Mister todas sa kandila
- Published on April 2, 2024
- by @peoplesbalita
NASAWI ang 59-anyos na padre-de-pamilya na may tinataglay na karamdaman nang ma-trap sa nasusunog nilang bahay sa Navotas City, Sabado ng madaling araw.
Sa ulat ni Caloocan Fire Marshal F/Supt. Ronaldo Sanchez, nagsimulang sumiklab ang sunog dakong alas-3:49 ng madaling araw sa bahay ng biktimang si alyas “Peter” sa Area 1 Block 26, Brgy. North Bay Boulevard-South (NBBS), Dagat Dagatan na hinihinalang sanhi ng naiwang nakasinding kandila.
Nagawang makaligtas ang mag-ina ng biktima matapos makalabas ng bahay subalit, hindi na nakalabas si ‘Peter’ na kamakailan lang ay na-stroke sanhi ng mabilis na pagkalat ng apoy na nagsimula sa tinutulugan niya sa 2nd floor ng tatlong palapag nilang tirahan.
Ayon sa BFP, sementado naman ang pader ng bahay ng nasawi pero gawa sa kahoy ang kanilang sahig at wala ring supply ng kuryente kaya kandila ang gamit ng biktima.
Wala namang ibang bahay na nadamay sa sunog habang tinatayang aabot sa P45,000 na halaga ng mga ari-arian ang natupok ng apoy. (Richard Mesa)
-
CASH FOR WORK DINUMOG NG APLIKANTE
DUMAGSA sa harap ng Comelec Navotas Office ang mga Navoteñong mag-aaplay sa cash for work program ng Pamahalaang Lungsod ng Navotas. Ito’y sa kagustuhan ng mga aplikante na matanggap sila sa naturang programa ng lungsod para sa karagdagang kita ngayong panahon ng pandemya. Nasa 1,500 jeepney drivers at maralitang residente ang kukunin para […]
-
Kasama sina Maine, Julie Anne at PPop group na Alamat: BingoPlus, inilunsad ang pinakabagong digital perya game na ‘Pinoy Drop Ball’
IPINAKILALA ng BingoPlus, ang nangungunang plataporma ng bansa pagdating sa digital entertainment, ang pinakabagong perya game nito na ‘Pinoy Drop Ball’ sa isang selebrasyong puno ng mga kilalang personalidad noong Linggo, Setyembre 29, sa Grand Hyatt Manila. Tampok sa paglulunsad ang mga pagtatanghal mula sa BingoPlus endorser at TV host Maine Mendoza, at […]
-
Mayor Rex nabakunahan na kontra COVID-19
Natanggap na ni Valenzuela City Mayor REX Gatchalian ang kanyang unang dose ng bakuna kontra COVID-19 na ginanap sa People’s Park Amphitheater ng lungsod. Ang National Capital Region (NCR) ay nasa ilalim ng critical o high-risk na lugar kung kaya’t ang mga mayors at mga governors ay classified na sa ilalim ng A1 […]