INAPRUBAHAN ni Pangulong Ferdinand R. Marcos Jr. ang panukala ng Private Sector Advisory Council’s (PSAC) na maglunsad ng shopping festival sa buong bansa at pagaanin ang visa at immigration process para mas lalo pang mapalakas ang turismo sa Pilipinas.

Ibinigay ng Pangulo ang kanyang go signal sa isang pagpupulong sa Palasyo ng Malakanyang kasama ang tourism sector ng PSAC matapos na ipresenta ng huli ang Ilan nitong rekumendasyon para palakasin ang tourism industry kasunod ng paglagda sa Republic Act (RA) 12079 o Value Added Tax (VAT) Refund for Non-Resident Tourists.

Isa sa pangunahing rekumendasyon ng PSAC ay ang paglulunsad ng nationwide “Shopping Festival Philippines” na sasabay sa nalalapit na pagdiriwang ng Bagong Taon.

Sinabi ng Presidential Communications Office (PCO) na ang panukalang shopping festival ay magbibigay ng insentibo sa mga dayuhang bisita, inaasahan na magbubunsod ng mas mataas na paggasta at mataas na tourism revenue.

“We’ve talked about this shopping festival. Again, I think it’s properly categorized as an easy win. So, we’ll do that,” ang sinabi ni Pangulong Marcos sa miting nito sa PSAC, ayon sa PCO.

Sa ilalim ng RA 12079, “tourists can claim a refund on the VAT for goods personally purchased at accredited retail outlets within 60 days, provided they meet a minimum transaction requirement of P3,000.”

Sa bagong batas, may pagtataya na 30% ang itataas sa tourist spending , mapakikinabangan ito kapuwa ng large-scale industries at micro, small and medium enterprises (MSMEs).

Base sa data ng Department of Tourism, ang inbound tourism expenditure sa shopping o pamimili ay umabot sa P137.4 billion noong 2023.

Nakikita naman ng Pangulo na walang magiging balakid sa rekumendasyon ng PSAC na pagaanin ang visa access sa American, Japanese, Australian, Canadian, Schengen (AJACS) at American, Japanese, Australian, Canadian, Schengen, Singapore or UK (AJACSSUK) visa holders.

Aniya, ang inisyatiba ay “the first thing” ng kanyang agenda.

“I think we should stop messing around with this system. It’s so clear already. And again, it’s something that we don’t have to pilot because it has been done for us in many, many airports,” ang winika ng Pangulo.

Gayunman, hindi naman kaila kay Pangulong Marcos na ang naturang rekumendasyon ay kailangan ng masusing pag-aaral lalo na sa aspeto ng seguridad.

Ipinag-utos din ng Chief Executive ang masusing pagrerebisa sa rekomendasyon ng PSAC na palawakin ang ‘immigration experience’ sa pamamagitan ng pagpapakilala sa digital identification system na paggamit ng biometric data, gaya ng facial recognition o fingerprint.

Aniya, ang pagpapahusay sa immigration procedures ay nagbibigay katiyakan ng tuloy-tuloy na transaksyon at ligtas na pagproseso ng paglalakbay.

“It’s just a question really of putting the systems in and getting the hardware, and then slowly educating everybody how to use that hardware. For me, it’s just a question of adopting the technology and learning how to use it. As I said, everybody else in the world is doing it already,” ang sinabi ng Punong Ehekutibo.

Samantala, sinabi ni Pangulong Marcos na ang rekomendasyon ng sektor ng turismo ng PSAC ay mahalagang inisyatiba para maka-akit ng mas maraming turista sa bansa. (Daris Jose)

UMAPELA ang Akbayan Partylist sa Department of Transportation (DOTr) na pagisipan muli ang desisyon nitong ibasura ang suhestiyon na palawigin ang operating hours ng mga rail systems—LRT-1, LRT-2, at MRT-3.

Hinikayat pa ng partylist ang ahensiya na makipagdayalogo sa mga commuters at sagutin ang kanilang hinaing.

“Makinig at makisimpatiya naman ang DOTr sa ating mga commuters imbes na agarang magsara ng pinto sa panukalang i-extend ang MRT-LRT operations,” ani Akbayan Representative Perci Cendaña.

ayon sa mambabatas, araw araw ay kumakaharap sa paghihirap anfg mga commuters, lalo na yaong mga BPO workers at night-shift employees.

Ang pagpapatupad ng isa o dalawang oras na extension ay makakatulong ng malaki sa mga manggagawa lalo na sa pagbibigay ng ligtas, episyente at maasahang transportation options matapos ang mahabang oras ng trabaho.

Hinikayat pa nito ang DOTr na magpatawag ng isang comprehensive dialogue sa mga stakeholders upang talakayin ang posibleng options sa extension ng operating hours aat iba pang reporma.

“Sana bago ishoot down ang proposal kausapin muna ang lahat ng stakeholders para mapagusapan anong mga possible options sa pagextend ng MRT-LRT operating hours. Halimbawa, pwede namang iextend pa rin ang operations pero tuwing MWF lang or kung anong days of the week mataas ang ridership. Maraming options. Kung gusto may paraan. Kung ayaw may dahilan,” dagdag nito. (Vina de Guzman)

NAKATAKDANG maglunsad ang Bureau of Internal Revenue (BIR) ng national crackdown laban sa pagbebenta at paggamit ng pekeng person with disability (PWD) identification cards (IDs) dahil malinaw ang pagkalugi sa kita ng gobyerno mula sa tax evasion scheme na umaabot na sa halagang P88 billion.

Sinabi ni BIR Commissioner Romeo Lumagui Jr. na ipinag-utos na niya sa lahat ng opisyal na makipagtulungan sa ibang ahensiya ng pamahalaan para mapigilan ang paggamit ng pekeng PWD IDs.

Tinukoy ang data mula sa kamakailan lamang na pagsisiyasat sa Senado, sinabi ni Lumagui na ang ‘revenue losses’ mula sa paggamit ng pekeng IDs ay umabot na sa P88.2 billion sa taong 2023 lamang.

Sa ilalim ng batas, kabilang sa mga benepisyo ng PWDs ay 20% discount at exemption mula sa value-added tax (VAT) sa ilang kalakal at serbisyo.

Gayunman, sinabi ng BIR na ang mga taong walang konsensiya ang nage-exploit ng nasabing sistema sa pamamagitan ng pagbebenta ng pekeng PWD IDs sa mga mandaraya at desperadong nais na mapabilang sa benepisyo.

“These fake IDs are not only sold on the streets but also through online market places, making them easily accessible,” ayon sa BIR.

“People who sell and use fake PWD IDs are not only committing tax evasion, they are also disrespecting legitimate and compliant PWDs. The discount given by law to PWDs is for the improvement of their well-being and easing of their financial burden,” ang sinabi ni Lumagui.

“It is not some common discount card that is accessible to the general public. Expect the BIR to run after fake PWD ID sellers and users,” aniya pa rin.

Samantala, ipagpapatuloy naman ng BIR ang pagsasagawa ng tax audits sa mga transaksyon na may kaugnayan sa PWDs na ini-report ng mga establisimyento.

“As required under the regulations, establishments must provide records of sales to PWDs, including the name of the PWD, ID number, disability, and the amount of discount and VAT exemption given,” ayon sa ahensiya.

Ibeberipika rin ng BIR kung lehitimo ang IDs na isinumite ng establisimyento.

Ia-assess din ang VAT-exempt sales na iniuugnay sa pekeng IDs na may kaukulangan sa VAT, kabilang na ang multa at interest.

Samantala, nangako naman ang BIR na paiigtingin ang pakikipagtulungan nito sa mga kaugnay na ahensiya ng pamahalaan kabilang na sa Department of Health at National Council on Disability Affairs, para iberipika ang pagiging lehitimo ng PWD IDs. (Daris Jose)

MULING nanawagan ang isang mambabatas kay Vice President Sara Duterte na harapin ang ginagawang imbestigasyon ng National Bureau of Investigation (NBI) at iba pang ahensiya kaugnay sa umanoy death threat laban kay Presidente Marcos.

Ang panawagan ay ginawa ni Rep. Ramon Rodrigo Gutierrez ng 1-Rider Partylist matapos na hindi dumalo ang VP sa ikalawang pagkakataon sa NBI hearing kaugnay sa death threat laban sa pangulo. Dumalo naman ang abogado nito.

“I think it’s unfortunate, although we respect the decision of the OVP. I think the opinion was that based on their lawyer’s advice, they can just file a counter affidavit. However, we were of the position that the Vice President should take every avenue to clear their name, to clear the office’s name, clear her name,” ani Gutierrez.

Binaggit nito na nagsuspinde pa ang House Committee on Good Government and Public Accountability ng kanilang pagdinig upang makaadalo ang VP sa imbestigayon ng NBI na nakasabay sa araw ng hearing sa kamara.

“So you can see very clearly where we stand. We’re here to afford her the opportunity to answer po the allegations even from other government bodies. We repeat po yung panawagan namin and we hope the she participates not only in the NBI, I understand marami na pong nasampang kaso. I hope she participates with the all the agencies as far as the rule of law is concerned po,” pahayag nito. (Vina de Guzman)