Tiniyak ni PNP chief Gen. Guillermo Eleazar na lalo pang palalakasin ng PNP ang kanilang kampanya laban sa iligal na droga kontra sa mga sindikato na patuloy sa kanilang illegal drug trade.

Ang pahayag ni Eleazar ay bunsod sa inisyal na resulta ng NBI investigation hinggil sa nangyaring fatal encounter sa pagitan ng mga tauhan ng PNP at PDEA sa Commonwealth Avenue sa Quezon City kung saan isang inmate sa Sablayan Penal Colony sa Occidental Mindoro ang siyang nagkukumpas umano sa drug deal sa pagitan ng PNP at PDEA sa loob mismo ng kaniyang selda.

Dahil sa nangyari sa Commonwealth at muntik na namang engkwentro sa Fairview sa Quezon City kaya agad bumuo ng guidelines ang PNP at PDEA para maiwasan ang kahalintulad na insidente.

Sinabi ni Eleazar kapag may operasyon sa isang lugar ang PNP at PDEA hindi sila pwedeng magsabay pwera na lamang kung ito ay joint operation.

Nagkasundo ang PNP at PDEA na istrikto nilang sundin ang binuong anti-drug operation guidelines o protocol.

Kapwa naman iginiit ng PNP at PDEA na legitimate ang kanilang operasyon.

Una rito, ibinunyag ni NBI NCR Director Cesar Bacani batay sa kanilang imbestigasyon na isang Melvin Magallon alias Pawpaw na nakakulong sa Sablayan Penal Colony ang nagdidikta sa tempo sa nasabing illegal drug transaction.

Gagawin din ng PNP ang lahat para mapanagot ang mga sindikato dahil sa kanilang ginawa.

Siniguro rin ni Eleazar na hindi na mauulit pa ang Commonwealth at Fairview incidents sa pagitan ng dalawang law enforcement agencies.

LUNGSOD NG MALOLOS – Ipinaaalala ni Gob. Daniel R. Fernando ang kahalagahan ng pagbabayad ng tamang amilyar o Real Property Tax sa takdang oras.

Aniya, “dahil sa pandemya, naiintindihan ko na marami sa mamamayan ang hirap sa salapi kung kaya’t hindi makabayad ng buwis sa tamang oras.”

Kaya naman upang tulungan ang mga taxpayer sa kanilang suliraning pang-pinansiyal sanhi ng enhanced community quarantine, pinalawig hanggang Mayo 31 ang pagbabayad ng amilyar o buwis sa mga real property o ari-ariang ‘di natitinag para sa unang kwarter ng taong kasalukuyan.

Alinsunod ito sa Panlalawigang Kautusang Blg. 91- S2021.

Ang mga ari-ariang hindi natitinag tulad ng lupa, bahay, gusali at makinarya ay kabilang sa pinapatawan ng buwis o tax ng pamahalaan kung saan ang salapi ay ginagamit nito para sa serbisyong pampubliko.

“Mahalaga po ang inyong obligasyon sa pagbabayad ng buwis. Marami pong serbisyo sa mamamayan ang maibibigay kapag nakalikom ang pamahalaan ng malaking halaga ng buwis,” anang punong lalawigan.

Nanganganib na hindi pa rin ma-release ng Land Transportation Office (LTO) ang car plates ng mga rehistradong sasakyan mula 2013 to 2018 kung hindi maiaayos ang problema ng pagbabayad sa suppliers nito. Resulta diumano ito nang i-freeze ng Landbank Ortigas branch ang P180 million pesos na dapat ibayad sa OMI- JKG Philippines Inc.

Dahil sa “freeze order” ay hindi tuloy nakabayad ang supplier sa kanilang mga lokal at foreign suppliers at creditor banks.  Naantala tuloy ang delivery ng mga plaka. Ang freeze order ay napasyahan ng
Landbank base lamang sa isang sulat galing sa nagngangalang Christian Calalang na nagpapakilalang Presidente ng kumpanya.

Pero um-exit na sa eksena itong si Calalang nang mag take over na ang grupo ni Annabelle Arcilla sa pamamagitan ng isang Deed of Assignment.  Ang signatory ng Landbank ay si Arcilla representing  OMI-JKG.

Hindi lang ang Landbank ang sinulatan ni Calalang. Nagpadala rin siya sa AUB, Security Bank at Union bank, pero hindi pinansin ito ng mga nasabing banko dahil wala naman maipakitang Court Order man lang si Calalang para i-freeze ang pag release ng pera sa OMI- JKG.  Tanging landbank lang ang pinagbigyan ang sulat ni Calalang.

Ano ang ginawa ng LTO sa gitna ng problemang ito?  Imposibleng hindi alam ng mga opisyal ng LTO ang punu’t dulo ng awayan nila Arcilla at Calalang dahil sa nakakausap naman nila ang mga ito?

Hindi ba alam ng LTO na nagkaroon na ng sale at transfer of ownership and management ang grupo ni Calalang kay Arcilla at nagamit na ni Calalang diumano ang halagang P477 million pesos na mobilization fee para sa pag award ng project?

Hindi ba at may mga dokumento na ang LTO (maging ang LANDBANK) sa bagong resulta ng imbestigasyon ng NBI dito?

Hindi ba alam ng LTO kung sino ang aktwal na nag-deliver ng mga naunang plaka? Sa laki ng perang involved dito na IBINAYAD NG LIBU-LIBONG CAR OWNERS ay dapat alam ng LTO kung kanino dapat ibayad ang pera upang madeliver na ang mga plaka.

Kung ibabayad kay Arcilla ay makakapag-deliver ba siya? At kung kay Calalang naman, may kakayahan ba ito kung ibinenta na niya mismo ang proyekto kay Arcilla?

Pero ang balita ay gumamit ng “legal strategy” ang Landbank at LTO. Nagsampa o magsasampa raw ng interpleader case ang Landbank at LTO sa dalawang grupo upang ang dalawa raw ay magdemandahan kung sino dapat ang bayaran.

Heto ang magiging “lusot” ng Landbank at LTO para hindi mabayaran ang supplier. So habang may kaso ay wala munang plaka ang mga car owners? Ilang taon matatapos ang kaso? Aba wala na ang mga kasalukuyang nakaupo sa LTO ay nagkakaso pa?

Meantime pabor ang sitwasyon sa Landbank Ortigas dahil may P180 million pesos silang pondo at nagagamit. Pabor din sa mga LTO Officials dahil ikakatwiran nila na may Interpleader case pa!

Pero talo ang mga car owners dahil habang may kaso ay walang plaka. Paano na ang mga binayad nila.  Aba’y luma na mga sasakyan nila wala pang plaka.

Talo rin ang lehitimong supplier dahil mababaon sa utang dahil sa interest ng kanilang utang at malamang tuluyan nang hindi makapag-deliver.

Bakit gagamiting palusot ang “legal strategy” kung sa lebel naman ng LTO at Landbank ay kaya nilang desisyunan at paboran kung sino ang nagsasabi ng totoo.

Huwag gamitin ang husgado para magkaroon ng injustice! Injustice sa car owners – injustice sa suppliers. At lalo nang huwag gamitin ang batas upang itago ang korapsyon kung meron man.