2021 January 29 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for January 29th, 2021

‘Di pagpapalabas sa 10-14 anyos sa MGCQ areas, suportado ng DepEd

Posted on: January 29th, 2021 by @peoplesbalita No Comments

Malugod na tinanggap ng Department of Education (DepEd) ang desisyon ni Pangulong. Rodrigo Duterte na bawiin ang planong payagan na ang mga batang 10 hanggang 14-taong gulang na makalabas na ng kanilang tahanan, sa mga lugar na nasa ilalim na ng modified general community quarantine (MGCQ).

Ayon kay Education Secretary Leonor Briones, wala silang problema o agam-agam sa desisyon ng Pangulo.

Aniya, nauunawaan nila sa DepEd ang desisyon ng Pangulo, lalo na at nang isagawa naman aniya ang desisyon na payagan nang luwagan ang age restriction sa mga bata ay wala pa namang nade-detect na mga kaso ng UK COVID-19 variant sa bansa.

“Kami po ay pumapayag dahil may batas na tayo na nagsasabi na ang Presidente ang magdedesisyon tungkol sa pagbukas at pagsara ng ating mga programa sa DepEd, on the recommendation of the DepEd,” ayon kay Briones.

Sa Pebrero 1 sana ay papayagan na ang mga batang 10-14 taong gulang na makalabas ng kanilang tahanan sa MGCQ areas.

Gayunman, nitong Martes binawi ni Duterte ang desisyon ng IATF dahil na rin sa banta ng UK variant ng COVID-19.

Watch ‘Violet Evergarden: Eternity and the Auto Memory Doll’ in Select Cinemas

Posted on: January 29th, 2021 by @peoplesbalita No Comments

THE fantasy anime film Violet Evergarden: Eternity and the Auto Memory Doll is now showing in select cinemas nationwide.

Cinemas are allowed to operate at 50 percent capacity in modified general community quarantine (MGCQ) areas.

The Japanese animation film is a side-story of Violet Evergarden, based on the popular anime series. The series is based on an award-winning light novel series.

In Violet Evergarden: Eternity and the Auto Memory Doll Violet (voiced by Yui Ishikawa), an Auto Memory Doll (someone who assists in writing) arrives at an exclusive girls’ academy with the unusual task of being a ‘tutor’ to Isabella York (Minako Kotobuki), who is effectively a prisoner there based on a contract of sorts with her father.

Watch the trailer here: https://www.youtube.com/watch?v=FrYObAUDF1Q&feature=emb_logo

You can watch Violet Evergarden: Eternity and the Auto Memory Doll in the following SM Cinemas in Bacoor, Baguio, Baliwag, Cabanatuan, CDO Downtown, Calamba, Clark, Iloilo, Marilao, Naga, Olongapo Central, Sta. Rosa, Taytay, Mindpro,Bacolod and Cauayan.

Another anime movie, Demon Slayer Movie: The Mugen Train, is still showing in select SM Cinemas.

Fajardo papuwede na sa Abril – Austria

Posted on: January 29th, 2021 by @peoplesbalita No Comments

INALIS ni Leovino ‘Leo’ Austria ang agam-agam ng mga Philippine Basketball Association (PBA) at Beermen fan sa pag-absent ni June Mar Fajardo sa Gilas Pilipinas para sana sa 30th International Basketball Federation (Fiba) Asia Cup 2021 Qualifiet third window sa Clark sa Pebrero 15-23.

Ginarantiyahan ng San Miguel coach na sigurado naman ang pagbabalik ng six-time pro league Most Valuable Ppalyer (MVP) para sa 46th PBA 2021 Philippine Cup na nakatakdang mag-umpisa parating na Abril 9.

Isinalaysay ang kaganapan ng veteran cage mentor nitong isang araw, na makakalaro ang 31 taong-gulang, 6-10 na sentro, base na rin sa pagsusuri ni orthopedic surgeon Dr. George Raul Canlas.

Lumiban nakaraang season ng unang Asia’s play-for-pay hoop ang franchise player ng serbesa dahil sa leg injury noong Pebrero 2020.

“Before the holidays I was able to talk to Dr. Canlas, asking the situation June Mar had. He told me definitely. He could return and play in the next season,” bigkas ni Austria, 62.

Dinagdag pa ng beteranong bench strategist, “So, maganda ang result ng kanyang healing process and it’s a matter of time to strengthen those muscles supporting his legs. I think by the end of this month, he’s ready to have another workout.” (REC)

Ads January 29, 2021

Posted on: January 29th, 2021 by @peoplesbalita No Comments

WALANG AKTIBIDADES SA CHINESE NEW YEAR SA MAYNILA

Posted on: January 29th, 2021 by @peoplesbalita No Comments

WALANG magaganap na anumang aktibidades sa Chinese New Year sa Maynila sa Pebrero 11, ayon kay Manila Mayor Francisco ‘Isko Moreno” Domagoso.

Ito ang sinabi ng Alkalde sa kanyang pagdalo sa 120^th founding anniversary sa kanyang pakikipagpulong sa mga organizer na walang magaganap na parade sa nasabing pagdiriwang.

Aniya maagang naabisuhan ang mga Filipino Chinese community sa lungsod na walang magaganap na event sa Chinese New Year.

Dagdag pa ni Domagoso, kabilang sa hindi muna papayagan ang mga concert at parada.

“No event, no concert, no parade, we might meet half way somewhere else” ayon pa sa alkalde.

Sa ngayon umano ay may mga paghahanda nang ginagawa upang sa gayon ay mas maagang maabisuhan ang Filipino-Chinese Chamber of Commerce and Industry in External Affairs dahil hanggang sa ngayon ay may banta pa rin ng Covid-19 bukod pa sa may bagong variant na kumakalat. (GENE ADSUARA)

NBA, binabalak isagawa ang All-Star Game sa March 7 sa Atlanta

Posted on: January 29th, 2021 by @peoplesbalita No Comments

Binabalak umano ng NBA at players association na isagawa pa rin ang All-Star Game.

Maari aniyang mangyari ito sa March 7 nitong taon.

Pinag-iisipan ng liga na gawin ito sa Atlanta.

Kung maaalala ang orihinal na schedule ay sa susunod na buwan na sana ang 2021 All-Star Game sa Indianapolis pero ipinagpaliban dala pa rin ng COVID pandemic.

Ang hakbang ng NBA ay sa kabila na meron ng 21 games ang nakansela mula ng magsimula ang season, isang buwan na ang nakakalipas bunsod ng isyu sa protocols.

Noong nakaraang linggo inanunsiyo ng NBA na umaabot sa 11 mga players ang panibagong nagpositibo sa COVID-19.

Bago ito meron ding 16 pang players ang nakumpirma ring tinamaan ng coronavirus infections.

JACLYN, interesado rin na mag-audition sa Walt Disney Studios para sa hinahanap na Filipino lola

Posted on: January 29th, 2021 by @peoplesbalita No Comments

INTERESADO rin pala si Kapuso actress Jaclyn Jose na mag-audition para sa Walt Disney Studios, na naghahanap ng isang Filipino lola para maging part ng cast ng project na gagawin nila.

Sa interview kay Jaclyn last Tuesday evening sa ‘Chika Minute’ ng 24 Oras, naikuwento niya na gusto niyang mag-try

“Nang malaman ko iyong sa Walt Disney Studios, na naghahanap ng isang Filipino lola para sa isang project nila, sinabi ko sa manager ko, kay Perry Lansigan ng PPL Entertainment, na mag-apply kami, wala namang mawawala, baka sakaling makapasa ako.

“Wala raw namang mahigpit na requirements, magpadala lamang ng short video with a self-introduction part in English, i-share ang tungkol sa aking family or favorite activity, in Filipino language or any dialect. At ‘yung mapipili required lamang payagang mag-work sa United States, dahil ang location shooting ay gagawin sa Atlanta, Georgia.”

Nai-share din ni Jaclyn ang happiness niya na may bago siyang apo sa anak na si Andi Eigenmann, this time, a baby boy, si Koa, dahil dalawang apong babae na ang nauna.

Ibinalita rin ni Jaclyn na magpapakasal na sina Andi at partner nito, ang surfer na si Philmar Alipayo. Pero hindi pa raw this year kundi next year pa.

***

KINAGIGILIWAN si Dasuri Choi, ang Koreanang nanalong 2^nd runner-up sa “You’re My Foreignay” segment ng Eat Bulaga noong 2014.

Ngayon, balik-EB siya bilang dance instructor ng “Social Dis-Dancing” segment na tinuturuan niya ng dance number ang mga hosts ng EB na usually ay kinabibilangan nina Jose Manalo, Wally Bayola, Paolo Ballesteros, Alden Richards at Maine Mendoza.

Ngayon, matapos maging TV personality, gumagawa na rin ng pangalan si Dasuri bilang isang online celebrity na may lampas nang one million followers sa YouTube at 4.4 milion naman sa Tiktok. Mukhang nagustuhan na ni Dasuri dito sa Pilipinas at mahusay na siyang magsalita ng Tagalog.

***

SIGURADONG excited na ang mga netizens, lalo na ang mga aspiring Bida Kids na muling magpapasiklaban sa singing competition ng GMA Network, ang Centerstage.

Two weeks na lamang kasi, muli nang mapapanood ang programa. Nabitin daw sila nang matigil ang show last year dahil sa Covid-19 pandemic.

Kaya usap-usapan na sa social media, kung paano raw iyon, hindi ba bawal lumabas para magtrabaho ang mga batang wala pang 15 years old?

Hindi naman nagpahuli ang GMA Network kung ano ang gagawin, para muli silang mapanood. Sa pagbabalik ng programa, ibibida nila ang makabago nilang virtual set. Para iyon sa kaligtasan ng mga contestants at production team, wala pa rin silang live audience at isu-shoot nila ang performances ng mga contestants sa kani-kanlang mga bahay, kaya hindi nila kailangang lumabas para mag-shoot.

Ang Centerstage ay hosted nina Alden Richards at Betong Sumaya. Mga judges naman sina Soul Diva Aicelle Santos-Zambrano, musical director Maestro Mel Villena at Concert Queen Pops Fernandez.

Mapapanood na ang pagbabalik ng Centerstage on Sunday, February 7, sa GMA-7. (NORA V. CALDERON)

Duterte, sa puwet magpapabakuna

Posted on: January 29th, 2021 by @peoplesbalita No Comments

Ayon kay Presidential Spokesperson Harry Roque, pinal na ang hindi pagsasapubliko nang pagpapabakuna ng Pangulo dahil hindi siya sa braso tuturukan.

“I think so (gagawing pribado), he has said so. Sabi nga niya dahil sa puwet siya magpapasaksak so hindi pupuwedeng public,” ani Roque.

Nauna rito, mismong si vaccine czar at National Task Force COVID -19 chief implementer Carlito Galvez Jr. ang humiling sa Pangulo na tumulong sa kampanya upang mas tumaas ang tiwala ng publiko sa bakuna.

“Ito po ang medyo may problema po tayo na talagang dapat po pagtulungan po natin. Alam po namin na malaki po ang maitutulong ng ating Mayor, Presidente, Mr. President, kasi po talagang bumababa po ‘yung willingness at saka ‘yung uptake ng ating mga kababayan dahil nga po sa mga tinatawag nating mga nakikitang mga adverse effect ng certain brands,” ani Galvez.

Ayon pa kay Galvez, malakas sa social media ang mga anti-vaxxers o kontra sa bakuna.

Sinabi naman ni Roque na mahalaga ang papel ng Pangulo sa communication plan at mismong ang Pangulo pa ang endorser ng mask, hugas, iwas.

Matatandaan na unang sinabi ni Duterte na isasapubliko ang kanyang pagpapabakuna na imposible nang mangyari kung sa puwet ito tuturukan.

Umano’y massive dropout sa online class, pinabulaanan ng DepEd

Posted on: January 29th, 2021 by @peoplesbalita No Comments

Pinabulaanan ng Department of Education (DepEd) ang ulat na maraming estudyante ang nag-dropout sa mga paaralan dahil sa mga hamon sa distance learning.

Ayon kay Education Secretary Leonor Briones, pinaberipika niya ang report sa kanilang mga regional offices, ngunit wala aniyang nagkumpirma na maraming estudyanteng nag-dropout sa kanilang online class.

Karaniwan na aniyang mabagal ang pagbalik ng mga estudyante sa klase lalo na kung holiday o summer vacation dahil magsisiuwian ang mga ito sa mga lalawigan.

“Nagugulat kami sa balitang yan dahil last week pa namin vinalidate, wala namang reports galing sa mga regions na maraming estudyanteng dropouts,” wika ni Briones.

Inilahad ng kalihim na inaalam na nila kung saan nagmula ang report at naghihintay sila ng numero ngunit wala naman aniyang dumudulong sa kanilang tanggapan.

Hindi naman inaalis ng kalihim ang posibilidad na paninira ito ng mga kritiko para i-discredit ang ipinapatupad na blended learning ng ahensya.

“Wala kaming basehan na maka-conclude na mayroong massive dropouts. Naghihintay kami ng numero sa mga nagsasabi noon, wala naman kaming naririnig na numero. Lahat ng rehiyon pina-report ko last week pa, wala kaming nakuhang information,” anang kalihim.

Bianca balik-LPGA na

Posted on: January 29th, 2021 by @peoplesbalita No Comments

NAKATAKDA nang bumalik sa Estados Unidos si Bianca Pagdanganan sa susunod na lingo para ipagpatuloy ang ikalawa niyang taong kampanya sa 72nd Ladies Professional Golf Association (LPGA) Tour 2021.

Makikipagpaligsahan ang 23-anyos,may taas na 5-4, at tubong Quezon City at pambato ng mga Pinoy sa 34 na may 35 yugto sa pangunahing torneo sa mundo ng mga kababaihang golfer umpisa sa $2M 2nd Gainbridge LPGA at Boca Rio Pebrero 25-28 sa Orlando, Florida.

Nilaktawan ng dating estudyante ng Gonzaga University alumna at former University of Arizona standout nagbukas sa mga kompetisyon na $1.2M Diamond Resorts Tournament of Champions sa nabanggit ding estado nito lang Enero 21-24.

Sinungkit ng Pinay golf star ang 2020 Tour’s driving honor sa inabala ng Coronavirus Disease 2019 ang bagito niyang taon, kalakip ang tersera puwesto sa isang regular event at pagsalo sa pangsiyam na puwesto sa major championship.

“Those made me good and confident,” bulalas nitong Martes ng dalagang atleta na inaayudahan ng ICTSI sa kanyang kampanya. “I’ll go for more Top 10s but I still have a long way to go.”

Napasakamay ang women’s individual at team gold medal sa Philippines 30th Southeast Asian Games 2019, team gold at individual bronze sa Indonesia 18th Asian Games 2018, at nagkampeon sa 2017 Philippine Ladies Open, kontender din si Pagdanan para sa top 60 Olympic rankings para sa 2021 Tokyo Olympics sa darating na July.

Good luck sa panibago mong mga laban Bianca. Kaisa mo ang Opensa Depensa at ang pahayagang ito sa pag-uulat ng iyong mga laro riyan sa LPGA.

Go for gold! (REC)