NAGBABALA ang Bureau of Immigration (BI) laban sa lumalalang bilang na POGO-like scam hubs na patuloy na nagre-recruit at pananamantala sa mga Pinoy.

Ang scam hub na ito ay katulad sa illegal na POGO na pinipilit ang mga biktima sa online activities kabilang ang catphishing at investment scams.

“In 2024 alone, we intercepted 118 Filipinos linked to online scamming schemes. This year, we are seeing a more brazen approach, with traffickers constantly shifting their tactics,” ayon kay Viado.

Ang pagpapauwi sa 12 Filipino na biktima ng trafficking galing sa Myanmar na magpapatunay na laganap ang ganitong scam hubs.

Pinangakuan ang mga biktima ng trabaho pero nauwi sa online scammers at dumating pa ito sa physical abuse, mahabang oras ng trabaho na walang bayad at nauuwi pa ito sa electric shocks bilang kaparusahan  ang ni-rescue ng gobyerno.

“Our immigration officers remain on high alert, but we urge Filipinos to stay vigilant and verify job offers through legitimate government channels before traveling abroad,” he said. “The government is working tirelessly to protect you, but vigilance starts with you—be cautious and safeguard yourself from these scams,” ayon pa kay Viado. (Gene Adsuara)

SINABI ng Commission on Elections sa mga botante na dapat pumili ng kandidato sa 2025 elections base sa kanilang paninindigan sa mga isyu hindi base sa kanilang personalidad.

Binanggit ni Comelec Chairman George Garcia ang kahalagahan na obserbahan ang mga kandidato sa panahon ng kampanya at alamin ang kanilang pamana sa mga problema ng bansa.

Ang pahayag ay ginawa ni Garcia kung kung maaaring pilitin ng poll body ang mga kandidato na dumalo sa mga debate para sa 2025 elections.

Inulit ni Garcia na habang walang batas na nagre-require sa mga kandidato na makilahok sa mga debate, sinabi niya na lahat ng kandidato ay dapat atasan na iprisinta ang kanilang plataporma sa harap ng publiko.

Aniya, dapat may karampatang parusa sa disqualification for refusal to attend election debates.

“Yun po, kailangan sana namin ng batas sa bagay na yan”, sabi ni Garcia.

Sinabi rin niya na ang pagpasa ng batas na nag-uudyok sa mga kandidato na dumalo sa mga debate ay isang paghahanda para sa halalan sa 2028.

Nauna niyang sinabi na ang Comelec ay maaaring mag-endorso ng mga debate na pinangungunahan ng mga media outlet. (Gene Adsuara)

MAY intelligence information na ang Bureau of Immigration tungkol sa kinaroroonan ng dating Presidential spokesperson Atty. Harry Roque, ayon sa kumpirmasyon ni Immigration spokesperson Dana Sandoval.

Si Roque ay nagtago matapos patawan ng contempt at arrest order ng House Quad Committee dahil sa pagkakasangkot sa illegal na operasyon ng POGO.

Una nang kinumpirma ng DOJ na nagsumite ng counter affidavit si Roque mula sa Abu Dhabi sa United Arab Emirates.

Tumanggi naman si  Sandoval na magbigay ng buong detalye tungkol sa kinaroroonan na bansa ni Roque at sa koordinasyon ng Immigration sa kanilang counterpart.

Una na ring nilinaw ng Immigration na walang lumabas na isyu ng katiwalian o pakikipagsabwatan sa kanilang hanay kaugnay sa pagbiyahe palabas ng bansa ni Roque. (Gene Adsuara)