobrang ganda ng kanyang renditions, kahit na mapanakit.

Natapos ang gabi sa masasayang kanta at nagka-indikan pa. Kaya naman, wish namin na maulit pa ang masayang bonding at magkaroon ng mas mahabang oras.

Anyway, hindi naman nakaligtas si Kakai na interview-hin, na kung saan una niyang sinagot ang patutsada sa kanya ng isang motivational speaker at social media personality, na hindi na nga raw siya maganda, ay mukha pa siyang pera.

Say ng komedyana at mang-aawit, “Mukha talaga akong pera. Sino bang hindi mukhang pera? Naku lahat ng tao mukhang pera. Dyusko hindi tayo makakakain kung wala tayong pera. Ano ‘to, ‘di ba?

“So, depende ‘yun sa tao kung hanggang saan ‘yung pagiging mukhang pera niya. Kung gagamitin niya ba ‘yun sa masama o mabuti. ‘Di ba mukha akong pera kasi maraming umaasa sa akin at marami akong gustong matulungan lalo na ‘yung family ko.

“Siyempre ‘di ba, uunahin natin ‘yung pamilya natin ‘di ba. Kapag marami kang pera, marami kang mapapasaya. Totoo ‘yan ‘di ba?”

Ibinalita rin ng biriterang mang-aawit na naibili na niya ng sariling bahay ang mga magulang sa Laguna, “Two years ago pa tapos ‘yung isang mala­king, good achievement ko this year is nakabili na rin ako for myself. Diyan lang sa tabi-tabi.

“So happy na ‘ko at least ‘di ba, inuna ko muna ‘yung family ko bago ako.”

Natanong din si Kakai kung nararamdaman ba niyang may kulang pa sa buhay niya ngayon.

“Ayan na naman tayo, eh. Wala. Punumpuno pa ako. Punumpuno ako. Masyado akong happy mag-isa ngayon,” depensa pa niya.

“Saka ang goal ko ngayon mapasaya ko ‘yung mga magulang ko saka ‘yung mga kapatid ko kasi gusto makapag-travel kami. So mukha akong pera. Magtatrabaho ako.

“Recently kasi first time kasing umalis ng Papa ko abroad kasi 70th birthday niya. So trineat ko sila ni Mama sa Hong Kong. First ever nila ‘yun. Business class ko sila tapos hindi naman bonggang hotel.

“Alam mo ‘yun para lang maranasan nila. Kasi ako travel ng travel eh ‘di ba ‘pag magulang natin gusto nila ‘yung oh birthday, ‘nak perahin mo na lang. Sabi ko this time, hindi, aalis tayo, Ma. Alis tayo, Pa.

‘Yung pinsan ko kasama ko. Apat lang kami so pinasyal ko lang talaga si Mama’t Papa sa Disneyland. Kasi ‘yung pinsan ko first time rin niya. So sabay ko lumaki ‘yung pinsan ko.

“Hindi pa siya nakakaalis ng bansa. So, first time niya umalis ng Pilipinas. So, nag-Disneyland kami, namasyal kami, kumain kami ng masarap kasi parang ako naman ‘yung travel nang travel dahil nga privilege ko ‘yun sa work ‘di ba.”

Isa si Kakai sa mga favorite Beautederm ambassador ni Ms. Rei dahil bukod sa mabait at magaling kumanta at mag-show lalo na kapag ka-tandem niya si DJ Jhai, ay napakasipag ding mag-promote.

‘Di tulad ng ibang ambassador na medyo tamad mag-social media at mag-promote kaya malamang hindi na sila ma-renew.

Bukod sa sikat na sikat na Beautederm line, ipinakilala na nga ni Ms. Rei ang bago niyang kumpanya na BlancPro, na kung saan si Kapuso Primetime Queen Marian Rivera ang official endorser.

Bagong player sa beauty industry, ang BlancPro ay sub-brand/affiliate ng Beautéderm at ito ay nag-o-offer ng epektibong skincare products pero sa mababang halaga.

“Marian Rivera has been a dear friend for many years. As the official endorser of Beautéderm Home, her effectiveness in representing the brand has been undeniable, leading my team and me to select her as the face of BlancPro.

“Marian embodies grace, confidence, and beauty,” ayon pa sa statement ni Ms. Rei na very positive na magiging successful din ang bagong kalalabas lang na skin line, na carry na maabot ng masa.

(ROHN ROMULO)

KASALUKUYAN nang napapanood ang award-winning Kapuso adventure series na ”Lolong” sa Indonesia, na may titulo roon bilang “Dakkila.”

Pinalabas na noong nakaraang Lunes ng gabi ang “Dakkila” sa Indonesian channel na ANTV.

Narito ang naka-post sa Facebook ng ANTV:

“TODAY!! Don’t miss watching the story of Dakkila starting Monday, July 10 at 09.30 pm only on #ANTVRame

“Make sure you have also installed Set Top Box on your TV and re-scan ya. Now re-scanning is easier! @rurumadrid8 @shairadiaz_ #DakkilaANTV #Lolong”

Ang “Dakkila” ay gaya rin ng pangalan ng buwaya o crocodile sa kuwento na si Dakila.

Ang naturang adventure series ay tungkol kay Lolong, karakter ni Ruru Madrid, na nakabuo ng pagkakaibigan sa buwayang si Dakila.

Kasama ni Ruru sa cast sina Christopher de Leon, Shaira Diaz, Paul Salas, Jean Garcia, Ian de Leon, Rochelle Pangilinan at Arra San Agustin.

***

HABANG wala pang bagong proyekto si Ai-Ai delas Alas sa Pilipinas, nagtatrabaho ito bilang activity director sa isang nursing home sa Amerika.

Trabaho ng Comedy Concert Queen ang asikasuhin ang daily activities ng mga seniors na naka-reside sa naturang nursing home.

“’Pag ‘yung everyday na buhay ko, pumapasok ako as activity director. Pero kapag Saturday and Sunday, may mga shows din ako, may mga upcoming shows ako and concerts so ganun ang buhay ko rito.

“Bilang activity director, ikaw ‘yung mag-iisip dun sa mga residente kung ano ‘yung gagawin nila na magiging masaya sila. Like magbi-bingo sila, tapos meron din mga computer,” sey ni Ai-Ai.

Fulfilling daw kay Ai-Ai ang magtrabaho sa isang nursing home dahil nakatutulong siya sa maraming senior citizens. Naaalala rin daw niya ang mga seniors na tinulungan niya rito sa Pilipinas.

Nabanggit din ni Ai-Ai na baka matagalan pa bago siya makauwi ng Pilipinas dahil kasalukuyang nagpapagaling din siya sa kanyang sakit na Myokymia, isang unilateral and uncontrollable twitch ng kanyang eyelids na sanhi ng stress. Kabilang daw sa stress na iyon ay ang pagbiyahe niya.

“Pasensiya na, alam n’yo naman ang nangyari sa akin. Hindi na ako nakauwi dahil hindi na kaya ng katawan ko ang sobrang pabalik-balik. Di na kinaya ng katawan ko kasi parang nabugbog na ako sa jetlag at masyadong biyahe.

“Kasi ‘yung last na biyahe ko, parang medyo hindi maganda ang nangyari. Parang 30 hours akong nagbiyahe,” paliwanag ni Ai-Ai na mapapanood sa pelikulang ‘Litrato’.

***

SA edad na 56, maalindog pa rin ang Hollywood actress na si Salma Hayek. Kaya noong National Bikini Day last July 5, wala itong kiyeme na mag-post ng kanyang bikini photos sa social media.

Tunay na may asim pa rin ang Mexican-American star sa suot niyang colorful bikini with matching loopy earrings habang naka-pose siya sa swimming pool. Hindi nga magpapakabog si Salma sa mga mas bata sa kanya lalo na pagdating sa pagpapa-sexy sa social media.

“Happy #NationalBikiniDay! Can you believe the bikini has only been around for 77 years?! Let’s hope they don’t ban them too #notathrowback,” caption ni Salma.

Pinusuan ng maraming netizens ang post ni Salma dahil wala raw pagbabago sa seksing katawan nito na una niyang pinakita sa pelikulang ‘From Dusk Till Dawn’ noong 1996.

Huling nagpakita ng kanyang alindog sa pelikula si Salma ay sa pelikulang ‘Magic Mike’s Last Dance’ kunsaan nakasama niya ang isa sa tinawag na Sexiest Man Alive na si Channing Tatum.

(RUEL J. MENDOZA)

NGAYONG Friday, July 14, ang simula ng 5^th anniversary presentation ng “Amazing Earth PH” na magpapasimula ng GMA Best WKND Ever.  

Simula kasi iyon ng pagbabago ng schedules tuwing weekend ng mga GMA shows.  Mapapanood muna si Kapuso Primetime King Dingdong Dantes, sa mystery action series na “Royal Blood,” at pagkatapos mapapanood na siya hosting “Amazing Earth”.

Sa zoom interview kay Dingdong, naniniwala siyang mag-i-enjoy ang mga viewers ng show, even the kids, dahil pwede silang magpuyat dahil kinabukasan ay wala silang classes.

Marami naman silang mapapanood sa “Amazing Earth” na matututunan since mga bagong episodes naman ang kanilang ipalalabas, at 9:35 p.m.

Sa sunud-sunod bang projects na ginagawa ni Dingdong, may time pa siyang maka-bonding ang mga anak na sina Zia at Sixto?

“Yes, kahit busy sa work, may nakalaan kaming time ni Marian para sa kanila,” sagot ni Dingdong.

“Like kapag nagbo-voice over ako ng mga ipinalalabas kong episodes, na ginagawa ko sa bahay namin, kasama ko sila. Nakikipanood sila at minsan nagko-comment pa, lalo si Zia na nakakaintindi na ng ginagawa ko.  Kaya kung minsan may naririnig na boses ng bata sa voice over ko.”

Nagbigay pa si Dingdong ng ilang pwedeng mapanood sa mga coming episodes ng show. Isa raw dito ang paggi-guest ng love team nina Sofia Pablo at allen Ansay, na sumamang mag-clean-up ng Pasig River.

Dream din ni Dingdong na makapag-shoot siya (with Marian) ng isang episode ng “Amazing Earth,” na kukunan sa South Africa or Iceland.

                                                            ***

KAHIT pala si Kapuso Primetime Queen Marian Rivera ay back-to-work na rin.  Last Tuesday, July 11, nagsimula na siyang mag-taping.

Sa ‘Chika Minute’ ipinakita si Marian na nagti-taping na, kasama ang gumaganap niyang anak, si Raphael Landicho.

“Mixed emotions ang naramdaman ko nang nasa set na ako,” sabi ni Marian.  “Biniro pa ako ni Gabby kung sigurado na raw ba ako na tuloy na ang pagtatambal namin.  Sabi ko, “yes, tuloy na tuloy na tayo.’

“Bukod sa teleserye, magsisimula na rin kaming mag-shooting ni Dong ng comeback movie namin, ang ‘Rewind’ na pasado nang entry sa coming Metro Manila Film Festival this December.”

Tuloy pa rin si Marian na mag-host ng OFW documentary na “Tadhana” na napapanood every Saturday, 3:20 pm sa GMA-7.

                                                            ***

NAMI-MAINTAIN ng “Eat Bulaga” ng TAPE, Inc. ang kanilang daily rating.

May mga nagsabing tiyak daw nagugustuhan ng mga viewers ang segment ng show na “G sa Gedli,” hosted by former Manila Mayor Isko Moreno kasama si Buboy Villar or si Betong Sumaya, na nagbibigay ng tulong at saya sa mga personal nilang kinakausap na mga ‘people on the street.”

Isa nga sa nakausap nila ay ang kambal na may kapansanan, sina Jaylo at Jaymar, sa Valenzuela City, na nagbabantay sa maliit nilang tindahan ng bulaklak, kandila at iba pa, habang wala ang mga magulang nila.  Malapit sa cemetery ang lugar nila.

Si Jaylo ay Grade 7 na pero si Jaymar ay Grade 4 pa lamang,  Hindi nakakalakad si Jaymar kaya binubuhat siya ng ama para makapasok sa school.  Dream ni Jaymar na maging isang engineer.  Binigyan ni Yorme si Jaylo ng pera pambili ng wheel chair ni Jaymar at dagdag na puhunan ng tindahan nila.

Ayon kay Jaymar gusto niyang maging isang engineer para mapatayuan niya ng bahay ang parents nila.  Doon na tumulo ang luha nina Yorme at Betong, ganoon din ang mga hosts at manonood sa APT Studio.

(NORA V. CALDERON)