Magsisimula na sa buwan ng Hulyo ang bubble training ng mga national athletes ng bansa bilang paghahanda sa Tokyo Olympics at Southeast Asian Games.

Sa naging panayam, sinabi ni Dr. Philip Ella Juico, president ng Philippine Athletics Track and Field Association (PATAFA) na sa July 15, 2021 magsisimula na ang pagsasanay ng mga atleta ng bansa sa Baguio City.

Aniya, nasa 40 atleta at 10 coaches ang magtutungo sa Baguio City na mula sa iba’t ibang lugar sa bansa.

Magtatapos naman ang kanilang pagsasanay sa huling linggo ng Oktubre.

Umaasa naman sila na maibibigay ang suporta sa mga atleta mula sa Philippine Sports Commission.

Ayon sa kanya, maraming pinaghahandaan ang mga atleta ng bansa kabilang na ang Tokyo Olympics at Southeast Asian Games kaya tuluy-tuloy ang kanilang pag-eensayo kahit sila ay nasa kani-kanilang lugar.

Umaasa naman ang PATAFA na kahit walang naging competition ang mga national athletes ng bansa ay ibibigay pa rin nila ang lahat ng kanilang makakaya para mapanalunan ang kanilang mga laro.

Aminado si eight-division world champion Manny Pacquiao na pina­kamalaking pagsubok sa kanyang boxing career ang makasagupa si Errol Spence Jr.

Ayon kay Pacquiao, hindi birong kalaban ang katulad ni Spence.

Una, wala pa itong talo.

Ikalawa, hawak nito ang dalawang titulo — ang World Boxing Council (WBC) at Intrenational Boxing Federation (IBF) welterweight titles.

Ikatlo, kasalukuyan itong No. 1 pound-for-pound.

At ikaapat, mas bata ito na 31-anyos pa lamang kumpara sa 42-anyos na si Pacquiao.

“Malaking challenge ito. Big fight at ito na yung pinakamalaking challenge sa career ko. Wala pa siyang talo and siya ang NO. 1 pound-for-pound ngayon,” ani Pacquiao.

Subalit hindi nasisindak ang Pambansang Kamao dahil hindi ito humaharap sa mga pipitsuging boxers.

At handa itong ilabas ang kanyang bagsik sa oras na magkrus ang kanilang landas sa Agosto 21 (Agosto 22 sa Maynila) sa Las Vegas, Nevada.

“Mahilig ako sa challenge. ‘Yung laban na may challenge talaga. Hindi ako lumalaban sa pipitsugin. Excited na ako na bumalik sa Las Vegas para lumaban ulit dahil matagal din akong naghintay,” ani Pacquiao.

Sumalang na sa puspusang ensayo si Pacquiao para paghandaan ang mega fight.

Kasalukuyang nakaabang ang Team Pacquiao sa anunsiyo ng World Bo­xing Association (WBA) para maibalik ang korona nito.

Sa oras na muling mahawakan ni Pacquiao ang WBA  belt, pormal nang maituturing na unification fight ang laban nito kay Spence.

Napilitang tumigil sa paglalaro sa French Open si world number 1 Ashleigh Barty matapos na ito ay ma-injured.

Naramdaman na lamang nito ang kaniyang injury sa second round na laban niya kay Magda Linette kung saan natalo na siya sa unang set 6-1.

Matapos ang medical timeout ay tuluyan na itong umalis sa court dahil sa hip injury.

Sinabi nito na pinilit niyang makapaglaro subalit hindi na niya nakayanan ang nasabing hapdi ng injury.

Bago pa lamang makapagsimula sa paglalaro ay nakaranas na ito ng injury at nanalo pa sa unang round.

Ang Australian tennis star ay nagkampeon sa French Open noong 2019.