2020 August Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for August, 2020

UMAWAT SA NAGHURAMENTADO, SEKYU PINAGSASAKSAK

Posted on: August 24th, 2020 by @peoplesbalita No Comments

ISANG 33-anyos na security guard ang nasa kritikal na kalagayan matapos pagsasaksakin ng egg vendor na kanyang inawat habang nagwawala at naghahanap ng away sa Malabon City, kamakalawa ng gabi.

Si Joselito Lazaro ng Damata, Brgy. Tonsuya, Malabon ay isinugod ng kanyang live-in partner sa Ospital ng Malabon subalit kalaunan ay inilipat sa Tondo Medical Center kung saan ito patuloy na inoobserbahan sanhi ng mga tinamong saksak sa katawan.

Kaagad namang nagsagawa ng follow up operation ang mga tauhan ng Malabon Police Sub-Station 5 na nagresulta sa pagkakaaresto sa suspek na nakilalang si Romy Aluad, 24, ng Damata St. Brgy. Tonsuya.

Ayon kina Malabon police homicide investigators P/SSgt. Jose Romeo Germinal II at P/SSgt. Julius Mabasa, naganap ang insidente alas-10 ng gabi sa Block 2, Damata, Brgy. Tonsuya.

Papunta ang biktima sa kalapit na tindahan nang mapansin nito ang suspek na nagwawala at naghahamon ng away habang may bitbit na bote ng alak.

Sinita ng biktima ang suspek at tinangkang awatin subalit, nagalit ito saka binasag ang hawak na bote bago pinagsasaksak sa katawan si Lazaro.

Sinabi ni Malabon police chief P/Col. Jessie Tamayao na iprisinta ang suspek sa inquest proceeding sa Malabon City Prosecutor’s Office para sa kasong frustrated homicide. (Richard Mesa)

Pdu30, ilalatag ang ginawang paggasta ng pamahalaan sa pagtugon sa Covid-19

Posted on: August 24th, 2020 by @peoplesbalita No Comments

ILALATAG ni Pangulong Rodrigo Roa Duterte sa kanyang lingguhang public address mamayang gabi sa bayan ang updates sa naging paggasta ng pamahalaan sa pagtugon sa COVID-19.

Sasamahan si Pangulong Duterte ng ilan sa kanyang cabinet members sa public address na gagawin sa kanyang hometown sa Davao City.

“Isa po sa hiningi ni Presidente ngayon para sa talumpati niya ay iyong report sa lahat ng ahensiya ng gobyerno kung paano po nagastos ang mga COVID-related expenses. So, iri-report po iyan ng ating Presidente,” ayon kay Presidential spokesperson Harry Roque .

“As of June 30,” nagpalabas ang pamahalaan ng P374.9 billion para i- cover ang emergency assistance sa mga vulnerable groups at individuals, wage subsidy measures, at assistance sa mga displaced workers.

Ang Department of Social Welfare and Development ay nakatanggap ng malaking bahagi ng halaga P200.98 billion para sa Social Amelioration Program para suportahan ang milyong low-income households.

Ang Department of Labor and Employment ay nakatanggap ng P12.59 billion at ang Department of Agriculture ay nakatanggap naman ng P11.10 billion, para suportahan ang kanilang programa para sa mga displaced formal at informal workers, overseas Filipino workers at apektadong magsasaka at mangingisda.

Tinatayang P51 billion ay pinagkaloob naman sa mga manggagawa ng small businesses na labis na naapektuhan ng pandemiya.

Ang Department of Health naman ani Sec. Roque ay P48.23 billion para pondohan ang agaran at patuloy na pagtugon sa COVID-19 response programs at maging ng pagbili ng test kits at PPEs.

Nauna rito, welcome naman sa Malakanyang ang panawagan ng ilang senador para sa special audit ng government’s expenses para makurbada ang epekto ng COVID-19 sa bansa.

Samantala, inihanda na ng Kongreso ang relief measures na nagkakahalaga ng P165.5 billion para mapanatili ang ginagawang pagtugon ng pamahalaan at tulungan ang sektor na nilumpo ng pandemya. (Daris Jose)

Cashless/contactless payments sa mga tollways, ipapatupad

Posted on: August 24th, 2020 by @peoplesbalita No Comments

Ire-require na rin ng Department of Transportation (DOTr) sa mga expressways ang paggamit ng cashless o contactless payments sa kanilang mga tollways, upang matiyak na protektado ang publiko laban sa coronavirus disease 2019 (COVID-19).

Nabatid na inisyu ni DOTr Secretary Arthur Tugade ang Department Order 2020-012 noong Agosto 13 at inaatasan ang mga ahensiya na bumuo ng mga bagong proseso at tiyakin ang maayos na pagpapatupad sa bagong polisiya sa loob ng tatlong buwan.

“The move will complement other health protocols now being enforced by the government, such as physical distancing, as it aims to limit human intervention and remove the traffic queuing and congestion at the toll plazas,” ayon pa sa DOTr.

Ayon sa DOTr, sakop ng department order ang Toll Regulatory Board (TRB), na inatasan na bumuo ng mga rules and regulations na nagre-require sa mga concessionaires at operators ng mga toll expressways na tuluyan nang gumamit ng electronic toll collection system; gayundin ang Land Transportation Office (LTO), na inatasan na magsumite ng pag-aaral para maghanap ng mga pamamaraan upang mapayagan ang full Cashless at Contactless System sa mga expressways.

Samantala, ang Land Transportation Franchising and Regulatory Board (LTFRB) ay inaatasan din namang i-monitor ang pagsunod ng lahat ng Public Utility Vehicles (PUVs) sa mandatory use o installation ng electronic tags o paggamit ng iba pang cashless systems sa kanilang mga units. (Ara Romero)

Pagpaslang sa human rights activist na si Zara Alvarez, kinondena ng Malakanyang

Posted on: August 21st, 2020 by @peoplesbalita No Comments

MARIING kinondena ng Malakanyang ang pagpaslang sa human rights activist na si Zara Alvarez sa Bacolod nitong Lunes.

Ayon kay Presidential Spokesman Harry Roque na walang puwang sa sibilisadong lipunan ang karahasan partikular na ang pagpatay sa mga aktibista.

Kaya nga aniya, kaagad na iniimbestigahan na ng mga awtoridad ang insidente.

Sa ngayon ay makabubuting hintayin ng publiko ang resulta nito sa halip na magturo laban sa gobyerno.

“We denounce any form of violence perpetuated against citizens, including activists. We are a nation of laws, and violence has no place in any civilized society,” diing pahayag ni Sec. Roque.

Maliban kay Alvarez ay naunang pinaslang ng hindi pa nakikilalang salarin si Anakpawis chairman at dating peace consultant Randall Echanis sa kanyang tahanan aa Quezon City noong Agosto 10.

Giit ni Sec. Roque, hindi dapat ibintang sa gobyerno ang pagkamatay ng dalawang aktibista lalo na kung walang basehan.

Mas makabubuti aniya na hintayin ang resulta ng imbestigasyon na ginagawa ng Philippine National Police sa halip na magturo kung sino ang pumatay sa dalawang aktibista.

“Blaming state forces as the people behind these murders is unfounded as investigation on the killings of Randall Echanis and Zara Alvarez is now underway,” diing pahayag ni Sec. Roque. (Daris Jose)

Makati LGU bibigyan ng trabaho ang mga jeepney drivers sa pagbubukas ng klase

Posted on: August 21st, 2020 by @peoplesbalita No Comments

Kukunin ng city government ng Makati ang ilang mga jeepney drivers ng lungsod na hindi nakapagpasada dahil sa coronavirus pandemic.

Ayon kay Makati City Mayor Abby Binay, magiging katuwang ang mga jeepney drivers sa inilunsad nilang mobile learning hub ng lungsod.

Makakasama nila ang mga guro at librarian na naglalayong matulungan ang mga mag-aaral at magulang na makasabay sa blended learning.

Nakipag-ugnayan na ang city government sa Makati Jeepney Operators and Drivers Association (MJODA) para sa rerentahan nilang jeep.

Sa inisyal ay mayroon 27 jeepney drivers na kukunin na mag-iikot sa mga barangay kapag magsisimula na ang klase sa buwan ng Oktubre.

Sinabi naman ni Rita Riddle, ang program director ng Makati Education Department, magbabayad sila ng P2,000 kada araw sa mga jeep.

Maaaring umabot pa sa 100 drivers sa bawat linggo ang kanilang kukunin, depende sa rekomendasyon ng MJODA.

Sa pagbubukas ng klase sa Oktubre, ang mga dyip na ginawang mobile learning hubs ay mag-iikot sa mga barangay, sakay ang mga guro at librarian, pati na mga libro at iba pang learning materials at mga laptop na may internet connection.

Ang pangunahing pakay nito ay ang mga mag-aaral na walang gadget o anumang learning tool, at mga magulang na mahihirapang gabayan at turuan ang kanilang mga anak gamit ang self-directed learning modules.

Sa ngayon, nalagpasan na ng Makati ang target enrolment nito at umabot na sa halos 83,000 ang mag-aaral na nakapag-enrol sa public elementary at high schools ng lungsod. (Bishop Jesus “Jemba” M. Basco)

Sec. Duque, may karapatan sa due process sa harap ng ibinabatong akusasyon laban sa kanya

Posted on: August 21st, 2020 by @peoplesbalita No Comments

HINDI dapat ipagkait kay DOH Secretary Francisco Duque lll ang karapatan nito na mabigyan ng due process sa gitna ng mga kinakaharap nitong kontrobersiya.

Pahayag ito ni Presidential Spokesperson Harry Roque hinggil sa polisiya ni Pangulong Rodrigo Roa Duterte na amoy pa lang ng korupsiyon ay may ipapataw ng aksiyon sa mga nadadawit sa iregularidad.

Ani Sec. Roque, kahit sino naman ay may karapatan sa due process at mula duon ay maaaring madetermina kung may kinalaman nga ang isang akusado sa isang ibinabato ditong alegasyon.

“Well, I think everyone is accorded the right to due process and that’s why he created the task force ‘no,” ayon kay Sec. Roque.

Sa katunayan ay ito aniya ang dahilan kaya nagpabuo ng Task Force ang Chief Executive na sisilip sa mga isinasangkot sa PHILHEALTH controversy na nito lamang nakaraang hearing sa Senado ay tinawag na Godfather of PHILHEALTH Mafia si Duque.

Batay na rin ito sa deskripsiyon ni dating PHILHEALTH anti-fraud officer Thorrsson Montes Keith. (Daris Jose)

Ensayo ng PBA tuloy na sa pagbabalik sa GCQ level sa NCR

Posted on: August 21st, 2020 by @peoplesbalita No Comments

Wala ng makakapigil pa sa mga koponan sa PBA na magpatuloy ng kanilang ensayo sa susunod na linggo.

Kasunod ito sa pagbabalik ng Metro Manila sa General Community Quarantine (GCQ).

Ayon kay PBA Commissioner Willie Marcial, na sa darating na Agosto 25 ay posibleng maisagawa na ang mga ensayo.

Mahigpit din nilang ipapatupad ang health protocols na gaya ng nakasaad sa Joint Administrative Order (JAO) na pirmado ng Department of Health (DOH), Games and Amusement Board (GAB) at Philippine Sports Commission (PSC).

Kailangan din aniyang sumailalim ang mga koponan sa COVID-19 swab testing na ito ay gaganapin sa Makati Medical Center mula Agosto 20-21.

Sakaling magpositibo ang mga ito sa COVID-19 ay kailangan silang sumailalim sa quarantine.

ONLINE SELLER TIMBOG SA BARIL

Posted on: August 21st, 2020 by @peoplesbalita No Comments

KULONG ang 27-anyos na online seller matapos magpakilalang pulis at makuhanan ng hindi lisensyadong baril makaraang masita ng mga tunay na pulis sa checkpoint sa Malabon City, kamakalawa ng gabi.

Ayon kay Malabon police chief P/Col. Jessie Tamayao, maliban sa paglabag sa Comprehensive Law on Firearms and Ammunition Act, mahaharap din si Persius Corrales ng 354 Everlasting St Brgy. NBBS Proper, Navotas city sa kasong paglabag sa Article 177 ng Revised Penal Code o Usurpation of Authority.

Sa imbestigasyon nina P/SSgt. Jose Romeo Germinal II at P/SSgt. Ernie Baroy, isa si Corrales na sakay ng motorsiklo sa mga riders ang pinara ng mga tauhan ng Malabon Police Sub-Station 6 na nagsasagawa ng checkpoint sa kanto ng C-4 Road at Leoño St. Brgy. Tañong alas- 9:20 ng gabi subalit, nagpakilala itong pulis na nakatalaga sa District Special Operation Unit (DSOU) of Northern Police District (NPD).

Nang hanapan ni P/Lt Ap Sugui si Corrales ng kanyang police identification card ay wala itong naipakita na naging dahilan upang arestuhin ito ng mga pulis.

Nang kapkapan, narekober ng mga pulis kay Corrales ang isang calibre .45 Armscor pistol na may magazine at kargado ng limang bala.

Ani Col. Tamayao, wala din naipakitang lisensya at permit to carry outside residence ang suspek. (Richard Mesa)

9 pulis na sangkot sa Jolo shooting, kasuhan na – AFP chief

Posted on: August 21st, 2020 by @peoplesbalita No Comments

Nais ni AFP chief of staff Lt. Gen. Gilbert Gapay na agad masampahan ng kasong murder at planting of evidence ang siyam na mga pulis na sangkot sa Jolo fatal shooting na ikinasawi ng apat na sundalo batay na rin sa rekomendasyon ng NBI.

Sa isinagawang Senate hearing, dismayado si Gen. Gapay na hindi pa nasasampahan ng kaso ang siyam na mga pulis na nasa likod sa pagpatay sa apat na sundalo noong June 29, 2020.

Sinabi ni Gapay na mahigit dalawang buwan na silang naghihintay para sampahan ng kasong kriminal at administratibo ang siyam na pulis.

Ayon pa kay Gapay, tanging hiling ng mga pamilya ng mga namatay na sundalo na lalabas ang katotohanan hinggil sa insidente.

Sa ngayon ang siyam na pulis ay nananatili sa restrictive custody sa Camp Crame na dumalo naman sa pagdinig nitong araw ng Miyerkules.

Binigyang-diin ni AFP chief na nais nila mabatid ang totoong motibo at intensiyon sa pagpatay sa apat na sundalo.

Tinawag naman ni Gapay na “very unique” ang kaso ng Jolo shooting sa kabila ng magandang koordinasyon ng AFP at PNP.

Habang gumugulong ang pagdinig hindi naman matukoy ng mga sangkot na pulis kung sino ang unang nagpaputok sa mga sundalo.

Sinabi ng mga sangkot na pulis may hawak umanong baril si Major Marvin Indammog pero base sa imbestigasyon ng NBI at pahayag ng mga testigo walang armas si Indammog.

Samantala, sa panig naman ni Philippine National Police (PNP) chief General Archie Gamboa, nakahanda siyang isuko ang siyam na pulis sa korte sa sandaling maglabas na ng warrant of arrest.

Sinabi ni Gamboa mas maigi na ang mga ebidensiyang hawak ng NBI ay matalakay sa korte lalo na ang criminal charges.

Dapat din daw na ang korte ang magtukoy kung guilty sa criminal charges ang siyam na mga pulis. (Ara Romero)

Ads August 21, 2020

Posted on: August 21st, 2020 by @peoplesbalita No Comments