OFW News Archive - People's Balita

July 27, 2024
Search in People's Balita
Ang Diyaryong Pinagkakatiwalaan

Archive for the ‘OFW News’ Category

100 mga stranded na OFWs sa Bahrain, nakauwi na sa Pilipinas – DFA

Posted on: January 8th, 2022 by @peoplesbalita No Comments

Nakauwi na mula sa bansang Bahrain ang nasa 100 na mga stranded na overseas Filipino workers (OFWs).

Ayon sa Department of Foreign Affairs (DFA), dumating sa bansa ang mga nasabing mga OFW noong Enero 1, 2022 sa isang special repatriation flight.

Sasailalim naman sa isang facility-based quarantine ang mga bagong dating OFWs, alinsunod sa ipinatutupad na health protocols ng bansa kabilang na ang COVID-19 RT-PCR test.

Nagpaabot naman ng pasasalamat si Foreign Affairs Undersecretary for Migrant Workers Affairs Sarah Lou Arriola sa mga partners ng gobyerno, mga ahensya ng pamahalaan,at mga private sectors na nagtulong-tulong upang maisakatuparan ang isinagawang repatriation flights para sa mga kababayan nating OFW.

Ipinangako naman ng opisyal na magpapatuloy ang DFA sa kanilang sinumpaang tungkulin na pangalagaan at protektahan ang karapatan ng mga OFW.

Pagpasok sa Pinas ng foreign nationals at returning OFWs, suspendido

Posted on: March 18th, 2021 by @peoplesbalita No Comments

PANSAMANTALANG sinuspinde ng gobyerno ng Pilipinas ang pagpasok ng mga foreign nationals at returning overseas Filipinos (OFWs) na non-overseas workers sa bansa simula sa Marso 20 hanggang Abril 19.

Ipinag-utos din ng National Task Force Against COVID-19 (NTF) sa mga kinauukulang ahensya ng pamahalaan na limitahan lamang ang inbound international passengers sa 1,500 kada araw.

Ang nasabing hakbang ay naglalayon na mapigil ang karagdagan pang pagtaas ng bilang ng coronavirus cases at mapigilan din ang pagpasok ng coronavirus variants mula sa ibang bansa.

Sa ilalim ng Memorandum Circular No. 5, exempted naman mula sa entry ban ang mga indibiduwal gaya ng :

1. Mga may hawak ng 9(c) visas

2. Medical repatriation at ang kanilang escort ay inendorso ng DFA-OUMWA o OWWA

3. Distressed Returning Overseas Filipinos na indendorso ng DFA-OUMWA

4. Emergency o humanitarian cases na aprubado ng National Task Force against COVID-19

Nauna nang ipinatupad ang uniform curfew hours na mula alas-10:00 ng gabi hanggang alas-5:00 ng umaga at pagbabawal sa mga menor de edad na lumabas ng bahay sa Metro Manila.

Umiiral din ang granular lockdown at liquor ban sa ilang siyudad.

Habang target naman ng national government n mabakunahan kontra COVID-19 ang publiko sa buwan ng Abril o Mayo.

Ito’y ayon sa national government, maaaring tuluyang matanggal ang virus sa taong 2022.

Ayon kay Vaccine Czar Sec. Carlito Galvez Jr., inaasahan ng Pilipinas ang 1.4 milyong doses ng bakuna mula sa Sinovac-BioNTech at siyam na raang libo mula sa Covax facility sa susunod na buwan.

Dagdag ni Galvez, ang 3.4 milyong doses ng bakuna ay sapat na para sa lahat ng health care workers sa bansa.

Dahil dito, maaaring sa darating na buwan ng Abril o Mayo ay magkakaroon na tinatawag na ” general public vaccination” kung saan posibleng matanggal ang virus sa susunod na taon. (Daris Jose)

DOFIL, mangangailangan ng P1.19b pisong pondo –DBM

Posted on: February 18th, 2021 by @peoplesbalita No Comments

MANGANGAILANGAN ng P1.19 bilyong piso para pondohan ang panukalang Department of Overseas Filipinos (DOFIL).

Ito ang inihayag ni Director Emelita Menghamal ng Department of Budget and Management (DBM) Systems and Productivity Improvement Bureau matapos ang isinagawang deliberasyon DOFIL sa Senate Committee on Labor na pinamunuan ni Senator Joel Villanueva bilang chairman ng komite.

“The estimated budget for 2021 [for DOFIL] is P1.19 billion which is a minimum requirement for newly created department,” ayon kay Menghamal.

“This [amount] covers its operational cost but does not include budget for the implementation of its programs, activities and projects needed to meet its target outcomes in accordance with its mandate,” dagdag na pahayag nito.

Bago pa magbigay ng pagtataya si Menghama ay sinabi ni Cabinet Secretary Karlo Nograles na ang pamahaalan ay maaaring maglaan ng P15-billion budget para sa DOFIL para sa unang taon nito kung saan ang budget ay huhugutin mula sa iba’t ibang tanggapan na kasalukuyang naasa ilalim ng Department of Foreign Affairs (DFA) o ng Department of Labor and Employment (DOLE).

Ang P15 billion budget ay hahatiin sa :

P12 million mula sa Office of the Undersecretary for Migrant Workers Affairs (OUMWA);

P1 billion mula sa Assistance to Nationals ng DFA;

P200 million mula sa Legal Assistance Fund;

P152 million ng Commission on Filipino Overseas;

P31.528 million mula sa International Labor Affairs Bureau;

P1.375 billion mula sa Philippine Overseas Labor Office;

P4.219 billion mula sa National Reintegration for OFWs;

P169 million mula sa Social Welfare Attaches Office/International Social Services Office

P507 million mula sa Philippine Overseas Employment Administration (POEA); and

P7.39 billion mula sa Overseas Workers Welfare Administration (OWWA)

Sinabi ni Nograles na sa ilalim ng panukalang batas na sinertippikahan ni Pangulong Rodrigo Roa Duterte bilang urgent, ang DOFIL ay mayroon ding POEA at OWWA bilang attached agencies.

Sa kasalukuyan, ang OWWA at POEA ay attached agencies ng DOLE.

“At least, for its first year, wala nang dagdag na budget kasi iyong budget implications sa next budget cycle na,” ayon kay Nograles.

“Kaya six months po ang nakalagay na transition period [sa measure]. That is why we want it passed now. If Congress passes it into law this month, and the President signs it in March, towards the end of 2021, doon na natin makikita ang budget implication, pero very minimal siguro,” dagdag na pahayag ni Nograles. (Daris Jose)

Bibigyan ng katarungan ang pagkamatay ng OFW na si Mary Anne Daynolo

Posted on: February 3rd, 2021 by @peoplesbalita No Comments

TUTUPARIN ng pamahalaan ang pangako ni Pangulong Rodrigo Roa Duterte na mabigyan ng katarungan ang pagkamatay ng Pinay worker na si Mary Anne Daynolo.

Si Mary Anne Daynolo ay isang OFW na nawawala mula noong March 4, 2020 10:30 PM (Abu Dhabi time) sa kanyang pinagtatrabuhan sa The St. Regis Saadiyat Island Resort, Abu Dhabi, UAE.

“Ngayon po ang inaatupag natin ay bigyan ng katarungan itong pagkamatay ng ating kababayan na si Mary Anne Daynolo.

Well, ang pangako po ng Presidente mabibigyan po ng hustisya at katarungan ang pagkamatay ng ating kababayang si Mary Anne Daynolo,” ayon kay Presidential Spokesperson Harry Roque.

Sa ngayon aniya ay ang Overseas Workers Welfare Administration (OWWA) ang tumutulong sa pamilya ni Mary Anne.

“In fact, ang OWWA po ang tumulong para magkaroon po ng autopsy ng sa ganoon mabigyan ng katarungan ang pagkamatay niya. May autopsy din pong nangyayari ngayon sa panig ng NBI at lahat po ng gastos para ilibing si Mary Ann ay sagot po ng ating OWWA. At magkakaroon din po sila ng financial assistance at death benefit galing po sa OWWA sa takdang panahon,” ani Sec. Roque. (Daris Jose)

Malakayang, nilinaw na mga OFW lang ang hindi magbabayad ng hotel quarantine sa kanilang pagdating sa bansa

Posted on: February 1st, 2021 by @peoplesbalita No Comments

BINIGYANG-linaw ng Malakanyag na ang mga Overseas Filipino Workers (OFWs) lamang ang mabibigyan ng libreng hotel quarantine sa harap ng bagong testing at quarantine protocol na ipinatutupad sa mga umuuwing Pinoy sa bansa.

Ayon kay Presidential spokesperson Harry Roque, bagamat ikakarga sa PHILHEALTH ang bayarin sa swab test ng mga magbabalik bayang OFWs ay hindi naman babalikatin ng pamahalaan ang hotel accomodation ng mga non- OFW.

Tanging ang mga OFWs lang aniya ang sasagutin ng gobyerno para makapag- quarantine ng limang araw sa hotel na may accreditation mula sa pamahalaan.

“Oo, sa mga OFWs dati na pong libre iyan ‘no— Opo, sagot po natin iyan dahil sagot naman po iyan ng PhilHealth din ‘no. So, wala naman po silang iintindihin,” aniya pa rin.

” Well, iyong quarantine hotel, talagang sila po ang magso-shoulder. Iyong swab test, kung mayroon naman po silang PhilHealth at kung sila po eligible doon sa expanded testing protocols natin ay pupuwede mapasagot din po iyan sa PhilHealth,” dagdag na pahayag ni Sec. Roque.

Sa ilalim ng bagong panuntunan para sa mga umuuwing balikbayan, otomatikong diretso ang mga ito sa quarantine pagdating ng Pilipinas at pagdating ng ika – anim na araw ay sasalang na ito sa swab test.

Kapag nag- negatibo ay ieendorso sa LGU para sa tuloy tuloy na quarantine para makumpleto ang 14-day quarantine. (Bishop Jesus “Jemba” M. Basco)

NA-RAPE NA OFW SA KUWAIT, NANALO SA KASO, NAKAUWI NA

Posted on: December 3rd, 2020 by @peoplesbalita No Comments

NAKAUWI na rin sa Pilipinas ang isang Overseas Filipino Workers (OFW) matapos manalo sa kasong rape laban sa mga otoridad ng Kuwaiti na nanggahasa sa kanya , walong taon na ang nakalilipas.

Nakasama na rin ni Marites Torijano ang kanyang pamilya sa PIlipina matapos ang kanyang pananatili ng walong taon sa Migrant Workers and Other Filipino Resource Center habang hinihintay ang desisyon sa kanyang reklamo

Pinuri naman ni Labor Secretary Silvestre Bello III ang Philippine Overseas Labor Office (POLO) at Philippine Embassy sa Kuwait para sa matagumpay na pagpanalo sa kaso ni Torijano at ang pagpapauwi s akanya pabalik ng bansa.

Ayon naman kay Labor Attaché Nasser Mustafa ,si Torijano ay na-repatriate sa pamamagitan ng Kuwait Airways.

Si Torijano ayon kay Mustafa ay dineploy dsa Kuwait ng Zontar Manpower Services Inc. bilang domestic helper noong September 2006 pero inilipat ng trabaho sa isang dress shop sa Farwaniya.

Habang ang kanyang residence visa ay “for renewal” ng kanyang employer, siya ay nahuli ng isang pulisya ng Kuwaiti noong September 2012.

Sa halip na dalhin ito sa police station ay dinala ito sa madilim na disyerto sa South Surra kung saan siya ginahasa sa loob ng police patrol car at sinaksak sa leeg at likod.

Nagawa namang gumapang ni Torijano sa gilid ng kalsada kung saan siya nakita ng dumaraang sasakyan at nagdala sa kanya sa Mubarak Hospital.

Kasunod ng dalawang taong paglilitiis nasentensyahan ang pulis Kuwaiti ng kamatayan noong June 2014 ng Court of First Instance pero nabago ng habambuhay na pagkakabilanggo ng Court of Appeals matapos umapel ang legal counsel ng pulis.

Binayaran naman si Torijano ng P3 milyon civil damages sa pamamagitan ng kinatawan ng Philippine Embassy at Kuwaiti human rights lawyer na si Sheika Fawzia Salem Al-Sabah. (GENE ADSUARA)

Cash aid para sa turismo at scholarship, ibibigay na

Posted on: November 12th, 2020 by @peoplesbalita No Comments

NAKAHANDA na ang bilyong-bilyong cash aid para sa turismo at scholarship ng mga overseas Filipino workers (OFWs) na apektado ng pandemya.

Ayon kay Labor Secretary Silvestre Bello III, kabuuang P13 bilyon ang maipapamigay na payout.

Kasama na rito ang P3 bilyon para sa sector ng turismo, P bilyon para sa scholar na anak ng mga OFWs na nawalan ng hanapbuhay dahil sa Covid-19 pandemic at P300 milyon naman para sa mga guro na non teach- ing positions.

Samantala, ang mga biktima ng bagyong Rolly sa Catanduanes ay napagkalooban na rin ng cash aid ng DOLE sa pamamagitan ng TUPAD program. (Gene Adsuara)

Epekto ng pagtigil ng PRC sa swab testing ng mga OFWs, nakababahala – Bello

Posted on: October 22nd, 2020 by @peoplesbalita No Comments

IKINABABAHALA ni Labor Sec. Silvestre Bello III ang pagtigil ng Philippine Red Cross (PRC) sa kanilang ginagawang swab test lalo sa mga umuuwing overseas Filipino workers (OFWs) dahil sa hindi pa nababayarang utang PhilHealth na umaabot sa P930 million.

Sinabi ni Sec. Bello, umaabot na sa mahigit 4,000 OFWs na dumating sa bansa kamakailan ang stranded sa mga hotels dahil hindi pa naisailalim sa swab o RT-PCR test.

Ayon kay Sec. Bello, kung dati ay nakaka-test sila ng mula 1,000 hanggang 3,000 OFWs kada araw sa pamamagitan ng Red Cross, ngayon ay umaabot na lamang sa 300.

Inihayag pa ni Sec. Bello na kapag mas matagal ang pananatili ng mga OFWs sa Metro Manila, mas malaking pondo ang nagagastos ng gobyerno at matinding perwisyo rin ito sa mga OFWs na gusto ng makasama ang kanilang mahal sa buhay sa mga lalawigan.

Umaasa si Sec. Bello na sana ay maayos agad ang gusot ng PhilHealth at Red Cross lalo mahigit 100,000 OFWs pa ang inaasahang uuwi ngayong taon.

Ikinababahala umano nila na maipon na naman ang mga OFWs sa Metro Manila at maantala rin ang pag-uwi ng iba pang stranded OFWs sa ibang bansa kung hindi maayos ang utang ng PhilHealth sa Red Cross.

DOH may tulong sa mga OFW na apektado ng ipinahintong COVID-19 test ng PH Red Cross

Posted on: October 21st, 2020 by @peoplesbalita No Comments

PUMAGITNA na ang Department of Health (DOH) sa hidwaan ng Philippine Red Cross (PRC) at Philippine Health Insurance Corporation (PhilHealth) dahil sa hindi pa raw bayad na mga COVID-19 tests.

Ayon sa kagawaran, habang patuloy ang kanilang pakikipag- ugnayan sa PRC para maayos ang issue, ilang hakbang na rin ang ginawa nila para makatulong sa mga maaapektuhan nang pag- atras ng PRC sa COVID-19 tests na sakop ng PhilHealth coverage.

Kabilang ang sektor ng overseas Filipino workers (OFWs) at returning OFWs sa mga inaasahang apektado ng pansamantalang pagtigil ng PRC, kaya naman tinukoy ng DOH ang mga laboratoryo kung saan nila maaaring tupdin ang requirement na COVID-19 test:

1. Dr. Jose N. Rodriguez Memorial Hospital (TALA)

2.Las Piñas General Hospital and Satellite Trauma Center

3.Lung Center of the Philippines

4.PNP Crime Laboratory

5.Research Institute for Tropical Medicine

6.San Lazaro Hospital

7.Ospital ng Imus

8.Jose B. Lingad Memorial Regional Hospital

Bukod dito, may lumalakad na rin daw negosasyon ang ahensya kay Sec. Vince Dizon, na siyang Testing Czar at iba pang opisina.

“To implement the re-routing of the specimens; and ongoing matching of the mega-swabbing facilities with identified labs.”

Inaasahan daw ng DOH na bababa ang pangangailangan sa testing ng returning Filipinos dahil sa ilalim ng Omnibus Guidelines ay naka-depende sa kanilang clinical assessment ang posibilidad na ma-test.

“Upang komprehensibong ma-address ang issues ng testing, isolation, at referral needs ng ating mga OFWs, Sec Duque has given instruction to ensure coordination with the Isolation Czar, Treatment Czar, and other implementing entities to ensure that testing and isolation strategies for managing returning Filipinos are complementary.”

“This means setting up and operationalizing the patient pathway of RFs in accordance to the Omnibus Guidelines — from screening, quarantine/isolation, testing, and if needed, referral to hospitals.” (Daris Jose)

DOLE, tiniyak na tutulungan ang mga repatriated OFWs na nais na muling magtrabaho sa ibang bansa

Posted on: October 16th, 2020 by @peoplesbalita No Comments

HANDA ang gobyerno na tulungan ang 250,000 na Overseas Filipino Workers (OFWs) na muling makapagtrabaho sa ibang bansa matapos umuwi ng Pilipinas makaraang maapektuhan ng Covid – 19 ang kanilang trabaho.

Sinabi ni Labor Sec. Silvestre bello III, bukas ang kanilang tanggapan na tulungan ang sinumang repateiated OFWs na nais na muling makapaghanapbuhay sa ibang bansa.

Sa katunayan ayon sa Kalihim ay mayroon pang mga open markets o mga alternative markets para masiguro na matutulungan ang mga ito nf pamahaalan para muling ma- deploy sa ibayong-dagat.

Para naman aniya sa mga ayaw ng magtrabaho sa ibang bansa ay mayroong inisyal na mga cash assistance at livelihood programs na aniya ang DOLE para sa mga ito sa ilalim ng National Reintegration program ng departamento. (Daris Jose)