MAY bagong career ang actor na si Joross Gamboa ngayong pandemic.  

Although sabi nga niya, medyo late na rin daw siyang nag-start. Streamer na rin si Joross ng ilang online or mobile games tulada ng Mobile Legend. As in, araw-araw siyang nag-i-stream at nag-e-enjoy raw siya.

Bukod sa talagang gamer naman talaga siya, nae-enjoy raw niya ngayon na every day, may mga nakaka-interact siya. Ayon dito, nag-start daw siya with 0 followers around August of last year pero ngayon ay nasa more than 200,000 followers na rin siya sa Facebook niya na Joross Gaming Gamboa.

Bukod sa nag-e-enjoy, kumikita rin nga naman siya. Hindi rin daw nito nakukuha ang oras niya para sa pamilya, lalo na sa dalawang anak kunsaan, very hands-on father rin siya.

Madalas daw kasi, 7 A.M. pa lang ay nagla-live stream na siya hanggang 9 A.M. kaya birong-totoo niya, mga nanay raw na nagluluto ang mga followers niya at madalas na ka-tsikahan, bukod sa mga bagets siyempre.

Bawal din daw ang trash talk sa streaming niya pero, hindi raw talaga mawawala na meron at meron mangta-trash, kahit mamba-bash, pero, may mga kaibigan/admin din daw siya na tumutulong sa kanya pagdating sa bagay na ito.

Naging close si Joross at ang Asia Multimedia Star na si Alden Richards at ito raw ang nakapag-convince sa kanya na pasukin ang mundo ng live streaming.

Sey ni Joross, “Magkaiba ang mundo ng showbiz, streaming at You Tube. Pero okay siya kasi ngayon, parang halos lahat, mas sa online na talaga nakatutok, e.”

***

NANG makausap namin si Kris Bernal na-feel nga namin sa kanya na kumpara noon na naapektuhan kapag may hindi magandang comment sa kanya o naba-bash siya, ngayon ay hindi na at kering-keri na niyang i-handle.

Yung sunod-sunod na posting niya pala sa kanyang Instagram account na naka-two-piece siya at ‘yung sexy pictorial na ginawa niya for her birthday, mas umani raw ito ng mga negative comments than positive.

Si Kris na mismo ang nagsabi.

“Ang daming may ayaw. Ang daming nambash. Ang daming nag-react na naman sa katawan ko,” sey niya.

Natatawang sabi pa ni Kris, “Nasanay na ko kasi, every time na magpu-post ako ng something sexy, sasabihin nila, ang payat, magpataba ka, kumain ka, na-immune na ko sa gano’n, e.”

Ginawa naman daw niya ang mga sexy shoots niya dahil para sa sarili. Parang reward na rin niya sa halos pitong taon na kasipagan niya sa pagdyi-gym.

At last year na rin na single siya.

“Kasi feeling ko, baka kasi kapag nag-asawa na ‘ko, nagka-family, baka mag-iba na ang priorities ko. Baka hindi na yung sarili ko ang priority ko, nasa ibang tao na. Hindi natin alam, sooner or later, magka-pamilya na ‘ko.”

     Ito rin daw ang para kasi sa kanya, best body niya so far na strong, healthy siya at naaalagaan niya ang katawan niya.

At binigyan diin niya na, “Hindi ibig sabihin na nagbu-bold na ‘ko or gusto kong magpapansin.”

Sa ngayon, freelancer pa rin si Kris at kahit saan network, pwede raw siyang gumawa.

(ROSE GARCIA)

MARAMI raw ang humihikayat kay Kapuso Primetime King Dingdong Dantes na kumandidatong Senador sa 2022 elections.

Kung matatandaan ay marami na ring humikayat kay Dingdong noong 2019 elections na kumandidato siya pero hindi napilit si Dingdong, although wala siyang ibinigay noon na dahilan kung bakit ayaw niya.

This time, totoo kayang ang wifey niya na si Kapuso Primetime Queen Marian Rivera, ang ayaw na tumakbo siya?

Sinasabing ito raw ang reason kung bakit inactive, ilang linggo na, ang social media accounts ni Marian, ayaw daw nitong sumagot sa mga comments ng mga nagtatanong.

Si Marian ay napakatahimik na tao, lalo na pagdating sa kanyang pamilya, at hindi mo siya masisisi kung ayaw niyang payagang kumandidato si Dingdong.

Siyempre, kung ayaw ni Marian, hindi rin naman siya pipilitin ni Dingdong. May magagawa naman siyang ibang bagay para sa bansa, hindi lamang ang pagkandidato niya sa public office.

***

PANSAMANTALA munang iniwan ni Kapuso actress Glaiza de Castro ang Baler, Quezon, at bumalik sa bahay nila sa Quezon City, para simulan na niya ang pagpaplano ng wedding nila ng fiancé niyang si Irish surfer David Rainey.

Matatandaang naganap ang engagement nila ni David nang sa Ireland siya nagpalipas ng Christmas  2020.

Natuwa ang mga fans ni Glaiza nang i-post niya ang prenup photo nila ni David sa Ireland.

Isa sa mga wedding suppliers na ka-meeting ni Glaiza ang Nice Print Photo na siyang nag-post sa kanilang Instagram.

Noon pang bumalik si Glaiza from Ireland dapat ginanap ang wedding planning pero tinapos munang gawin ng aktres ang upcoming GMA Afternoon prime series niyang Nagbabagang Luha with Rayver Cruz. 

Wala pa namang sinabi si Glaiza kung kailan ang wedding nila ni David, maliban sa magiging simple lamang ang kasal nila ng fiancé na nakilala niya noong 2018 sa Siargao.  Pero minsan ay nabanggit na rin ni Glaiza na dito muna sa Pilipinas sila magpapakasal at saka naman sa Ireland kung saan sila magha-honeymoon.

(NORA V. CALDERON)