DUMALO sa preliminary investigastion o PI sa Department of Justice (DOJ) kahapon,Biyernes sina Cassandra Ong, Shiela Guo at iba mga Chinese na inireklamo.

Ayon sa DOJ, ang reklamong money laundering laban kina Ong,Guo at iba pa ay “submitted for resolution “na.

Ayon kay Senior Asst. State Prosecutor Charlie Guhit, naghain sila ng counter affifavit.

Ani Guhit, may mga respondent na bigong makapaghain ng kontra-salaysay.

Ang PI nitong Biyernes ayon kay Guhit ay ang huling PI na para sa reklamong money laundering laban sa mga respondent.

Ayon pa kay Guhit, reresolbahin ang reklamo batay sa mga testimonya at mga nakalap na ebidensya.

Matatandaan na sinampahan ng reklamong money laundering sina Alice Guo, Ong at iba pang respondents na sinasabing lumahok sa paglilipat ng pondo mula sa ilang fraudulent sources.

Sakop ng imbestigasyon ang bilyun-bilyong pisong halaga ng transaksyon sa bank accounts ni Guo at assets mula 2019 hanggang 2024.

Kasama rin ang bank accounts at ari-arian ng pamilya Guo, mga POGO at bank accounts ng mga ito, at shell companies na may kaugnayan sa kanila. GENE ADSUARA

Dahil sa hindi naman daw bumababa ang presyo ng imported rice sa merkado, nais ni House Deputy Majority Leader Rep. Erwin Tulfo na ­tanging ang Department of Agriculture (DA) na lang ang mag-angkat ng bigas mula sa ibang bansa.

“Binabaan na nga ng Pangulo ang taripa ng imported na bigas ng mga negosyante, pero ang presyo sa merkado nasa P50 to P60 pa rin ang kilo”, ayon kay Cong. Tulfo.

“Dont tell me walang saysay ang pagbaba ng taripa. So saan napupunta ang savings sa taripa? Dapat sa mga tao di ba?,” tanong ng mambabatas.

Aniya, mukhang ang nakikinabang lang ay ‘yung mga importer, therefore kailangan nating kumilos na”.

Maghahain ng panukalang batas si Cong. Tulfo ngayong araw kasama sina Cong. Edvic Yap at Jocelyn Tulfo ng ACT-CIS Partylist, Benguet Rep. Eric Yap, at Quezon City Rep. Ralph Tulfo na bigyan ng kapangyarihan ang DA na mag-import ng bigas para ibenta sa mga palengke.

Ayon sa panukalang batas, kung magkano nakuha ng DA ang bigas sa ibang bansa, ay siya na rin ang magiging katumbas na presyo sa ating merkado.

“Dahil bawal magbenta ang DA ng bigas, isasama natin sa panukala na ang mga interesadong rice retailers ay maari ng mag-apply bilang licensed kadiwa outlets sa DA”, paliwanag ni Tulfo.

Nakasaad din sa naturang panukalang batas na kapag panahon ng anihan ng palay, itigil ng DA ang pagbibigay ng import permit ng bigas sa lahat para maprotektahan ang local manufactured rice at ang interes ng mga magsasaka. (Daris Jose)

BAHAGYANG lumakas ang Severe Tropical Storm Nika kasabay ng pagkilos nito pakanlurang bahagi ng Philippine Sea sa silangan ng Quezon.

Sa update ng PAGASA bandang alas-2 ng hapon, huling namataan ang sentro ng bagyo 425 kilometro ang layo sa silangan ng Infanta, Quezon.

Taglay nito ang lakas ng hanging aabot sa 110km per hour at pagbugso na 135 kph. Kumikilos ito pakanluran sa bilis na 30 kph.

Itinaas na sa Signal No. 2 ang Tropical Cyclone Wind Signals sa ilang lugar sa Luzon kabilang ang Northern at central portions ng Aurora; Isabela; Quirino; Southern portion ng Cagayan; Nueva Vizcaya; Kalinga; Mountain Province; Ifugao; Eastern portion ng Benguet; Northern portion ng Nueva Ecija at Northeastern portion ng Pangasinan.

Posibleng mag-landfall si Nika sa Isabela o Aurora ngayon umaga o bago magtanghali, Nobyembre 11.

Inaasahang lalabas ng Philippine Area of Responsibility (PAR) si ‘Nika’ tanghali o gabi ng Nob. 12. (Daris Jose)

PAYAG ang mga lider ng Quad Committee ng Kamara de Representantes na sagutin ang gastos sa pamasahe at akomodasyon ni dating Pangulong Rodrigo Duterte dumalo lamang ito sa pagdinig kaugnay ng mga kaso ng extrajudicial killing sa kanyang war on drugs campaign.

Handa umanong magpatak-patak sina Quad Comm overall chair Robert Ace Barbers, at mga co-chairman na sina Dan Fernandez, Bienvenido “Benny” Abante Jr., at Joseph Stephen “Caraps” Paduano, vice chair Romeo Acop, Senior Deputy Speaker Aurelio “Dong” Gonzales Jr., at Deputy Speaker David “Jay-jay” Suarez para hindi maging hadlang ang gastos sa pagdalo ni Duterte sa pagdinig sa Nobyembre 7.

“If finances are truly an issue, we’re ready to cover his travel and accommodations ourselves. This is about the people’s right to know the truth about alleged abuses in his administration’s anti-drug operations,” sabi ni Rep. Barbers.

Sa nakaraang panayam, sinabi ni Duterte na wala itong panggastos kaya hindi nakadalo sa pagdinig ng Quad Comm.

Ang hindi pagdalo ni Duterte ay ikinalungkot ng mga kongresista gaya nina Majority Leader Manuel Jose “Mannix” M. Dalipe, House Assistant Majority Leaders Jay Khonghun ng Zambales at Paolo Ortega ng La Union, na nagsabi na maaaring natatakot si Duterte sa mga tanong kaya hindi ito dumalo.

Sa nakaraang pagdinig, sinabi ni Paduano, chair ng Committee on Public Accounts, na maaaring intensyonal ang hindi pagdalo ni Duterte.

Pero sa sumunod na sulat ni Delgra sinabi nito na nagdesisyon ang dating Pangulo na huwag dumalo dahil hindi na umano ito kailangan matapos siyang humarap sa pagdinig ng Senado at gagamitin lamang umano ito ng Kamara upang siya ay makasuhan.

Sinabi ng mga lider ng Quad Comm na seryoso sila na nais matanong si Duterte upang malaman ang katototohanan.

Ayon kay Acop anv kahandaan ng mga lider ng komite na gumastos ay isang pagpapakita na nais ng mga ito na makapagsagawa ng malalim na imbestigasyon para malaman ang katotohanan.

Iginiit naman ni Gonzales ang kahalagahan ng pagkakaroon ng transparency. “We’re willing to support Duterte’s travel and accommodations for him and his entourage if that’s what it takes. It’s our duty to ensure those responsible are held accountable,” sabi nito.

Naniniwala naman si Suarez na mahalaga ang testimonya ni Duterte sa pagdinig.

Sa kabila ng paulit-ulit na imbitasyon, hindi dumalo si Duterte sa pagdinig ng Quad Comm pero nakadalo ito sa pagdinig ng Senado sa unang imbitasyon pa lamang nito. (Vina de Guzman)