Pangarap ni Canadian tennis player Bianca Andreescu na mahigitan ang record ni US tennis star Serena Williams.

Ayon sa 20-anyos na tennis player na malaki ang pangarap niya gaya ng malampasan ang record ng ilang mga sikat na tennis star na kinabibilangan ni Williams, Chrissy Evert o ang Australian tennis star Margaret Court.

Mula pa noon kasi ay pinangarap niyang maging pinakamagaling na tennis player sa buong mundo at makapagtala ng mga records.

Naging unang-grand slam singles champion kasi si Andreescu matapos talunin si Williams sa US Open noong nakaraang taon.

Isa sa paraan na ginagawa nito ngayon ay ang patuloy na pagsasagawa ng ensayo.

Umaasa rin nito na agad na makabalik ang mga laro sa tennis para matuloy na ng mga nabinbin na torneo ngayong taon.

Nakatakdang magaganap ang FIBA 3×3 Olympic qualifying tournament (OQT) sa Graz, Austria sa May 26 hanggang 30, 2021.

Ito ang unang opisyal na FIBA 3×3 competition sa Austria, ayon sa FIBA.

“The focus of our government in sports is the promotion of trending and green sporting event,” ani Austria Vice-Chancellor at Sports Minister Werner Kogler. “The FIBA 3×3 Olympic qualifying tournament combines modernity and sustainability in a unique way.”

Aabot sa 40 teams (20 men’s at 20 women’s) mula sa 36 na iba’t ibang bansa ang sasagupa sa FIBA 3×3 Olympic qualifiers. Nakataya sa laban ang anim na tiket para sa Tokyo Olympics — three men’s at three women’s teams ang makapapasok.

Sasabak ang Pilipinas sa men’s 3×3 OQT, na kakatawanin nina Alvin Pasaol, Joshua Munzon, CJ Perez, at Moala Tautuaa.

Sina Munzon at Pasaol ang highest-ranked 3×3 players ng Pilipinas habang si Perez at Tautuaa ay bahagi ng national team na nagwagi ng gold sa 3×3 sa 2019 Southeast Asian Games.

“We will be ready come 2021,” ani ni Chooks-to-Go Pilipinas 3×3 league owner Ronald Mascariñas. “For us in Chooks-to-Go Pilipinas 3×3, we will resume operations once the government allows us to do so.”

“We will use that tournament to help keep our players sharp, while also continuing to bring in topnotch coaches like coach Stefan Stojacic to help train the team,” dagdag pa nito.

Makasasama ng Pilipinas sa Group C ang Slovenia, France, Qatar, at Dominican Republic.

“FIBA is delighted that the road to the Olympics will stop in Graz’s iconic Hauptplatz and that the Austrian authorities have vowed to make it the greenest, most sustainable event to date, which is entirely in line with our concept of reduced ecological footprint of 3×3,” ani FIBA executive director Europe Kamil Novak.

“We are very happy to be able to bring this great tournament to Austria,” dagdag naman ni Basketball Austria president Gerald Martens. “It gives our successful national teams a historic chance to make it to the Olympics.”

Ayon sa ulat, gagawa ang local organizers ng temporary outdoor venue na may seating capacity na 2,000 para sa nasabing okasyon.

Kabuuang 16 teams — eight men’s at eight women’s – ang sasabak sa 3×3 event sa Tokyo Olympics. Walong team na ang nakapasok sa Olympics base sa ulat ng FIBA 3×3 Federation noong Nobyembre.

Matapos masungkit ang anim na tiket sa Austria, ang huling dalawang tiket – para sa male at female – ay pag-aagawan naman sa FIBA 3×3 Universality Olympic qualifying tournament sa Budapest, Hungary.

Nagpositibo sa coronavirus si tennis world number one Novak Djokovic.

Siya ang pinakahuling tennis player na nagpositibo sa nasabing virus kasunod nina Borna Coric, Grigor Dimitrov at Viktor Troicki.

Ang 33-anyos na si Djokovic ay siyang huling nakalaro ng kapwa Serbian player na si Troiki sa unang event ng Adria Tour competition sa Belgrade.

Magugunitang dahil sa pagpositibo ng ilang mga tennis players sa ay tuluyan ng kinansela ang nasabing torneo na inorganisa ni Djokovic.

Sinabi naman ni Great Britain tennis star Andy Murray na ang mga pangyayari na pagpositibo sa virus ng mga manlalaro ay dapat na ituring na isang aral habang tinawag naman ni Australian player Nick Kyrgios na ang paglalaro sa nasabing event ay isang “bone-headed decision”.

Hinikayat ng asawa ng yumaong NBA star Kobe Bryant na si Vanessa ang mga mambabatas sa US na gumawa ng bagong helicopter safety bill.

Ito ay matapos ang pagkasawi ng Los Angeles Lakers star kasama ang anak nitong si Gianna at pitong iba pa.

Ayon kay Vanessa, na ang pagpasa ng panibagong federal law ay para mag-improve ang kaligtasan ng mga nag-ooperate ng helicopter sa US.

Naniniwala kasi ito na buhay pa sana ang kaniyang mag-ama kung may nakalagay na safety equipment ang mga helicopter.

Ang pahayag ni Vanessa ay kasunod ng pagpapakilala ni Californian Democratic Rep. Brad Sherman ng “Kobe Bryant and Gianna Bryant Helicopter Safety Act”.

Hiniling din ni Vanessa na palitan din ang tawag sa black box at gawin itong Mamba 8 Box bilang pagkilala sa tatlong batang Mamba team players at 2 Mamba coaches at tatlong Mamba parents na kabilang sa nasawi.

Magugunitang bumagsak ang sinakyang helicopter ni Bryant noong Enero habang patungo ang mga ito sa Mamba Sports Academy sa Thousand Oaks, California.