• April 4, 2025
  • Search in People's Balita

  • Ang Diyaryong Pinagkakatiwalaan

 

Archive for March 13th, 2025

KimJe is back on the big screen as Zuri and Andy in the movie “Un-Ex You”

Posted on: March 13th, 2025 by Peoples Balita No Comments
LAST year, Jerald Napoles and Kim Molina have found a “Seoulmeyt” in each other.
A year before that, he proved to her that she was more than just a “Girlfriend Na Pwede Na”. There was a time “Sa Haba ng Gabi” in 2021 when they were terrorized by zombies, yet they still managed to make us laugh.
That same year, Molina played “Ang Babaeng Walang Pakiramdam”, then got all emotional with Napoles in “Ikaw at Ako at Ang Ending”.
This powerhouse couple has experienced so many things together since “Jowable” days, and they’re not done yet!
This April, KimJe is back on the big screen as Zuri and Andy in the movie “Un-Ex You”.
Everyone is invited to see them experience more love, more laughs, and maybe a few tears while un-exing
each other.
Zuri, a 35-year-old owner of a small-scale logistics company called “Movex”, grew up as a foster kid with no family permanently taking care of her. Hence, she has learned at an early age to fend
for herself.
At present, the only family she considers are her distant relative Bry (Kyosu Guinto), her best friend Greg (Bob Jbeili), and her employees. And now, she must act fast if she wants to have a family of her own.
Zuri is diagnosed with a rare case of premature menopause, meaning she might soon lose the ability to carry a baby. Since she has never prioritized her love life, she is now scrambling to find
a decent man with whom she can have a baby and build a family.
After many attempts at different methods, she finds herself with one last option: her ex, Andy.
Andy, a resident of a far-flung sitio of Halúpi, is the best personification of all that their sitio values: conservatism, taking things slowly and surely, chill attitude, contentment, and treating
everyone as family. He lost his parents at a young age, but he was lovingly taken care of by his aunt and cousin.
Andy has once been brave to leave the sitio and work abroad; unfortunately, he met an accident there resulting to his permanent memory loss. He was brought back to Halúpi and has since
continued living there.
Luckily for Zuri, Andy is still single. And although he has no idea who she is, she keeps appearing in his dreams. Now that Zuri is in Halúpi, she must work doubly hard and fast to make Andy fall for her again.
Join in the fun and adventure as Zuri makes new memories with Andy, under the watchful eye of his aunt Mameng (Candy Pangilinan), with some resistance from his cousin Beybeh (Vladia Disuanco). While trying to secure her future with Andy, will Zuri dare to bring up their past?
As of writing, the BRA scene drop of “Un-Ex You”, posted last Saturday already reached 20 Million views across all platforms. “Un-Ex You” is directed by RC Delos Reyes, also starring Marnie Lapus as Doc Josie.
Opens April 9, 2025 in cinemas nationwide.
(ROHN ROMULO) 

Sobrang naka-relate sa role sa ‘Sinagtala’: RHIAN, pinasok ang pag-aartista para makabili ng drum set

Posted on: March 13th, 2025 by Peoples Balita No Comments
IPINAGDIINAN ng direktor na si Mike Sandejas nasa 30% lang ng pelikula ‘Sinagtala’ ang musical at ang natitira ay iikot sa drama ng buhay ng mga musikero, na kapupulutan ng mga aral sa buhay.
Pinagbibidahan ito nina Rhian Ramos, Glaiza de Castro, at Arci Muñoz kasama sina Rayver Cruz at Matt Lozano.
Sa media con ng ‘Sinagtala’ na ginanap sa Seda Vertis North sa Quezon City, natanong si Rhian sa pagiging drummer niya at bilang mang-aawit na rin.
Kuwento niya, “nakapag-drum lessons ako noon, siguro first year high school.
“And yun din ang naging dahilan kung bakit ako naging artista. Kasi gusto kong bumili ng drum set, pero hindi namin afford.
“And then, may lumapit sa akin sa mall dahil gusto nila gawin akong commercial model.
“So, gusto ko lang bumili ng drumset at yun ang purpose, yun talaga ang dahilan kung bakit ako nasali sa showbiz at nabili ko naman.
“And then, dahil nag-focus na ako sa showbiz, hindi ko na nagamit ang drum set, tapos pinamigay ko na siya, how many years later.”
Dagdag pa niya, “little did I know na matutuloy pala ang movie na ito, na dapat marunong akong mag-drums.
“So, nag-start uli ako na mag-practice-practice, nag-lesson ulit ako, para naman ma-shoot namin ang mga eksenang nagda-drums ako.”
Naniniwala rin si Rhian na tama ang timing ng  pagpapalabas ng ‘Sinagtala’ sa April 2.
“Yung timing is something na makakatulong sa movie that help us to get more views,” pananaw ng premyadong aktres.
“I think this is the time of year where we are Filipinos since it is a Catholic Christian country, we’re all looking for our connection.
“We want to feel more connected spiritually.
“And i just feel like there’s a reason kung bakit ito ang nakuha naming playdate.  Because I think, we have something that people will be looking for and that people need to hear.
“Hopefully a lot of people watch this movie because it’s touched us individually in so many ways.
“And even the process of making the movie, or writing it or filming it, has already save lives.
“So I feel like, when people watch it, it will saves more.”
Pagbabahagi pa ni Rhian na pagkatapos daw maabot ang mga layuning magkaroon ng magandang pamumuhay, dapat balikan sa iyong hilig…
“Makaka-relate lahat ng artists na they found their work dun sa art nila na nagsimula sa passion na kapag naging negosyo siya nagbabago siya.
“Ang isang bagay na lumaki kang pinapangarap ay nagiging higit pa tungkol sa pera, katanyagan.  Iba na ‘yung iniisip mo kung ano ba ‘yung success.
“I feel connected to my character in a sense na para bang finding yourself again na nahahanap mo ulit ‘yung center mo dun sa passion at pagmamahal mo sa ginagawa mo just realizing how lucky you are to just get to do your craft,” pahayag pa niya.
Anyway, nais ng direktor na maramdaman ng mga manonood ang paglalakbay ng bawat karakter habang nagugustuhan din ang mga orihinal na musikang ginamit sa pelikula.
Nakilala si Direk Mike sa mga pelikulang “Tulad Ng Dati” (2006) at “Dinig Sana Kita” (2009), na parehong pinuri sa Cinemalaya.
Ang ‘Sinagtala’ ay prinodyus ng Sinagtala Productions at ipalalabas sa mga sinehan sa Abril 2.
(ROHN ROMULO) 

Magpo-propose at pakakasalan uli: RUFFA, ‘di sineseryoso si YILMAZ na gustong makipagbalikan

Posted on: March 13th, 2025 by Peoples Balita No Comments
MAY rebelasyon si Ruffa Gutierrez tungkol sa kanyang ex-husband na si Yilmaz Bektas.
Ayon kay Ruffa, madalas na raw silang nagkaka-usap. At nagsabi raw ito na gustong mag-propose muli sa kanya.
“Sabi niya, gusto raw niyang mag-propose muli sa akin at pakasalan ako. Sabi ko naman, is that a joke?!”
Hindi na pala nag-asawang muli si Yilmaz.
Natatawang hirit ni Ruffa, “He cannot find anyone like me, ‘no!”
Inamin naman ni Ruffa na masaya siya, lalo na sa mga anak na sina Lorin at Venice. Nawala raw ang pain o bitterness sa puso ng mga ito na meron ang mga ito sa mahabang taon.
Mukhang hindi naman sineseryoso ni Ruffa ang tila pagpapalipad hangin sa kanya ng dating asawa.
Natatawa lang ito at nang tanungin namin kung wala bang nati-threatened na may ganyan silang palitan ng usap ni Yilmaz, mabilis ang sagot niya na, “Naku wala!”
Saka natatawang isinunod na, “Confident!”
Mas younger looking at kapansin-pansin na rin ang pagpayat ni Ruffa. Talagang important raw sa kanya ang maging healthy. Five times a week daw siyang mag-gym.
At bukod dito, malaking tulong daw kay Ruffa ang bagong ine-endorso na Luxe Skin Glowlotion, Soft Matte Lip Cream at Luxe Slim ng “I Am G, Glowing Ruffa G” with the CEO and founder na si Anna Magkawas.
***
Direk MIKE, naging stroke victim sa panahon ng pandemic
LABING-ANIM na taon na pala nang huling gumawa ng pelikula ang director na si Mike Sandejas.
Ang huling dalawang pelikula niya na ‘Dinig Sana Kita’ at ‘Tulad ng Dati.’
Isa na rin ang obvious flight ng local cinema kung bakit tumigil siyang gumawa ng pelikula. Instead, gumawa muna siya ng mga ilang brand shoot. Naging stroke victim din siya sa panahon ng pandemic. Pero after 16 years, tulad ng pelikula niyang “Sinagtala, The Movie” ng Sinagtala Productions, nakita raw niya ang purpose niya to do films na puwedeng makapagbigay purpose rin sa mga manonood.
Very proud si Direk Mike sa pagbabalik pelikula niya. Kaya umaasa siya na marami ang manood sa sinehan simula sa showing nito sa April 2.
Proud din siya sa mga bida ng “Sinagtala” na sina Rayver Cruz, Rhian Ramos, Glaiza de Castro, Arci Muñoz at Matt Lozano. May kanya-kanyang pinagdadaanan ang kanilang karakter na siguradong marami ang makakaka-relate.
“Sinagtala The Movie” is written and directed by Direk Mike na bawat isang karakter ng mga bida also resonates in him.
Excited kaming mapanood ito sa mga sinehan. Fan kami ng mga dati niyang pelikula kaya gusto naming makita ang bago niyang io-offer ngayon.
(ROSE GARCIA)

Matagumpay at maningning ang launching: BODIES NEXT GEN, ni-revive ang hit song na “Kiliti”

Posted on: March 13th, 2025 by Peoples Balita No Comments
SA lahat ng launching sa artista o singer ang BODIES NEXT GEN ng Premiere Water Plus Productions ang masasabi naming pinaka-bongga at makulay.
At kitang-kita na ginastusan at pinaghandaan talaga ni Madam Marynette Gamboa at ng anak na si Direk Gary Gamboa at ng kanyang team ang naturang event.
Imagine, napagsama ni Madam Marynette, ang love naming friend movie producer ang original na all-female sexy group na D’ BODIES, na sobrang controversial noong early 2000 at ang bagong tuklas nilang BODIES NEXT GEN, na binubuo ng 13 pretty, sexy and talented girls.
In all fairness wala pa ring kupas ang original na D’ BODIES na kahit dalawang dekada na ang nakalipas, kahit mommies na ang mga miyembro nito ay beauty at sexy at mahuhusay pa ring mag-perform.
Kinanta at sinayaw ng mga ito ang kanilang signature hit song na “Kiliti.” Binigyan ito ng bagong areglo para sa BODIES NEXT GEN, na hinaluan pa ng rap na magiging akma para sa GEN Z o young generations.
Napa-wow kami sa sobrang paghanga sa ginanap na launching sa Great Eastern Hotel last March 8.
Yes, ang bongga ng backdrop na ginamit sa event na gawa rin ng director noong gabing yun na si Direk Gary.
At nagandahan rin kami sa black outfits ng grupo, na designed ni Madam Marynette at gawa naman ni Ms. Gay Philippines of 80’s na si Ian Valdez na kilala na ring Couturier.
Ang BODIES NEXT GEN, ay binubuo nina: Bodi Wendy, Bodi Chanel, Bodi Amara, Bodi Iris, Bodi KZ, Bodi Mycky, Bodi Selina, Bodi Jade, Bodi Darrah, Bodi Kesha, Bodi Sherie, Bodi Dior, at Bodi Tia. Majority sa kanila ay estudyante na pare-parehong pangarap na sumikat sa showbiz, para makatulong sa kanilang pamilya.
Well, ngayon pa lang ay naikuha na sila ng endorsement ng manager nilang si Madam Marynette.
Ang grupo ang endorser ng Shimmer & Grow Body Slimming Lotion ng Bodies Skin and Beauty.
Malapit na kanilang ang contract signing. Naging gabi rin pala ng mga veteran sexy stars ang naturang launching.
At present din si Ogie Diaz at ang executive ng NETFLIX Etc. Nag-perform din si John Arcenas at kinantahan nito ang mga miyembro ng BODIES NEXT GEN.
(PETER S.LEDESMA) 

Chery Tiggo kakasa sa Creamline sa QF series

Posted on: March 13th, 2025 by Peoples Balita No Comments

ANG  Chery Tiggo ang hahamon sa nagdedepensang Creamline sa best-of-three quarterfinals series ng 2024-25 Premier Volleyball League (PVL) All-Filipino Conference.

Ito ay matapos talunin ng Crossovers ang Farm Fresh Foxies, 29-27, 15-25, 25-22, 25-21, para walisin ang Pool B sa play-in tournament kahapon sa PhilSports Arena sa Pasig City.

Pumalo si Ara Galang ng 20 points mula sa 16 attacks, tatlong blocks at isang service ace para sa 2-0 sweep ng Chery Tiggo sa kanilang grupo.

Una nilang pinadapa ang Nxled, 25-22, 26-24, 25-12, noong Marso 6 sa pagsisimula ng single-round play-in tourney.

“Pantay na eh. Wala na iyong nasa itaas, although sila iyong defending champion,” ani Galang sa Creamline, ang 10-time PVL champions. “Ang mahalaga mag-start siya sa team namin, kung ano iyong kaya naming ipakita, kung ano iyong kaya na­ming pagtrabahuhan as a team.”

Umiskor si Shaya Adorador ng 18 markers habang may 13 points si Ces Robles at naglista si setter Alina Bicar ng 17 excellent sets.

Nagdagdag sina middle blockers Seth Rodriguez at Aby Maraño ng pito at limang puntos, ayon sa pagkakasunod.

Humataw si Trisha Tubu ng 22 points mula sa 20 attacks at dalawang blocks para sa Foxies.

Bumangon ang Chery Tiggo sa kabiguan sa se­cond set sa pag-angkin sa 25-22 panalo sa third frame sa pangunguna nina Galang, Robles at Adorador.

Ang off-the-block kill naman ni Adorador sa atake ni Tubu ang tuluyan nang tumapos sa laro.

POC hahawakan ang na ang Billiard Sports Confederation of the Phils.

Posted on: March 13th, 2025 by Peoples Balita No Comments

HAHAWAKAN na ng Philippine Olympic Committee (POC) ang Billiard Sports Confederation of the Philippines (BSCP).

Ito ay matapos na suspendihin ng Asian Confederation of Billiard Sports (ACBS) ang BSCP dahil sa maraming mga paglabag.

Sa sulat ng ASBC sa POC sa pamamagitan ni secretary-general Atty. Wharton Chan, na dapat ay bumuo sila ng disciplinary committee para imbestigahan ang ilang mga paglabag.

Ilan sa mga nakitang paglabag ay ang conflict of interes, bigong magsagawa ng halalan, hindi pag-alaga sa mga billiard athletes at ang pagsasagawa ng torneo na hindi aprubado mula sa Asian o world governing bodies.

Inatasan na rin ng Asian Confederation of Billiard Sports (ACBS) ang POC na bumuo ng manlalaro pa ra lumahok sa internatioanl tournamnents gaya sa World Games sa Chengdu-China na gaganapin sa Agosto 7 hanggang 17.

WNBA star Sabrina Ionescu mainit na sinalubong sa bansa

Posted on: March 13th, 2025 by Peoples Balita No Comments

MAINIT na sinalubong ng mga basketball fans si WNBA star Sabrina Ionescu.

Huling bumisita ito sa bansa noong nakaraang pitong taon bilang student-athlete mula sa University of Oregon at bilang miyembro ng Team USA sa Fiba 3×3 World Cup 2018 sa Philippine Arena.

Sinabi nito nagulat siya dahil sa mainit na pagtanggap sa kaniya.

Nagsagaw rin ito ng shooting drill sa mga basketball fans sa lungsod ng Taguig.

Ang 5-foot-11 na New York Liberty guard ay naging unang overall pick ng 2020 WNBA Draft.

Nasa bansa ang basketbolista para sa promosyon ng isang  sports brand sa loob ng tatlong araw.

Malakanyang, itinangging hindi binigyan ng medical attention si Digong Duterte

Posted on: March 13th, 2025 by Peoples Balita No Comments

BINIGYAN ng medical attention si dating Pangulong Rodrigo “Digong” Roa Duterte kasunod ng pag-aresto sa kanya para sa kanyang kasong crimes against humanity.

 

 

Sa katunayan, sinabi ni Palace Press Officer Undersecretary Atty. Claire Castro sa press conference sa Malakanyang, na tinrato si Digong Duterte bilang isang dating Pangulo ng bansa at isang mamamayang Filipino.

 

”Hindi po ‘yan totoo dahil nu’ng panahon po na siya po ay nasa kustodiya na po, ang pagtrato po sa kanya ay ‘di po basta-basta,” ang sinabi ni Castro.

 

 

”Wala pong katotohanan na ‘di siya binigyan ng atensyon,” dagdag na wika nito.

Sa ulat, sinabi ng anak ni dating Pangulong Duterte na si Kitty Duterte na hindi umano pinahintulutan ng awtoridad ang kanyang ama na sumailalim sa medical procedure na kailangan nito.

Sa Instagram story ni Kitty nitong Martes ng hapon, Marso 11, makikita ang sulat ng doktor ng dating Pangulo.

 

 

“We are being illegally detained at 250th Presidential Airlift Wing Col. Jesus Villamor Air Base Pasay City. They aren’t allowing my dad to seek the medical attention he badly needs,” ang sinabi ng presidential daughter. (Daris Jose)

Malakanyang, pinayuhan ang taumbayan na mag-isip bago ‘sumakay’ sa panawagan na People Power

Posted on: March 13th, 2025 by Peoples Balita No Comments

PINAYUHAN ng Malakanyang ang taumbayan lalo na ang mga taga-suporta ni dating Pangulong Rodrigo “Digong” Roa Duterte na mag-isip, alamin ang tunay na nangyari at kung bakit inaresto ang dating Pangulo bago pa makiisa sa panawagan ng ilang grupo at kaalyado ng dating lider na magtipon sa EDSA at simulan na ang People Power.

 

 

Sinabi ni Palace Press Officer Undersecretary Atty. Claire Castro sa press conference sa Malakanyang na ang nangyayari ngayon sa dating Pangulo ay hindi basta-basta ginawang kuwento dahil ang kasong ‘crimes against humanity’ na isinampa laban dito ay hindi nanggaling sa Pilipinas kundi nakabinbin sa International Criminal Court (ICC).

 

Hindi rin aniya ito gawa ng pamahalaan dahil gawa ito ng war on drugs na ikinasa ni Digong Duterte sa ilalim ng kanyang panunungkulan bilang dating Pangulo ng bansa.

 

 

Ang war on drugs ang signature campaign policy na inakyat si Duterte sa kapangyarihan noong 2016 bilang isang maverick, crime-busting mayor, na tinupad ang kanyang mga binitawang pangako sa matapang na mga talumpati na papatayin ang libo-libong dealer ng droga.

 

 

Matatandaang, sa naging pagsalang ng dating Pangulo sa pagdinig ng House quad committee kaugnay ng war on drugs, hinamon nito (Digong Duterte) ang ICC na madaliin na nito ang imbestigasyon sa kanya at sinabing hindi siya natatakot dito.

 

 

Ang sabi naman ng Malakanyang, hindi nito pipigilan si Digong Duterte kung gusto niyang sumuko sa hurisdiksyon ng ICC.

 

 

Samantala, kinumpirma ni dating Presidential Spokesperson Atty. Harry Roque na nananawagan siya sa mga Pilipino para magtipon-tipon sa EDSA matapos arestuhin si dating Pangulong Duterte.

 

 

Sa latest episode ng “Afternoon Delight” nitong Martes, Marso 11, sinabi ni Roque na ang layunin umano ng kaniyang panawagan ay upang maiparinig ang saloobin ng mga Pilipino.

 

 

“We are calling on people to exercise their democratic rights para marinig ang kanilang saloobin na ang ipinaglalaban dito ay hindi lang ang karapatan ni Presidente Duterte kundi karapatan ng lahat ng Pilipino,” ang sinabi ni Roque.

 

 

Ayon sa dating tagapagsalita ng pangulo, “unconstitutional” umano ang pagkakaaresto kay Duterte dahil wala umanong hurisdiksyon ang International Criminal Court (ICC) sa Pilipinas matapos kumalas bilang kasapi nito noong 2018.

 

 

Ngunit nauna nang sinabi ng Palasyo na bagama’t hindi umano kinakailangang makipagtulungan ang Pilipinas sa ICC ay obligado raw silang makiisa sa International Criminal Police Organization (Interpol).

 

 

Ang arrest warrant na inihain sa dating pangulo ay para sa krimen laban sa sangkatauhan dahil sa pagpapatupad nito ng kontrobersiyal na giyera kontra droga. (Daris Jose)

Civic groups, suportado ang naging pagsuko ni dating Pangulong Duterte sa ICC- Malakanyang

Posted on: March 13th, 2025 by Peoples Balita No Comments

NAGPAHAYAG ng suporta ang iba’t ibang civic at civil society organizations sa naging desisyon ng gobyerno ng Pilipinas na isuko si dating Pangulong Rodrigo “Digong” Roa Duterte sa International Criminal Court (ICC).

Ito’y dahil kumilos lang ayon kay Palace Press Officer at Presidential Communications Office Undersecretary Claire Castro ang pamahalaan ng Pilipinas sa request ng International Criminal Police Organization’s (Interpol) na isilbi ang arrest warrant ng ICC laban kay Digong Duterte.

 

 

“The arrest of former president complied with the Philippines’ commitment with the Interpol. Our commitments received support from various civic and civil society organizations,” ang sinabi ni Castro.

 

 

Sa katunayan, tanggap ng human rights organization na Free Legal Assistance Group ang pag-aresto kay Digong Duterte. Para sa kanila, mahalagang hakbang ito tungo sa pagtiyak na may mananagot para sa extrajudicial killings na nangyari sa ilalim ng kanyang administrasyon na may kauganyan sa kanyang drug war.

 

 

Maging si dating senator Leila de Lima, isa sa mga kritiko ni Duterte noong kanyang administrasyon ay naniniwala na ang naging hakbang ng pamahalan ay hindi para maghiganti kundi tungkol sa

 

“justice finally taking its course.”

 

 

Si De Lima, nabilanggo halos 7 taon para sa di umano’y pagkakasangkot nito sa ilegal na droga ay nagpahayag na ito na ang tamang oras para kay Duterte na “answer for his actions, not in the court of public opinion but before the rule of law.”

 

 

Tinukoy ni Castro ang sinabi ni Bryony Lau, deputy Asia Director at Human Rights Watch, na nagsabi na ang pag-aresto at paglipat kay Duterte sa The Hague ay “a long-overdue victory against impunity that could bring victims and their families a step closer to justice.”

 

 

Sa kabilang dako, binigyang diin ng Commission on Human Rights (CHR) ang pangangailangan na tiyakin ang kaligtasan at proteksyon ng pamilya ng mga biktima ng drug war kasunod ng pag-aresto kay Digong Duterte.

 

 

Sinabi ng CHR na ang “pursuit of justice cannot be stalled and the truth cannot be silenced” sabay sabing “accountability must prevail over impunity.”

 

 

Winika pa ni Castro na hangad ng gobyerno na maintndihan ng publiko ang naging hakbang ng pamahalaan, binigyang din na mas makabubuti para sa mga ito na malaman kung paano ito nagsimula, bakit mayroong arrest warrant, at bakit mayroong pangangailangan na kilalanin ang commitment ng bansa sa Interpol.

 

 

“Dapat ‘yun po sana ang masimulan sa taumbayan para maintindihan nila kung bakit kinakailangan po na mangyari ang ganito, bakit kinakailangan din pong magcomply sa ating commitment sa Interpol,” ang sinabi nito.

 

 

“Sa aking palagay, kapag naintindihan nila itong lahat, magiging positibo naman po ang tanaw nila sa ginawa po ng administrasyon,” aniya pa rin. (Daris Jose)

People's Balita.
All rights reserved. © Copyright 2025.