Tiniyak ni Pangulong Rodrigo Duterte ang agarang tulong ng pamahalaan sa mga nasalanta ng pagbaha dulot ng Bagyong Ulysses sa Region 2.
Sa kanyang pagdalaw sa Cagayan, agad nagsagawa ng aerial inspection ang pangulo at nakita niya ang nararanasang paghihirap ng mga mamamayan sa lalawigan na labis na naapektuhan ng pagbaha.
Layunin ng aerial inspection ng pangulo kasama sina Senador “Bong” Go, Labor Sec. Silvestre Bello III, Department of Public Works and Highways Sec. Mark Villar at iba pang opisyal ng pamahalaan, na malaman ang buong pinsalang idinulot ng malawakang pagbaha sa lalawigan ng Cagayan.
Ayon sa Pangulo, nagbigay na ng paunang tulong ang Department of Social Welfare and Development sa mga naapektuhan ng pagbaha sa Region 2 bukod pa sa tulong ng mga local government unit at non-governmental organization.
Samantala, nagpahayag ng kalungkutan ang pangulo sa tinamong pinsala ng rehiyon partikular na ang Cagayan.
Nagpaabot din siya ng pakikiramay sa pamilya ng mga nasawi at naging biktima sa malawakang pagbaha na iniwan ng Bagyong Ulysses.
Sa kabila nito , makakaasa aniya na magpapatuloy at sisiskapin ng pamahalaan na matiyak ang kaligtasan ng bawat pamilyang nanatiling lubog pa rin sa baha.
Sa kabilang dako, nagpahayag din ng suporta ang pangulo sa kampanya ng mga kinauukulan laban sa illegal minning at illegal logging sa lambak ng Cagayan.
Hinikayat nito ang mga local executives na makipagtulungan sa binuong task force para sa rehablitation upang maibalik agad sa normal na pamumuhay ang mga naapektuhan ng pagbaha. (ARA ROMERO)
LUMAKI sa Tuguegarao, Cagayan Valley ang singer- actor na si Geoff Taylor. 
Nagwagi si dating ONE flyweight champion Geje Eustaquio laban kay Song Ming ng Korea sa ONE: Inside Matrix III na ginanap sa Singapore.
Naniniwala si International Olympic Committee chief Thomas Bach na mayroon pa rin mga audience na manonood sa Tokyo Olympics.
Matapos ang limang sunod na taon ay magkakaroon na ng bagong hari sa PBA Philippine Cup.
MAGPAPARTISIPA si Pangulong Rodrigo Roa Duterte sa online meeting ng Asia Pacific Economic Cooperation (APEC) leaders sa darating na Biyernes, Nobyembre 20 habang ang mundo ay nakikipaglaban sa economic fallout sanhi ng COVID-19 pandemic.
Tiwala si Top Rank CEO Bob Arum na mangyayari na sa susunod na taon ang nilulutong bakbakan sa pagitan nina Sen. Manny Pacquiao at American superstar Terence Crawford.
NAABOT na ng lokal na pamahalaang Lungsod ng Maynila ang paggawa ng 1 milyon target na face mask na ipinamahagi ng libre sa mga residente ng lungsod.
Timbog ang anim na hinihinalang sangkot sa ilegal na droga, kabilang ang isang misis ang sa isinagawang magkahiwalay na buy-bust operation ng pulisya sa Valenzuela City.