Ang Diyaryong Pinagkakatiwalaan
Masayang ibinahagi ng singer na si Morisette at Dave Lamar na sila ay engaged na.
Sa kaniyang Instagram account, nagpost ng larawan ang 24-anyos na si Morisette na kasama ang 30-anyos na kapwa singer at suot ang engagement ring.
Kuwento pa nito na siyam na taon na sila magkakilal at pitong taon na naging mag-best friend.
Magugunitang noong nakaraang taon ng naging usapin ang pagtutol ng ama ni Morisitte sa relasyon nila.
It seems handang-handa na si bagong Kapuso actor Richard Yap sa pagtatrabaho para sa kanyang first ever Kapuso show. First time ni Richard na gaganap sa isang guest role sa well-loved comedy anthology na “Dear Uge.”
Inamin ni Richard na ngayong nakapirma na siya ng exclusive contract sa GMA -7, he is grateful na sa gitna ng pandemic na pinagdadaanan natin ngayon, ang daming ibang stations na letting go people, maraming taong nawawalaan ng trabaho, kaya he’s so lucky raw na in-accept siya to be part of GMA Network.
Kaya labis ang pasasalamat ni Richard na pinayagan siyang sumubok sa ibang genres, kaysa doon sa nakasanayan na niyang gawin sa dating network. Kaya ita-try naman niya ngayon ang magpatawa at kumanta.
“Napapanood ko pa lamang ang mga comedians na sina Boobay at Super Tekla sa kanilang comedy show, para bang dapat may extra effort akong gagawin para masabayan ko man lamang ang dalawang komedyante. At salamat din na pinagbigyan nila akong bigyan ng guest role sa “Dear Uge,” dahil kaibigan ko si Eugene Domingo at sana masabayan ko man lamang ang husay niya” sa pagpapatawa.”
*****
Marami nang nai-excite na makita ang muling magkikita sina Lilian (Katrina Halili) at Jaime (Wendell Ramos) sa Afternoon drama series na “Prima Donna.” Pero paano iyon, civilly wed na sina Kendra (Aiko Melendez) at Jaime, pero magkakarooon daw ito ng malaking kasalan, dahil hindi papayag si Donya Claveria na hindi engrande an kasalan ng kanyang unico hijo.
Hanggang January, 2021 pa mapapanood ang “Prima Donnas” na dinidirek ni Ms. Gina Alajar, at lahat na gustong makitang makabalik ang mga teens na kasama sa story. Na binawalan sila dahil sa age limit na hindi pa pwede sila mag-appear.
Pero may pasabog na pinakahihintay ang mga televiewers ngayong weekend. Ikatutuwa kaya ito ng mga Solid Lilian Fans at ikainis naman ng mga fans ni Kendra at ng anak niyang si Brianna? Ito nab a ang pinahihintay na big reveal mula kay Lilian?
*****
Isa pang exciting na finale ang pinakahihintay sa “Magkaagaw” na nagtatampok kina Sheryl Cruz, Sunshine Dizon, Klea Pineda at Jeric Gonzales. Sa direksyon naman ito ni Ms. Gina Alajar. Sino ang mananalo sa pagitan nina Klea at Jeric? Marami nang naghihintay dito dahil gusto rin nilang malaman kung mananalo ba ang masama kaysa mabuti?
*****
Actually, pare-parehong kaabang-abang ang mga afternoon teleserye na “Bilangin Ang Bituin sa Langit, at ang mga GMA Telebaba, isa na rito ng pinag-uusapang “Love of my Life” nina Carla Abellana, Coney Reyes, Rhian Ramos, Mikael Daez na malapit na ring magtapos ag seryeng ito. (NORA CALDERON)
INAKUSAHAN ni Pangulong Rodrigo Roa Duterte si Bayan Muna Representative Carlos Zarate nang paggamit ng pera na kinolekta ng New People’s Army para bayaran ang pag-aaral ng kanyang anak sa Europa.
Sa public address ni Pangulong Duterte, Lunes ng gabi ay sinabi nito na duda siya kung paano napag-aral ni Zarate ang kanyang anak sa ibang bansa.
“Sinasabi mo na si Sandro, anak mo, ginagastusan ng lola. You know, baka sabi mo talagang maloloko mo ang Pilipino lalo na kami dito. Ang lola tiningnan namin, matanda na, wala namang income,” ayon kay Pangulong Duterte.
Sinabi ng Pangulo na may mga hawak siyang dokumento na may kinalaman kay Zarate kabilang na ang birth certificate at income history nito.
Ayon sa Pangulo, ang anak ni Zarate ay nag-aaral sa The John Paul II Catholic University of Lublin sa Poland.
Ani Pangulong Duterte, base sa kanilang record, madalas ang pagbyahe ni Zarate sa Europa.
Kung ang sweldo mo, Zarate, ‘yan ang ginagastos mo para sa anak mo, pinapasa mo don sa nanay mo na matanda na, eh you’re pulling everybody’s leg. Wag mo kaming bolahin,” ayon sa Punong Ehekutibo.
“Baka kaya siguro ang ginagastos mo ‘yong perang kinokolekta ng mga NPA dito. Hindi nila alam na ang kinokolekta nila pumupunta ‘yan doon sa mga lider, malalaki ang kita tapos sila hirap. ‘Yan ang problema diyan sa mga NPA, nagpapaloko kasi kayo,” dagdag na pahayag nito.
Biniyang diin pa ni Pangulong Duterte na ang ina ni Zarate na sinasabi at itinuturong siyang nagbabayad para makapag-aral ang anak niya (Zarate) sa ibang bansa ay walang “source of income”.
“Walang income ang nanay mo. Matanda na so ikaw talaga ‘yan kay anak mo ‘yan. I would not want to go into remittances kasi while we have a way of knowing pero alam namin na you send money regularly to your son,” ang pahayag ng Pangulo.
Bukod dito, si Zarate ay may “incongruity” sa kanyang ideology.
“Kunwari galit ka sa mga mayayaman. Kunwari galit ka sa mga ‘di nagbabayad ng wastong buwis, nagfa-falsify ng mga properties nila.
You’re a hypocrite… You’re a chauvinist pig,” diing pahayag ng Pangulo.
Samantala, matapang na sinabi ng Pangulo na nais niyang makausap si Zarate, maaari rin aniya nitong isama si dating Senador Antonio Trillanes IV bilang bodyguard.
“Gusto kitang makausap kung talagang lalaki ka. Okay na ‘yang komunista ka. Kung lalaki ka talaga, tanggapin mo ang hamon ko. Saan mo gusto tayong magkita? O gusto mo bodyguard, isama mo na si Trillanes,” ani Pangulong Duterte sabay sabing “Sige ako mag-isa, dalawa kayo.”(DARIS JOSE)
Hindi lahat ng pulis ay bugok kagaya ni Senior Master Sergeant Jonel Nuezca.
Ito ang binigyang diin ni Presidential Spokesperson Harry Roque kasunod ng brutal na pagbaril in point blank ni Nuezca sa walang kalaban- laban na mag-inang sina Sonya Rufino Gregorio at anak nitong si Frank Anthony Rufino Gregorio, sa Paniqui, Tarlac sa gitna ng argumento, dahil di umano sa “boga” at right of way.
Ayon kay Sec. Roque, isang bugok lamang na pulis si Nuezca at hindi naman lahat ng kagawad ng pulisya ay kagaya nito.
Matindi aniya ang ipinatutupad na disiplina sa mga pulis kasama na ang tamang paggamit ng armas.
Sinabi pa ni Sec. Roque na ang baril ay para sa proteksyon ng mga alagad ng batas at hindi para gamitin laban sa kanilang mga personal na kaaway.
“Gaya ng aking nasabi kanina, isang bugok lang po iyang pulis na iyan; hindi naman po lahat ng pulis eh gaya niya.
Siyempre po, ang baril eh para sa proteksyon ng ating mga kapulisan, hindi po iyan para gamitin laban sa kanilang mga personal na mga kaaway,” anito.
Aniya, exception ang mga bugok sa kapulisan gaya ni Nuezca na bumaril sa mga walang kalaban laban.
“Uulitin ko po ‘no, talagang exception po ang mga bugok sa kapulisan; by and large po matindi po ang disiplina naman ng ating mga kapulisan,” lahad ni Sec. Roque. (Bishop Jesus “Jemba” M. Basco)
PAG-UUSAPAN pa ng Inter-Agency Task Force kung magpapatupad ng travel restriction laban sa United Kingdom o pansamantalang hindi pagpapapasok ng mga indibidwal mula sa nasabing bansa dahil sa ulat na bagong strain ng coronavirus disease 2019.
“Pag-uusapan pa po iyan sa IATF pero sa ngayon po, in place pa naman iyong ating mga protocols para sa lahat ng pumapasok ng Pilipinas kasama po iyan iyong mandatory quarantine habang hinihintay po ang resulta ng kanilang PCR tests,” ayon kay Presidential spokesperson Harry Roque.
Sa ulat, nagpatupad ang ilang mga bansa ng travel restriction laban sa UK dahil sa ulat na bagong strain ng coronavirus disease 2019.
Ito’y makaraang iulat ng London na “out of control” umano ang pagkalat ng bagong strain ng COVID-19.
Kasama sa mga bansang agpatupad ng travel ban ay ang mga sumusunod:
France, Germany, Italy, Ireland, Netherlands, Belgium, Austria, Sweden, Finland, Switzerland, Baltics, Bulgaria, Romania, Croatia, Turkey, Iran, Israel, Saudi Arabia, Kuwait, El Salvador
Sa Pilipinas, hindi pa umano nakikita ang pangangailangang magpatupad ng travel restriction sa UK dahil wala pa umanong nakikitang ganitong strain ng virus sa bansa.
Sa kabila nito, sinabi ni Health Usec Maria Rosario Vergeire na hihigpitan naman ang pagpasok ng mga dayuhan sa bansa. (Daris Jose)
Nagbigay ang Pamahalaang Lungsod ng Navotas ng tulong cash na nagkakahalaga ng P1.04 milyon sa mga miyembro ng Barangay Health Emergency Response Teams (BHERT).
Nasa 208 barangay health workers, na nagbigay ng kanilang serbisyo ng hindi bababa sa tatlong buwan ang nakatanggap ng tig-P5,000 sa bisa ng City Ordinance No. 2020-40.
“Mula noong unang araw ng pandemya, ang aming mga barangay health workers na ipinagsapalaran ang kanilang buhay upang mapanatili tayong malusog at ligtas. Napakahalaga sa paglaban natin sa COVID-19,” ani Mayor Toby Tiangco.
“Ang cash assistance na kahit kaunti kumpara sa kanilang mga sakripisyo, ay aming paraan ng pagkilala at pagbibigay ng gantimpala sa kanilang matatag na serbisyo. Inaasahan din naming gagawing mas maganda ang kanilang Pasko,” dagdag niya.
Nauna rito, ang Navotas ay nagsimula na din mamahagi ng Christmas hams sa lahat ng mga residente.
Sa 89,650 target family-beneficiaries, 22,738 na ang nakatanggap ng kanilang “Pamaskong Handog” mula sa pamahalaang lungsod hanggang December 18. (Richard Mesa)
Dalawang hinihinalang sangkot sa ilegal na droga ang arestado matapos makumpiskahan ng baril at shabu sa isinagawang buy bust operation ng mga pulis sa Malabon city, kahapon ng umaga.
Kinilala ni Malabon police chief Col. Angela Rejano ang naarestong mga suspek na si Ernani Panes, 27 ng 1036 Arlegui St. Quiapo, Manila at Erwin Joseph Bautista, 34 ng Paliwas Obando, Bulacan.
Ayon kay Station Drug Enforcement Unit (SDEU) investigator PSSg Kenneth Geronimo, dakong 6:30 ng umaga nang magsagawa ng buy bust operation ang mga operatiba ng SDEU sa pangunguna ni PSSg Julius Sembrero sa ilalim ng pangangasiwa ni P/Capt. John David Chua sa pamumuno ni Col. Rejano kontra sa mga suspek sa loob ng isang Toyota Vios sa Don Basilio Bautista Blvd. Brgy. Dampalit.
Isang undercover police na nagpanggap na buyer ang nagawang makabili sa mga suspek ng P1,000 halaga ng shabu.
Nang iabot ng mga suspek ang isang sachet ng shabu sa police buyer kapalit ng marked money ay agad silang dinamba ng mga operatiba.
Nakumpiska sa mga suspek ang aabot sa 11 gramo ng shabu na tinatayang nasa P74,800 ang halaga, buy bust money, isang F. Berreta cal. 380 na may magazine at kargado ng anim na bala at Lumina Green Toyota Vios (P8X 412). (Richard Mesa)
NAKASALALAY sa Mababang Kapulungan ng Kongreso ang muling pagbuhay sa death penalty.
Sinabi ni Presidential Spokesperson Harry Roque na bagama’t pabor si Pangulong Rodrigo Roa Duterte sa death penalty ay nakasalalay pa rin sa magiging desisyon ng Kongreso ang usaping ito.
“Ang pagpapasa po ng death penalty, ang pagbuhay .. iyan po ay sa simula’t mula ay prayoridad ng ating Presidente pero nakasalalay po ang mangyayari sa batas na ‘yan siyempre sa kamay ng mga mambabatas ng Mababang Kapulungan at ng ating Senado,” ayon kay Sec. Roque.
Bumuhos kasi sa social media ang panawagan ng mga netizens sa pamahalaan na buhayin na muli ang death penalty matapos ang ginawang pamamaril ni Senior Master Sergeant Jonel Nuezca sa mag-inang Sonya Rufino Gregorio at anak nitong si Frank Anthony Rufino Gregorio, sa Paniqui, Tarlac sa gitna ng argumento, dahil diumano sa “boga” at right of way.
May ilan ding mga mambabatas ang nananawagan na buhayin ang death penalty.
“Malinaw po ang stand ng Presidente dyan, pabor po ang Presidente sa death penalty lalo na po sa wide-scaled drug trafficking pero nasa kamay na po iyan ng mga mambabatas,” ani Sec. Roque.
Samantala, ang leksyon naman ng mga pulis na maaaring makuha mula sa ginawa ni Nuezca ay maging ehemplo sa lahat at huwag hayaang maging dahilan para masira ang reputasyon at integridad ng Philippine National Police (PNP).
‘It takes only one.. one of you to destroy the reputation and integrity of the institution. Bagama’t sinasabi po natin ngayon sa lahat na nag-iisang bugok lang naman ‘yang pulis na ‘yan eh nakita ninyo naman ang epekto. Kaya nga po, importante na sa inyong mga buhay ay alalahanin ninyo po.. hindi lang kayo si Juan del Cruz .. kayo po ay kabahagi ng institusyon .. ng isang institusyon na pag nawala po ang tiwala ng taumbayan ang resulta po eh magkakagulo. So, kinakailangan po na mag-ingat sa ating mga pang-araw-araw na buhay. Maging ehemplo na at ipadala ang mensahe dito sa bayang ito dahil tayo po ay kumikilala sa rule of law, ang nagpapatupad ng batas ay siyang susunod sa batas,” litaniya ni Sec. Roque. (DARIS JOSE)
KABADO ang mga tagasunod ni Super Suwerte dahil nasa reserve list lang sa nakatakdang 2020 Presidential Gold Cup sa San Lazaro Leisure Park sa Carmona, Cavite sa darating na Linggo, Disyembre 27.
Nasa 15 kabayo ang naghayag ng intensiyong lumahok sa prestihiyosong karera. Pero 14 lang ang mga tatanggaping entry.
Sa kapapaskil ng Philippine Racing Commission (Philracom) na bolahan para sa PGC, sumimangot ang ilang karerista dahil wala si Super Suwerte sa talaan.
Sokpa pa sa mga haharurot sina Summer Romance, Electric Truth, Union Bell, Super Sonic, Wonderland, Victorious Colt, Princess Eowyn, Heneral Kalentong, Shanghai Grey, Boss Emong, Pangalusian Island, Patong Patong, Toy For The BigBoy at Real Gold.(REC)