“THE height!”

‘Yun talaga ang naging reaksiyon/litanya namin nang malaman namin na posible raw kasuhan din ni Claudine Barretto si Jodi Sta. Maria dahil sa pakikipagrelasyon nito kay Raymart Santiago.

As in the height! Parang ayaw na naming patulan at bigyan pa ng paliwanag bakit the height na gagawin pa yun ni Claudine.

Unang-una, pinapalabas ba ni Claudine na siya, never na nagkaroon ng relasyon sa iba after nilang maghiwalay ni Raymart?

Eh naku, ang susunod na lang na reaksiyon namin diyan, “GOD KNOWS.” Naisama na namin ang pangalan ng Diyos dahil sige, puwede namang mag-deny, pero, alam ni Claudine ang totoo.

At alam ng Diyos ang katotohanan.

Nakakapagtaka lang din, bakit yata sa tagal, ngayong nag-come- out sa open si Raymart about his relationship with Jodi, saka naman nag-iingay si Claudine at sinasabing hindi tinutupad ni Raymart ang sustento nito sa dalawang anak.

Nagkataon lang ba o tina-timing?

*****

UMAMIN na si Derek Ramsay na break na nga sila ni Andrea Torres.

Hindi sa pagsagot sa press na nagtatanong dito, pero sa comment section ng Instagram account niya kunsaan, may sinagot ito.

Isang netizen lang ang nag- comment kunsaan, ikinumpara niya ang relasyon ni Derek Ramsay sa mga past girlfriends na nagtatagal ng ilang taon, his last was six years.

Samantalang kay Andrea, isang taon lang daw. Sey nito, “Bakit ganoon kadali kay Andrea? Something is wrong with Andrea wag nyo isisi kay Derek lahat yong past nya 6 years.”

Ito ang nag-udyok para aminin na ni Derek na break na nga sila ni Andrea. Para idepensa si Andrea at ‘wag itong sisihin.

Sinagot ito ni Derek nang, “pls don’t point the finger at anyone. There is nothing wrong with Andrea. She is a great woman. There is no third party!!! The break-up has happened so fast. Maybe 2 people are not just meant to be.

“Pls. Respect us nalang. We shared our love to all of you sana namam we can keep this to ourselves. Mahal ko si ada kaya di ako magsasalita pero if I hear lies about her I will defend her.”

May nagtatanong naman, tahimik lang kasi talaga si Andrea sa isyu ng break-up. Sa kanilang dalawa, si Derek ang sumasagot lalo na sa mga bashers at netizens.

Pero napapaisip ang ilang netizens, ano raw kaya ang ibig sabihin ni Derek sa “mahal ko si ada kaya di ako magsasalita…” parang implying daw na na kay Andrea ba ang isyu o naging problema? (ROSE GARCIA)

SIMULA pala nang matuto nang magdirek si Kapuso Primetime King Dingdong Dantes, naging dream na niyang maigawa at maidirek ang kanyang mommy, si Angelina Gonzalez Dantes sa isang commercial na kasama siya.

Sa kanyang Instagram post, ikinuwento ni Dingdong na three years old pa lamang siya ay sinasamahan na siya ng kanyang Mamata sa pagsu-shoot niya ng commercials at later on, sa pagti- taping niya sa TV at shoots ng movie.

Ang Mamata rin niya ang kanyang biggest supporter and cheerleader kahit anong performances ang gawin niya.

Kaya natupad ang dream na ito ni Dingdong na minsang gumagawa ang mommy niya ng Cheese Pimiento para sa kanyang online-selling ng @mamatas.kitchen ay sinabayan niya ang pagsu-shoot dito.

Doon nalaman ni Dingdong na three generations na pala ang paghahanda ng cheese pimiento, na namana niya sa kanyang ina, at isinalin din ng lola ni Mamata rito.

Hinihiling ni Dingdong na sabihin sa kanya ng ina ang sekreto ng masarap na cheese pimiento, ayaw nito, kay Marian (Rivera) raw niya sasabihin ang sekreto.

Nang mangulit pa si Dingdong, sabi ni Mamata, “hayaan mo, baka si Zia ang magsabi sa iyo ng sekreto ng recipe ng Cheese Pimiento.”

Ibig sabihin, hihintayin pa ni Dingdong na magdalaga si Zia bago niya malaman ang sekreto?

Samantala, patuloy ang pagti-trending ng Descendants of the Sun PH gabi-gabi sa mga fresh episodes na napapanood pagkatapos ng Encantadia.

*****

MASAYANG-MASAYA si KC Concepcion, nang after almost eight months na hindi sila nagkikita nang personal ng amang si Gabby Concepcion dahil pareho silang inabutan ng lockdown gawa sa enhanced com- munity quarantine, ay natuloy din ang pagdi-date nilang mag-ama.

Sa Lobo, Batangas nanatili si Gabby at si KC naman ay nasa The Farm of San Benito in Batangas, bumabalik lamang siya ng Manila kapag may important commitment siya.

Kaya naman enjoy na enjoy maglakad ang mag-ama along Makati Avenue at mag-dinner sa paborito nilang restaurant.

Naganap iyon matapos makabalik si KC from Cagayan, na namigay sila ng food packs at mineral water sa mga nasalanta ng Ulysses typhoon, kasama siya nina Ruffa Gutierrez at mga anak nitong sina Lorin at Venice.

Nasa Manila na si Gabby dahil magsisimula na siya ng lock-in taping ng bago niyang romantic- comedy series na First Yaya sa GMA Network.

*****

TIYAK na magdiriwang na ang mga loyal viewers ng Bilangin ang Bituin sa Langit dahil magtatapos na ang taping ng cast na kinabibilangan nina Ms. Nora Aunor, Mylene Dizon, Kyline Alcantara at sina Zoren Legaspi, Ina Feleo, Gabby Eigenmann, Isabel Rivas, Yasseer Marta, Candy Pangilinan at Divina Valencia.

Malapit na nga silang magbalik-telebisyon sa December, at promise ng cast, every week, iba’t ibang pasabog ang mapapanood ng netizens.

Bago pa raw sila bumalik sa lock-in taping, sinabi ni Direk Laurice Guillen na maraming challenges silang mararanasan sa mga eksena nilang gagawin.

Sa pagbabalik ng Bilangin ang Bituin sa Langit, mapapanood sila pagkatapos ng Prima Donnas sa GMA-7. (NORA V. CALDERON)