OFW News Archive - People's Balita

January 19, 2025
Search in People's Balita
Ang Diyaryong Pinagkakatiwalaan

Archive for the ‘OFW News’ Category

Remittance fee discount, libreng financial seminar para sa mga OFWs, pasado na sa ikalawang pagbasa sa Kamara

Posted on: November 13th, 2024 by @peoplesbalita No Comments

INAPRUBAHAN na ng Kamara sa ikalawang pagbasa ang dalawang panukalang batas na nagsusulong na maglaan ng karagdagang benepisyo sa mga overseas Filipino workers (OFWs).

Sa HB 10959, na inihain ni Deputy Speaker Aurelio “Dong” Gonzales Jr., layon nitong mabigyan ang mga ofws ng 50% discount sa fees o charges na ipinapataw sa remittances sa kanilang pamilya sa Pilipinas.

Paliwanag ni House Committee on Overseas Workers Affairs chairperson at Tingog Partylist Rep. Jude Acidre, na upang maeengayo ang mga remittance centers na magbigay ng diskuento sa padlang pera ay maaari itong ibawas sa buwis sa kanilang gross income.

Tatawagin itong “Overseas Filipino Workers (OFWs) Remittance Protection Act,” kapag naging ganap na ipinasang batas.

Inaprubahan din ng kamara sa ikawalan pagbasa ang HB 10914, na maglalaan ng libreng financial education sa mga OFWs at kanilang pamilya.

Sa ilalim ng panukala, ang lahat ng OFWs ay sasailalim sa mandatory financial literacy training seminars, na magiging bahagi ng Pre-Departure Orientation Seminar (PDOS) ng mga papa-alis na OFWs, at Post Arrival Training Seminars (PATS) sa patutunguhang bansa.

Samantala, nanaagan naman si ACT-CIS Partylist Rep. Erwin Tulfo na amyendahan ang Philippine Rice Tariffication Law (RTL) upang ma-stabilize ang suplay ng bigas at presyo nito at mapigilan ang biglang pagtaas. (Vina de Guzman)

PBBM binigyang pugay mga Filipino OFWs sa Laos

Posted on: October 10th, 2024 by @peoplesbalita No Comments

BINIGYANG pugay ni Pangulong Ferdinand Marcos Jr. ang mga Overseas Filipino Workers sa Lao People’s Democratic Republic.

Sa kanyang talumpati sa pagharap sa daan-daang miyembro ng Filipino Community sa Laos, kinilala ng Pangulo ang kanilang kontribusyon kabilang ang mga guro na naghuhulma sa mga magiging lider ng nasabing bansa sa hinaharap, mga ihinyerong nagpapatatag sa kanilang economic security, at hospitality providers na naghahatid ng natatanging serbisyong kanilang natutunan mula sa Pilipinas.

Kasama rin ang executives na nagpapasigla sa kanilang business community tungo sa paglikha ng mga oportunidad para sa kalakalan at investments, at iba pang experts at professionals na nagbabahagi ng kanilang husay at kakayanan para sa pag-unlad ng lipunan.

Ayon kay Pang Marcos na damang-dama ang magandang kalibre at mataas na pagtingin ng mga taga-Laos sa mga Pinoy, at sila umano ang patunay na nangingibabaw ang galing ng Pilipino saanman sa mundo.

Kaugnay dito, pinayuhan silang ipagpatuloy ang pagiging ambassadors ng kagandahang-asal ng Pilipino. (Daris Jose)

DMW naghahanda na para sa isang chartered flight para repatriation ng mahigit 100 Pinoy OFWs sa Lebanon

Posted on: October 4th, 2024 by @peoplesbalita No Comments

NAGHAHANDA na ngayon ang Department of Migrant Workers (DMW) ng isang chartered flight para maiuwi na sa bansa ang nasa 111 Filipino OFWs na nasa Lebanon.

Ayon kay DMW Assistant Secretary Bernard Olalia nasa proseso na ngayon ang ahensiya sa pakikipag-usap sa isang airline company para sa gagawing chartered flight at ang pagkuha ng landing rights at exit permits ng ating mga kabayan duon mula sa pamahalaan ng Lebanon.

Sa sandaling makuha na ang mga kaukulang dokumento at mayruon ng go signal susunduin na ang mga Pinoy OFWs na nais umuwi na ng bansa.

Ang 111 Filipino OFWs ay kasalukuyang nasa shelter na ng DMW.

Ayon kay Olalia nasa P25 million ang gagastusin ng gobyerno sa gagawing chartered flights mula Manila patungong Beirut, Lebanon at pabalik ng bansa.

Sinabi ni Olalia, kayang makapag accommodate ng 300 katao ang chartered flight pero hindi na aniya nila kailangang punuin ito, basta makakuha ng landing rights at exit permits ang ibang ofws ay paliliparin na ang eroplano para masundo ang ating mga kababayan sa Beirut.

Sakali naman aniyang lumala ang sitwasyon at isara ang air route o ang Paliparan sa Beirut, nakahanda na aniya ang iba pang paraan para mailigtas ang mga OFW.

Kabilang aniya rito ang paggamit ng barko para mailikas ang mga ofw patungo sa mas ligtas na lugar bago sila ilipad pauwi rito sa pilipinas, kaya nakikipag usap na rin aniya sila sa ilang maritime companies.

May nauna nang 15 mga OFWs ang naitakda na sana ang uwi rito sa pilipinas noong September 25 subalit nakansela dahil umatras ang airline company na bumiyahe dahil sa takot sa nangyayaring giyera.

Iniulat din ng Migrant Workers Office (MWO) sa Beirut panibagong pagsabog nitong weekend sa Dahieh malapit mismo sa MWO kung saan nanunuluyan ang 63 OFWs.

Walang Pinoy ang naiulat na nasagutan sa nangyaring pag-atake.

Inilipat na sa ngayon ang mga Pinoy sa isang hotel sa Beit Mery sa Lebanon bilang kanilang temporary shelter.

Ang pagkansela sa mga outbound flights ng ilang major airlines dahil sa mga pagsabog sa Beirut ang dahilan ng repatriation sa 15 OFWs na nakatakda sanang umalis nuong September 25, 2024.

Pinatitiyak naman ni Pangulong Ferdinand Marcos Jr., ang tulong para sa mga OFWs.

Siniguro naman ni Olalia na kasado na rin ang ipatutupad na contingency plan upang matiyak ang welfare and safety ng OFWs sa Lebanon. (Daris Jose)

DMW, DFA at OWWA, sanib-puwersa sa pagpapauwi sa mga OFWs na naipit na sa tumataas na tensyon sa Lebanon

Posted on: October 4th, 2024 by @peoplesbalita No Comments

SANIB-PUWERSA ang Department of Migrant Workers (DMW), Department of Foreign Affairs (DFA) at Overseas Workers Welfare Administration (OWWA) sa pag-monitor para tiyakin ang ligtas na pagpapauwi sa mga Overseas Filipino Workers (OFWs) na naipit sa tumataas na tensyon sa Lebanon.

Kamakailan lamang ay iniulat ng Migrant Workers Office (MWO) sa Beirut ang pagbomba sa Dahieh, malapit sa MWO, kung saan may 63 OFWs ang namamalagi.

Ang lahat ng OFWs ay ligtas mula sa kamakailan lamang na pag-atake at kagyat na inilipat sa isang hotel sa Beit Mery, Lebanon para sa pansamantalang pamamalagi sa mas ligtas na lugar.

Mayroon din na 16 overseas Filipino ang pansamantalang nanunuluyan sa nirentahang pasilidad sa Beit Mery para tiyakin ang kanilang kaligtasan at seguridad.

Ang patuloy na kanselasyon ng outbound flights ng mga pangunahing airlines ay bunsod ng kamakailan lamang na pagsabog sa Beirut , nakapag-paantala sa pagpapauwi sa 15 OFWs na original na nakatakda sanang iwan ang Lebanon noong Setyembre 25, 2024.

“Three among the batch (one with medical condition) are rescheduled to go home on October 11, 2024, while the remaining 12 OFWs will join the other 17 OFWs who are set for repatriation on October 22, 2024, barring unforeseen circumstances,” ayon sa ulat.

Inaayos din ng MWO-Beirut ang pagpapauwi sa karagdagang 63 OFWs na may kompletong dokumentasyon at clearances na iwanan ang Lebanon.

“As there is a temporary suspension of operations in some offices in Beirut due to the recent explosions, there are more than 100 OFWs awaiting clearance from the immigration authority, before they will be scheduled for repatriation,” ayon pa rin sa ulat.

Ang Whole-of-government assistance at suporta ay pagkakaloob naman sa OFW repatriates sa kanilang pagbabalik, gaya ng naging kautusan ni Pangulong Ferdinand R. Marcos Jr.

Ang lahat ng ito ay kaagad na makatatanggap ng financial assistance mula sa DMW AKSYON Fund at OWWA.

Sa ngayon, mayroong 430 OFWs at 28 dependents ang napauwi na sa pamamagitan ng pinagsamang pagsisikap ng DFA, DMW, at OWWA.

Samantala, may isa namang contingency plan ang inaayos para tiyakin ang kapakanan at kaligtasan ng OFWs sa Lebanon sa anumang pagkakataon. (Daris Jose)

Navotas nagbigay ng trabaho sa mga estudyante at ex-ofws

Posted on: July 12th, 2024 by @peoplesbalita No Comments

BINUKSAN muli ng Pamahalaang Lungsod ng Navotas ang pinto nito para sa mga kabataang Navoteño na gustong magkaroon ng karanasan sa pagtatrabaho sa gobyerno at mga dating Overseas Filipino Workers (OFWs) na nangangailangan ng alternative livelihood.

Nasa 22 beneficiaries ng Navotas Government Apprenticeship Program (NGAP) ang magsisilbi sa pamahalaang lungsod mula July 2 hanggang November 29, 2024. Sa mga ito, 20 ang college graduates at dalawa ang nakatapos sa senior high school.

Ang programa ay naglalayon na magbigay ng oportunidad sa trabaho sa mga Navoteño na may edad 18-35 na nagtapos sa 2 o 4-years tertiary course o nakatapos sa K-12 curriculum.

Samantala, 24 Navoteños ang naka-enrol sa OFW Emergency Employment Program kung saan ang mga kwalipikadong aplikante ay mga dating OFW na may edad 20-55 na pinauwi at hindi nag-renew ng kontrata sa ibang bansa mula noong 2024.

“Public service is a noble calling, and I am grateful to all who answer it. Our apprentices and returning OFWs bring fresh perspectives and invaluable experience to our city government. I am glad to see them join our ranks through these programs,” ani Mayor John Rey Tiangco.

“In Navotas, we believe in the power of opportunity. By investing in our youth and supporting our returning OFWs, we not only give them the means to earn their livelihood but also to harness their potential to contribute to the growth and stability of our city,” dagdag niya.

Ang NGAP at OFW Emergency Employment Program beneficiaries ay tatanggap ng suweldo na P610 kada araw.

Ang parehong programa ay pinondohan sa pamamagitan ng Navotas Gender and Development Focal Point System. (Richard Mesa)

NAVOTAS NAGBIGAY NG TRABAHO SA INTERNS AT EX-OFWS

Posted on: July 11th, 2024 by @peoplesbalita No Comments

Ang programa ay naglalayon na magbigay ng oportunidad sa trabaho sa mga Navoteño na may edad 18-35 na nagtapos sa 2 o 4-years tertiary course o nakatapos sa K-12 curriculum.

Ang NGAP at OFW Emergency Employment Program beneficiaries ay tatanggap ng suweldo na P610 kada araw.

Ang parehong programa ay pinondohan sa pamamagitan ng Navotas Gender and Development Focal Point System. (Richard Mesa)

Interns at mga dating OFW, tinanggap ng Navotas

Posted on: July 11th, 2024 by @peoplesbalita No Comments

TUMANGGAP muli ang Pamahalaang Lungsod ng Navotas sa ilalim ng pamumuno ni Mayor John Rey Tiangco ng mga kabataang Navoteño na gustong magkaroon ng karanasan sa pagtatrabaho sa gobyerno at mga dating Overseas Filipino Workers (OFWs) na nangangailangan ng alternative livelihood. Sila ay magsisilbi sa pamahalaang lungsod mula July 2 hanggang November 29, 2024 at tatanggap ng suweldo na P610 kada araw. (Richard Mesa)

NAVOTAS NAGBIGAY NG TRABAHO SA INTERNS AT EX-OFWS

Posted on: July 11th, 2024 by @peoplesbalita No Comments

Ang programa ay naglalayon na magbigay ng oportunidad sa trabaho sa mga Navoteño na may edad 18-35 na nagtapos sa 2 o 4-years tertiary course o nakatapos sa K-12 curriculum.

Ang NGAP at OFW Emergency Employment Program beneficiaries ay tatanggap ng suweldo na P610 kada araw.

Ang parehong programa ay pinondohan sa pamamagitan ng Navotas Gender and Development Focal Point System. (Richard Mesa)

Contingency funds makakatulong sa mga OFW sa Israel

Posted on: October 11th, 2023 by @peoplesbalita No Comments

MAAARING gamitin ng gobyerno ang contingency funds para tulungan ang mga apektadong Pilipino sa Israel matapos pag-atake ang Palestinian Islamist group na Hamas noong Sabado.

“Contingent fund may be used for their repatriation and generate jobs for affected Filipinos. The government must come up with economic plans to cushion their abrupt termination of work,” ani Deputy Majority Leader at Iloilo Rep. Janette Garin.

Idinagdag nito na ang contingency ay mahalaga para sa mga emergency situation.

Hinimok din ng mambabatas ang Department of Foreign Affairs (DFA) at Department of Migrant Workers (DMW) na siguruhin ang kaligtasan ng mga Pilipino sa Israel, at idiniin na ito prayoridad ng pamahalaan.

Nauna nang sinabi ng Overseas Workers Welfare Administration (OWWA) na “closely monitoring” ang kalagayan ng 24,807 Filipino sa Israel.

Sinabi ni OWWA Administrator Arnelle Igancio na nasa 200 empleyadong Pilipino ang nakabase sa Gaza Strip, na sinasalakay na lugar ng militanteng grupo ng Hamas.

Samantala, sinabi ng Presidential Communications Office (PCO) na nagbukas ang DMW ng hotline at ilang Viber at WhatsApp hotline numbers na tatanggap ng mga tawag at katanungan mula sa ating mga Overseas Filipino Workers (OFWs) at Filipino community na nangangailangan ng tulong ng gobyerno. (Ara Romero)

PBBM, nangako na poprotektahan ang kapakanan ng mga OFWs, palalakasin ang partnerships sa host countries

Posted on: February 6th, 2023 by @peoplesbalita No Comments

NANGAKO si Pangulong Ferdinand Marcos Jr. na palalakasin ang partnerships sa mga bansang nagho-host ng overseas Filipino workers (OFWs).

Sa kanyang vlog na ipinalabas, araw ng Sabado, sinabi ni Pangulong Marcos na titiyakin ng gobyerno ng Pilipinas ang proteksyon ng mga OFWs at ng kanilang pamilya bilang pagkilala sa kanilang naging kontribusyon sa bansa.

“Ang tanging maisusukli ko sa inyong hindi matatawarang kontribusyon sa ating lipunan ay masiguro ko ang inyong proteksyon, ang inyong kalagayan, at ang kalagayan ng mga naiwan ninyong pamilya sa ating bansa,” ayon sa Pangulo.

“Ang tanging maisusukli ko ay ang patuloy na pagpapatibay ng ating ugnayan sa mga kinatawan ng bawat bansang kinaroroonan ninyo ganyan ang pakay natin lagi. Gaya noong isang araw tinipon natin ang ambassador ng iba’t ibang bansa sa Palasyo,” dagdag na pahayag nito.

Nauna nang nakipagpulong si Pangulong Marcos sa mga diplomatic corps para sa tradisyonal na vin d’honneur na isinagawa sa Malakanyang.

Sinabi pa ng Pangulo na magbibigay ang national government ng scholarships at pabahay sa pamilya ng mga OFWs.

“Kung sila ay babalik at naghahanap ng bagong trabaho eh tutulungan natin sila training yung tinatawag na reskilling and upskilling dahil ito yung ibang trabaho na lumalabas na highly technical kaya’t itetraining natin ang ating mga OFW para kaya nila makipag kompetensya sa labor market sa buong mundo,” ang wika nito.

Aniya pa, pagsusumikapan ng pamahalaan na makapagtayo ng malakas na ekonomiya upang sa gayon ay maging kaakit-akit ang bansa na tirhan at magtrabaho para sa mga dayuhan at mamamayang Filipino.

“Masipag, maasahan, mahusay, magaling makasama, at mag-adjust kung nasaan man sila yan ang Pinoy tinitingala ng ibang lahi at ginagalang sa kanilang mga larangan,” anito. (Daris Jose)