2020 August Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for August, 2020

Giit ni Pdu30, walang magic bullet laban sa Covid- 19 pandemic

Posted on: August 26th, 2020 by @peoplesbalita No Comments

SINABI ni Pangulong Rodrigo Roa Duterte na walang “magic bullet” para resolbahin ang coronavirus disease 2019 (Covid-19) health crisis.

Kaya ang pakiusap ng Pangulo sa publiko ay dagdagan pa ang pasensiya hanggang maging available ang bakuna.

Sa public address ni Pangulong Duterte ay tiniyak nito sa publiko na patuloy na tinutugunan ng pamahalaan ang Covid-19 pandemic sa pamamagitan ng recalibrating ng health system strategies.

Inamin ng Chief Executive na hindi perpekto ang gobyerno sa pagtugon sa hamon na dala ng pandemiya subalit ginagawa naman aniya ng pamahalaan ang lahat ng magagawa nito para labanan ang pandemiya.

“There is no magic wand or if you want a stronger statement a — the magic bullet, a silver bullet, that will solve our problems. May sinubukan tayo since we are not perfect,” aniya pa rin.

Samantala, umaasa naman si Pangulong Duterte na ang China o ang Russia ang magbibigay sa Pilipinas ng kani-kanilang bakuna sa oras na makumpleto na ang clinical trials.

“Malapit na ‘yan. Russia, China, I dunno if anybody, alam ko lang yung dalawa, nag-announce na meron sila at ready and they’re willing to help. Both countries lumabas ng statement na tulungan nila ako,” anito.

Ani Pangulong Duterte, handa siyang mangutang ng pera para bayaran ang vaccines kung hindi ito ibibigay ng libre.

“Kung may bayad, dahil marami masyado, utangin natin. Credit nalang or hanap tayo ng loan but if it’s not, I’m sure that they are willing to give us that privilege of borrowing from them,” aniya pa rin.

PETISYON NG ABS-CBN, IBINASURA NG SC

Posted on: August 26th, 2020 by @peoplesbalita No Comments

IBINASURA ng Supreme Court En Banc session,ang isinampang petition for certiorari and prohibition with appication for Temporary Restraining Order and injuction na isinampa ng ABS-CBN Corporation laban sa kautusan ng National Tele Commujication Commission (NTC).

Sa ipinalabas na resolusyon,sinabi ng SC dahil sa ginawang pagtanggi ng Mababang Kapulungan ng Kongreso sa mga nakabinbin na House bills para sa renewal ng prankisa ng ABS-CBN noong Hunyo 10,2020, wala na umanong dahilan para hindi ibasura ang petisyon ng nerwork.

“The court finds its appropiate to dismiss the case on the ground of mootness.Because of this supervening event, there is no actual substantial relief whicn ABS-CBN Corporation would be entitled to regardless of the court’s disposition of the merits of the petition,”ayon pa sa resolusyon ng SC.

Nalaman na unanimous ang naging desisyon na idismiss ang petisyon ,maliban kay Associate Justice Priscilla Baltazar-Padilla na naka leave nang magbotohan. (GENE ADSUARA)

Pacquiao alangan kay Golovkin

Posted on: August 26th, 2020 by @peoplesbalita No Comments

SOBRANG bigat.

Ito ang isang rason kaya ayaw kagatin ni reigning World Boxing Association (WBA) super featherwerwight champion Emmanuel ‘Manny’ Pacquaio si Gennady Golovkin ng Kazakstan sa sandaling magbalik sa ruwedang parisukat.

Ayon sa fighting senator, may kataasan ang timbang na 159.2 lbs. si Golovkin sa nakaraang pakikipagbanatan kay Sergiy Derevyanchenko ng Ukraine kung ihahambing sa bigat niyang 146.5 sa huling pakikipag-umbagan kay Keith Thurman ng USA.

Ayon pa kamakalawa sa Pambansang Kamao, papatulan niya si Golovkin kung sa welterweight limit 147-pound sila magkakasundo.

Iminungkahi naman ng dati niyang mentor na Amerikanong si Freddie Roach na kasahan niya si Gennady para sa middleweight world title. (REC)

Mga fans ni Bryant, inaalala ang 42nd kaarawan nito

Posted on: August 26th, 2020 by @peoplesbalita No Comments

Nagsagawa ng pagpugay ang iba’t-ibang basketball fans sa pagdiriwang ng ika-42 kaarawan ng yumaong NBA star na si Kobe Bryant.

Binuksan ang mga mural na nagpupugay sa Los Angeles Lakers star na makikita sa ib’at-ibang bahagi ng mundo bukod pa sa bayan nito kung saan siya isinilang sa downtown Los Angeles, isa sa malapit sa Convention Center ganun din sa Shoe Palace sa Fairfax District at ang pinakamalaking mural sa San Fernando Valley.

Sa kabuuan ay mayroong 331 murals sa buong mundo 267 sa US at 64 sa ibang bana.

Nagpost naman sa social media ng mahabang mensaheng pag-alala mula sa kaniyang asawa na si Vanessa maging ang anak nila na si Natalia Bryant.

Habang si Lakers star LeBron James ay nagpost sa kaniyang social media ng throwback na video noong ika-30 birthday ng NBA star.

Magugunitang pumanaw si Bryant kasama ang anak na si Gianna at pitong iba pa ng bumagsak ang sinakyan nilang helicopter noong Enero.

Castro vs Biscocho sa pagka-race director

Posted on: August 26th, 2020 by @peoplesbalita No Comments

Si Jose ‘Jun’ V. Castro Jr. ang kinikilalang ng ama ng Philippine running.

Siya ang dahilan ng running boom sa bansa noong dekada 80 tapos ng bantog niyang Band Aid Family Marathon Clinic noong 70s.

Pero noong 1980 silang dalawa – Castro ng Intergames o Intersport at Rodolfo ‘Rudy’ Biscocho ng Run And Compete Enterprise o RACE – ang naging mahigpit na magkaribal sa pag-o-organize pagiging mga race director ng mga marathon at iba pang footrace sa Metro Manila at sa kapuluan na rin.

Naging race director si Castro ng National MILO Marathon, Batulao Marathon, Pilipinas Third World Marathon na kalauna’y naging San Miguel Beer Pilipinas International Marathon.

Na kay Biscocho ang Philippine Airlines Manila International Marathon, Puma Half-Marathon, at iba pa. Hinawakan din niya sa dekada 90 hanggang 2000-plus ang MILO Marathon nang yumao na si Castro noong 2015..

Namayapa na si Jun sa Estados Unidos sa kanser tapos umalis ng bansa noong 1993 sa kasagsagan ng panunungkulan niya bilang komisyoner ng Philippine Sports Commission (PSC).

Nasa Tate rin si Rudy sa kasalukuyan matapos mamatay ang isang anak na lalaki at paminsan-minsan na lang pumaparito para sa ilang piling binabalangkas pa rin niyang mangilan-ngilan na mga karera na lang gaya ng Yakult 10-Miler.

Sa kuwento ng aking papa (RDC) na nakoberan ang mga patakbo ng dalawa, Pareho aniyang mabuting makisama sina Catro at Biscocho.

Kaya dinudumog ng sports media ang kanilang mga patakbo. Nakatakbo’t taposdin pala ng NMM, PAL-MIM at PIM bukod pa sa Pasig Marathon at Subukan Full-Marathon sa Quezon City ang aking ama.

***

Kung nais po ninyong mag-reaksiyon o may gusto po kayong itanong, mag-email lang po kayo sa jeffersonogriman@gmail.com.

Idalangin po nating lahat na matapos na ang COVID-19. Ingat po tayong lahat palagi. Panatilihin po nating malakas ay malinis ang ating katawan sampo ng ating tahanan, mga kasamahan at kapaligiran.

Hanggang bukas po uli mga ka-PEOPLE’S Balita.

God bless us all! (REC)

‘Pinas, hindi isusuko ang West Philippine Sea

Posted on: August 24th, 2020 by @peoplesbalita No Comments

TINIYAK ng Malakanyang sa publiko na hindi nito isusuko ang kahit na nag-iisang pulgada ng teritoryo ng bansa kabilang na ang inaangkin nitong bahagi ng South China Sea.

Ang pahayag na ito ni Presidential spokesperson Harry Roque ay matapos akusahan ng China ang Pilipinas ng illegal provocations sa pinagtatalunang South China Sea.

Ani Sec. Roque, hindi isusuko ng Pilipinas ang West Philippine Sea.

“Consistent naman po ang ating Presidente , he will not give even an inch of our national territory or sovereign rights to any other state,” diing pahayag ni Sec. Roque.

Sa ulat, nagprotesta ang DFA sa ginawang pagkumpiska ng China sa aggregating devices ng mga Filipinong mangingisda sa Bajo de Masinloc, o mas kilala bilang Scarborough Shoal.

Para sa Pilipinas,iligal ang ginawang pagkumpiska ng Chinese Coast Guard sa mga payao ng mga mangingisdang Filipino.

Sa kabila ng walang ideya ukol sa overflights sa pinagtatalunang karagatan ay sinabi ni Sec. Roque na ang mga Filipino, Vietnamese, at Chinese fishermen ay malayang makapangisda sa Scarborough Shoal.

“Diyan po sa Bajo de Masinloc malinaw po lahat tayo pupuwedeng mangisda… ‘yan naman po ay kinikilala ng lahat,” ayon kay Sec. Roque.

“Siguro po opinyon ng Tsina ‘yan … We maintain that it’s part of our sovereignty or our sovereign rights,” dagdag na pahayag ni Sec. Roque.

Aniya pa, ang kamakailan lamang na kaganapan sa South China Sea ay hindi naman makakaapekto sa relasyon ng Pilipinas at China.

“Hindi po magiging dahilan itong unresolved issue sa ating teritoryo bilang hadlang para isulong sa ating diplomatic bilateral relations with China, ‘yung mga bagay na pupuwede namang isulong, gaya ng kalakal at investments,” ayon kay Sec. Roque.

Nangyari ang insidente noong Mayo sa 124 nautical miles na nasasakupan ng Palawan.

Ayon sa Department of Foreign Affairs (DFA), na hindi sang-ayon ang Pilipinas sa patuloy na paglabas ng mga radio challenges ng China sa mga eroplano ng bansa na nagsasagawa lamang ng regular na pagpapatrolya.

Bagamat inaangkin ng Pilipinas ang shoal subalit naglabas ng kautusan ang arbitral tribunal sa The Hague, Netherlands noong 2016 na walang bansa ang dapat kumuha ng sovereign rights sa Scarborough dahil ito ay traditional fishing grounds para sa mga Filpino, Vietnamese at Chinese fishermen.

Hindi naman kinikilala ng China ang nasabing ruling at inaangkin ang shoal dahil umano nasa 472 nautical miles ito na malapit sa probinsiya ng Hainan. (Daris Jose)

Clinical trials walang garantiyang mauuna ang PH sa bakuna vs COVID

Posted on: August 24th, 2020 by @peoplesbalita No Comments

Walang kasiguraduhang unang makakakuha ang bansa sa bakuna kontra coronavirus disease 2019 o COVID-19 kahit pa may partisipasyon nito sa mga gagawing clinical trials.

Ayon kay Department of Science and Technology Council for Health Research Development executive director Jaime Montoya, nakatanggap na sila ng paunang datos sa bakunang binuo ng Russia at inaasahang malalaman ngayong linggo “if there’s a high likelihood” na ang Phase 3 ng mass testing ay posibleng gawin na sa bansa.

“Conducting clinical trials in the Philippines is not an assurance that we’ll be the first one to get the vaccine,” ani Montoya sa isang panayam.

“A more important assurance is if we have negotiations with them as far as procurement is concerned, maybe special arrangements with their priorities, prices, et cetera,” dagdag pa nito.

Sa kasalukuyan, nakikipag-ugnayan na ang Pilipinas sa 16 na mga manufacturer sa posibleng bakuna na nasa iba’t ibang stages na ng clinical trials ayon kay Department of Health (DOH) Undersecretary Maria Rosario Vergeire.
Maliban dito, kasama rin ang bansa sa COVAX Facility testing sa siyam na bakuna ar ang clinical trials ng World Health Organization sa limang bakuna.

COVAX ay “provide only 20 percent of what we require as far as the national population is concerned” to make sure that all countries “will have equitable access,” saad pa ni Montoya.

“The remaining 80 percent or so will be dependent on the country’s negotiation with the vaccine developers individually,” he said.

Una nang nangako ang Russia at US sa bansa na isasama nito ang Pilipinas sa kanilang listahan ng mga bansang uunahin sakaling mamahagi na ito ng bakuna, ayon pa kay Vergeire.

Denden umawra sa Olympic website

Posted on: August 24th, 2020 by @peoplesbalita No Comments

PAGKARAAN ni volleyball ‘phenom’ Alyssa Valdez na rumampa sa website ng Olympic Channel si “Iron Eagle” Dennise Michelle ‘Denden’ Lazaro-Revilla naman ang sumunod.

Tinampok sa sports website ang volleyball career at achievements ng former national team libero, University Athletic Associoation of the Philippines (UAAP), at incoming player ng Choco Mucho Flying Titans sa pagtawid sa Premier Volleyball League (PVL) mula sa Philippine SuperLiga (PSL) .

Isinalaysay rin ng 28-taong gulang, 5-5 ang taas at tubong Parañaque City kanyang ang pagiging pusong palaban niya.

Nagpasalamat din ang multi-awarded defense specialist sa pagkilala sa kanya ng Olympic Channel.

“Wow ! I did not expect this at all. Thank you for the beautifully written piece @olympicchannel,” tweet ng balibolista. (REC)

CONTAINER VAN, GAGAWING ISOLATION FACILITIES SA NAVOTAS

Posted on: August 24th, 2020 by @peoplesbalita No Comments

MINAMADALI na ng mga manggagawa ang pagsasa-ayos ng 30 40-footer container van na nasa loob ng Centennial Park sa Navotas City upang magsilbing karagdagang isolation facilities na ilalaan sa mga may mild cases ng COVID-19 sa lungsod.

Una na kasing iniulat ng City Health Deparment kay Mayor Toby Tiangco na puno na ang dalawa nilang community isolation facilities sa Navotas National High School at Navotas Polytechnic College na parehong may tig-210 beds matapos lumobo ng husto ang bilang ng mga na residenteng nagpo-positibo sa COVID-19.

Bagama’t tumugon naman ang Inter-Agency Task Force on Emerging Infectious Diseases sa paghingi ng ayuda ni Mayor Tiangco makaraang mabigyan ng 200 slots sa dalawang isolation facilities ng pambansang pamalaan sa Philippine Arena at World Trade Center, hindi mapigilan ng alkalde ang mahabag sa kanyang mga kababayan na mapalayo sa kanilang lungsod habang nagpapagaling ng karamdaman sa naturang mga isolation facilities.

Dahil malapit ng matapos ang inaapurang paglalagay ng karagdagang isolation facilities sa loob ng Centennial Park, hindi na kinakailangang ilabas pa ng lungsod ang mga Navotenos na magpopositibo sa virus at sa mga container van na ginawang isolation facility na muna sila mananatili habang nagpapagaling.

Malaki naman ang paniniwala ng bawa’t pamilyang Navoteno na hindi pababayaan ng alkalde at ng kanilang kongresistang si Rep. John Rey Tiangco ang kaligtasan at kapakanan ng mga residenteng tinatamaan ng sakit kaya’t inaayos na mabuti ang mga container van upang gawing isolation facility.

Bagama’t hindi maalis ang pangamba ng marami na mainit sa loob ng van, batid nila na magiging katuwang ni Mayor Toby ang kapatid na si Rep, John Rey Tiangco para tiyaking malagyan ng air condition ang bawa’t pasilidad upang maging komportable kahit paano ang mga tinatamaan ng nakamamatay na virus. (Richard Mesa)

Gobyernong Duterte, walang balak magpatupad ng toll sa EDSA

Posted on: August 24th, 2020 by @peoplesbalita No Comments

WALANG balak ang pamahalaan na magpatupad ng toll sa EDSA sa ilalim ng administrasyon ni Pangulong Rodrigo Roa Duterte.

Kamakailan kasi ay ipinanukala ng isang transportation consultant ang implementasyon ng toll o electronic road pricing sa main thoroughfare.

“Wala pong ganoong initiative sa pamahalaan ni Presidente Duterte. Kung meron man, sa ibang presidente po yun,” ayon kay Presidential Spokesperson Harry Roque.

Sa ulat, ipinaliwanag ni Transportation road sector senior consultant Alberto Suansing na layon ng ahensiya na resolba ang traffic congestion sa EDSA tuwing rush hour, kung saan nararanasan ito mula alas-7 hanggang alas-10 ng umaga at mula alas-4 ng hapon hanggang alas-9 ng gabi.

Dagdag ni Suansing, panukala pa umano ito sa panahon ni dating MMDA Chairman Benjamin Abalos.

“How does it work? Kagaya sa Singapore, mayroong kalsada doon na hindi ka pwedeng dumaan during peak hours. kung dadaan ka, magbabayad ka. as simple as that. ‘Yan ang road pricing,” sabi ni Suansing.

“Dinidiscourage natin ang paggamit ng certain roads at certain times. ‘Yan ang rationale behind that,” sabi pa ni Suansing.

Gayundin, gagamitan ng radio frequency identification (RFID) ang paniningil ng toll fee, ayon kay Suansing.

Subalit, binigyang-diin ni Suansing, na kailangan at dapat na ayusin muna ang pampublikong transportasyon sa bansa, bago ito maipatupad sa ngayon.

“Hindi magiging makatwiran sa motorista ‘yan na i-implement, tapos wala ka namang may maio-offer na maayos na alternative. Maayos na public transport system,” ayon kay Suansing.

Samantala, nilinaw ng DOTr sa isang pahayag, na hindi pa pormal na napag-uusapan ng kasalukuyang pamunuan ang iminungkahing toll fee sa EDSA.

“This is an idea/concept suggested by various stakeholders, but has not been formally discussed yet by the present DOTr administration,” ayon sa statement.

Kaugnay nito, binasura naman ng Department of Transportation, sa ilalim ng liderato ni Sec.Arthur Tugade ang nasabing proposal.

Samantala, pinalagan ng ilang motorista ang iminungkahi ng gobyerno na paglalagay ng toll gate sa EDSA tuwing rush hour.

Mariing tinututulan ng mga motorista ang pagkakaroon ng toll fee, pati na rin mga pasahero dahil anila, dagdag na gastos at pahirap na naman ito lalo na’t unti-unti pa lang nakababawi sa pamumuhay ang karamihan sanhi ng pandemya ng coronavirus. (Daris Jose)