2020 December Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for December, 2020

Pagsasanay ng mga atleta na kasali sa 2021 Tokyo Olympics, maaari nang mag-resume- Sec. Roque

Posted on: December 17th, 2020 by @peoplesbalita No Comments

MAAARI nang mag-resume ng pagsasanay ang mga atleta na makikipaglaban o makikipagkumpetensiya sa 2021 Tokyo Olympics.

Ito ayon kay Presidential Spokesperson Harry Roque ay sa pamamagitan ng bubble set-up upang masiguro na ligtas sila sa gitna ng COVID-19 pandemic.

Sinabi ni Sec. Roque na araw ng Lunes nang pumayag ang Inter-Agency Task Force for the Management of Emerging Infectious Diseases (IATF) sa request ng Philippine Olympic Committee kaugnay sa pagpapatuloy ng pagsasanay.

“[T]he conduct of the training in a ‘bubble-type’ setting shall be made in coordination with the Regional Task Force where the training shall be conducted and the local government unit with the jurisdiction of the proposed venue,” ang nakasaad sa resolusyon ng IATF.

Ang 32nd Summer Olympics ay itinakda para ngayong taon subalit inilipat ng Hulyo 2021 dahil sa pandemiya.

Noong Setyembre, sinabi ni Japanese Prime Minister Yoshihide Suga sa United Nations General Assembly na ang kanyang bansa ay determinado na mag-host sa Tokyo Olympic and Paralympic Games “as proof that humanity has defeated the pandemic.”

Sinasabing wala pang gamot sa COVID-19, subalit ang mga bansang gaya ng United Kingdom, Canada at United States ay inaprubahan ang paggamit ng Pfizer-BioNTech’s experimental vaccine. (Daris Jose)

Piling eskuwelahan ang magdaraos ng face-to-face classes mula Enero 11 hanggang 23, 2021

Posted on: December 17th, 2020 by @peoplesbalita No Comments

MAY ilang piling eskuwelahan sa mga lugar na nasa low risk para sa COVID-19 transmission ang magdaraos ng face-to-face classes mula Enero 11 hanggang 23, 2021.

Ayon kay Presidential Spokesperson Harry Roque, ang dry run ay imo-monitor ng Department of Education (DepEd) at COVID-19 National Task Force.

Ang huling linggo naman ng Enero ay ilalaan sa pagsusumite ng reports hinggil sa kinalabasan ng pilot face-to-face classes at ebalwasyon para sa final rekomendasyon kay President Rodrigo Duterte.

Batay sa timeline na ibinigay ng DepEd, ang regional directors ay kailangan na magsumite kay Education Secretary Leonor Briones ng listahan ng mga nominated schools “on or before December 18.”

Si Sec. Briones ay pipili ng pilot schools sa December 28, na susundan ng orientation, mobilization at readiness confirmation ng mga mapipiling eskuwelahan.

Sinabi ng Kalihim na may ilang rural areas ang nagpahayag ng interest sa pagsasagawa ng face-to-face classes.

Nauna rito, inaprubahan ni Pangulong Rodrigo Roa Duterte ang pagsasagawa ng pilot implementation ng face-to-face classes sa ilang piling eskuwelahan sa low-risk areas.

Sa Cabinet meeting, ngayong gabi, Disyembre 14, 2020, inaprubahan ng Chief Executive ang presentasyon ng Department of Education (DepEd) na magsagawa ng pilot implementation o dry run ng face-to-face classes sa piling eskuwelahan sa mga lugar na low COVID-risk para sa buong buwan ng Enero 2021.

Makikipag-ugnayan ang DepEd sa COVID-19 National Task Force (NTF) para sa pagmomonitor ng isasagawang pilot implementation.

“The pilot shall be done under strict health and safety measures, and where there is commitment for shared responsibility among DepEd, local government units and parents,” ayon kay Presidential spokesperson Harry Roque.

Aniya, kailangang bigyang-diin ng pamahalaan na ang face-to-face classes sa mga eskuwelahan na papayagan ang ganitong sistema ay hindi compulsory kundi voluntary sa panig ng mag-aaral at magulang.

“Having said this, a parent’s permit needs to be submitted for the student to participate in face-to-face classes,” diing pahayag ni Sec. Roque. (Daris Jose)

Baron magaling ding mangingisda

Posted on: December 17th, 2020 by @peoplesbalita No Comments

HINDI lang mahusay na volleyball player kaya naging star sa Philippine SuperLiga (PSL) si Mary Joy ‘Majoy’ Baron kundi sa pangingisda o panghuhuli rin ng isda.

Pinaskil sa Instagram kamakalawa ng F2 Logistics Cargo Movers middle blocker, na madalI lang para sa kanya ang pangingisda gamit ang isang ordinaryong fishing pole na ginawa buhat sa bamboo stick.

Isang larawan din ang ipinakita ng 24 na taong gulang, may taas na 6-0, tubong Tarlac at former national volleybelle, na una niyang nadakma o nahuling isda.

Bakante pa rin sa training at game ang balibolista dahil sa Covid-10. At plano pa lang magbalik ng ligang kinabibilangan niya sa darating na Marso 7, 2021 sa pamamagitan muna ng Fan’s Day. (REC)

‘Online Simbang Gabi’, hikayat ng DOH sa publiko para iwas COVID-19

Posted on: December 17th, 2020 by @peoplesbalita No Comments

Hinimok ng Department of Health (DOH) ang publiko na dumalo na lang ng online masses ngayong nagsimula na ang panahon ng tradisyunal na Simbang Gabi.

“As much as possible, reduce contact rate or avoid exposure to the virus by attending online masses instead of in-person gathering,” ayon sa health advisory ng ahensya.

Aminado ang DOH na nakikita nilang may downtrend o bumababa ang bilang ng COVID-19 cases, pero mahalaga pa rin umanong sundin ng publiko ang minimum health standards lalo na’t maituturing na “superspreader event” ang Simbang Gabi.

“We cannot overemphasize the need to follow the minimum health protocols at all times. Gatherings (like Simbang Gabi) can easily become superspreader events.”

Bukod sa mungkahi na pagdalo sa online masses, inirerekomenda ng Health department na obserbahan ng publiko ang panuntunan na nakahanay sa “Apat Dapat” advisory ng Health Professionals Alliance against COVID-19 (HPAAC).

Katulad ng pagsunod sa physical distancing na isang metro; pagsusuot ng face mask at face shield; limitadong oras ng aktibidad na may close contact; at angkop na ventilation o daluyan ng hangin sa lugar ng pagtitipon.

“Avoid high risk activities such as those conducted in enclosed spaces or areas with poor ventilation, activities like singing or shouting, and other forms that might involve physical contact.”

Batay sa inamyendahang Omnibus Guidelines ng Inter-Agency Task Force on Emerging Infectious Diseases, pwede na ang religious gatherings. Naka-depende lang sa antas ng community quarantine ng lugar ang papayagang dami ng tao.

MECQ (modified enhanced community quarantine): not more than 5 persons
GCQ (general community quarantine): not more than 30% of the seating capacity
MGCQ (modified general community quarantine): not more than 50% of the seating capacity

Batid ng ahensya na posibleng magkaroon ng “post-holiday surge” o pagsipa sa bilang ng COVID-19 cases pagkatapos ng Bagong Taon, kaya naman umaapela sila sa publiko na ikonsidera na lang ang mga alternatibo sa Simbang Gabi.

“It is best to avoid events that could overwhelm our health system and capacity to respond as a whole.”

Nilinaw ng DOH na hindi nila ipinagbabawal ang holiday celebrations, pero kakambal daw ng pagdiriwang ang responsibilidad ng bawat isa laban sa COVID-19. (ARA ROMERO)

Malakanyang, positibo na kayang maabot ng bansa ang Herd Immunity sa COVID

Posted on: December 17th, 2020 by @peoplesbalita No Comments

POSITIBO ang Malakanyang na sapat nang mabakunahan ang 66 na porsiyento na populasyon ng bansa para maabot ang pagkakaroon ng Herd Immunity.

Ito’y sa harap na rin ng ulat na may mga Filipinong mas gugustuhing huwag na lamang magpabakuna ng COVID -19 vaccine.

Ayon kay Presidential Spokesperson Harry Roque, bagama’t mas maigi sanang lahat ay mabigyan ng bakuna ay hindi naman pipilitin ng pamahalaan sa kabilang banda ang mga ayaw magpaturok ng anti-COVID vaccine.

Aniya, kakayanin na namang makamit ng bansa ang Herd Immunity na maaaring maabot kung malaking bahagi o mayorya ng populasyon ay mabibigyan ng bakuna.

At kung makakamit ang Herd Immunity ay mahihinto na rin ang transmission o pagkalat ng virus.

Aniya, mangyayari ang Herd Immunity kung ang karamihan ng mga tao sa isang komunidad ay immune na sa isang infectious disease. (Daris Jose)

HEART EVANGELISTA, sa asawang si CHIZ ESCUDERO nakasandal sa tuwing may pinagdaraanan

Posted on: December 17th, 2020 by @peoplesbalita No Comments

In a series of Instagram stories ni Kapuso actress Heart Evangelista, nagtanong siya ng guidance regarding her fears, sa husband niyang si Sorsogon governor Chiz Escudero. Si Heart pala, ayon sa asawa, kahit in times of difficulty, Heart relies on herself 90 percent of the time.

“But they will suffer from fatigue too and when you need them the most, wala na rin sila because they will suffer from fatigue already,” paliwanag ni Gov. Chiz. “Kaya I encouraged her (Heart) that she can change her mindset with just her faith in God.”

After sharing his thoughts, Heart managed to joke and asked him why he was “bashing” her. Pero pagkatapos noon ay nag-post ulit si Heart ng Instagram story niya kahapon, Tuesday, na nakayakap kay Gov. Chiz with a caption, ‘Blessed to have you,’ with a heart emoji.

Meanwhile, muling napapanood si Heart with Korean actor Alexander Lee (Xander Lee) gabi-gabi sa romantic comedy series na “My Korean Jagiya,” pagkatapos ng “Descendants of the Sun PH.” na ngayon ay nasa last two weeks na ng airing.

*****

In a month’s time, magsisilang na ng kanyang third baby si Andi Eigenmann. Akala niya ay babae muli ang isisilang niya, but nope, lalaki naman ang third baby ni Andi. Ang panganay niya ay si Ellie, na anak niya kay Jake Ejercito. Babae muli ang isinilang ni Andi sa boyfriend niyang surfer na si Philmar Alipayo, si Lilo, kaya akala ni Andi it’s another girl pero post nga ni Andi. “the secret is out! We’re having a little happy islandBOY, in just a month’s time, we will be meeting him. Nakakapanibago dahil two big sisters to their little brother,” sabi pa ni Andi.

Sa January 2021, magsisilang si Andi, at tamang-tamang nasa Manila na sila ngayon para doon mag-celebrate ng Christmas.

Wala pang nakahandang pangalan si Andi para sa kanilang bagong baby boy.

*****

First time lamang magiging magka-partner sina Cassy Legaspi at JD Domagoso pero matagal-tagal na rin silang magkasama noon sa Studio 7, kaya no problem sa kanilang dalawa kung magiging close lalo sila ngayong pareho na silang magkatambal sa first teleserye nila together, ang romantic-comedy series na “First Yaya.” First time nilang makakasama sina Gabby Concepcion at Sanya Lopez.

“Matagal na po kasi kaming magkaibigan ni Cassy,” sabi ni JD. “Noong una po may konting hiya pa rin sa amin, pero wala pong magiging problema, dahil friends na kami ni Cassy noon pa.”

Si JD ay anak ni Manila Mayor Isko Moreno at si Cassy ay anak ng mag-asawang Zoren Legaspi at Carmina Villarroel.

Sa ngayon, naghahanda na sina Cassy at JD para sa lock-in taping nila sa January.

“Reading the script, muna kami ngayon, gusto ni Direk LA Madridejos na ready na kami bago mag-start ng lock-in taping.

By January 2021 mapapanood na ang “First Yaya.”

WALA PANG COVID 19 VACCINE MANUFACTURER NA NAG-AAPLY NG EMERGENCY USE AUTHORIZATION SA PILIPINAS- FDA

Posted on: December 16th, 2020 by @peoplesbalita No Comments

HANGGANG ngayon ay wala pang COVID 19 vaccine manufacturer ang pormal na nag-a-apply ng Emergecy Use Authorization o EUA sa Pilipinas.

Sinabi ni Food and Drug Administration (FDA) Director General Doctor Eric Domingo na bagama’t mayroon ng mga anti-COVID 19 vaccine na nabigyan ng EUA sa ibang bansa wala pang application sa FDA ng Pilipinas.

Sinabi ni Domingo na kabilang sa anti COVID 19 vaccine na mayroon ng EUA sa United Kingdom, Bharain at China ay ang Pfizer ng Amerika, Sinovac at Sinopharm ng China.

Aniya, sa sandaling magsumite ng EUA application ang Pfizer, Sinovac at Sinopharm ay agad itong aaksyunan ng FDA panel of expert.

Sa kabilang dako, nilinaw naman ni Domingo na mapapadali ang evaluation ng FDA dahil nabigyan na ng EUA sa country of origin ang Pfizer, Sinovac at Sinopaharm na itinuturing na Matured Regulatory Agency at National Regulatory Authority.

Giit ni Domingo na mahigpit na susundin ng FDA ang guidelines for issuance of Emergency Use Authorization na nakapaloob sa Executive Order 121 na inilabas ni Pangulong Rodrigo Duterte na kailangan ang aplikanteng vaccine manufacturer ay mayroong valid licence to operate, good manufacturing practice at mayroong safety and efficacy data. (Bishop Jesus “Jemba” M. Basco)

Magkapatid tinuhog ng sariling ama

Posted on: December 16th, 2020 by @peoplesbalita No Comments

“WALANG makikinabang sa inyo kung hindi ako lang”

Ito umano ang sinasabi ng 54-anyos na tricycle driver habang ginugulpi ang 20-anyos na dalagang anak makaraang tumanggi na ang biktima sa umano’y paulit-ulit na ginagawang panghahalay sa kanya ng sariling ama sa Malabon City.

Dahil dito, napilitan nang ipagtapat ng biktimang itinago sa pangalang “Lucy” ang panghahalay ng kanyang ama na itinago niya sa matagal ding panahon sa takot na totohanin ng ama ang banta na may mangyayaring masama sa kanila sa oras na magsumbong siya kaninuman.

Kaagad na humingi ng tulong sa barangay at pulisya ang ina ng dalaga na nagresulta sa pagkakadakip sa suspek kamakalawa na naging dahilan upang maglakas na rin ng loob ang 16-anyos na kapatid ni Lucy na lumutang at magsumbong sa ginagawa ring panghahalay sa kanya ng sariling ama.

Napag-alaman na ang pinakahuling insidente ng panghahalay kay Gloria ay noong Biyernes ng umaga at batay sa ginawang pagsusuri na isinagawa sa kanya ng medico-legal ng Northern Police District (NPD) Crime Laboratory, positibong hinalay ang dalaga na hindi lamang minsang naganap, tulad ng sumbong ng biktima.

Noong Lunes ay isinalang na rin sa medico-legal examination ang nakababata niyang kapatid na itinago sa pangalang “Nora” na umano’y paulit-ulit ding ginagahasa ng ama sa tuwing wala sa bahay ang kanilang ina.

Sa oras na positibong ginahasa batay sa resulta ng isinagawang pagsusuri kay Nora, isasampa na ng pulisya ang kasong sexual violence at multiple rape laban sa ama ng mga biktima sa piskalya ng Malabon city. (Richard Mesa)

Dry run ng face-to-face classes sa 2021, aprubado na

Posted on: December 16th, 2020 by @peoplesbalita No Comments

INAPRUBAHAN ni Pangulong Rodrigo Roa Duterte ang pagsasagawa ng pilot implementation ng face-to-face classes sa ilang piling eskuwelahan sa low-risk areas.

Sa Cabinet meeting, noong Disyembre 14, 2020, inaprubahan ng Chief Executive ang presentasyon ng Department of Education (DepEd) na magsagawa ng pilot implementation o dry run ng face-to-face classes sa piling eskuwelahan sa mga lugar na low COVID-risk para sa buong buwan ng Enero 2021.

Makikipag-ugnayan ang DepEd sa COVID-19 National Task Force (NTF) para sa pagmomonitor ng isasagawang pilot implementation.

Aniya, kailangang bigyang-diin ng pamahalaan na ang face-to-face classes sa mga eskuwelahan na papayagan ang ganitong sistema ay hindi compulsory kundi voluntary sa panig ng mag-aaral at magulang.

“Having said this, a parent’s permit needs to be submitted for the student to participate in face-to-face classes,” diing pahayag ni Sec. Roque.

Samantala, nangangalap na ng report ang Department of Education (DepEd) para makabuo ng balangkas sa posibleng pilot operation ng face-to-face learning, pagsapit na ng taong 2021.

Ayon kay Education Sec. Leonor Briones, pinagsusumite na nila ng report at rekomendasyon ang regional directors, para ma-assess ang sitwasyon kung pwede nang maibalik ang personal na pagdalo sa klase ng mga estudyante.

Pero tanging sa low risk areas lang umano ito maidaraos.

Gayunman, kailangan pa rin aniya ng pahintulot mula sa local government units (LGUs), magulang ng mga bata at kailangan din ng maayos na transportasyon.

Una rito, mismong si Pangulong Rodrigo Duterte na ang nagpalutang ng posible ang face-to-face classes sa susunod na taon, kung maigagarantiya na ligtas sa banta ng COVID-19 ang mga mag-aaral. (DARIS JOSE)

Malakanyang, nanawagan kina VP Leni Robredo at Senador Franklin Drilon na tigilan ang pamumulitika

Posted on: December 16th, 2020 by @peoplesbalita No Comments

NIRESBAKAN ng Malakanyang ang tila maagang pamumulitika nina Vice-President Leni Robredo at Senador Franklin Drilon.

Ito’y makaraang sabihin ni Senador Franklin Drilon na 2.5-billion pesos lang ang napondohan sa pagbili ng COVID vaccine habang ang natitirang pondong dapat gamitin ay wala pa umanong revenue source.

“Malayo pa ang eleksiyon kaya’t tigilan na ang pamumulitika,” ani Presidential Spokesperson Harry Roque sabay sabing paulit-ulit na aniya nilang sinasabi na makakautang ang bansa sa multi-lateral sources, sa bilateral sources para sa 72.5-billion na kakailanganin.

Batid naman aniya ni Senador Drilon bilang isang beteranong mambabatas at Robredo kung paano gumagana ang budget.

Ang hirit kasi ni Robredo, walang sense of urgency ang Administrasyon sa usapin ng pagba- budget sa COVID-19 vaccine pero sagot dito ni Roque, huwag na lang mamulitika at malayo pa naman ang halalan.

“Senator Drilon, Vice President, malayo pa po ang eleksiyon, tigilan ang pulitika. Paulit-ulit na po sinabi natin iyan ‘no na tayo po ay makakautang na sa multi-lateral sources, sa bilateral sources para po sa 72.5-billion na kakailanganin,” ayon kay Sec. Roque.

“Kaya po inilalagay sa budget iyan, maski utangin hindi po pupuwedeng gastusin and I’m sure Senator Drilon knows about this already having been a veteran lawmaker, the same thing goes for the Vice President. They should know how the budget works. Kinakailangan nasa budget otherwise hindi magagastos maski ang panggagalingan ay uutangin,” dagdag na pahayag nito. (Daris Jose)