Mayroon 60,000 na Grab drivers at riders ang sasailalim sa libreng reverse transcription polymerase chain reaction o ang tinatawag na RT-PCR swab testing para sa coronavirus disease 2019.

Ang initial na batch ng mga drivers na sumailalim sa swab testing ay ginawa noong pilot run ng project sa Quezon Memorial Circle.

Sa Red Cross laboratory dadalhin ang swab samples para iproseso kung saan malalaman ang resulta pagkatapos ng tatlo hanggang apat na araw.

Ayon sa Grab ang proyektong ito ay gagawin at magtatagal ng dalawang buwan sa ibang lungsod sa Metro Manila.

Sinabi naman ni Grab Philippines president Brian Cu na uunahin muna nila ang may 40,000 na aktibong mga drivers at riders. Kasunod naman ay ang may humigit kumulang na 20,000 na drivers na natitira at naghihitay pa ng kanilang permit para mag operate.

Dagdag pa ni Cu, upang mahikayat ang mga drivers na sumailalim sa swab testing, ang kanilang kumpanya ay magbibigay ng P10,000 na assistance kung nag positibo ang isang driver habang sila ay naka quarantine.

Ang project na ito ay sa pagtutulungan ng Grab Philippines kasama ang National Task Force for COVID 19 at ng Bases Conversion and Development Authority (BCDA).

“The initiative is part of the government’s expanded targeted testing protocol, which aims to test frontline workers,” wika ni BCDA chief at testing czar Vince Dizon.

Ayon sa kanya, sa bagong guidelines, ang mga frontline workers na nasa special concern areas ay qualified na sumailalim ng libreng COVID-19 testing.

Kasama rin dito ang mga workers na nagtratrabaho sa public transportation sector tulad ng jeepney, bus at tricycle drivers.

Nagpasalamat naman si Mayor Joy Belmonte sa Grab para sa ginawang pilot initiative sa Quezon City. Nagkaron naman ng ika-dalawang swab testing na ginawa  sa Amoranto Sports Complex.  (LASACMAR)

Aabot sa 93 percent ng mga pampubli kong paaralan na ang may mga gamit para sa online learning para sa school year 2020-2021, ayon sa Department of Education (DepEd).

“There are 1,042,575 devices in 43,948 public schools all over the country. These are computers, laptops, tablets that can be used by learners. Additionally, we’ll deliver 211,344 devices before the end of December 2020,” ani DepEd Information and Communications Technology Service Director Abram Abanil.

Maliban sa mga device, magbibigay din ang ahensya ng learning management system (LMS) kung saan maaaring bumuo ng online classes ang mga guro at magtakda ng mga activity at collaborative tasks na maaaring bantayan.

“For example, they can assign students to read an article or watch a video lecture, and through the learning management system, they’ll know if the students have completed or not the tasks assigned by the teachers. The teachers can also create online quizzes and formative assessment,” saad ni Abanil.

Dagdag pa ng opisyal, ang LMS ay puwedeng ma-access sapamamagitan ng browser oa mobile application at ito ay ginawang zero-rated ng mga telecommunications company para hindi na gumamit ng data ang mga mag-aaral.

Nabatid na sa Agosto 31 ay mamamahagi na ng official email accounts ang DepEd sa lahat ng mga high school students.

Habang ang mga official email account sa lahat ng mga mag-aaral sa elementarya ay ibibigay sa Setyembre 15.
“These email accounts will be used by the students in accessing the LMS to ensure the security of our learners,” paglalahad pa ni Abanil.

Sa kasalukuyan, nasa 385,471 na mga guro na ang sinanay ng DepEd sa ICT-based teaching sa pamamagitan ng onlin training mula Abril hanggang Hunyo.

“We are now in the process of developing an orientation for our learners and parents using the television so they can learn how to use the LMS,” dagdag pa ni Abanil. (Bishop Jesus “Jemba” M. Basco)

Naipalabas na ng Bangko Sentral ng Pilipinas (BSP) ang enhanced features ng peso bills , na inilunsad noong Hulyo 30.

Ayun kay BSP Legazpi bank officer Sharon Moyano sa panayam ng Bombo Radyo Legazpi, ginawa ang hakbang para maprotektahan ang integridad ng banknotes at maiwasan ang pamemeke ng Philippine peso.

Maaalala kasi na sa mga nakalipas na mga taon, talamak ang pamemeke ng pera sa bansa.

Dagdag pa ng opisyal na layunin rin nito na mas maging madali ang pagtukoy ng pera para sa mga senior citizen at mga visually impared na kalimitang naloloko at nalilito sa mga banknotes.

Napag-alaman na sa bagong labas na disenyo, may naka-angat na marka sa kanang bahagi ng peso bill, kung saan dalawa ang linya para sa P50, apat na linya sa P100 bill, anim sa P200, walo sa P500 at limang linya sa P1000 bill.