2020 March 05 Archive - People's Balita

December 13, 2024
Search in People's Balita
Ang Diyaryong Pinagkakatiwalaan

Archive for March 5th, 2020

Shabu, cash nasabat sa mga preso sa women’s correctional

Posted on: March 5th, 2020 by @peoplesbalita No Comments

ILANG sachet ng hinihinalang shabu at malaking halaga ng cash ang nakumpiska ng mga awtoridad sa mga nakapiit sa Correctional Institution for Women sa Mandaluyong City kahapon (Miyerkoles).

Sa isinagawang “Oplan Galugad” ng mga tauhan ng Bureau of Corrections (BuCor) at Bureau of Jail Management and Penology sa pasilidad, nakuhanan ang ilang preso ng 5 sachet ng hinihinalang shabu.

Tinatayang nasa P150,000 cash naman ang nakumpiska sa Taiwanese “drug queen” na si Yu Yuk Lai subalit agad nitong itinanggi na galing ang pera sa mga transaksiyon na may kinalaman sa iligal na droga dahil ito aniya ay pera ng kooperatiba sa kulungan.

Isang preso rin ang nakuhanan ng P150,000 cash.

May nahanap ding cash – na hindi pa natutukoy ang halaga – sa loob ng dormitoryo ng plunder convict na si Janet Lim Napoles.

Kapansin-pansin naman ang tila pagiging VIP ni Napoles dahil napapalibutan ito ng kanyang mga kapwa preso at inilalayo sa media.

Ayon kay BuCor chief Gerald Bantag, hanggang P2,000 lang ang puwedeng dalahin ng mga nakapiit sa pasilidad, anumang halaga na sosobra rito ay dapat i-deposit sa mga tauhan ng Bilibid.

Dagdag pa ni Bantag, kadalasan kasi ang nasabing halaga ang ginagamit bilang pambayad sa mga abugado sa mga presong may kaso.

Bukod sa hinihinalang droga at pera, nakuha rin sa loob ng pasilidad ang mga game gadget, solar battery, at mga gintong alahas.

Ayon kay Bantag, sususpendihin ang visiting privilege ng mga presong nakuhanan ng mga kontrabando at maaari rin daw maharap ang mga preso sa disicplinary action.

Inaalam na rin sa ngayon kung paano napuslit ang ibang mga kontrabando. Pagkatapos ng Galugad, pinababa ang lahat ng preso at nag formation sa ground ng Correctional.

Teng, opensa ng Aces

Posted on: March 5th, 2020 by @peoplesbalita No Comments

WALANG palya sa postseason ang Alaska Milk nitong 2019, hindi lang sila nakakatalon ng quarterfinals.

Lumagpak sa No. 8 sa Philippine Cup, sinipa agad ng No. 1 Phoenix Pulse sa quarter. No. 8 ulit sa Commissioner’s, nakauna sa TNT sa quarters pero sadsad sa pangalawang laro.

Habang umangat sa No. 7 ang Aces sa Governors Cup, nabigo sa Meralco.

Eentra ang Alaska sa unang full season sa ilalim ni coach Jeffrey Cariaso na humalili kay Alexander Compton matapos inalis pagkaraan ng midseason conference.

Pinamigay ng Aces si Chris Banchero sa season-ending conference papuntang Magnolia Hotshots, kapalitan niya sina Rob Herndon at Rodney Brondial.

Tinaboy rin si Simon Enciso sa Talk ‘N Text kapalit ni Mike Digregorio Pati si Jake Pascual na nasa Phoenix na.
Kay Vic Manuel sumentro ang atake ng mga maggagatas sa nakalipas na taon.

Samantala, nagpabata ngayong papasok na 45th Philippine Basketball Association 2020 na magbubukas sa Philippine Cup sa Linggo, Marso 8 sa Big Dome, idineklara ni Cariaso na kay Jeron Teng na iikot ang kanilang opensa.

Bukod dito, may Maverick Ahanmisi at Abu Tratter pa ang koponan ni Wilfred Steven Uytengsu, Jr.
Sa draft noong Disyembre, tinapik ng Aces sina Barkley Ebona ng Far Eastern University sa 4th pick at magkasunod sina Rey Publico ng Colegio de San Juan de Letran sa 16th, at Jaycee Marcelino ng Lyceum of the Philippines University sa 17th.

“We were busy (during offseason) making traded and additions,” dada ni governor Richard Bachmann. “We have three new rookies. Coach Jeff had been spending more time with the players and the system.”

Mabigat ang hampon kay Teng na nasa pangatlong taon niya sa liga lalo’t siya na ang prangkisang manlalaro ng team.
“Ita-try ko lang i-pass on iyong natutunan ko sa veterans. Hopefully maipasa ko sa younger guys,” komento niya.
Goodluck sa iyo bata, nawa’y mai-angat mo pa ang bandera ng Gatas sa PBA ngayong 2020.

Ads March 5, 2020

Posted on: March 5th, 2020 by @peoplesbalita No Comments

VAN NI KIM CHIU, PINAGBABARIL SA QC

Posted on: March 5th, 2020 by @peoplesbalita No Comments

KAAGAD pinawi ni Kim Chiu ang pangamba ng kanyang mga tagasuporta matapos ang kinasangkutang shooting incident sa van kung saan siya nakasakay bandang alas-6:00 kahapon ng umaga, Marso 4 sa bahagi ng C.P. Garcia Avenue, Katipunan Quezon City.

Sa kanyang Instagram post, inihayag ng 29-year-old actress na nagpapasalamat siya sa lahat ng mga nag-alala pero hindi pa nito masasagot ang lahat ng mga text at tawag sa kanya upang siya ay kamustahin.

Kuwento pa ng Chinese-Filipina actress na tubong Cebu, labis siyang natakot ngunit ang mahalaga ay walang nasaktan sa mga kasama niyang assistant at driver.

Palaisipan kay Chiu kung “mistaken identity” ang nangyari dahil wala naman siyang kaaway.

Ayon sa kanyang driver, matapos tambangan agad ding dumiretso sa taping ng tele-seryeng Love Thy Woman si Kim kasama ang kanyang assistant.

Sa inisyal na impormasyon, kalalabas lamang ng van ni Kim sa subdivision nito nang biglang pagbabarilin ng riding in tandem ang itim na van ng aktres. Siyam na bala ang tumama sa iba’t ibang bahagi ng sasakyan. Nasa ligtas na itong kalagayan at agad silang sinundo ng isa pa niyang driver.Agad na tumakas ang mga suspek patungong Katipunan Avenue, Old Balara.

Bumuo na rin ng task force ang QC Police District para imbes-tigahan ang pamamaril.Binigyan na rin ng police escort ang aktres.

Samantala, kabilang sa mga katanungan ni Kim kung ang pangyayari nga ba ay “mistaken identity,” o kaya “napagtripan lang” o ito ba ay “masamang biro.”

Aniya, wala naman daw siyang kaaway. Sa kabila nito, todo ang pasasalamat ng aktres at ligtas sila lalo na at kabilang sa tinamaan sa loob ng kanyang van ay ang lugar kung saan palagi siyang nakapuwesto kung nag-aaral siya ng kanyang mga scripts.

Narito ang naging post ni Kim sa kanyang social media account:

“A lot of you have been texting and calling. can’t answer right now. Thank you for checking on me. Means a lot. Yes I am safe po. I’m ok and my P.A. And my driver as well. Papa Jesus protected us. I dont have an idea what really happened, mistaken identity? I guess?? Napag tripan?.. This is a bad joke. 6am on my way to taping, I was asleep inside my car then I heard several gun shots, 8 to be exact. I was shocked and ask my driver what happened, then I saw this bullet on the windshield where my head was laying “buti nakahiga ako.” Pano kung tinuloy ko magbasa ng script?… I was so scared, I dont know what to feel right now. Wala naman akong kaaway or ka atraso. Why me?. Kung sino man ang gumawa nito Diyos na ang bahala sa inyo dalawa. Sana tininignan nyo muna ang plate number bago nyo paulanan ng bala yung kotse ko but at the end of the day inisip ko nalang walang nasaktan sa amin. God protected us. Salamat po.”

Hindi rin niya lubos maisip ang motibo sa nangyaring ito sa kanyang buhay.

“I was so scared, I don’t know what to feel right now. Wala naman akong kaaway or ka atraso.”

“Kung sino man ang gumawa nito Diyos na ang bahala sa inyo dalawa. Sana tininignan niyo muna ang plate number bago niyo paulanan ng bala ‘yung kotse ko but at the end of the day inisip ko nalang walang nasaktan sa amin. God protected us,” pahayag pa ni Kim.

Habang inaala-ala rin ang masaklap na nangyari ikinuwento niya ito habang umiiyak sa interview niya kay MJ Felipe para sa TV Patrol.

“Para akong nasa Probin-syano, dyusko. First time ko makarinig ng shootout.

“Wala naman akong kasalanan . Hindi ko alam what’s happening.

“It’s just a normal taping day for me na lumabas sa village e.

Naalimpungatan daw si Kim nang makarinig ng kakaibang tunog at hindi raw niya kaagad napagtanto na putok iyon ng baril.

“ Maliit lang ‘yung putok, e. As in manipis lang siya na tunog.”

Hindi pa raw agad nag-sink in kay Kim ang mas matinding kapahamakang posibleng niyang sinapit.

“Hanggang sa umupo ako, nakita ko ‘yung mga tama ng baril na mga bilog-bilog sa bintana.

“Shocks, kung hindi ako humiga, tatamaan talaga ako. I was scared,” naluluhang pahayag ni Kim.

Agad ding dinamayan ng mga ABS-CBN boss si Kim sa traumatic experience na ito. Kasama sa mga nakasuporta sa aktres ay sina Mark Lopez, Carlo Katigbak, Cory Vidanes, Johnny Manahan at Ging Reyes.

Pekeng Portuguese, inaresto sa NAIA

Posted on: March 5th, 2020 by @peoplesbalita No Comments

INARESTO ng Bureau of immigration (BI) ang isang Guinean national na tinangkang pumasok ng bansa matapos na nagkunwaring isang Portuguese.

Kinilala ni BI Commissioner Jaime Morente ang dayuhan na si Fatoumata Tanou Diallo, 38, na inaresto ng BI Travel Control and Enforcement Unit (TCEU) sa Ninoy Aquino International Airport (NAIA) Terminal 1.

Si Diallo ay tinangkang pumasok sa bansa dakong alas-4:00 ng hapon sakay ng Air Asia flight mula Incheon, South Korea.

Ayon kay BI’s Intelligence Division Chief Fortunato Manahan, Jr. ginamit ng suspek ang identity ng kanyang kapatid na si Ruguiato Djalo.

“During inspection, our officer noticed that Diallo’s facial features did not match with the picture in the passport she was carrying. She also failed to present other identification cards, or any proof of her admission and departure from South Korea,” ayon kay Manahan.

Nakilala lamang ang tunay na pagkatao ng suspek nang i-surrender nito ang kanyang Republique de Guinee na passport.

Sinabi ni Manahan na ang supek ay pinabalik sa kanyang bansa at naka-blacklist na rin ito at pinagbabawalan na siyang pumasok ng bansa.

“Our officers have undergone forensic training,” he said. “They are trained to detect fraud. Deceiving our officers will only get you in trouble,” paalala ni Morente.

Ang Portuguese passport ni i Djalo’s ay kinumpiska na at i-turn over sa Portuguese Embassy. (Gene Adsuara)

2020 LBC RONDA: OCONER, BAGONG HARI

Posted on: March 5th, 2020 by @peoplesbalita No Comments

KINORONAHAN ni George Oconer ang sarili bilang bagong hari ng LBC Ronda Pilipinas habang ang kanyang koponan na Standard Insurance-Navy ay muling tinanghal na team champion sa 10th anniversary race ng event na nagtapos kahapon (Miyerkules) sa harap ng provincial capitol sa Vigan, Ilocos Sur.

Nakontento ang 28-anyos na si Oconer na manatili sa likod ng peloton na unang dumating sa finish line ng Stage 10 criterium na pinagharian ng kakamping si Jan Paul Morales para mauwi ang kanyang unang titulo.

Matapos ang 10-stage at 11 araw na event na tumahak sa kabuuang 14 lalawigan at nagsimula sa Sorsogon, tinanghal na kampeon si Oconer matapos makalikom ng kabuuang oras na 32:42:12 kung saan 68 mula sa 88 orihinal na cyclist na lumahok ang natira.

Maliban sa pag-uwi ng premyong nagkakahalaga ng P1 milyon at eleganteng tropeo, si Oconer ay tinanghal din bilang best Filipino cyclist sa kasalukuyan.

Ang pagwawagi ni Oconer ay nagtampok din sa dominasyon ng Standard Insurance-Navy sa Ronda kung saan ang lima pa nitong siklista na kinabibilangan nina Ronald Oranza, Ronald Lomotos, John Mark Camingao, Junrey Navarra at El Joshua Carino ay nakapasok sa top 10 sa likod ng anak ni two-time Olympian Norberto Oconer para mauwi ng koponan ang team crown.

Nakapasok din sa top 10 ng individual race sina Go for Gold riders Jonel Carcueva, Daniel Ven Carino at Ismael Grospe, Jr. at Marvin Tapic ng Bicycology-Army.

Maliban sa team title, nagwagi rin ang Standard Insurance-Navy sa limang stage kung saan ang tatlo rito ay hatid ni two-time Ronda king Morales, na nauwi rin ang CCN Sprint award na hatid ng LBC at suportado ng Manny V. Pangilinan Sports Foundation.

Tinanghal naman si Navarra bilang Versa King of the Mountain sa event na suportado rin ng Palayan, Nueva Ecija, Versa, 8A Performance, Print2Go, Petron, Green Planet, Bike Xtreme, Standard Insurance, Spyder, CCN, Lightwater, Prolite, Guerciotti, Black Mamba, Boy Kanin, Vitamin Boost, NLEX-SCTEX, Maynilad, 3Q Sports Event Management Inc., LBC Foundation at PhilCycling.

‘Mga kaso ng hostage taker sa San Juan, madadagdagan pa’ – Sinas

Posted on: March 5th, 2020 by @peoplesbalita No Comments

MASUSUNDAN pa ang mga kaso laban sa Green Hills hostage taker na si Alchie Paray.

Ayon kay National Capital Region Police Office (NCRPO) Chief Maj. Gen. Debold Sinas sa panayam ng Bombo Radyo, illegal possession of firearms at explosives ang inisyal nilang isinampa, habang maghahain ng bukod na reklamo ang mga naging hostage nito.

Layunin ng hakbang na huwag tularan ang ginawa ng suspek para hindi malagay sa panganib ang mga inosenteng biktima.

Gayunman, iimbestigahan ng Philippine National Police (PNP) ang mga hinaing ni Paray sa kanyang employer at security agency nito.

“Initial pa lang pong mga kaso ang ginawa natin. Bukod naman yung sa mga hinostage,” wika ni Sinas. (Daris Jose)

Hot meat, nabubulok na karneng manok nasabat

Posted on: March 5th, 2020 by @peoplesbalita No Comments

NAHARANG ng City Veterinary Office ang isang van na naglalaman ng higit sa 3,000 kilong nabubulok at mishandled na karneng manok sa labas ng Cogon market, Cagayan de Oro City, kahapon (Miyerkules) ng umaga.

Nakasilid ang karne sa mga supot.

Higit 1,000 kilo ng karneng manok ay nangangamoy at halos nabubulok na, habang higit 2,000 kilo naman ang ‘hot meat’ dahil wala itong meat inspection certificate.

“Hinanapan namin ng meat inspection certificate ang mga nagtitinda sa loob. Wala daw kasi nasa mga meat van. Kaya lumabas kami. Upon checking sa isang meat van, walang meat inspection certificate at spoiled almost half (ng nasa loob) sa meat van,” sabi ni Dr. Darryl Rasay, Senior Meat Control Officer ng City Veterinary Office.

Hindi na nagbigay ng pahayag ang driver at pahinante ng van, pero inamin nilang galing ang karga nilang karne sa bayan ng Tagoloan sa Misamis Oriental at dadalhin sana patungong Marawi City.

Ililibing ng City Veterinary Office ang nakumpiskang karne, habang patuloy pang iniimbestigahan ang may-ari nito na kakasuhan ng paglabag sa Meat Inspection Code of the Philippines.

DoF, aware sa $180 milyon o P9 bilyon na pinasok na pera ng mga Chinese nationals

Posted on: March 5th, 2020 by @peoplesbalita No Comments

HINDI lingid sa kaalaman ng Department of Finance (DoF) ang $180 milyon o P9 bilyon na pinasok na pera ng mga Chinese nationals sa bansa mula Disyembre 2019 hanggang Pebrero ng taong ito.

Sinabi ni Department of Finance Asec. Tony Lambino sa Economic Briefing sa New Executive Building (NEB), Malakanyang na inireport na ng Bureau of Customs (BoC) kay Finance chief and economist Carlos G. Dominguez III at sa Anti-Money Laundering Council (AMLC).

Aniya, itse-check nila sa AMLC kung ano na ang aksyon na ginawa nito sa nasabing usapin.

Para kay Asec. Lambino, ang bagay na kanilang napagtanto ay hindi ito illegal sa Pilipinas.

Ang katuwiran niya ay wala naman kasing batas na ipinasa ang Kongreso para salungatin ang ganitong uri ng transaksyon at sabihing illegal.

Ang kailangan lamang ay ideklara ito at malayang maipasok ito sa bansa.

Ang mga hindi nagdedeklara at nahuhuli ay iyon kaagad na nagagawan ng seizure o pagkumpiska ng pera subalit ang mga nagdeklara naman aniya ay pinapayagan ang mga ito na dalhin sa bansa ang kanilang pera dahil hindi naman ito ginawang illegal ng Kongreso.

“So, that’s one thing I … we can work on together with our legislators,” aniya pa rin.

Ang pangalawang punto ay nais nilang i-trace o tuntunin kung saan napupunta at saan nagagamit ang nasabing pera.
Sa ulat, nagtataka naman ang ilang senador kung bakit pinalulusot ng AMLC ang milyon-milyong dolyar na pinapasok ng mga Chinese sa Pilipinas.

Nanindigan sina Senador Richard Gordon, Francis ‘Kiko’ Pangilinan at Senate Minority Leader Franklin Drilon na money laundering na ang ginagawa ng mga Chinese.

Sa personal na impormasyon ni Gordon, chairman ng Senate Blue Ribbon Committee, may 60 Chinese ang nakalusot sa bansa na may bitbit na milyong dolyares na aniya’y kaduda-duda ang paggagamitan.

“May $3 million, may $4 million. Milyon ha, cash. At inaamin nila,” pahayag ni Gordon.

Pero nagtataka umano siya kung bakit walang aksyon dito ang AMLC.

“Nagtataka ako, ang tagal-tagal nang nangyayari ‘yun, walang umaaksyon sa AMLC dahil suspicious,” ani Gordon kaya nagdesisyon siyang paimbestigahan ito sa kanyang komite.

Sa tantiya ni Gordon, umabot sa $180 milyon o P9 bilyon ang pinasok na pera ng mga Chinese mula Disyembre 2019 hanggang Pebrero ng taong ito.

Nagbabala naman si Drilon na nagiging pugad na ang Pilipinas ng mga money launderer.

“Sa akin, maliwanag na ginagamit ang ating bansa para sa money laundering. Talagang lumalaganap at lumalakas ang loob nitong mga Chinese syndicates at nagiging haven tuloy ang ating bansa for money launderers,” pahayag ni Drilon.

Drilon ang Senate President nang ipasa ng Kongreso Republic Act 9160 o Anti-Money Laundering Act of 2001.
“We have never seen this kind of behavior. They seem very confident that they will not be caught,” ayon pa sa senador.

Sabi ni Drilon, hindi naman iligal para sa mga dayuhan na magbitbit ng malaking halaga ng pera sa bansa subalit kailangang i-report ang halaga nito sa Bureau of Customs.

Ayon pa sa senador, ang pagi-ging pugad ng mga money launderer ay maaaring may kinalaman sa pamamayagpag ng mga casino at Philippine Offshore Gaming Operators o POGO sa bansa.

Sinabi naman ni Pangilinan na winawalanghiya ng Chinese ang umiiral na batas sa bansa sa pagpupuslit ng malaking halaga ng pera.

“Hindi pa may nabanggit pa si Senator Gordon na bil-yong dolyares o daang milyong dolyares ang pumapasok.

Kumbaga walanghiyaan na sa ating batas, wala ng pagkilala. ‘Yong bang ang trato nila sa atin dito ay bansa nila ito at batas nila ang mangingibabaw kung ano man ‘yon at hindi ‘yong mga batas natin,” wika ni Pangilinan kasabay ng panawagan na ipa-deport na ang mga pasaway na Chinese. (Daris Jose)

Gymnast Dela Pisa, pararangalan ng SMC-PSA

Posted on: March 5th, 2020 by @peoplesbalita No Comments

INSPIRASYON at nakakaluha ang istorya sa nakalipas na 30th Southeast Asian Games PH 2019 ang kikilalanin at may espesyal na parangal sa SMC-PSA (Philippine Sportswriters Association) Annual Awards Night sa Centennial Hall ng Manila Hotel sa darating na Biyernes.

Siya si women’s gymnastics gold medalist Daniela dela Pisa na makakasama nina tennis phenom at Globe Ambassador Alexandra Eala, susunod na Chess Grandmaster Daniel Quizon, at ace swimmer Miguel Barreto bilang mga MILO Junior Athletes of the Year sa Marso 6 sa gala night na inorganisa ng pinakamatagal na sports media organization sa bansa sa pangunguna ng pangulo nito na si Manila Bulletin sports editor Eriberto S. Talao, Jr.
Nagbanda ang 16-anyos na si Dela Pisa ng husay at talento upang malampasan ang ginawa ng kakampi at world champion na si Carlos Edriel Yulo upang iuwi ang medalyang ginto sa hoop final ng women’s rhythmic gymnastics competition sa SEA Games noong Disyembre.

Ang ginto ang tanging nasungkit ng mga Pilipinong gymnast maliban sa dalawang napanalunan naman ni Yulo sa men’s artistic all-around at floor exercise.

Isinagawa ng batang Cebuana gymnast ang tagumpay matapos ng ovarian cancer na natamo sa edad na apat na taon pa lang niya. Dahil sa chemotherapy, pagmamahal at walang sawang suporta ng kanyang pamilya, naipagpatuloy niya ang pagmamahal sa sport sa paggiya ng ina na si Darlene, dati ring gymnast, upang siya ang maging bemedalled athlete sa kasalukuyan.

Nagwagi pa si Dela Pisa ng pares ng tanso sa rhythmic ball at clubs.

Pero hindi nagpaiwan sina Eala, Quizon, at Barreto na nagpakita nang magagandang bagay at nagsimula sa maliliit na paghahanda tungo sa pagwawagi sa pamamagitan ng paghihirap at disiplina.

Pinagpatuloy ng 14-anyos na si Eala pag-angat sa world ranking sa pagtatapos ng 2019 na rated No. 9 matapos na magwagi sa kanyang junior Grand Slam debut sa Australian Open.

Mangunguna rin si Eala sa listahan ng Antonio Siddayao Awardees sa aktibidad na mga suportado ng Philippine Sports Commission, MILO, Cignal TV, Philippine Basketball Association, AirAsia, at Rain or Shine.

Nadale ang 14-anyos na si Quizon ang International Master title at nakaginto sa U16 standard ng Eastern Asia Youth Chess Championships sa Bangkok. Siya rin ang best-placed Pilipino sa blitz side event ng Asian Continental Chess Championship sa China sa pagtibag kina GMs Wan Yunquo at Liu Yan ng China at Venkataraman Karthik ng India.
(REC)