2021 April 08 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for April 8th, 2021

USAPANG “ESSENTIAL” sa PANAHON ng ECQ

Posted on: April 8th, 2021 by @peoplesbalita No Comments

Ang mga motorcycle delivery riders at ang mahalagang papel nila sa ekonomiya sa panahon ng pandemya.

Marami nang nag viral na mga insidente ng pagtatalo ng mga delivery riders at mga bantay o enforcers sa mga checkpoints. Pinagtalunan pa nga kung ang lugaw ay essential o hindi. Sabi nga noong enforcer “mabubuhay ka naman ng walang lugaw”. Meron naman na ayaw ipadeliver yun pagkain – “bawal ang mag deliver, pagkain pwede” – So paglalakarin yung pagkain?

Maraming sumbong ang natatanggap ng Lawyers for Commuters Safety and Protection (LCSP) tungkol sa pagbabawal na ma-deliver ang ilang mga order na nabili online – tulad ng office supplies na pinade-deliver ng mga nagwo-work from home. Hinaharang dahil hindi daw pagkain. At mga diapers ng bata?

Ano ba talaga ang essential at sino ang dapat masunod kung essential ba ang isang bagay. Essential sa dictionary ay yung – absolutely necessary. Sa wika natin – yung kailangang kailangan. Pero sa iba’t ibang tao iba’t iba rin kung ano yung ‘kailangang kailangan’.

Tulad ng office supplies – maaring sa enforcer ay hindi essential yun dahil iba nga ang trabaho niya pero essential yun sa mga nagwo-work from home para kahit nasa bahay ay nakapagtatrabaho at kumikita. Di ba’t mismo ang pamahalaan ang naghihikayat ng ‘work from home’?

At yung diapers ng bata ay baka hindi essential sa isang enforcer na malakaki na anak pero essential ito isang ina na may inaalagaang sanggol. Kaya dito nagkakaroon ng debate sa kalye. Ang problema walang gaanong training o briefing ang mga nagpapatupad ng polisiya. Tuloy naaapektuhan ang hanap-buhay ng mga tao na nagsisikap mabuhay sa gitna ng pandemya dahil ayaw nilang umasa lamang sa ayuda.

Ang mungkahi ng LCSP na kung hindi naman illegal ay payagan naman nang i-deliver at huwag na harangin dahil ang maaring hindi essential sayo ay essential sa iba.

Kung ang issue naman ay ayaw papasukin ang rider o inabutan na ng curfew –maaring maglagay ng sistema ang mga enforcers kung paano makukuha at mababayaran ang item na for delivery.

Sa mga condominium o subdivision halimbawa ay may lugar kung saan pwede ideliver ang item at mabayaran ng rider. . Mas mainam ito kaysa ilagay natin sa discretion ng enforcer ang pag-determine kung ano essential o ano ang hindi essential.

Kailangan na pagtuunan natin ng pansin ito lalo na at ang karamihan sa nape-perwisyo ay ang hanapbuhay ng mga delivery riders.

Sa totoo lang kundi dahil sa mga riders ay hindi na uusad ang ekonomiya ng mga naka ECQ o naka lockdown na mga lugar. Magugutom lalo ang tao at dadapa pa ang kabuhayan. Kaya nagtataka ang inyong lingkod kung bakit minsan talaga ay wala na sa lugar ang paghihigpit sa mga riders. Bagamat kailangan ang pagpapatupad ng mga heath protocols, kailangan ay nasa lugar naman ang paghihigpit. Sa kabilang panig naman ay gumamit rin tayo ng mahabang pasensya sa mga nagpapatupad ng mga polisiya. Napapagod sila at buwis buhay din. (Atty. Ariel Enrile-Inton)

The God of Mischief’s Time Has Come, Teases a Buddy-Cop in New ‘Loki’ Trailer

Posted on: April 8th, 2021 by @peoplesbalita No Comments

MARVEL Studios has released the official trailer for Loki, the next major MCU Disney+ television show.

Tom Hiddleston is back once more as Thor’s most mischievous baby brother, Loki, the God of Mischief. As this new trailer confirms, Loki has been taken in by the Time Variance Authority (a.k.a. the TVA) because only he can set right all of the timeline breakages he created by taking the Tesseract during the events of Avengers: Endgame.

According to collider.com, not only do we get a closer look at the unusual relationship Loki has with his new boss, Mobius M. Mobius (Owen Wilson), but we also get to see what kind of time-traveling shenanigans Loki will get wrapped up in from episode to episode.

Not only will Loki have to travel through time to set right the timeline which he broke by taking the Tesseract at the wrong time in history, but it looks like he’ll be traveling to new worlds and facing down new foes. It also looks like there will be a good amount of humor peppered throughout the show, as teased by a great moment where Loki is asked by a TVA employee to sign off on everything he’s ever said — a big ask for a Marvel character as notoriously loquacious as Loki.

In addition to Hiddleston and Wilson, Loki stars Gugu Mbatha-Raw, Wunmi Mosaku, Sophia DiMartino and Richard E. Grant. Directing all episodes of Loki is Kate Herron (Sex Education) while Michael Waldron (Rick and Morty) serves as head writer.

Loki is set to premiere not too long after fellow MCU Disney+ show The Falcon and the Winter Soldier wraps and will run for six episodes.

Loki debuts on Disney+ on June 11. Check out the official trailer for the next twisty MCU TV show below: https://www.youtube.com/watch?v=nW948Va-l10&t=10s (ROHN ROMULO)

Roach assistant, naniniwalang ‘frustrated’ si Pacquiao kaya’t nanghamon sa mga bayolenteng Amerikano

Posted on: April 8th, 2021 by @peoplesbalita No Comments

BACOLOD CITY – Naniniwala ang assistant ni coach Freddie Roach na maaaring frustrated na rin si Sen. Manny Pacquiao sa mga nangyayaring karahasan laban sa mga Asian Americans kaya’t hinamon nito ang mga suspek na siya ang kalabanin.

Sa panayam ng Bombo Radyo Bacolod kay Marvin Somodio mula sa Los Angeles, California, naniniwala siya na maaaring nasasaktan na rin ang Pinoy ring icon sa mga nangyayari sa mga kapwa Asyano na sinasaktan ng ilang mga Amerikano na naniniwalang Chinese ang nagpakalat ng coronavirus.

Una rito, nabatid na isang 65-anyos na Pinay ang sinuntok at sinipa sa harap ng New York City apartment complex at naaresto na rin ang suspek.

Ayon kay Somodio, maraming mga Pinoy ang nabibiktima ng anti-Asian hate crimes ngunit piniling hindi magsumbong sa mga otoridad.

Maging siya raw ay nabiktima na rin kung saan nilapitan ito ng isang American habang sila ay nasa park at bumuga ito ng tubig.

Ngunit sa halip na gumanti, lumayo na lang umano si Somodio upang hindi lumala ang gulo.

Aniya, iniingatan din nito ang kanyang pangalan at pangalan ni Roach kaya’t hanggang makaiwas ay umiiwas ito lalo na’t mahal din kun magsasampa pa ng kaso.

4 drug personalities timbog sa Caloocan at Valenzuela

Posted on: April 8th, 2021 by @peoplesbalita No Comments

Apat na hinihinalang drug personalities ang naaresto ng pulisya sa buy bust opration at isang checkpoint sa magkahiwalay na lugar sa Caloocan at Valenzuela Cities.

Dakong alas-2:30 ng hapon nang magsagawa ang mga operatiba ng NPD District Drug Enforcement Unit (DDEU) sa pangunguna ni PLTCOL Macario Loteyro at PMAJ Jerry Garces ng buy bust operation sa Beside Shell Gasoline Station sa 10th Avenue, Brgy. 62, Caloocan City na nagresulta sa pagkakaaresto kay Lester Tanaleon, 24 ng C. Namie St. 2nd Aveune Brgy. 38, at Michelle Mendoza, 25, ng Quezon city.

Narekober sa mga suspek ang nasa 12 gramo ng hinihinalang shabu na tinatayang nasa P81,600 ang halaga, buy bust money na binubuo ng isang tunay na P500 at anim na pirasong P1,000 boodle money at coin purse.

Sa Valenzuela, arestado nina PSSg Gilbert Orellanoat PSSg Richard Cruz ang dalawang construction worker na si Melvin Evangelista, 29, at Lord Erwin Demillo, 25, matapos tangkain takasan habang magkaangkas sa motorsiklo ang mga tauhan ng Valenzuela Police Sub-Station 7 na nagsasagawa ng checkpoint sa kahabaan ng Gulod St., Brgy. Bignay dakong 7:50 ng gabi.

Ani SDEU investigator PSSg Carlos Erasquin Jr., nakuha ni PSSg Cruz kay Evangelista ang isang smartphone na naglalaman ng isang plastic sachet ng hinihinalang shabu, cigarette box na naglalaman ng 7 plastic sachets ng hinihinalang shabu, P240 cash at ang motorsiklo habang narekober naman ni PSSg Orellano kay Demillo ang dalawang plastic sachets ng hinihinalang shabu at isang cellphone.

Napagalaman din ng pulisya na walang driver license si Evangelista habang nagmamaneho ng motorsiklo at inisyuhan din sila ng Ordinace Violation Receipt dahil sa paglabag sa quarantine curfew. (Richard Mesa)

Paghahamon ni Pacquiao dahil sa ‘frustrations’ vs anti-Asian hate crimes – trainer Somodio

Posted on: April 8th, 2021 by @peoplesbalita No Comments

Naniniwala ang assistant ni coach Freddie Roach na maaaring frustrated na rin si Sen. Manny Pacquiao sa mga nangyayaring karahasan laban sa mga Asian Americans kaya’t hinamon nito ang mga suspek na siya ang kalabanin.

Sa panayam kay Marvin Somodio mula sa Los Angeles, California, naniniwala siya na maaaring nasasaktan na rin ang Pinoy ring icon sa mga nangyayari sa mga kapwa Asyano na sinasaktan ng ilang mga Amerikano na naniniwalang Chinese ang nagpakalat ng coronavirus.

Una rito, nabatid na isang 65-anyos na Pinay ang sinuntok at sinipa sa harap ng New York City apartment complex at naaresto na rin ang suspek.

Ayon kay Somodio, maraming mga Pinoy ang nabibiktima ng anti-Asian hate crimes ngunit piniling hindi magsumbong sa mga otoridad.

Maging siya raw ay nabiktima na rin kung saan nilapitan ito ng isang American habang sila ay nasa park at bumuga ito ng tubig.

Ngunit sa halip na gumanti, lumayo na lang umano si Somodio upang hindi lumala ang gulo.

Aniya, iniingatan din nito ang kanyang pangalan at pangalan ni Roach kaya’t hanggang makaiwas ay umiiwas ito lalo na’t mahal din kun magsasampa pa ng kaso.

Pinay tennis star Alex Eala umangat ang ranking sa WTA

Posted on: April 8th, 2021 by @peoplesbalita No Comments

Umangat ang WTA ranking ni Filipina tennis player Alex Eala.

Mula sa dating 737 noong nakaraang buwan ay nasa 715 na siya ngayon. Ito na ang pinakamataas na ranking na narating ng 15-anyos na tennis player.

Noong nagsisimula pa lamang ang taon ay nasa ranked 1190 ito. Nag-improve ang kaniyang ranking nang magtagumpay ito sa W15 at W25 sa ITF Women’s World Tour.

Lumahok din ito sa anim na torneyo ngayong taon gaya sa W15 Manacor sa Mallorca, Spain noong Enero.

PDU30, hindi na dadalo sa ceremonial turn-over ng iba pang Covid-19 vaccine brands sa Pinas

Posted on: April 8th, 2021 by @peoplesbalita No Comments

HINDI na dadaluhan ni Pangulong Rodrigo Roa Duterte ang ceremonial turnover ng iba pang Covid-19 vaccine brands sa Pilipinas.

Sinabi ni Presidential Spokesperson Harry Roque na ang pagdalo ni Pangulong Duterte sa pagdating ng Sinovac-made “CoronaVac” vaccines ng China na binili ng gobyerno ng Pilipinas noong Marso 29 ang huling magiging pagdalo nito.

“Sinabi po ni Presidente na iyong huling pagdating ng Sinovac eh baka iyon na rin po iyong huli niyang pagsalubong sa mga bakuna bagama’t inaasahan natin na sunud-sunod na po ang pagdating ng mga bakuna,” ayon kay Sec. Roque.

Ang paliwanag ni Sec. Roque, hindi na kailangan na magpakita pa ng personal ni Pangulong Duterte para lamang i-welcome ang pagdating ng iba pang vaccine brands lalo pa’t asahan na ang sunud-sunod at mas marami pang bakuna ang darating sa bansa sa gitna ng pagsisikap na palakasin ang produksyon.

“Matter of course na marami nang bakunang darating ‘no as supplies ease up worldwide ‘no. So iyon lang po ‘yun, hindi na siya physically na pupunta sa airport para salubungin iyong mga bakuna ,” anito.

Tiniyak naman ni Sec. Roque na mananatili namang malusog ang Chief Executive sa edad nitong 76 taong gulang.

“He retains to have a very active calendar and he continues to discharge the functions of the presidency at the time of the pandemic,” ang pahayag ni Sec. Roque.

Hindi naman lingid sa kaalaman ng lahat na patuloy na dumadalo an Pangulo sa mga public events sa iba’t ibang bahagi ng bansa na may mababang Covid-19 infections.

Kumpiyansa aniya ang Punong Ehekutibo na isulong ang public engagements sa gitna ng pandemiya dahil sinisiguro aniya ng Presidential Security Group (PSG) at Presidential Management Staff (MPS) na masusunod ang mahigpit na health protocols. (Daris Jose)

Ads April 8, 2021

Posted on: April 8th, 2021 by @peoplesbalita No Comments

POLO, magiging daddy na rin dahil buntis ang kanyang fiancee na si PAULYN

Posted on: April 8th, 2021 by @peoplesbalita No Comments

IDAGDAG pa si Polo Ravales sa magiging daddy sa taong ito dahil buntis na ang fiancee nitong si Paulyn Quiza.

Sa kanyang Facebook account, pinost ng former teen star ang ultrasound ng kanilang baby. Masayang-masaya si Polo dahil natupad na ang matagal na nilang hinihiling ni Paulyn.

“Thank You Lord for this Miracle and Blessing. We are excited to meet you Baby P,” caption pa ni Polo sa photo.

Na-engage sina Polo at Paulyn noong 2018. Wala pa silang nababanggit na wedding plans dahil sa kasalukuyang nagaganap na pandemic.

Bago ma-engage si Polo, na-link ito sa maraming showbiz at non-showbiz girls. Sa showbiz, na-link romantically si Polo kina Sunshine Dizon, Kristine Hermosa, Alessandra de Rossi, Krista Kleiner, Jean Garcia at Ara Mina.

***

NO regrets ang former Kapuso actress na si Stef Prescott na pinagpalit niya ang kanyang showbiz career para sa isang tahimik na buhay kasama ang kanyang pamilya.

Nine years na ang nakaraan nang piliin ni Stef ang buhay may-asawa. Dalawa na ang anak nila ng kanyang mister na si JP Yap.

“Life has been great! It has been 9 years since I last did a show with GMA.

“I’m really enjoying this season of my life as a mother, wife, and business owner,” sey ni Stef sa naging panayam namin last March 28 via Facebook Messenger.

Mas tumatag raw ang samahan nila bilang pamilya sa ongoing COVID-19 pandemic.

“Family life is wonderful. Of course lahat tayo may challenges, especially during this pandemic.

“It’s been a very scary and uncertain time. My husband and I cling to our faith in God and know that all of these trials will have victories in His perfect timing.

“Right now, we are homeschooling the kids. Also all our businesses are full time jobs.

“My husband and I make a great team, and we try to keep our life balanced with work and family.”

Naging contestant si Stef sa 4th season ng reality-artista search ng GMA-7 na StarStruck: The Next Level in 2006 kunsaan ka-batch niya sina Aljur Abrenica, Kris Bernal, Martin Escudero, Jewel Mische, Prince Stefan, Rich Asuncion, Jan Manual at Paulo Avelino.

Noong 2012 ay naging contestant si Stef sa Survivor Philippines: Celebrity Doubles Showdown at nag-place siya second sa winner na si Betong Sumaya.

Inamin ni Stef na nami-miss din daw niya paminsan-minsan ang showbiz.

“Nami-miss ko rin syempre ang showbiz. It will always be a passion of mine.

“I cherish the memories and friendships I built during my showbiz career.

“I fact, I am still in touch with my StarStruck and Survivor friends.

“I saw Kris Bernal recently because we live near each other. Jade Lopez is still my bestfriend.

“I’m still in touch with a lot of them. Nakakatuwa lang na magkumustahan kayo, especially now that almost all of us have our families.”

***

WALA raw munang plano na gumawa ng pelikula ang Hollywood actress na si Drew Barrymore.

Ayon sa 46-year old actress, parang tapos na raw siya sa pag-arte sa ngayon at gusto niyang tutukan ang paglaki ng kanyang mga anak.

“If I’m being honest, the answer is no. I don’t want to be on a film set right now, but that could change when my kids are older.

“I stopped doing these when my kids were born, because I’ve done it since I was in diapers at 11 months old when I started.

“And it was a no brainer to me to put making movies on a back burner so that I could be present and raise my kids myself. I didn’t want to be on a film set asking the nanny how the kids were. I was like, that is not my journey.

“And so when you step away from it, it’s a lot less scary. And you know, I’ve started brands. I was able to write a book.”

Last film na ginawa ni Drew ay The Stand In noong 2020. Bago yan ay naka-three seasons siya sa Netflix series na Santa Clarita Diet from 2017 to 2019. (RUEL J. MENDOZA)

Paggamit ng gamot na IVERMECTIN laban sa Covid-19, walang basbas ni PDU30

Posted on: April 8th, 2021 by @peoplesbalita No Comments

PINABULAANAN ng Malakanyang ang ulat na may basbas ni Pangulong Rodrigo Roa Duterte ang paggamit ng Ivermectin laban sa Covid -19.

“Hindi po noh? ang nangyari is nag-meeting noong Sabado ang IATF for almost 10 hours and one of the agenda na na-discussed po ay iyong Ivermectin at ni-report po ni Usec. Eric Domingo, Director-General ng FDA na mayroon na pong nag-apply ngayon noh? for compassionate use ng Ivermectin. So, puwede na pong i-process yan ng FDA. Hindi kagaya dati na walang naga-apply,” ayon kay Presidential Spokesperson Harry Roque.

Kaya ang apela ni Sec. Roque na hintayin na lamang muna ang aksyon ng Food and Drug Administration sa mga naisampa nang aplikasyon para sa Ivermectin.

Sa ulat, muling idiniin ng Department of Health (DOH) na hindi nila nirerekomenda ang paggamit ng Ivermectin para sa paggamot sa COVID-19.

“Idinidiin po naming hindi inirerekomenda sa ngayon ang paggamit ng Ivermectin para po sa treatment o lunas ng mga pasyenteng may COVID19,” ani DOH Secretary Francisco Duque III sa ginanap na meeting kagabi kasama ang Pangulong Duterte ng IATF.

Ayon pa sa kanya, hindi pa napapatunayan na mayroong significant na epekto ang Ivermectin sa pagpapababa ng risk mortality o ang paggaling ng kalagayan ng mga pasyenteng may COVID-19 base sa kasalukuyang mga pag-aaral at mga ebidensiya mula sa mga eksperto.

Ayon sa advisory ng Food and Drug Administration (FDA) ang Ivermectin ay hindi aprubado bilang gamot sa viral infections. Sa kasalukuyan, ang nakarehistro sa FDA na “oral at intravenous” preparations ng Ivermectin ay ginagamit paggamot sa mga hayop laban sa mga ‘parasites’ at mapigilan ang pagkakaroon ng “heartworm disease.”

Dagdag pa ng FDA, lubhang mapanganib ang paggamit ng gamot ng hayop sa tao.

Samantala, walang Talk to the People si Pangulong Rodrigo Roa Duterte mamyang gabi.

Posible aniya na sa darating na Miyerkules na ito maganap.

Sinabi aniya ng Pangulo na ang huling pagdating ng Sinovac ay iyon na aniya ang huling pagsalubong sa mga bakuna.

Bagama’t inaasahan aniya na sunod-sunod na ang pagdating ng mga bakuna sa bansa.