2020 September Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September, 2020

Ardina, Pagdanganan sali sa Women’s PGA

Posted on: September 28th, 2020 by @peoplesbalita No Comments

NAKAPASOK sina Dottie Ardina at Bianca Pagdanganan ng Pilipinas sa susunod na major event ng United States 71 st Ladies Professional Golf Association (LPGA) Tour 2020 na $3.4M KPMG Women’s PGA Championship sa Oktubre 8-11 sa sa Aronimink Golf Club sa Newtown Square, Pennsylvania.

Pases nila ang kasalukyang katayuan sa LPGA money lists na rito’y nasa ika-90 si veteran Canlubang pro Ardina na may $50,272 sa pitong torneo na ngayong taon, samantalang ang si Quezon City rookie Pagdanganan ay may $18,944 sa apat na kompetisyon na lahat ay napasahan niya ang cutoff.

Pang-apat na world majors na ito ni Ardina, 26, makalipas sa 44 th British Open 2020 sa Scotland noong Agosto na naglagak sa kanya sa ika-64 na puwesto, 74 th US Women’s Open 2019 na tinapos niyang 62 nd ang kalagayan, at sa 65 th US Women’s PGA Championship 2019 kung saan hindi siya na-cut.

Buwenamanong major pa lang ito sa batang karera ng 22-taon na si Pagdanganan na ang best finish ay sa una niyang kompetion na LPGA Drive On Championship kung saan28 th place siya. (REC)

Marian, takot pa ring lumabas ng bahay dahil sa mga anak

Posted on: September 28th, 2020 by @peoplesbalita No Comments

INAMIN ni Kapuso Primetime Queen Marian Rivera sa interview sa kanya ng 24 Oras, na takot pa rin siyang lumabas ng bahay dahil sa pandemya, kaya work from home na lamang muna siya.

Kaya thankful si Marian sa GMA Network na pinayagan siyang sa bahay lamang nila siya mag-shoot ng mga spiels niya para sa mga coming fresh episodes ng OFW documentary which she hosts, ang Tadhana.

Nagpasalamat din si Marian dahil pinayagan ang husband na si Dingdong Dantes ang mag-direk sa kanya, na masaya rin na muling makatrabaho ang wifey niya.

“Takot talaga akong lumabas ng bahay kaya lahat ng mga work ko na dapat sa labas, doon ko lamang lahat ginagawa sa bahay. Natatakot akong kapag lumabas ako, pagbalik ko sa bahay may dala na akong virus at kaawa-awa naman ang mga anak ko.”

Kaya kahit ang @floravidabymarian latest collection of new products ni Marian ay makikita sa kanyang website na ipadi-deliver niya ang orders, kahit outside Metro Manila!

At sino ba ang ‘delivery boy’ ni Marian? Sino pa kundi si Dingdong na very proud namang mag-deliver ng orders sa @floravidabymarian.

*****

ISA na si Kapuso Sweetheart Rhian Ramos na balik-trabaho na siya after six months siyang walang ginagawa dahil sa umiiral na pandemya.

At lalo siyang natuwa dahil hindi lamang isa, dalawang serye ang magkasunod niyang gagawin.

Nauna siyang nag-taping ng last episode ng new drama anthology ng GMA Network, ang I Can See You. Makakasama ni Rhian sa weekly episode na “Truly. Madly. Deadly.” ang real life Kapuso couple na sina Dennis Trillo at Jennylyn Mercado.

“Ang nakakatuwa sa kwento namin, lahat kaming tatlo, gray ang mga characters hindi sila perfect, hindi rin sila masama, parang biktima lamang kami ng circumstances,” sabi ni Rhian.

“First time kong gumanap sa ganitong role kaya enjoy ako for the opportunity na ibinigay nila sa akin ang character ko.”

Mapapanood na sa October 19, ang I Can See You: Truly. Madly. Deadly. sa GMA Telebabad. At next month, sa October din, magsisimula na rin ang lock-in taping nina Rhian, Carla Abellana, Mikael Daez at Ms. Coney Reyes ng fresh episodes na ng drama series na Love of My Life, na isa sa mga GMA Telebabad na naapektuhan ng Covid-19 pandemic.

Kaya excited na rin ang mga netizens na matagal nang naghihintay sa pagbabalik ng serye.

*****

NGAYONG gabi na mapapanood na ang first episode ng bagong drama anthology ng GMA Network na I Can See You.

Ang “Love On The Balcony” na love story ng isang wedding video photographer, si Inigo, Alden Richards na mai-in love sa isang frontliner, ang nurse na si Lea (Jasmine Curtis-Smith) na nag-aalaga sa kanyang ina (Shyr Valdez). Best friend ni Alden sa story si Pancho Magno at si Denise Barbacena naman ang best friend ni Jasmine.

Ang weeklong episode ay mapapanood na mamayang gabi at 9:15PM pagkatapos ng Encantadia.

Sa susunod na three weeks mapapanood ang tatlo pang episodes ng I Can See You. (NORA V. CALDERON)

HOME SWEET HOME: ‘THE HAUNTING OF BLY MANOR’ REVEALS OFFICIAL TRAILER

Posted on: September 28th, 2020 by @peoplesbalita No Comments

FROM the producers of The Haunting of Hill House comes a new ghost story.

From The Haunting of Hill House creator Mike Flanagan and producer Trevor Macy comes The Haunting of Bly Manor, the next highly anticipated chapter of The Haunting anthology series, set in 1980s England.

Victoria Pedretti returns in The Haunting of Bly Manor along with several The Haunting of Hill House cast members.

After an au pair’s tragic death, the Henry Wingrave (Henry Thomas) hires a young American nanny (Victoria Pedretti) to care for his orphaned niece and nephew.

The young siblings Miles and Flora Wingrave reside at Bly Manor with the estate’s chef Owen, groundskeeper Jamie, and housekeeper, Mrs. Grose. All is not as it seems at the manor. Centuries of dark secrets of love and loss are waiting to be unearthed in this chilling gothic romance.

At Bly Manor, dead doesn’t mean gone.

Watch the trailer here: https://www.youtube.com/watch?v=tykS7QfTWMQ&ab_channel=Netflix

Producing partners Flanagan and Macy drew from the iconic supernatural stories of Henry James, to create the ensemble drama which also stars Oliver Jackson-Cohen, Kate Siegel, and Tahirah Sharif. The series is executive produced by Flanagan and Macy for Intrepid Pictures, along with Darryl Frank and Justin Falvey for Amblin Television.

The Haunting of Bly Manor arrives October 9th on Netflix. (ROHN ROMULO)

TODA Pasabuy System pinalawak ng Valenzuela at Foodpanda

Posted on: September 28th, 2020 by @peoplesbalita No Comments

PINALAWAK ng Pamahalaang Lungsod ng Valenzuela ang tulong pangkabuhayan sa mga tricycle drivers at operators matapos lumagda ito sa isang Memorandum of Agreement (MOA), kasama ang Food Panda Philippines Incorporated (FPPI).

Sa pamamagitan ng pasabay system na itinatag sa lungsod upang mabuksan ang mga oportunidad ng pangkabuhayan para sa mga Tricycle Operator at Drivers ‘Associations (TODAs), ang bagong pakikipagsosyo ay magbibigay ng karagdagang paraan para sa mga tricycle driver na ma-maximize ang online food delivery services upang matulungan ang mga units ng pamahalaang lokal sa panahon ng COVID-19 pandemya.

Isa ang Foodpanda sa pinakatanyag na online food delivery apps sa Pilipinas na nagpasimula ng pandaTODA bilang isang Corporate Social Advocacy (CSA) para suportahan ang mga lokal na komunidad sa pagtiyak na ang mga kasosyo sa restaurants ay mas magagamit at naa-access, habang nagbibigay din ng alternatibong paraan ng pamumuhay sa mga tricycle drivers na apektado ng community quarantine sa pampublikong transportasyon.

Ang operasyon ng mga tricycle sa lungsod ay nabawasan kasunod ng itinakdang mini- mum health standards ng Inter- Agency Task Force para sa Management of Emerging Infectious Diseases (IATF-EID). Ang mga tricycle driver na hindi pinapayagan pumasada ay maaaring mag-operate bilang isang pandaTODA rider.

Ang mga kwalipikadong driver na sinala at tinukoy ng Public Employment Service Office – Local Economic Investment Promotions Office (PESO- LEIPO) at Public Order and Safety Group (POSG) ng lungsod ay sasailalim sa oryentasyon. 150 na mga drayber beneficiary ang sasanayin na maging opisyal na rider ng pandaTODA.

“This is an instruction of the new normal since it is not advisable anymore that we go to restaurants but rather to avail of the services of the restaurant. We bring it [food] to them [people]. We know that foodpanda’s partnership with different restaurants is of a large scale, this is a proof that we can help our Micro, Small and Medium Enterprises here in Valenzuela.” Ani Mayor Rex Gatchalian.

“Magiging bahagi sila [TODAs] ng delivery system, so again sa mga TODA natin dagdag ito sa hanapbuhay ng mga driver natin. So at least parami nang parami ‘yung partner natin, parami ng parami yung pwedeng pagkaabalahan ng ating mga driver sa kanilang downtime (The TODAs will be part of the delivery system, so again this is an additional livelihood for our drivers. At least we have more partners now and the drivers have more options to earn a living during their down- time),” dagdag ni Mayor REX. (Richard Mesa)

6 pang probinsya, nagtala ng ASF outbreak – DA chief

Posted on: September 28th, 2020 by @peoplesbalita No Comments

IBINUNYAG ng Department of Agriculture (DA) na nakapagtala pa sila ng outbreak ng African swine fever (ASF) sa anim na karagdagang probinsya sa buong bansa.

Ayon kay DA Sec. William Dar, may na-monitor silang mga ASF outbreaks sa mga lalawigan ng Albay, Laguna, Quirino, Batangas, Quezon, at Cavite.

“Ang mga kawani ng Kagawaran ng Pagsasaka ay nandiyan in partnership with the local government units na nag- iimplement ng elevated quarantine measures,” wika ni Dar.

Batay sa pinakahuling datos mula sa kagawaran, umabot na sa mahigit 300,000 mga baboy ang kinatay sa 28 probinsya.

Upang mapigilan ang pagkalat ng nasabing sakit, nagpatupad ng mahigpit na movement protocol ang gobyerno sa mga pork products at sa mga buhay na baboy.

Para makatulong naman sa mga apektadong hog raisers, sinabi ng kalihim na nagbibigay ng P5,000 kompensasyon ang kagawaran para sa kada baboy na isasailalim sa culling.

Reklamo vs Sen. Pimentel dahil sa paglabag sa quarantine protocols, submitted for reso na – DoJ

Posted on: September 28th, 2020 by @peoplesbalita No Comments

INATASAN ngayon ng deputy state prosecutor ng Department of Justice (DoJ) na humahawak sa reklamo laban kay Sen. Koko Pimentel dahil umano sa paglabag nito sa quarantine protocols ng Coronavirus disease 2019 (COVID-19) na bilisan ang paglalabas ng resolusyon sa reklamo.

Kasunod na rin ito nang pagkumirma ni DoJ Senior Deputy State Prosecutor Richard Anthony Fadullon na submitted for resolution na ang reklamo.

Ang reklamo ay inihain sa DoJ ng dating Makati School of Law Dean Rico Quicho matapos itong pumasok sa Makati Medical Center para samahan ang kanyang asawa kahit nakakaranas ito ng mga sintomas ng covid at kinalaunan ay nagpositibo sa naturang sakit.

Nitong Setyembre nang buksan muli ang preliminary investigation sa reklamo matapos matanggap ng DoJ ang resulta ng isinagawang imbestigasyon ni National Bureau of Investiga- tion (NBI) at makapagbigay ng karagdagang mga dokumento sa nasabing kontrobersiya.

Abil 5, 2020 nang nagsampa ng reklamo sa DoJ si Quicho dahil umano sa paglabag ni Pimentel sa RA11332 o ang Mandatory Reporting of Notifiable Diseases and Health Events of Public Health Concern Act at iba pang patakaran ng Department of Health (DoH).

Slaugher itinutulak sa Gilas

Posted on: September 28th, 2020 by @peoplesbalita No Comments

TULOY nap ala ang International Basketball Federation (FIBA) qualifying games sa darating na Nobyembre na may bubble concept.

Tuliro tuloy ang Samahang Basketball ng Pilipinas (SBP) para sa Gilas Pilipinas national men’s basketball team dahil walang mabingwit na manlalaro ng Philippine Basketball Association (PBA) dahil sa pagtuloy ng Philippine Cup sa Oktubre 11-Disyembre 15 sa Clark, Angeles, Pampanga.

Dehado sa ceiling ang koponan natin sa pagkawala ng mga higante gaya nang nagpapagaling pa sa injury na si June Mar Fajardo ng San Miguel Beer.

Umepal si dating SMB import na si Chris McCullough, bet niyang isalpak si dating Barangay Ginebra San Miguel seven-footer center Gregory Slaughter na nasa USA at lumaro rin team na nagkampeon sa 30th Southeast Asian Games 2019 sa bansa natin.

“Greg Slaughter for Gilas,” tweet nitong Miyerkoles ng 25-year, 6-foot-9 American cager, isa rin sa kinukunsidera ng SBP na maging naturalized player sa Gilas dahil sa kasigasigan din niya.

Huling nasilayan ang reinforcement ng Beermen na si McCullough sa PBA 2019 at kahit na isang taon lang ang tinagal sa bansa’y napamahal na agad sa mga Pinoy. Mabighani siya sa bansa natin.

Si 6-6 Isaac Go lang ang nag-iisang legit slotman sa Gilas cadet pool sa kasalukuyan para sa nakatakdang laban ng mga Pinoy sa Korea, Thailand, at malamang Indonesia.

Kahit may hidwaan ang Gin Kings at si minsan na niyang sinambit na hindi niya tatalikuran sa Gilas kapag kinailangan siya. Aber, patunayan mo nga Greg!

PDuterte, nais na masampahan ng patung-patong na kaso ang mga kurakot na opisyal ng Philhealth

Posted on: September 28th, 2020 by @peoplesbalita No Comments

DESIDIDO si Pangulong Rodrigo Roa Duterte na sampahan ng patung-patong na kaso ang mga kurakot na opisyal ng Philippine Health Insurance Corporation (PhilHealth).

Kaya nga, independent o hiwalay ang Ombudsman sa binuong Task Force Philhealth ng Malakanyang na nagsasagawa rin ng imbestigasyon sa talamak na anomalya sa ahensya.

Ayon kay presidential spokesper- son Harry Roque, ginagalang ni Pangulong Duterte ang hiwalay na imbestigasyon na ikinasa kapwa ng dalawang investigating body na ito.

Pahayag ni Sec. Roque, parehong tinututukan ng Malakanyang ang magkahiwalay na imbestigasyon ng ombudsman at task force lalo na’t nais ng pangulo na mas marami o patung-patong pa na mga kaso ang maisasampa laban sa mga ranking Philhealth officials na sangkot sa kurapsyon.

Walang ibang gusto si Pang. Duterte kundi ang talagang makulong ang mga kurakot sa PhilHealth.

Malakanyang, pinabulaanan na may exodus sa mga POGO

Posted on: September 28th, 2020 by @peoplesbalita No Comments

ITINATWA ng Malakanyang na may exodus sa Philippine Offshore Gaming Operators (POGOs) sa gitna ng COVID-19 crisis.

Sinabi ni Presidential Spokesperson Harry Roque na malinaw ang requirements ng Department of Finance (DOF) para sa muling pagbabalik ng POGO operations.

Iyon nga lamang aniya ay may ilang POGO firms na bigong magbayad ng kanilang tax dues, na isang requirement bago mag-resume ng operasyon.

Tinatayang nasa 20 mula sa 60 lamang ang sumunod sa requirements ng Department of Finance at Bureau of Internal Revenue.

“Hindi naman po exodus ‘yan dahil malinaw naman po ang naging polisiya ng Department of Finance: Pay up otherwise hindi kayo pupuwedeng mag-POGO operations dito,” ani Roque.

Subalit, sinabi ni Sec. Roque na mayroong POGO operator ang umalis ng bansa dahil pinaghihinalaan ito ng Chinese Government na pinopondohan ang mga demonstrador.

Aniya pa, dapat matuwa ang mga kritiko ng POGO lalo na at nababawasan ang mga nag-o- operate nito sa bansa.

Sa datos ng Philippine Amusement and Gaming Corporation (PAGCOR), aabot sa 94.7 billion pesos ang naiaambag ng POGO sa ekonomiya ng Pilipinas na maaaring umabot ng hanggang 104 billion pesos.

Ang reaksyon ng Malakanyang ay kasunod ng pahayag ni Finance Secretary Carlos Dominguez III na naabisuhan umano siya mula sa may-ari ng gusali sa Makati City na ang mga offshore gaming operators ay nagsimula nang magkansela ng kanilang lease contracts.

Napag-alaman na una nang sinabi ni Philippine Amusement and Gaming Corp. (PAGCOR) Chairperson Andrea Domingo na mayroong halos 90,000 Chinese nationals sa POGO industry. (Daris Jose)

Liza, suportado ng Star Magic sa kasong isinampa tungkol sa ‘rape jokes’

Posted on: September 28th, 2020 by @peoplesbalita No Comments

SUPORTADO ng Star Magic ang kasong isinampa ni Liza Soberano laban sa rating empleyado ng internet provider na nag-comment ng, ‘ang sarap ipa-rape’ sa Facebook page.

Base sa official statement ng Star Magic.

“ABS-CBN and Star Magic fully support Liza Soberano’s filing of a criminal complaint with the Office of the City Prosecutor for libel, threats, and unjust vexation against the person who posted disparaging remarks about her character and, worse, threatened to have her raped.

“Reckless and malicious use of social media should never be tolerated. Moreover, rape is not a joke. We applaud Liza’s courage to protect her dignity as a woman. Let this be a lesson to everyone to be responsible in using social media and to be respectful of others.”

“Earlier this week, it was reported that Liza received a rape remark from a netizen who was allegedly a former employee of her previous internet service provider.

“Liza retweeted a screenshot of the supposed comment, which stated: “Wala tayong magagawa, wala ng trabaho, kaya di bale ng masira ang image, magkapera lang. Sarap ipa-rape sa mga…. ewan!”

Bukod sa talent management ng Kapamilya Network ay suportado rin si Liza ng kapwa niya artista tulad nina Angel Locsin at Alessandra de Rossi.

Sa Tweet ni MJ Felipe na nag- cover ng pagsasampa ng kaso ni Liza ay nire-tweet ito ni Alessandra.

Ang mensahe ni Alessandra, “Matuto lang galangin ang isa’t isa online. Lesson na ito para sa lahat. Salamat, Liza. ‘kaso’ is not good and magastos pa. So think before you make a nasty remark. Wala naman may kayang magsabi nun in person, lalong wag mo gawin online kung saan may ebidensya.”

Ni-retweet naman ni Angel ang post ni Alessandra at naka- tag si Liza.

Say ni Angel, “Mahigpit na akap @lizasoberano [hugging face emoji].”

Sumagot si Liza ng emoji na tatlong hugs.

Sabi pa ni Liza, “I think it is about time that people learn the consequences of speaking like that on social media. There are consequences to everything, like rape jokes, because that is not a light matter.”

*****

NAPANSIN sa Emmy Awards 2020 ang documentary film ni Jake Zyrus ang Jake and Charice.

Ipinagmalaki ng singer/ songwriter ang magandang balita sa kanyang fans at Instagram followers at nagpasalamat na rin.

Ang caption ni Jake sa larawang may nakasulat na documentary film na Jake and Charice bilang isa sa nominees sa Emmy Awards 2020 para sa kategoryang Best Arts Programming category.

“Surreal. Thank you @iemmys. It’s an honor.”

Samantala, makakatunggali ni Jake ang entry mula sa iba’t ibang bansa, ang Refavela 40 ng HBO Brasil / Conspiração (Brazil), Ressaca Babel ng Doc /France Televisions (France) at Why do we Dance? ng Sky Arts Production Hub (United Kingdom).

Sa darating na Nobyembre. 23, 2020 gaganapin ang 48th edition ng International Emmys Award.

Ang Jake and Charice ay sinyut sa Nippon Hoso Kyokai o NHK Japan kung saan tampok ang talambuhay ni Jake at ang mga pinagdaanan niya bilang isang transgender man.

Detalyadong ikinuwento ni Jake sa documentary film ang naging buhay niya mula nang mawala si Charice Pempengco sa eksena at tuluyang talikuran ang pagiging babae.

Napanood ang Jake And Charice sa Japan noong 2019 at nakatanggap na rin ng mga parangal tulad ng Gold Camera award sa 50th United States International Film and Video Festival, kasabay ng celebration ng pride month.

Umabot naman sa 1,118 ang nag-like sa post na ito ni Jake pero wala kaming nabasang komento mula s aka nyang 201k followers.(REGGEE BONOAN)