2020 December Archive - People's Balita

July 5, 2024
Search in People's Balita
Ang Diyaryong Pinagkakatiwalaan

Archive for December, 2020

Ilang NBA stars, hindi pa tiyak na sasali sa Olympics

Posted on: December 10th, 2020 by @peoplesbalita No Comments

Wala pang katiyakan ang ilang NBA stars kung maglalaro sila sa Tokyo Olympics sa susunod na taon.

Ilan sa mga dito ay sina Golden State Warriors player Stephen Curry, Andre Wiggins at Damian Lilard ng Portland Trailblazers.

Halos magkakapareho ang kanilang kasagutan na hindi pa nila matiyak kung sila ay sasabak sa Tokyo Olympics.

Isa kasing inaalala nila ay ang banta pa rin ng COVID-19.

Nauna rito inilabas na ng USA Basketball Team ang 44 finalists isasabak sa Olympics.

Hindi naman nababahala dito si USA basketball coach Gregg Popovich dahil may ilang mga manlalaro pa silang pinagpipilian.

Magsisimula ang Olympics sa Hulyo 23 at magtatapos ng Agosto 8, 2021.

Carlos Agassi, ‘trauma’ na sa napapadalas na ‘b-day accident;’ nadulas habang nagdyi-gym

Posted on: December 10th, 2020 by @peoplesbalita No Comments

Hindi maipaliwanag ni Carlos Agassi kung nagkakataon lang ba o kung may anumang ipinahihiwatig sa kanyang buhay, ang madalas na pagkasangkot nito sa aksidente bago ang kanyang birthday.

Sa darating na Sabado, December 12, magdiriwang ng kanyang 41st birthday ang actor/dancer ngunit muli itong babalik sa ospital sa Biyernes.

Ito’y para alisin ang anim na stitches sa kanang kilay, idagdag pa ang apat na tahi sa kanyang gilagid, na kanyang tinamo matapos maaksidente habang nagdyi-gym mismo sa kanyang bahay nitong weekend.

Padapa ang bagsak kaya napuruhan sa mukha si Agassi matapos madulas nang biglang masira ang suot niyang rubber shoes.

“Every week before my birthday, I always get into an accident. I can’t explain if it’s coincidence, bad luck or good luck, a sign or an omen. All I can say is that accidents do happen and it’s called an accident because nobody wanted this to happen. I slipped cause my rubber shoes broke and I face planted,” pagsisimula ng kuwento nito sa kanyang IG account.

Kahit duguan ang mukha sa nangyari, nagawa pa rin daw niya na ipagmaneho ang sarili patungo sa emergency room ng ospital kung saan siya ay nakasuot ng face mask at face shield.

Kaagad naman nakasunod sa pagamutan ang non-showbiz at bagong girlfriend niyang si Sarina Yamamoto na siyang tila nag-document o kumuha ng mga video at litrato.

Dahil sa aniya’y traumatic experience, mas natutunan nitong pahalagahan kahit ang mga simpleng bagay lang sa mundo.

“I was just walking and smiling in our house gym and next thing I know is that I’m lying on the floor. When I look at the mirror I couldn’t see my face but felt and tasted blood. Stay safe, healthy, and happy. Never take the simple things in life for granted. 😊 Never felt so alive. 🙏” pagtatapos nito.

DTI Sec. Lopez, nagpositibo sa COVID-19

Posted on: December 10th, 2020 by @peoplesbalita No Comments

Naka-isolate na si Trade Sec. Ramon Lopez, makaraang magpositibo ito sa coronavirus disease 2019 (COVID-19).

Mismong si Lopez ang nagkumpirma ng impormasyon, matapos niyang matanggap ang resulta ng ginawang pagsusuri.

Agad namang nagsagawa ng contact tracing sa mga nakahalubilo ng kalihim, nitong mga nakaraang araw.

Kaugnay nito, pinawi ng opisyal ang pangamba ng publiko dahil hindi naman aniya maaapektuhan ang mga trabaho sa kanilang ahensya.

Aniya, nakatalaga naman sa iba’t-ibang tanggapan ang mahahalagang function, kasama na ang monitoring sa mga bilihin ngayong holiday season. (ARA ROMERO)

Fajardo lalaro pa rin para sa ‘Pinas

Posted on: December 10th, 2020 by @peoplesbalita No Comments

PATUNGO na sa United States 41^st National Collegiate Athletic Association (NCAA) 2021-22 Division I school na Fairleight Dickinson University Knights si Ella Patrice Fajardo, pero tiniyak nahindi niya tatalikdan ang paglalaro pa rin para sa Gilas Pilipinas sa hinaharap.

“Honestly, the feelings that I have for the Philippines like I know for a fact that that’s my blood, that’s my country… That’s why I feel like I’m gonna hover back to the Philippines because I think that’s where my heart is,” bigkas ng 17-year-old, 5-foot-6 Fil-Am cagebelle sa Bolero Sports vodcast nitong isang araw.

Kasama siya Philippine quintet na quarterfinalists sa Mongolia 7^th International Basketball Federation (FIBA) 3×3 Under-18 World Cup 2019 at sa nag-bronze medal na PH squad sa Malaysia 5^th FIBA Asia Cup for Girls U18 2019.

Asinta rin aniyang makasabak unang pro league sa ‘Pinas na magbubukas sa susunod na taong Women’s National Basketball League (WNBL). (REC)

Donaire tutok sa training camp

Posted on: December 10th, 2020 by @peoplesbalita No Comments

Todo ensayo na si Nonito “The Filipino Flash” Donaire ilang araw bago ang pagbabalik-aksyon nito kontra kay Puerto Rican Emmanuel Rodriguez sa Disyembre 19 (Disyembre 20 sa Maynila) sa Mohegan Sun Arena sa Montville, Connecticut.

Kabilang sa mga tinututukan ang diet ni Donaire upang matiyak na tama ang nutrisyong nakukuha nito sa kanyang mga kinakain.

Bago magsimula ang training camp, naglalaro sa 127 hanggang 130 pounds ang kanyang timbang ngunit mabilis itong napababa ni Donaire sa catch weight na 118 pounds.

Sumailalim din sa ma-titinding sparring sessions ang 38-anyos Pinoy pug upang masiguro na siyento por siyento ang kahandaan nito bago sumalang sa laban.

Iniiwasan ni Donaire na matulad kay World Boxing Council (WBC) champion Nordine Oubaali na magugunitang tinamaan ng COVID-19 dahilan upang maudlot ang kanilang paghaharap.

Nakatakda sana ang laban nina Donaire at Oubaali sa Disyembre 12 subalit ipinagpaliban ito dahil sa sitwasyon ng French boxer.

Idineklara ng WBC bilang world champion “in-recess” si Oubaali.

Naging kapalit ni Oubaali si Rodriguez bilang kalaban ni Donaire.

Kapasidad ng mga ospital na maka- accomodate ng mga COVID patients, patuloy na tumataas habang pababa ang naitatalang tinatamaan ng virus – Malakanyang

Posted on: December 10th, 2020 by @peoplesbalita No Comments

TINIYAK ng Malakanyang na marami pang hospital bed ang maaaring gamitin sa mga kinakapitan ng COVID -19.

Sinabi ni Presidential Spokesperson Harry Roque na maayos sa kabuuan ang bed capacity na inihanda ng pamahalaan para sa mga COVID patients.

Aniya, nasa 59% pa ang bakante para sa mga nangangailangang dalhin sa ICU habang 62% ang available pa sa mga isolation beds.

Habang 72% naman ang available para sa ward beds habang pati mga ventilators ani Roque ay wala nang nakikitang kakapusan gayong nasa 81% ang availability ng mga ventilators.

Subalit, sinabi ni Sec. Roque, na hindi naman ibig sabihin na dahil marami pa ang mga kama para sa magkakasakit ng COVID ay maaari nang magpabaya gayung dapat pa rin aniyang i-obserba ang mask, hugas at iwas.

“Uulitin ko po, hindi naman ibig sabihin na palibhasa marami pa tayong mga kama para sa magkakasakit ng COVID ay tayo po ay magpapabaya na. Kinakailangan mask, hugas, iwas,” ayon kay Sec. Roque. (Daris Jose)

Phenomenal loveteam nina Alden Richards at Maine Mendoza may bagong pasabog

Posted on: December 10th, 2020 by @peoplesbalita No Comments

May pasabog ang phenomenal loveteam nina Alden Richards at Maine Mendoza na tiyak na ikasasaya ng mga ADN or ang AlDub Nation fans nila. Ngayong Thursday, December 10, ay ilo-launch na nila ang bago nilang endorsements after three years na nagkahiwalay sila sa pag-iendorse ng mga TV commercials.

Mamayang 3:00PM ang launch nina Alden at Maine ng isang delivery app, ang ToktokPH. Kaya i-open lamang ninyo ang Facebook page ng @toktokphilippines para mapanood ang pag-welcome sa kanila ng ToktokPH family.

Ginawa na nila ang photo shoot ng ToktokPH kasabay ng paghahanda naman ni Alden sa kanyang katatapos na successful “Alden’s Reality: The Virtual Reality” concert last December 8 and 9. Kung hindi kami nagkakamali magkakaroon din daw ito ng billboards along EDSA, at abangan na raw lamang kung saan mga lugar ito makikita.

Natupad na ang wish ng mga fans nila na muli silang magkasama sa trabaho, bukod sa araw-araw silang napapanood ngayon sa “Eat Bulaga” nang live Mondays to Wednesdays at after the live show, nagti-taping naman sila ng episodes na mapapanood from Wednesdays to Saturdays. Everytime na present sila sa EB, mapapanood din sila sa Pinoy Henyo Online na nagbibigay sila ng malalaking premyo sa tatlong contestants na naglalaro, sabi nga walang luhaan, kahit hindi nila maibigay ang tamang sagot, ay tumatanggap pa rin sila ng cash prizes.

Open din naman sina Alden at Maine na muling magtambal sa isang proyekto, sabi nga ni Alden, mas mature sana kaysa mga nagawa na nila ni Maine, simula nang magtambal sila noong 2015. So, may aasahan ba ang mga ADN?

*****

Excited na ang mga netizens tuwing nagpo-post ang cast ng “First Yaya” sa kani-kanilang Instagram. Ang isang kapansin-pansin ay kahit daw ang lead actor na si Gabby Concepcion ay madalas mag-post sa kanyang Ig ng mga photos nila ng bago niyang lead actress na si Sanya Lopez. Mukhang tanggap ng mga netizens ang fresh team up nina Gabby at Sanya.

Kahit naman si Sanya ay hindi makapaniwalang mabilis mag-adjust ang kanyang bagong leading man: “Magaling makisama si Kuya Gabby, ang akala ko kasi, dahil veteran na siya hindi niya ako agad mapapansin, pero, napakabait pala niya.”

Professionalism naman ni Sanya ang hinangaan ni Gabby kay Sanya: “Masarap siyang katrabaho kasi professional. She deserves yung 2.9 million followers niya sa Instagram na mahal na mahal siya.”

Very professional din ni Gabby dahil tinanggap niya ang project kahit mangahulugan ito na hindi sila makakauwi ng family niya sa San Francisco, California for the Holidays, dahil kailangan nilang mag-lock-in taping araw-araw para matapos sila before Christmas.

Ang iba pang bubuo sa cast ay sina Pancho Magno, Cassy Legaspi, JD Domagoso, Cai Cortez, Cacai Bautista at ilang Kapamilya stars na lumipat sa Kapuso Network, si Gardo Versoza, Maxine Medina at si Ms. Pilar Pilapil. Makakasama rin ang mga Star Magic talents na sina Thou Reyes at Clarence Delgado.

Sa March, 2021` sinasabing magsisimula nang mapanood ang “First Yaya” sa GMA Telebabad, dinidirek naman ito ni LA Madridejos. (Nora v. Calderon)

HEPE NG NBI-ANTI TERRORISM DIVISION, NAG-SUICIDE

Posted on: December 10th, 2020 by @peoplesbalita No Comments

LALONG tumibay ang anggulong suicide ang pagkamatay ng hepe ng NBI-Anti Terrorism Division makaraang kumpirmahin ng kanyang misis na matinding depresyon ang sinasabing nagtulak para wakasan ang kanyang buhay.

Ayon kay Atty. Maria Rosario Bernardo,may pinagdadaanang colon cancer si Raoul Manguerra sa edad na 49.

Napag-alaman na kamakailan lamang ay namatay din ang ama ni Manguerra dahil din sa colon cancer at nang magpatingin din ito sa doktor ay natuklasang kaparehong sakit ang kanyang pinagdaraanan.

Dahil dito, na-depress umano si Manguerra na naging dahilan para tapusin ang kanyang buhay sa loob mismo ng kanyang opisina sa NBI building .

Matatandaang dakong alas-11:00 kamakalawa ng gabi ( Dec 8) nang matagpuang duguan sa loob ng kanyang opisina si Manguerra,49.

Isinugod pa si Manguerra sa Manila Doctors Hospital ngunit binawian din ito ng buhay mula sa isang tama ng baril ng kalibre 45 sa tiyan.

Dahil sa pagpanaw ng nasabing opisyal, nagluluksa ngayon ang tanggapan ng NBI-CTD kung saan naka-half mast ngayong Martes ang Philippine flag sa tanggapan ng ahensya sa UN Avenue sa Maynila.

Naka-cordon na rin ang opisina ng NBI-CTD habang patuloy ang isinasagawang imbestigasyon ng mga tauhan ng ahensiya sa insidente. (GENE ADSUARA)

Malakanyang, walang kamay sa impeachment complaint laban kay SC Associate Justice Leonen

Posted on: December 9th, 2020 by @peoplesbalita No Comments

WALANG kinalaman ang Malakanyang sa naging hakbang na sampahan ng impeachment complaint si Supreme Court Associate Justice Mario Victor “Marvic” Leonen dahil umano sa culpable violation of the Constitution at betrayal of public trust.

Ito ay dahil sa bigo di umani si Leonen na makapaghain ng kanyang Statement of Assets and Liabilities (SALN) sa loob ng 15 taon mula sa 22 taon niya sa University of the Philippines, na maituturing na paglabag sa Section 17, Article 11 ng 1987 Constitution.

Binigyang diin ni Presidential Spokesperson Harry Roque na ang impeachment complaint ay hindi inindorso ni Pangulong Rodrigo Roa Duterte.

“Wala pong kinalaman diyan. We don’t even know who the proponents are,” ayon kay Sec. Roque.

Sa ulat, nagtungo sa Kamara si Atty. Larry Gadon nitong umaga para maghain ng impeachment complaint laban kay Supreme Court Associate Justice Marvic Leonen.

Kasama ni Gadon na pumunta sa opisina ni House Secretary General Mark Llandro Mendoza ang tumatayong complainant na si Edwin Cordevilla, ang Secretary General ng Filipino League of Advocates For Good Government (FLAGG).

Si Ilocos Norte 2nd District Rep. Angelo Marcos Barba naman ang nag-endorso ng impeachment complaint.

Nakasaad sa 41-pahinang impeachment complaint laban kay Leonen, ang naging “negligent and incompetent” din umano nito dahil sa hindi nito pag-dispose o pagresolba sa 37 kaso sa Korte Suprema sa loob ng 24 buwan magmula nang maisumite ito.

Nilabag din umano ni Leonen ang Saligang Batas dahil sa “arbitrarily, willfully, intentionally, [and] deliberately” nitong pinatatagal ang pagresolba sa 21 election protests at 13 quo warranto cases, na pending sa House of Representatives Electoral Tribunal kung saan umuupo ito bilang chairperson.

“Respondent failed to consider the implications of these prolonged delays in the lives of the litigants. He should know that when justice is delayed to a fault, uncertainty in the litigants lingers, thereby diminishing trust and confidence in the Court,” ani Cordevilla.

Tinukoy din ni Cordevilla na noong panahon ni dating Pangulong Benigno Aquino III ay naging bias at pinapaburan umano ni Leonen ang Liberal Party sa lahat ng mga kasong kinaharap ng mga ito.

Pero nang maupo na si Pangulong Rodrigo Duterte, ayon kay Cordevila, lahat tinutulan o hindi sinang-ayunan ni Leonen sa mga kaso kung saan karamihan sa mga SC justices ay bumoto ng pabor sa administrasyon.

Sa ilalim ng Impeachment Rules kailangang mayroong kongresista na mag-endorso ng impeachment complaint bago ito madala sa Committee on Rules ng Kamara para maisalang sa unang pagbasa at i-refer sa Committee on Justice.

Ang komite ang didinig sa impeachment complaint, kung saan maghaharap ng testigo at ebidensya ang complainant at respondent.

Sa oras na mapatunayang guilty sa komite, iaakyat ito sa plenaryo upang aprubahan saka naman dadalhin sa Senado, na tatayong Impeachment Court.

Si Leonen ay maari lamang maalis sa puwesto sa pamamagitan ng impeachment bilang isa itong Supreme Court Justice base na rin sa ilalim ng 1987 Constitution.

Matatandaan na si Gadon din ang siyang naghain ng reklamong impeachment laban kay dating Chief Justice Ma Lourdes Sereno na napatalsik naman dahil sa quo warranto ng Supreme Court. (Daris Jose)

Ads December 9, 2020

Posted on: December 9th, 2020 by @peoplesbalita No Comments