NAGSALITA na si Aljur Abrenica tungkol sa estado ng relasyon nila ng kanyang misis na si Kylie Padilla. 

Ilang buwan na kasing pahulaan ang netizens kung sila pa ba o hiwalay na sila sina Aljur at Kylie.

Base kasi sa mga post nila sa Instagram, walang photo si Aljur sa account ni Kylie at sa account ni Aljur, wala ring mga photo ni Kylie.

May mga cryptic messages din si Kylie na parang pinapatamaan ay si Aljur.

Sa isang interview ni Aljur, sinagot na nito ang haka-haka ng netizens sa relasyon nila.

“Ang masasabi ko, lahat tayo may pinagdadaanan. Nagkaproblema kaming dalawa at na-mis-manage namin when it comes to posting. Na-spread sa mga tao.

“Pero to set the record straight, sinasabi ko nga, we’re good, we’re talking and we’re doing everything when it comes to what’s best sa aming dalawa at sa mga bata.”

Hanggang wala kasing nakikitang photo nila na magkasama sa kanilang IG, iisipin pa rin ng netizens na nagsasama lang sila for the sake of their two children na sina Alas at Axl Romeo.

***

MARAMI na raw ang nagbago sa buhay ng Kapuso actor at athlete na si John Vic De Guzman mula nang maging ganap na GMA Artist Center talent siya last year.

Isa sa mga pinaka pinagpapasalamat niya ang pagiging parte ng primetime series na Owe My Love.

Sa interview niya sa GMANetwork.com kahapon, isinalarawan niya ang kanyang Kapuso journey: “Sobrang overwhelming na happiness na naging part ako ng Kapuso, dahil nakilala ko ‘yung mga taong nagsilbing family ko ngayong pandemic. Kahit malayo ako sa pamilya ko ay nagkaroon ako ng chance na matuto sa kanila at the same time, ma-share ko ‘yung mga alam ko na makakatulong for them.”

Dagdag pa niya, may life experiences siyang natutunan sa mga co-stars niya at siguradong dadalhin daw niya ito kahit na matapos na ang kanilang show.

Patuloy na napapanood ang ‘Owe My Love’ tuwing 9:35 PM sa GMA Telebabad.

***

NAGING tahimik lang ang Hollywood actress na si Emma Stone sa pagsilang nito sa first baby nila ng mister niyang si Dave McCary.

Noong March pa sinilang ng Oscar winner sa Los Angeles ang baby girl nila na may pangalan na Louise Jean. Ang naturang name ay tribute ni Emma sa kanyang grandmother na ang name ay Louise Jean din.

Ilang taon din daw pinag-isipan ni Emma ang pagkakaroon ng sariling anak.

“I never babysat or anything. As a teenager, I was like, ‘I’m never getting married, I’m never having kids.’ And then I got older and I was like, ‘I really want to get married, I really want to have kids.’”

Mapapanood si Emma sa bagong live-action film ng Disney na Cruella. 

(RUEL J. MENDOZA)

NAGING topic ang pag-alis ni Ms. Cherie Gil at hindi na niya tinapos ang last cycle ng GMA Network Primetime cultural drama na Legal Wives na nagtatampok sa kanya at kina Dennis Trillo, Alice Dixson, Bianca Umali at Andrea Torres, sa direksyon ni Zig Dulay. 

Walang sinabing reason si Cherie bakit niya hindi tinapos ang serye, pero may mga nagsabi na may hindi siya nakasundo sa production.

Pero hindi na raw nag-isip pa ang production na palitan si Cherie ng ibang artista, balitang mawawala na lamang ang character niya sa story.

Kaya kung napapansin ninyong sunud-sunod na ang pagpapalabas ng teaser ng Legal Wives, dahil in four weeks time, mapapanood na ito, kapalit ng Heartful Cafe nina Julie Anne San Jose at David Licauco, na napapanood pagkatapos ng First Yaya sa GMA-7.

***

HINDI naman kasi biro ang ginagawa ng mga TV networks ngayon kung gusto nilang magbigay ng magagandang serye sa mga manonood.

Kaya naman bago sila magsimula ng lock-in tapings, inihahanda na muna nila ang lahat, una na ang locations, na ang pipiliin nila ay magagamit nila sa lahat ng eksena, at kung pwede ay doon na rin mag-stay ang cast.  Bukod ang gagamitin ng production crew, na lesser na rin ang numbers depende sa budget.

Bago rin magsimula ang lock-in tapings, may swab tests muna sila at may script reading via zoom. Usually ang isang teleserye ay inaabot ng four cycles ang taping.

Like ang First Yaya, ginamit nila ang Thunderbird Resort sa San Fernando, La Union at sa Binangonan, Rizal. Dahil presidente ng Pilipinas ang role ni Gabby Concepcion, ginamit nila ang kilalang Manila Hotel para sa eksena, ibang hotels naman para sa cast.

Somewhere in Metro Manila ang mga hotels na gamit sa lock-in taping ng The World Between Us nina Alden Richards at Tom Rodriguez na mukhang yayamanin ang kanilang roles.

At last May 21, nag-check in na rin para sa kanilang lock-in taping ang cast ng  GMA, ang Voltes V: Legacy ni direk Mark Reyes, sa Seda Hotel Vertis North sa Quezon City with hashtag #hotelquarantine.

May nagtanong bakit sila naka-quarantine? Sagot ni Direk Mark: “Yes, 1 person to a room.  For the 3 weeks of taping.  Can you imagine the added cost to producers?”

As of now, ang tapos nang lock-in taping ng GMA na malapit nang ipalabas ay ang Legal Wives na ipapalit nga sa Heartful Cafe sa primetime, at ang Nagbabagang Luha nina Glaiza de Castro at Rayver Cruz para sa GMA Afternoon Prime.

***

MAMI-MISS ng kanyang mga fans si Andre Paras, ang makulit at masayahing co-host ni Sef Cadayona sa all-original comedy game show na Game of the Gens. 

Nagpaalam na si Andre sa show dahil at 25 years old, gusto na niyang ituloy ang matagal na niyang balak na balikan ang pagsali sa basketball team tulad ng nakababatang kapatid na si Kobe Paras. Dating player si Andre ng Blackwater Bossing sa Philippine Basketball Association (PBA), pero huminto siya at sumunod din sa yapak ng comedian actor-basketball player na amang si Benjie Paras at naging actor, model, singer.

Marami rin siyang nagawang shows sa GMA Network at movies sa Viva Films.

Sa ngayon, guest co-host ni Sef sa Game of the Gens si Kapuso hunk actor Ruru Madrid, na napapanood every Sunday, 8:00 PM sa GTV.

(NORA V. CALDERON)