2020 December 24 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for December 24th, 2020

Travel restriction laban sa United Kingdom, pag-uusapan pa ng IATF- Sec.Roque

Posted on: December 24th, 2020 by @peoplesbalita No Comments

PAG-UUSAPAN pa ng Inter-Agency Task Force kung magpapatupad ng travel restriction laban sa United Kingdom o pansamantalang hindi pagpapapasok ng mga indibidwal mula sa nasabing bansa dahil sa ulat na bagong strain ng coronavirus disease 2019.

“Pag-uusapan pa po iyan sa IATF pero sa ngayon po, in place pa naman iyong ating mga protocols para sa lahat ng pumapasok ng Pilipinas kasama po iyan iyong mandatory quarantine habang hinihintay po ang resulta ng kanilang PCR tests,” ayon kay Presidential spokesperson Harry Roque.

Sa ulat, nagpatupad ang ilang mga bansa ng travel restriction laban sa UK dahil sa ulat na bagong strain ng coronavirus disease 2019.

Ito’y makaraang iulat ng London na “out of control” umano ang pagkalat ng bagong strain ng COVID-19.

Kasama sa mga bansang agpatupad ng travel ban ay ang mga sumusunod:

France, Germany, Italy, Ireland, Netherlands, Belgium, Austria, Sweden, Finland, Switzerland, Baltics, Bulgaria, Romania, Croatia, Turkey, Iran, Israel, Saudi Arabia, Kuwait, El Salvador

Sa Pilipinas, hindi pa umano nakikita ang pangangailangang magpatupad ng travel restriction sa UK dahil wala pa umanong nakikitang ganitong strain ng virus sa bansa.

Sa kabila nito, sinabi ni Health Usec Maria Rosario Vergeire na hihigpitan naman ang pagpasok ng mga dayuhan sa bansa. (Daris Jose)

Ads December 24, 2020

Posted on: December 24th, 2020 by @peoplesbalita No Comments

NAVOTAS NAGBIGAY NG CASH AYUDA SA BARANGAY HEALTH WORKERS

Posted on: December 24th, 2020 by @peoplesbalita No Comments

Nagbigay ang Pamahalaang Lungsod ng Navotas ng tulong cash na nagkakahalaga ng P1.04 milyon sa mga miyembro ng Barangay Health Emergency Response Teams (BHERT).

Nasa 208 barangay health workers, na nagbigay ng kanilang serbisyo ng hindi bababa sa tatlong buwan ang nakatanggap ng tig-P5,000 sa bisa ng City Ordinance No. 2020-40.

“Mula noong unang araw ng pandemya, ang aming mga barangay health workers na ipinagsapalaran ang kanilang buhay upang mapanatili tayong malusog at ligtas. Napakahalaga sa paglaban natin sa COVID-19,” ani Mayor Toby Tiangco.

“Ang cash assistance na kahit kaunti kumpara sa kanilang mga sakripisyo, ay aming paraan ng pagkilala at pagbibigay ng gantimpala sa kanilang matatag na serbisyo. Inaasahan din naming gagawing mas maganda ang kanilang Pasko,” dagdag niya.

Nauna rito, ang Navotas ay nagsimula na din mamahagi ng Christmas hams sa lahat ng mga residente.

Sa 89,650 target family-beneficiaries, 22,738 na ang nakatanggap ng kanilang “Pamaskong Handog” mula sa pamahalaang lungsod hanggang December 18. (Richard Mesa)

2 timbog sa baril at shabu

Posted on: December 24th, 2020 by @peoplesbalita No Comments

Dalawang hinihinalang sangkot sa ilegal na droga ang arestado matapos makumpiskahan ng baril at shabu sa isinagawang buy bust operation ng mga pulis sa Malabon city, kahapon ng umaga.

Kinilala ni Malabon police chief Col. Angela Rejano ang naarestong mga suspek na si Ernani Panes, 27 ng 1036 Arlegui St. Quiapo, Manila at Erwin Joseph Bautista, 34 ng Paliwas Obando, Bulacan.

Ayon kay Station Drug Enforcement Unit (SDEU) investigator PSSg Kenneth Geronimo, dakong 6:30 ng umaga nang magsagawa ng buy bust operation ang mga operatiba ng SDEU sa pangunguna ni PSSg Julius Sembrero sa ilalim ng pangangasiwa ni P/Capt. John David Chua sa pamumuno ni Col. Rejano kontra sa mga suspek sa loob ng isang Toyota Vios sa Don Basilio Bautista Blvd. Brgy. Dampalit.

Isang undercover police na nagpanggap na buyer ang nagawang makabili sa mga suspek ng P1,000 halaga ng shabu.

Nang iabot ng mga suspek ang isang sachet ng shabu sa police buyer kapalit ng marked money ay agad silang dinamba ng mga operatiba.

Nakumpiska sa mga suspek ang aabot sa 11 gramo ng shabu na tinatayang nasa P74,800 ang halaga, buy bust money, isang F. Berreta cal. 380 na may magazine at kargado ng anim na bala at Lumina Green Toyota Vios (P8X 412). (Richard Mesa)

PDu30, pabor na buhayin ang death penalty matapos ang krimeng ginawa ni Nuezca

Posted on: December 24th, 2020 by @peoplesbalita No Comments

NAKASALALAY sa Mababang Kapulungan ng Kongreso ang muling pagbuhay sa death penalty.

Sinabi ni Presidential Spokesperson Harry Roque na bagama’t pabor si Pangulong Rodrigo Roa Duterte sa death penalty ay nakasalalay pa rin sa magiging desisyon ng Kongreso ang usaping ito.

“Ang pagpapasa po ng death penalty, ang pagbuhay .. iyan po ay sa simula’t mula ay prayoridad ng ating Presidente pero nakasalalay po ang mangyayari sa batas na ‘yan siyempre sa kamay ng mga mambabatas ng Mababang Kapulungan at ng ating Senado,” ayon kay Sec. Roque.

Bumuhos kasi sa social media ang panawagan ng mga netizens sa pamahalaan na buhayin na muli ang death penalty matapos ang ginawang pamamaril ni Senior Master Sergeant Jonel Nuezca sa mag-inang Sonya Rufino Gregorio at anak nitong si Frank Anthony Rufino Gregorio, sa Paniqui, Tarlac sa gitna ng argumento, dahil diumano sa “boga” at right of way.

May ilan ding mga mambabatas ang nananawagan na buhayin ang death penalty.

“Malinaw po ang stand ng Presidente dyan, pabor po ang Presidente sa death penalty lalo na po sa wide-scaled drug trafficking pero nasa kamay na po iyan ng mga mambabatas,” ani Sec. Roque.

Samantala, ang leksyon naman ng mga pulis na maaaring makuha mula sa ginawa ni Nuezca ay maging ehemplo sa lahat at huwag hayaang maging dahilan para masira ang reputasyon at integridad ng Philippine National Police (PNP).

‘It takes only one.. one of you to destroy the reputation and integrity of the institution. Bagama’t sinasabi po natin ngayon sa lahat na nag-iisang bugok lang naman ‘yang pulis na ‘yan eh nakita ninyo naman ang epekto. Kaya nga po, importante na sa inyong mga buhay ay alalahanin ninyo po.. hindi lang kayo si Juan del Cruz .. kayo po ay kabahagi ng institusyon .. ng isang institusyon na pag nawala po ang tiwala ng taumbayan ang resulta po eh magkakagulo. So, kinakailangan po na mag-ingat sa ating mga pang-araw-araw na buhay. Maging ehemplo na at ipadala ang mensahe dito sa bayang ito dahil tayo po ay kumikilala sa rule of law, ang nagpapatupad ng batas ay siyang susunod sa batas,” litaniya ni Sec. Roque. (DARIS JOSE)

Super Suwerte hinahanap ng bayang karerista sa PGC

Posted on: December 24th, 2020 by @peoplesbalita No Comments

KABADO ang mga tagasunod ni Super Suwerte dahil nasa reserve list lang sa nakatakdang 2020 Presidential Gold Cup sa San Lazaro Leisure Park sa Carmona, Cavite sa darating na Linggo, Disyembre 27.

Nasa 15 kabayo ang naghayag ng intensiyong lumahok sa prestihiyosong karera. Pero 14 lang ang mga tatanggaping entry.

Sa kapapaskil ng Philippine Racing Commission (Philracom) na bolahan para sa PGC, sumimangot ang ilang karerista dahil wala si Super Suwerte sa talaan.

Sokpa pa sa mga haharurot sina Summer Romance, Electric Truth, Union Bell, Super Sonic, Wonderland, Victorious Colt, Princess Eowyn, Heneral Kalentong, Shanghai Grey, Boss Emong, Pangalusian Island, Patong Patong, Toy For The BigBoy at Real Gold.(REC)

Santos, Lassiter bak-ap hinahanap ni Austria

Posted on: December 24th, 2020 by @peoplesbalita No Comments

WALANG pili o pick ang San Miguel Beer sa 36th Philippine Basketball Association (PBA) Rookie Draft 2021 sa darating na Marso.

Kaya hahagilap ng ibang paraan si Leovino Austria para pasakan ang vacuum ng Beermen sa 46^th PBA 2021 Philippine Cup sa Abril 9.

Isang malaking babak-ap kay Arwind Santos sa No. 4 para makumpleto ang 10 rotation, isa ring kahalili ni Marcio Lassiter sa 3 o 2 ang puntirya ng SMB coach.

Sa Pampanga bubble ng 45th PBA 2020 Philippine Cup nitong Oktubre 11-Disyembre 9, siyam lang ang nasa rotation ni Austria. No. 4 ang Beermen pagkatapos ng elimination round, pero dalawang beses kiuryente ng Meralco sa quarterfinals.

Si Moala Tautuaa ang pumalit kay June Mar Fajardo sa sentro na nagpagaling sa shin unjury. Wala rin sa bubble si Matt Rosser na mas pinili ang opt out, at napaaga namang napaekssit si Terrence Romeo bunsod ng dislocated shoulder.

Wala sa guni-guni ni Austria na ibahin na ang core ng kanyang starting five kina Alexaner Cabagnot, Jr., Christopher Ross, Fajardo, Santos at Lassiter.

Dahil wala ngang pick, maaring mangahoy ng available big ang Beermen sa free agency.

Makakabalik na si Fajardo sa susunod na season.

At may tagubilin ang six-time MVP sa kanyang coach.

“Ang sabi niya sa akin after our conference ended, ‘Pahinga ka lang, huwag mong isipin ‘yan. Bawi tayo next year,’” wakas na pahayag ni Austria. “So that means na confident siya.”(REC)

PANIBAGONG HOUSING PROJECT NG MANILA LGU, INILUNSAD SA BASECO

Posted on: December 24th, 2020 by @peoplesbalita No Comments

INILUNSAD ni Manila Mayor Isko Moreno Domagoso ang isang panibagong housing project ng lokal na pamahalaan ng Lungsod ng Maynila.

Pinangunahan nina Domagoso at Vice Mayor Maria Sheilah “Honey” Lacuna-Pangan kasama ang mga konsehal sa Distrito 5 ng lungsod ang ground breaking ceremony kaugnay sa proyektong pabahay ng lokal na pamahalaan kung saan plano nila na magpatayo ng Townhouse type sa Baseco upang mabigyan ng sariling tahanan na matutuluyan ang mga mahihirap na pamilya dito.

Batay sa plano, nasa two storey ang itatayo na binubuo ng may 229 units ang nasabing BaseCommunity. 42-square meters ang nakalaan sa bawat pamilya na may dalawang kuwarto sa bawat pabahay.

“Ipakikita natin sa buong bansa paano magtatag ng tunay maaliwalas at sapat na espasyo na pabahay sa mahirap. Bakit po? Dahil alam ko ang pakiramdam ninyo na kapag umuulan na, lahat ng timba, tabo at planggana ay nasa higaan at nakabaluktot ang paa mo dahil tumutulo ang tubig sa bubong n’yo,” ani Domagoso.

“Mahirap sa pakiramdam na kapag galing ka sa trabaho, ang laging nasa isip ninyo ay kung ang bahay ninyo ay nakatirik pa dahil ang bahay na kinatitirikan niyo ay hindi sa inyo,” dagdag pa ng Alkalde.

Bukod sa BaseCommunity housing project, nauna nang inilunsad at sinimulan nang itayo ang Tondominium 1 & 2 at Binondominium. Layon ng mga nasabing proyektong pabahay na magkaroon ng sariling tahanan at maitaas ang kalidad ng pamumuhay ng mga mahihirap na isa sa mga pangarap ni Domagoso para sa mga Manilenyo. (GENE ADSUARA )

Notice to the Public

Posted on: December 24th, 2020 by @peoplesbalita No Comments

We would like to inform the public that Ms. Weng Visagar is no longer connected with People’s Balita. Any advertising/legal notices transactions from her will no longer be valid.

Galatians 4:4

Posted on: December 24th, 2020 by @peoplesbalita No Comments

When the fullness of time appeared, God sent his Son into the world.