• July 4, 2024
  • Search in People's Balita

  • Ang Diyaryong Pinagkakatiwalaan

 

Archive for December, 2020

Vico Sotto, Marcelito Pomoy, at Michael V. pasok sa most searched male personalities ng Google Philippines

Posted on: December 18th, 2020 by @peoplesbalita No Comments

Nakasama sina Vico Sotto, Marcelito Pomoy, at Michael V. sa most searched male personalities ng Google Philippines para sa taong 2020.

 

Bilang mayor ng Pasig City, pinahanga ni Vico ang maraming netizens sa  kanyang “proactive handling of the coronavirus crisis – data-driven action, handing out relief goods regardless of one’s social standing, providing eco-friendly shuttles, and rolling out a roving palengke – was seen as a benchmark on how other mayors should be responding during the pandemic.”

 

Si Marcelito naman ang may top trending video of 2020. Inawit niya ang The Prayer kunsaan pareho niyang binoses ang part nina Andrea Bocelli at Celine Dion.

 

Si Bitoy naman ay sinubaybayan ng marami dahil sa padbunyag nito na nag-positive siya sa COVID-19 noong nakaraang July.

 

Ang iba pang pasok sa listahan ay sina Kim Jong-un (dahil sa balitang pumanaw daw ito); Joe Biden (sa pagkapanalo niya sa US election bilang presidente at tinalo niya si Donald Trump); Hyun Bin at Kim Soo-yun (dahil sa mga hit Koreanovelas nila on Netflix at ipa pang streaming devices); Tom Hanks (bilang unang celebrity na umanin na nagkaroon ng COVID-19); Carlo Acutis (sa pag-beatify sa kanya bilang isang santo sa edad na 15) at Jeremy Jauncey (sa kanyang pagka-link romantically kay Miss Universe 2015 Pia Wurtzbach).

 

*****

 

Mukhang nakapag-adjust na ang mga anak nila LJ Moreno at Jimmy Alapag sa pagtira sa Amerika.

 

Noong September lumipad ang Alapag family for the US at nakapagdesisyon silang tumira na roon. Hindi naman naging mahirap ang pag-migrate nila sa US dahil parehong US citizens sina LJ at Jimmy.

 

Sa mga pinost na photos ni LJ sa Instagram, makikitang happy ang kanilang tatlong anak na sina Ian, Keona, and Calen sa mga pinapasyalan nilang mga lugar.

 

Ilan sa mga napasyalan nila ay ang Huntington Beach at ang children’s zoo sa California.

 

Nag-celebrate din ng kanyang 40th birthday si LJ sa US last October at nag-turn 3-years old naman ang bunso nilang si Calen.

 

Nagkaroon din ng chance si Jimmy na mabisita ang kanyang former coach na si Bill Bayno, currently an assistant coach of the Indiana Pacers in the NBA. Habang si LJ ay nakipag-reunion sa ilang showbiz and  non-showbiz friends na base na sa US.

 

*****

 

Pinayagan na ni Supermodel Heidi Klum ang kanyang 16-year old daughter na si Leni na sundan ang yapak niya. At kaagad na nalagay ito sa cover ng VOGUE Germany.

 

Anak ni Heidi si Leni sa Italian businessman and controversial Formula One racing manager Flavio Briatore.

 

Proud mama si Heidi at pinost niya sa IG ang isang black and white photo nilang mag-ina. Nilagyan niya ito ng lengthy caption:

 

“I’m so proud of you. And not because you chose this path. I know that no matter which way you go, it will be your own. You always know exactly what you want and what you don’t want. You are not a mini-me. And I’m happy for you that you can now show who you are.

 

“I know that being my daughter is not always easy. You never had the opportunity to grow up ‘normally’. But what is normal? Growing up with three different daddies probably won’t either, but you have the talent to get the best out of everything. And I would say: none of it harmed you – on the contrary: you are a self-confident young woman who fights for her goals.

 

“And even more important: you are a really great person with your heart in the right place.I hope that no matter where you are, you always carry what I have given you over the past 16 years. For the big decisions in life, but also for the very little ones.

 

“And even if you often don’t want to hear your mom’s clever advice, here’s another one: never do something you don’t want to do and always listen to your gut instinct. I am sure that an exciting time is waiting for you. Vogue is the best way to start the career you dream of. And even if it is a little difficult for me to let go of you into this world, I will always do everything so that you are happy and that your dreams come true. I am proud to be your mum!” (Ruel J. Mendoza)

5 timbog sa halos P1 milyon shabu

Posted on: December 18th, 2020 by @peoplesbalita No Comments

LIMANG hinihinalang drug personalities, kabilang ang tatlong babae ang arestado matapos makuhanan ng halos P1 milyon halaga ng shabu sa magkahiwalay na buy-bust operation sa Caloocan at Malabon cities, kahapon ng madaling araw.

 

Ayon kay Northern Police District (NPD) Director P/BGen. Eliseo Cruz, dakong 2 ng madaling araw nang madamba ng mga operatiba ng District Drug Enforcement Unit (DDEU) sa pangunguna ni P/Capt. Ramon Aquitan si Rachel Carlos, 44, Kristine Torres, 42, Erica Penalosa, 31 at Estilito Berlos, Jr. 49, matapos bentahan ng P5,000 halaga  ng shabu ang isang undercover police na nagpanggap na buyer sa buy-bust operation sa Blk 1 Pampano St. Phase 2 Area 3, Brgy. Longos, Malabon city.

 

Nakumpiska sa mga suspek ang aabot sa 75 gramo ng shabu na tinatayang nasa P516,800.00 ang halaga, marked money at isang apple brand cellular phone.

 

Nauna rito, alas-12:30 ng madaling araw nang masakote din ng mga operatiba ng DDEU sa pangunguna ni Capt. Aquiatan ang “Commando Gang” member na si Marlon Calimlim, 44, sa buy-bust operation sa loob ng kanyang bahay sa 119 Int. 1 4th Avenue, West Grace Park, Brgy. 49, Caloocan city.

 

Ani BGen. Cruz, si Calimlim ay kabilang sa police drug watch list kung saan mahigit isang linggo itong isinailalim sa surveillance ng mga operatiba ng DDEU.

 

Narekober sa suspek ang P1000 marked money, cellphone at asul na pouch na naglalaman ng humigit kumulang sa 61 gramo ng shabu na tinatayang nasa P414,800 ang halaga.

 

Pinuri naman ni BGen. Cruz si Capt. Aquiatan at kanyang mga tauhan sa matagumpay na drug operation na nagresulta sa pagkakaaresto sa mga suspek. (Richard Mesa)

Rizal Province, Top 1 Most Competitive Province in the Philippines for 5 consecutive years!

Posted on: December 18th, 2020 by @peoplesbalita No Comments

Congratulations Rizal Province for being the Top 1 Most Competitive Province in the Philippines for 5 consecutive years! Malugod ding pagbati sa Antipolo City na tinanghal sa pangatlong pagkakataon na Top 1 Most Competitive Component City in the Philippines at sa Cainta at Taytay bilang Top 1 at Top 2 Most Competitive Municipalities (first-second class) in the Philippines. Ang award na ito ay ipinagkakaloob ng DTI, BSP, DILG, TESDA, DEP ED, CHED, PSA, DOLE, DOH, DOT, PHILHEALTH, PNP, BFP, BIR, DOF-BLGF, at NEDA kada taon sa mga probinsya, lungsod at bayan na naging katangi-tangi sa mga kategoryang: Government Efficiency, Economic Dynamism, Resilience, Infrastructure Development.

 

Kasama ang mga lokal na pamahalaan sa Rizal, alay po natin ang karangalang ito sa bawat mamamayang Rizalenyo na nagpupursige at nananatiling matatag sa kabila ng pandemyang dulot ng COVID-19.

 

Huwag din po natin kalilimutan ang sakripisyo ng ating mga Frontliners para sa isang ligtas at malusog na lalawigan.

 

Taas Noo, Rizaleño! Mabuhay!

 

Narito po ang iba pang hinirang na overall winners ngayong 2020:

 

OVERALL COMPETITIVENESS WINNER PROVINCES:

  1. RIZAL
  2. DAVAO DEL NORTE
  3. CAMIGUIN

HIGHLY URBANIZED:

  1. MANILA
  2. DAVAO
  3. PASAY

COMPONENT CITIES:

  1. ANTIPOLO
  2. LEGASPI
  3. TAGUM CITY

CLASS 1 TO 2 MUNICIPALITIES:

  1. CAINTA
  2. TAYTAY
  3. BALIWAG

CLASS 3 TO 4 MUNICIPALITIES:

  1. MAMBAJAO, CAMIGUIN
  2. SAN REMIGIO, CEBU
  3. BALER, AURORA

CLASS 5 TO 6 MUNICIPALITIES:

  1. ROXAS, ZAMBOANGA DEL NORTE
  2. TAGANA-AN, SURIGAO DEL NORTE
  3. MAHINOG, CAMIGUIN

 

MPBL magiging pro league sa 2021?

Posted on: December 18th, 2020 by @peoplesbalita No Comments

Maliban sa Philippine Basketball Association (PBA) ay magkakaroon pa ng isang professional basketball league sa bansa.

 

Ito ay sandaling magsumite ng aplikasyon ang Maharlika Pilipinas Basketball League (MPBL) ni Sen. Manny Pacquiao sa Games and Amusements Board (GAB) sa susunod na taon.

 

“Baka sakali magkaroon tayo ng professional basketball league pa na mga bago, hindi pa natin ma-announce kung saan at kung kailan,” sabi ni GAB) chairman Abraham ‘Baham’ Mitra sa MPBL.

 

Ang MPBL ay inilunsad ni Pacquiao noong Agosto ng 2017 bilang isang semi-pro league na nagtampok sa 10 koponan sa inaugural season at lumobo sa 31 tropa.

 

Sa MPBL naglalaro ang ilang players na wala nang kontrata sa PBA habang nagpapakitang-gilas din sa nasabing regional league ang mga gustong umakyat sa PBA.

Santos, katropa may tampururot kay Austria

Posted on: December 18th, 2020 by @peoplesbalita No Comments

KLINARO Ni Leovino ‘Leo’ Austria ang ikinatatampo sa kanya ng San Miguel Beer players.

 

“Nagtatampo sila sa akin ‘yung players dahil sinasabi ko raw na matatanda na sila,” bulalas ng eight-time SMB champion coach sa Philippine Basketball Association (PBA).

 

“Wala naman akong sinabing ganu’n. Ang sabi ko lang we’re not getting any younger so we have to have some backups dito sa mga veteran. Ang lumabas, mag-re-revamp ako kasi matatanda na.”

 

Pinasinungalingan ni Austria ang mga sumusulpot na report na may napipintong balasahan sa Beermen dahil sumala silang depensahan ang Philippine Cup crown sa 45th PBA bubble sa Angeles, Pampanga.

 

Quarters lang ang inabot ng serbesa.

 

Idinagdag ng 62-taong-gulang, may taas na 5-10 at tubong Sariaya, Quezon bench tactician na pareho pa rin ang starting five niya sa parating na taon kabibilangan nina Arwind Santos, Christopher Ross, Marcio Lassiter at Alexander Cabagnot Jr. na mga 33-anyos na pataas.

 

Matatawag na rin spring chicken ang panlimang si June Mar Fajardo na nag-31 nitong Nobyembre.

 

Nakatakda na ring mag-32-anyos sa na rin si Moala Tautuaa, ang humalili muna sa nagpagaling sa injury na si Fajardo sa bubble.

 

“Ang sabi ko, core ko pa rin. Sila ang nakakakuha ng 35 minutes per game,” wakas na paglilinaw ng four-time Coach of the Year ng PBA Press Corps. “Ang kailangan ko second unit, third unit, para hindi naman masunog ang first five ko.”

 

Ang apat ang mga nagdaramdam kay Austria.

 

Dalangin ng Opensa depensa na sana maayos agad ang hindi pagkakaunawaang ito para hindi na lumaki.

 

Magpa-Pasko na. (REC)

Marcial, ‘all set’ na sa kanyang pro debut sa US

Posted on: December 18th, 2020 by @peoplesbalita No Comments

All set na si Eumir Felix Marcial para sa kanyang inaabangang professional debut sa Huwebes (oras sa Pilipinas) sa Microsoft Theater sa Los Angeles, USA.

 

Sa ginanap na official weigh-in kanina, tumimbang ng 162.4 pounds si Marcial, habang ang kanyang kalabang si Andrew Whitfield ay may timbang na 165.8 pounds.

 

Umaasa naman ang 27-anyos na si Marcial na magbubunga ang kanyang pagsasanay sa pagharap nito sa katunggaling Amerikano sa isang four-round middleweight bout sa event ng Premier Boxing Champions.

 

Pumasok si Marcial sa Mariott Hotel bubble nitong Lunes.

 

Dalawang buwan na ang nakalilipas nang simulan ni Marcial ang pagsasanay sa ilalim ni Hall of Fame trainer Freddie Roach sa Wild Card Gym sa LA.

 

Pinasok ng Zamboanga City native ang pro boxing nang lumagdag ito ng anim na taong kontrata sa MP (Manny Pacquiao) Promotions noong Hulyo.

 

Ginagamit din ni Marcial ang kanyang training camp sa US bilang paghahanda para sa pagsabak nito sa Tokyo Olympics sa susunod na taon.

Doha napiling host ng 2030 Asian Games

Posted on: December 18th, 2020 by @peoplesbalita No Comments

Napili ang Doha bilang host ng 2030 Asian Games.

 

Kinumpirma ito mismo ng Olympic Council of Asia (OCA) kung saan magiging host naman ang 2034 ang Riyadh.

 

Ayon kay OCA president Sheikh Ahmad Al-Fahad Al-Sabah, na isinagawa ang paggawad matapos ang board meeting ng OCA.

 

Naantala pa ng ilang oras ang nasabing botohan dahil sa technical problem sa kanilang online system.

 

Nagkaroon ng alitan ang Doha ang Saudi matapos na putulin ng Saudi at kaalyado nito ang diplomatic, economic at transport ties sa Doha noong 2017.

Height requirement ng mga ahensyang pang-seguridad, aprubado na

Posted on: December 18th, 2020 by @peoplesbalita No Comments

Inaprubahan ng House Committtee on Public Order and Safety ang ulat ng komite sa substitute bill na naglalayong babaan ang minimum height requirement.

 

Gayundin ang pag-alis sa pagpapaubaya sa sukat ng mga aplikante sa Philippine National Police (PNP), Bureau of Fire Protection (BFP), Bureau of Jail Management and Penology (BJMP) at Bureau of Corrections (BuCor).

 

Ang substitute bill ay inaprubahan ng komite matapos itong sumailalaim sa mga amyenda noong nakaraang pagdinig.

 

Sinimulan ding talakayin ng komite ang substitute bill sa HB 2247, HB 3065 at HB 7734  na naglalayong palakasin ang Internal Affairs Service (IAS) ng PNP.

 

Ang panukala ay naglalayong amyendahan ang ilang probisyon sa ilalim ng RA 8551, o ang PNP Reform and Reorganization Act of 1998.

 

Sinuspindi ng komite ang deliberasyon sa substitute bill habang hinihintay ang pagsusumite ng mga komento at suhestyon mula sa IAS, PNP at NAPOLCOM, upang ganap nang maisama sa pinal na bersyon ng panukala.

(ARA ROMERO)

1,114 iskul sasalang sa dry run ng face-to-face classes

Posted on: December 18th, 2020 by @peoplesbalita No Comments

Nasa 1,114 paaralan ang inirekomenda ng Department of Education (DepEd) para magsagawa ng dry run sa face-to-face classes sa mga lugar na low risk sa COVID-19.

 

Ayon kay Education Secretary Leonor Briones, ang mga regional directors ng ahensiya ang nagrekomenda sa naturang mga paaralan pero sinabi ni Briones na kailangan pang suriin kung nagpapatupad ng health protocols ang naturang mga eskwelahan at kung aprubado ng mga magulang at local government units.

 

Maaari aniyang mabawasan ang bilang ng mga nominated schools oras na dumaan na ang mga ito sa kaukulang pagsusuri at pagkilatis.

 

Una nang pinayagan ng Malakanyang na makapagsagawa ng dry run para sa face-to-face classes sa mga lugar sa bansa na walang kaso ng COVID-19.

 

Gayunman, hindi compulsary at dapat boluntaryo ito kaya kailangan pa rin magsumite ang mga magulang ng permiso para makasali ang kanilang mga anak.

 

Itinakda ng DepEd sa Enero 11-23, 2021 ang dry run habang sa huling linggo ng Ene­ro ay ilalaan ang submission ng reports sa kinalabasan ng pilot face-to-face classes at evaluation para sa pinal na rekomendasyon kay Pangulong Rodrigo Duterte. (Daris Jose)

Duque sa mandatory na pagsuot ng face shield: ‘We are guided by science and evidence’

Posted on: December 18th, 2020 by @peoplesbalita No Comments

Dinepensahan ni Health Sec. Francisco Duque III ang utos ng Inter-Agency Task Force on Emerging Infectious Diseases (IATF-EID) na nagma-mandatong magsuot na ng face shield ang publiko sa lahat ng pagkakataon, lalo na kung nasa labas ng bahay.

 

“We are guided by science and evidence,” ani Duque sa press briefing nitong Miyerkules.

 

Inulan ng reklamo at kristismo mula sa ilang indibidwal at grupo ang paghihigpit pa ng pamahalaan sa paggamit ng face shield, sa gitna ng lumuluwag na panuntunan ng ibang bansa laban sa COVID-19.

 

Nakasaad sa IATF Resolution No. 88 na kakambal ng pagsusuot ng publiko sa face masks, ay ang pagsusuot din ng face shield kapag nasa pampublikong lugar.

 

“Whenever they go out of their residences, pursuant to the existing guidelines issued by the national government,” ayon sa Section 8 ng Omnibus Guidelines on the Implementation of Community Quarantine.

 

Iginiit ni Duque na mismong mga health experts at scientists ang nagsabi na 99% protektado sa banta ng COVID-19 infection ang sabayang pagsu-suot ng face mask, face shield, at pagsunod sa tamang distansya.

 

Pero ayon sa United States Centers for Disease Control and Prevention (US CDC), hindi nila inirerekomend ang pagsusuot ng face shield dahil wala pang malinaw na ebidensyang kaya nitong proteksyonan mula sa coronavirus ang indibidwal na magsusuot nito.

 

“Face shields have large gaps below and alongside the face, where your respiratory droplets may escape and reach others around you. At this time, we do not know how much protection a face shield provides to people around you.”

 

Sa kabila nito, umapela ang Health secretary sa publiko na panatilihin ang pagsunod sa minimum health standards para maiwasang mahawaan ng COVID-19 lalo na ngayong holiday season.

 

“Huwag tayo mapapagod kasi ang COVID hindi napapagod, hindi nagbabakasyon kapag Pasko at hindi natatakot kapag nagpaputok sa Bagong Taon.”

 

“Kapag hindi natin sinunod ang panuntunan ng DOH sa minimum health standard name-meligro ang ating pamilya.”

People's Balita.
All rights reserved. © Copyright 2024.