2020 December Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for December, 2020

Malakanyang, siniguro na hindi mangyayari sa Pilipinas ang panunuhol ng Sinovac sa ibang bansa

Posted on: December 12th, 2020 by @peoplesbalita No Comments

TINIYAK ng Malakanyang na hindi masusuhulan ang mga eksperto sa pamahalaan ng Pilipinas para sa mabilis na pagbibigay ng Emergency Utilization Authority (EUA) sa mga manufacturer ng COVID vaccine.

Ito ang binigyang-diin ni Presidential Spokesperson Harry Roque makaraang mapaulat ang sinasabing pagkakasangkot ng kumpanyang Sinovac sa ibang bansa, para mapabilis ang pagpoproseso ng kanilang mga papeles at magamit ang kanilang produkto sa bansang susuplayan nito.

Ani Sec. Roque, buo ang tiwala ni Pangulong Rodrigo Roa Duterte sa mga vaccine expert at sa Food and Drugs Administration (FDA), na siyang mag-aaral sa kaligtasan at bisa ng mga bakuna laban sa COVID-19.

Aniya, dalawa lang ang magiging basehan kung maaaprubahan ang bakuna sa bansa, at ito ay ang safety at efficacy ng gamot. (Daris Jose)

Ads December 12, 2020

Posted on: December 12th, 2020 by @peoplesbalita No Comments

1 PATAY, 6 SUGATAN INARARO NG KOTSE

Posted on: December 12th, 2020 by @peoplesbalita No Comments

ISA ang patay habang anim ang sugatan nang araruhin ng isang kotse sa Binondo, Manila.

Inaalam pa ang pagkakakilanlan sa namatay habang kinilala ang mga nasugatan na sina Jerry del Rosario, 41, ng Montalban Rizal; Adriano Limse, 38 pedicab driver ng Kagitingan Tondo, Manila; Ryan Caranzo , 39 ng Dagupan, Tondo; Jonathan Ratin, 40 ng san Jose Del Monte Bulacanat dalawang iba pa.

Sa ulat ni PSMSgt Michael Anthony Ramitrez, Traffic Investigator ng MDTEU, dakong alas- 7:30 kahapon ng umaga nang naganap ang insidente sa kahabaan ng CM Recto , sa St Crsito hanggang Ylaya Sts, Binondo, Manila habang ang suspek ay si Armando Pitas, 55 ng Western Bicuatn, Taguig City at driver ng isang kulay pulang Hyundai Accent na may plakang NDL 9295.

Nabatid na minamaneho ng suspek ang kanyang kotse habang binabagtas ang nasabing lugar nang nawalan umano ito ng kontrol sa kanyang manibela na nagresulta sa pagkakaaksidente sa mga biktima. (GENE ADSUARA)

2 bata ni Pacquiao mas bet sa amo si McGregor

Posted on: December 12th, 2020 by @peoplesbalita No Comments

MAS gusto ng kampo ni World Boxing Association (WBA) super welterweight champion Emmanuel Pacquiao na si dating Ultimate Fighting Championship (UFC) featherweight at lightweight titlist Conor Anthony McGregor ng Ireland ang makalaban sa papasok na taon.

Ito ay kaysa kina World Boxing Council (WBC), International Boxing Federation (IBF) ruler Errol Spence Jr. at World Boxing Organization (WBO) title holder Terrence Crawford ng kapwa EstadosUnidos.

Ayon ito Huwebes kina Jayke Joson, special assistant at business partner ng Pinoy ring icon, at Arnold Vegafria, business manager ng eight-division world boxing champ, lalo’t pa’t handa anilang gastahanang bakbkan ni Paradigm Sports Management president Audie Attar sa 2021 sa Dubai, United Arab Emirates.

Si Attar ang manager din ni mixed martial arts star McGregor, binayaran ang kanyang bata ng $130M

(P6.2B) nang labanan si four-division world professional men’s boxing champion Floyd Mayweather Jr. ng USA na tumanggap ng ng $270M (P12.9B)

Tiwala ang dalawang opisyal na limpak din ang kikitain ng kanilang amo kung si McGregor ang kakasahan kaysa sa sinuman sa dalawang Amerikano.(REC)

Kapit sa patalim na rin ang papasikat na sanang male model

Posted on: December 12th, 2020 by @peoplesbalita No Comments

Biglang naging kuya ng mga bagong Kapuso stars si Kristoffer Martin sa lock-in taping nila ng aabangan na teleserye titled Babawiin Ko Ang Lahat.

Nanibago raw si Kristoffer dahil nasanay siyang mga kaedad niya o mas may edad sa kanya ang mga nakakatrabaho niya sa teleserye. Ngayon daw ay tawag sa kanya ay “kuya” at parang may obligasyon siyang alagaan ang mga baguhan na ito sa taping nila.

Post niya sa IG: “The support from this group is really amazing. Di mo ramdam yung pagod when you have a good circle. Iba suportahan sa isa’t-isa. For keeps tong mga bagets na to. (Ako kasi pinakamatanda 😂) So ayun na ngaaa. Abangan natin ang “Babawiin ko ang lahat” sa GMA. Orayt??”

Nag-post din ang Kapuso hunk ng TikTok video kasama sina Manolo Pedrosa at Dave Bornea.

Sa lock-in taping din nag-celebrate ng kanyang 26th birthday si Kristoffer noong nakaraang November 20.

*****

Sa kawalan ng raket dahil sa COVID-19 pandemic, kapit sa patalim na rin ang papasikat na sanang male model.

Humingi ng saklolo ang male model sa kanyang kapatid na naka-base na sa ibang bansa. Di na raw niya na-maintain ang nakasanayan niyang lifestyle dahil mabibilang sa kanyang mga daliri sa kamay ang trabahong dumarating.

Hindi raw tulad last year na si male model na ang sumusuko dahil na o-overbook siya sa trabaho sa paggawa ng TV commercial, runway shows at pag-host ng corporate events.

Pagpasok pa lang daw ng December ay fully-book na siya for three weeks. Pero ngayon, dadalawang raket pa lang ang nakukuha niya.

Kaya bago pa umabot na kailangan niyang magbenta ng mga gamit at mapalayas siya sa nirerentahang condo unit, nag-iisip na ito ng ibang option at ang kapatid niya ang makakatulong sa kanya.

Living in style ang kapatid ni male model. Kung dati ay sagad-sagad din ito magtrabaho para mag-survive, ngayon ay para na siyang anak-mayaman na hindi na kailangan mag-work.

Salamat sa karelasyon nito na parang may balon ng pera kaya sunod ang mga layaw nito na hindi kailangan magpakapagod.

Pinakilala si male model ng kanyang kapatid sa isang yamaning socialite via video chat. Friend ito ng karelasyon ng kapatid niya at mabilis silang nagkasundo.

Ngayon ay nagsasama na raw ang dalawa sa malapalasyong bahay ng socialite sa ibang bansa.

Kahit na raw mas may edad kay male model ang babae, ang importante ay maranasan niya ang buhay pensyonado tulad ng kuya niya na role model niya.

*****

Hindi dahilan ang pandemic para hindi matupad ang pangako na Winter Wonderland ni Kylie Jenner sa kanyang anak na si Stormi Webster.

Sa post ng reality star-turned-makeup mogul sa Instagram, pina-transform niya ang kanyang mansion into winter wonderland with snow, white decorated lights and neutral toned ornaments in white, tan and beige colors.

May two big white stockings din sa fireplace at four life-like white polar bears in various sizes sa living room para ma-achieve ang North Pole vibe.

“We did these ornaments to match all the colors and textures in this room. I love how it turned out. So pretty,” sey ni Kylie. (Ruel J. Mendoza)

Italya mapagkukunan ng mga basketbolista

Posted on: December 12th, 2020 by @peoplesbalita No Comments

HINDI na lang pala Estados Unidos ang maaring maging balon ng talento ng Philippine basketball sa hinaharap na panahon.

Ilista na rin ang Italya.

May ilang Filipino-Italian ang masisilayan sa 83rd University Athletic Association of the Philippines (UAAP) 2021.

Ilan sa kanila ay sina Gabriel Gomez, Roger delos Reyes at Andrei Abellera kasama sina Patrick Dimayuga, Jose Carlos Cullar at magkakapatid na Wilfrey Jr at Vince Magbuhos.

Minsang lumaro na rin sa bansa sina Gomez, Delos Reyes at Abellera sa dumayong Fil-Italian community team sa 2019 National Basketball Training Center (NBTC).

Sila at ang ibha pang mga mga player ay nasa iba’t-ibang team na mga naglalarorin sa Proudly Pinoy Community Basketball League sa naturang European country.

Misyon ni Proudly Pinoy organizer Ever Cuerdo at iba pang mga kapwa na nasa Italy na matulungan ang mga kabataan sa pag-aaral at makakuha rin ng kurso sa kolehiyo sa mga liga sa ‘Pinas at makapaglaro rin sa national team (Gilas Pilipinas) sa tamang pagkakataon.

Nagkakaisa rin ang mga kabataang basketbolista na makaabot sila sa professional pagdating ng tama ring panahon, o makapaglaro sa Philippine Basketball Association (PBA).

Medto malayo pa lang ang agwat ng Amerika at Italya sa kalibre para sa nasabing sport. Pero dahil sa ligang Pinoy-Italyano at iba, hindi malayong dumatng ang araw na makalapit ang una sa huli.

Naniniwala ang Opensa Depensa na matutuklasan ding astig na Fil-Italian baller na magkakapangalan sa PH 5 at maging sa PBA.

MPTC, SMC magsasagawa ng RFID “interoperability test”

Posted on: December 12th, 2020 by @peoplesbalita No Comments

Ang Metro Pacific Tollways Corp. (MPTC) at San Miguel Corp. group ay magsasagawa ng testing para sa “interoperability” ng kanilang radio frequency identification cashless toll payment systems na magiging parte ng kanilang plano na gumamit ng iisang RFID sticker sa lahat ng expressways.

Nilagdaan noong December 4 ang isang kasunduan sa pagitan ng dalawang toll operators upang magkasama sila na gumawa ng isang testing para sa paggamit ng AutoSweep at EasyTrip RFID cashless toll payments na ginagamit sa North Luzon Expressway (NLEX), Tarlac-Pangasinan-La Union Expressway (TPLEX), at Subic-Clark-Tarlac Expressway (SCTEX).

“A read rate percentage or the system’s performance indicator when comparing RFID infrastructure, would be determined through the interoperability testing, which will be conducted for 14 consecutive days involving 45 vehicles composed equally of the different vehicle classifications,” wika ng Department of Transportation (DOTr).

Ang SMC TPLEX Corp., isang subsidiary ng San Miguel Holdings Corp at ang concessionaire at operator ng TPLEX, ay gumagamit ng AutoSweep RFID tag, samantalang ang MPTC na siyang investment holding company ng NLEX Corp at operator ng NLEX at SCTEX ay gumagamit ng Eastrip RFID tag para sa kanilang electronic toll collection.

Magkakaron ng activation ang AutoSweep RFID sticker na gamit ang EasyTrip account, pagkatapos ay ang EasyTrip RFID sticker naman ay magkakaron ng activation gamit ang AutoSweep account.

Gagawa ng isang steering committee upang siyang magpatupad at mag monitor kung ginagawa ng dalawang parties ang kanilang dapat gawin sa ilalim ng ginawang kasunduan.

“After the test, participants would submit their test transaction reports and dashcam video recordings to the steering committee for validation and assessment,” ayon sa DOTr.

Binigyan ang steering committee ng limang (5) araw simula sa pagkatapos nilang mag sumite ng datus na kanilang nalakap upang makuha ang read rate percentage.

“The interoperability test is part of the ongoing campaign to implement a policy of toll interoperability for fast, efficient and seamless travel of motorists along various toll roads, as the country continues to recover from the impact of the corona virus pandemic,” dagdag ng DOTr.

Sinabi naman ni DOTr Secretary Arthur Tugade na sila ay nagpapasalamat sa pribadong sector na nagpakita ng kanilang walang sawang suporta sa nasabing proyekto ng pamahalaan.

Ayon pa rin sa kanya na kailangan ng pamahalaan ang kanilang tulong upang mapadali ang mga kailangan measures upang tuluyang ng maisakatuparan ang “interoperability.” (LASACMAR)

BAKUNA SA COVID, DAPAT ISAMA SA CURRICULUM

Posted on: December 12th, 2020 by @peoplesbalita No Comments

DAPAT umanong isingit sa curriculum ng mga estudyante ang kahalagahan at benepisyo ng bakuna sa Covid-19 upang well-informed ang publiko at mawala na rin ang kanilang pangamba sa nasabing pagbabakuna.

Ayon kay Dr. Tony Leachon, Former Special Adviser National Task Force on Covid-19 sa isang press briefing ng National Press Club (NPC), sa loob ng pitong (7) buwan na magsisimula ngayong Disyembre hanggang sa maging available na ang bakuna lana sa Covid-19 ay dapat nang magkaroon ng pag-eeducate sa mga mag-aaral sa elementarya,highschool at maging sa kolehiyo.

Ayon pa kay Leachon, sa loob ng pitong buwan na ito ang gawin dapat aniya ng gobyerno , nang DOH, DepEd at lahat ng centers for education ay magkaroon ng massive media campaign.

“It think sa 7 months na yan mula ngayong December ang dapat gawin ng gobyerno natin bago ang pagbabakuna , the DOH, DepEd, ang all educations centers should have a massive campaign to educate the public on the risk benefits ratio ng bakuna” , ayon pa kay Leachon.

Bukod dito, ilagay din sa curriculum ng mga estudyante ang Covid information vaccination herd immunity .

Dapat din sama-sama ang medical community at tulongan ang DOH sa pagpapaliwanag ng kahalagahan ng bakuna sa publiko dahil aniya ang nagsasalita lamang ngayon tungkol dito ay ang DOH , Secretary Carlito Galvez at Presidential Spokesperson harry Roque..

Ito ay dahil nagkaroon na aniya ng hindi magandang karanasan sa bakuna ng Dengvaxia kaya naman wala nang tiwala ang publiko sa bakuna bukod pa sa anti vaccine movement at naglalabasang mga anti-vaxxers sa social media na nagbibigay ng maling impormasyon tungkol sa bakuna sa Covid-19.

“The only way na maibabalik ang economic recovery para magkaroon ng economic exchange right now is really to vaccinated” .

“We need to have multiple speakers to talk on the topic na tataas ang credibility nito,”, ayon pa kay Leachon.

Suhestyon din nito na dapat ang mga may karanasan sa medical ang dapat nagpapaliwanag nito sa tao dahil mas may karanasan aniya kung papaano gagawin at napo-project kung ano ang mangagayri sa bakuna o pagbabakuna.

“Kung may nagsasalita tapos hindi naman doctor, syempre ang hirap mag-explain nito sa tao kasi hindi niyo maintindihan not because hindi natin mine-menus ang kakayanan but this fix something medical na nagkaroon ka ng experience how to do it., and naproject mo na kung ano ang mangyayari dito.” dagdag pa nito. (GENE ADSUARA)

HELPER UTAS SA SKELETAL TRAILER

Posted on: December 11th, 2020 by @peoplesbalita No Comments

TODAS ang isang 27-anyos na helper matapos maipit sa pagitan ng isang skeletal trailer at motor pool steel post makaraan ang naganap na freak accident sa loob ng NCT container yard sa Caloocan city.

Binawian ng buhay si Darwin Naguit, ng Kamagong Street, Brgy. Sta Clara, Sta. Maria Bulacan sanhi ng tinamong pinsala sa ulo at katawan habang ginagamot sa Mercy institution ng kompanya matapos isugod ng kanyang mga ka-trabaho.

Sa imbestigasyon ni P/Cpl. Joemar Panigbatan, minamaneho ni Juezan Rosales, 47 ang tractor head na may trailer sa loob ng NCT container yard sa Dagat-dagatan Avenue Extension, Brgy. 28 alas-3:45 ng madaling araw upang kargahan ng container nang aksidenteng tumama ang kaliwang bahagi ng container lock nito sa harap at gilid na bahagi ng skeletal trailer na nakaparada.

Sa lakas ng impact, tumakbo pasulong ang skeletal trailer at nabangga ang biktima na sa mga oras na iyon ay naglalakad sa harap ng nakaparadang trailer hanggang sa makaladkad si Naguit bago tumama sa steel post.

Ani Caloocan police chief P/Col. Samuel Mina, si Rosales ay iprinisinta sa inquest proceedings sa Caloocan City Prosecutor’s Office sa kasong reckless imprudence resulting in homicide. (Richard Mesa)

LeBron, Davis ‘di maglalaro sa preseason opener ng Lakers?

Posted on: December 11th, 2020 by @peoplesbalita No Comments

Posible umanong hindi muna maglaro sa unang preseason game ng Los Angeles Lakers ang superstar duo nina LeBron James at Anthony Davis.

Ayon kay Lakers coach Frank Vogel, bagama’t wala pa silang nabubuong desisyon, ito na raw marahil ang tutunguhin ng kanilang magiging pasya.

“We haven’t made that decision yet, but I will say it’s probably unlikely that they play,” wika ni Vogel.

Sa nasabing preseason game, haharapin ng Lakers ang mahigpit nilang karibal na Los Angeles Clippers sa darating na Sabado.

Matapos ang Clippers, sunod naman nilang kakalabanin ang Phoenix Suns sa susunod na linggo.

Sa Disyembre 23 naman gaganapin ang kanilang unang laro sa regular season kung saan makakatunggali nila ang Dallas Mavericks.