Maaaring humarap sa kaso, multa at kulong ang mga nakasalamuha ng Pilipinong nahawaan ng mas nakahahawang United Kingdom variant ng coronavirus disease (COVID-19) kung patuloy silang hindi makikipag-ugnayan sa gobyerno, paglalahad ng Department of Health (DOH), Biyernes.
Kahapon kasi nang unang banggitin ni Health Undersecretary Maria Rosario Vergeire na ilan sa mga contacts ng naturang 29-anyos na Pinoy ang ayaw makipag-ugnayan sa pamahalaan — ang iba, ibinababa pa ang telepono.
“There is this violation. We have a law, [Republic Act] 11332, the law on notifiable disease. Within this law, stated yan sa mga provision na kapag may mga public health emergency, you have to cooperate with government whether it be for quarantine, for isolation, for contact tracing, for testing,” ani Vergeire sa isang media forum.
“So kapag ang isang tao, hindi po siya nakipag-cooperate sa gobyerno, maaari po tayong magkaroon ng mga sanctions for this person.”
Ang RA 11332 ay madalas gamitin noong panahon ng lockdown para arestuhin ang mga aktibista sa mga protesta o na nagsasagawa ng mga assistance program. Ang iba ay pinalaya rin ng korte.
Sa 159 na mga pasahero kasi ng Emirates Flight EK 332, 146 pa lang o 96% ang matagumpay na nakikipag-ugnayan matapos ang contact tracing: “‘Yung 13 po, talagang rejecting the calls, walang sumasagot, o siguro patay ang telepono o mali ang ibinigay na telepono,” dagdag ng DOH official.
Sa 146 na pasaherong na-contact na, 125 sa kanila ang nakagawa na ng mga positibong aksyon matapos ang patuloy na pakikipag-ugnayan sa DOH.
Marami sa kanila ay naka-quarantine na sa mga pasilidad, o ‘di kaya’y naka-home quarantine basta’t pasado sa mga panuntunang inilatag ng gobyerno.
“‘Yung iba ho, mamaya ho natin babalikan ‘yung ibang datos ano. Just for the information of everybody, lahat po sila ay na-swab. Kinolekta ang specimen. Dalawang specimens po, isa for RT-PCR, isa for genome sequencing,” dagdag ni Vergeire.
Pero anu-ano nga ba ang mga parusang nag-aantay para sa mga patuloy na ayaw makipag-ugnayan sa gobyerno sa panahon ng isang public health emergency?
Ayon sa RA 11332, nariyan ang:
- P20,000 hanggang P50,000 multa
- isa hanggang anim na buwang kulong
- parehong kulong at multa
- pagkakatanggal o suspensyon ng lisensya kung ikaw ay lisensyado sa ilalim ng Professional Regulation Commission (PRC)
“Meron tayong unauthorized disclosure, meron tayong non-cooperation of persons and entities that should report and respond sa mga ganitong sitwasyon o request ng government, non-cooperation of persons and entities identified with the disease, or ‘yung mga contacts nitong may mga sakit na ito,” sabi pa ni Vergeire.
Inaprubahan ng House Committee on Basic Education and Culture ang pagtatalaga sa Hunyo 12 bawat taon bilang “Philippine Traditional Wear Day.”
Mistulang pasalubong ang bagong panalo ng Brooklyn Nets sa bago nilang teammate na si James Harden na lumipat mula sa Houston Rockets.
IBINALITA ng Malakanyang sa publiko na nagbigay na ng kanyang commitment para makatulong sa pamahalaan ang business tycoon na si Enrique Razon.
WALANG makapipigil kay Andrea Torres na magpakita ng kanyang alindog sa social media.
Mas lalo pang tumangkad si Kai Sotto na magiging malaking tulong sa nakatakdang pagsabak nito sa NBA G League na lalarga sa susunod na buwan sa Orlando, Florida.
Arestado ang isang 28-anyos na lalaki matapos mabisto ang dalang marijuana makaraang masita ng mga pulis dahil walang suot na face mask sa Valenzuela city, kamakalawa ng hapon.
Highways (DPWH), Citra Central Expressway Corp. at San Miguel Holdings ang siyang nagbigay daan upang mabuksan ang 19-kilometer segment ng Skyway na tumatahak mula sa Buendia, Makati hanggang North Luzon Expressway.
PARA sa Malakanyang, produkto lamang ng paninira ng oposisyon ang lumalabas na mga impormasyong pinakamahal ang Sinovac sa anim na brand ng COVID-19 vaccine.