2021 August Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for August, 2021

NAVOTEÑOS HINIKAYAT NA MAGPABAKUNA

Posted on: August 31st, 2021 by @peoplesbalita No Comments

NANAWAGAN si Mayor Toby Tiangco at Congressman John Rey Tiangco sa kanilang kababayan Navoteños na huwag palampasin ang pagkakataon magpabakuna ng Moderna at Pfizers vaccines na mayroon ang Pamahalaang Lungsod ngayon.

Ito’y matapos makarating sa kanila na sa 3,000 slots ng Moderna vaccine na nakalaan ay 948 lamang ang dumating para magpabakuna.

Labis silang nanghinayang dahil ang Moderna at Pfizer vaccines anila ang dalawa sa pinakamabisang bakuna sa Covid-19 variant na Delta na lubhang nakakahawa.

Ayon kay Mayor Tiangco, kapag hindi mauubos ang mga inilaan na Moderna vaccine sa pamahalang lungsod hanggang August 31, 2021, babawiin ito at mapupunta sa ibang Local Government Unit (LGU) na may mas mahigit na pangangailangan.

“Napakataas na po ng mga kaso natin at sa buong Pilipinas at ayon sa mga dalubhasa, tataas pa po ito. Kapag po kayo’y hindi bakunado, mas mataas ang tyansa na tamaan kayo ng Covid-19 ng malubha at ma-ospital o mamatay dahil dito. Kung hindi po kayo bakunado, hindi lamang po kayo ang nasa higit na peligro kundi pati na rin ang mga minamahal sa buhay at ang mga malalapit sa inyo,” ani Cong. Tiangco.

Ani Cong. JRT, maaaring mag-walk in ang lahat ng mga senior citizen, buntis, o PWD at uunahin silang asikasuhin sa lahat ng vaccination sites.

Bumisita lang sa pahina ni Mayor Tiangco at sa Navoteño Ako – Navotas City Public Information Office para sa mga karagdagang impormasyon at mga anunsyo. (Richard Mesa)

Ernie Gawilan ng PH nagtapos sa ika-6 na puwesto sa Paralympics freestyle swimming finals

Posted on: August 31st, 2021 by @peoplesbalita No Comments

Bigo si Ernie Gawilan na makakuha ng medalysa sa 2020 Tokyo Paralympics men’s freestyle 400-meter-S7 finals.

Nagtapos si Gawilan sa ika-anim na puwesto mula sa walong finalists sa oras na 4:56.24.

Ito ay 25.18 seconds behind kay Mark Malyar ng Isarel na nakakuha ng gold sa naturang tournament.

Nakagawa rin si Malyar ng bagong world record sa oras niyang 4:31.06.

Nagtapos sa ikalawang puwesto naman ang pambato ng Ukraine na si Andrii Trusov, habang ang American na si Evan Austin ang nasa pangatlong puwesto.

2nd place sa Paris Diamond League Obiena winasak ang sariling Philippine record

Posted on: August 31st, 2021 by @peoplesbalita No Comments

Kasabay ng pag-angkin sa second place ay ang pagtatala ni national pole vaulter Ernest John Obiena ng bagong Philippine record.

Lumundag si Obiena ng 5.91 meters para basagin ang kanyang personal best at national record na 5.87m sa Paris Diamond League sa Stade Charlety, Paris, France.

“A 2nd place finish at the Paris 2021 Diamond League, and a new national record and personal best of 5.91m.,” ani Obiena sa kanyang Facebook account. “Thank you God! And thank you to those who keep on supporting and believing despite the ups and downs.”

Ang nasabing 5.87m ay ipinoste niya sa isang torneo sa Poland noong Hunyo.

Ito ang ikalawang kompetisyon ng 6-foot-2 Pinoy pride matapos ang 11th-place finish sa nakaraang Tokyo Olympic Games.

Sa kanyang second place finish ay lumapit si Obiena sa pag-qualify sa Wanda Diamond League Final sa Zurich sa Setyembre 8 at 9.

Sa Setyembre 3 ay muli siyang lalaban sa Brussels leg para sa tansang makapasok sa Final event.

Inangkin ni Tokyo Games gold medalist at world record holder Armand Duplantis ng Sweden ang first place ng nasabing leg sa kanyang 6.01m.

Tumersera si Tokyo Olympics silver medalist Christopher Nilsen ng US sa kanyang 5.81m. kasunod si Sam Kendricks na may 5.73m. (RC)

Pacquiao sa posibleng Spence vs Ugas bout: Walang problema sa akin

Posted on: August 31st, 2021 by @peoplesbalita No Comments

Walang nakikitang problema si Sen. Manny Pacquiao sa napabalitang laban nina Errol Spence at Yordenis Ugas.

Magugunitang umatras si Spence sa laban nila ni Pacquiao kamakailan dahil sa injury nito sa mata dahilan kung bakit si Ugas ang nakasagupa ng Pambansang Kamao noong Agosto 22 (araw sa Pilipinas).

Sa kanyang pagdating sa Pilipinas mula America, sinabi ni Pacquiao na walang problema sa kanya sakaling matuloy nga ang Spence vs Ugas bout.

Bilang kapwa boksingero, ipinagpapasalamat ni Pacquiao ang paggaling ng injury sa mara ni Spence.

Si Pacquiao ay kasalukuyang nasa Conrad hotel na sa Pasay City para sa kanyang 10-day quarantine kasama ang kanyang pamilya at staff.

Ads August 31, 2021

Posted on: August 31st, 2021 by @peoplesbalita No Comments

Ads August 30, 2021

Posted on: August 30th, 2021 by @peoplesbalita No Comments

PDu30, boluntaryong ia-audit ang lahat ng tanggapan sa gobyerno lalo na ang COA

Posted on: August 28th, 2021 by @peoplesbalita No Comments

SINABI ni Pangulong Rodrigo Roa Duterte na boluntaryo niyang gagawin ang pag-audit sa lahat ng tanggapan ng gobyerno lalo na sa Commission on Audit (COA) sakali’t manalo siya bilang bise-presidente sa 2022 election.

Ang pahayag na ito ni Pangulong Duterte sa kanyang pangalawang Talk to th People, Huwebes ng gabi ay bunsod na rin nang pagpuna ng COA at pagpapalabas ng komisyon sa 2020 report na mayroong deficiency sa P67.32 billion COVID-19 response ng Department of Health (DOH).

Sinabi pa ng Pangulo na kailangan talagang may isang taong gumawa ng plano kaya mas mabuting simulan niya na ito kung magwawagi sa susunod na eleksyon.

“Sino’ng nag-o-audit ng COA? Sino nag-aapura sa kanila? Mahirap ‘yan. Somebody should do it. I will do that if I become vice president,” ayon sa Pangulo.

“Ako na lang din ang mag-audit sa lahat ng gobyerno. Lahat, pati yung akin. Magsimula ako sa akin,” dagdag na pahayag nito.

Samantala, hiniling naman ni Pangulong Duterte sa COA na bigyan ng “elbow room” o sapat na panahon ang pamahalaan para sumunod sa rekumendasyon nito sa gitna ng COVID-19 pandemic.

Ang pahayag na ito ng Pangulo ay may kinalaman pa rin sa natuklasan ng COA na “deficiencies” sa paggamit ng Department of Health sa P67.32 billion for COVID-19 response.

“It is not easy really to comply. We know that we should comply, there is no problem about it. But can we have just enough elbow room?” ayon sa Pangulo sa kanyang pangalawang Talk to the People, Huwebes ng gabi.

“Do not adopt the standards of the pre-pandemic days. We have a problem here,” dagdag na pahayag ng Pangulo.

Noong nakaraang linggo, sinabi ni Pangulong Duterte na “bulls—t” na isipin na ang P67.3 billion na isinantabi para sa kampanya laban sa COVID-19 ay ninakaw.

“May mga project tayo, malaking project, so ngayon mayroong talagang mga papel papel na hindi masyadong kumpleto sa paperwork ,” diing pahayag ng Punong Ehekutibo.

Kaya, ang panawagan ng Pangulo sa COA ay tigilan na ang pagpapalathala ng kanilang audit reports.

“Stop that flagging goddamnit. You make a report, do not flag. Do not publish it because it would condemn the agency or person that you are flagging,” aniya pa rin.

Sinabi ng Pangulo na nang simulan nang COA na i-flag down ang departamento ay kagyat itong napag-isipan at nabahiran ng korapsyon.

Sa annual report ng COA para sa taong 2020, sinabi ng komisyon na ang deficiencies ay sanhi ng non-compliance o hindi pagsunod sa batas at rules, and regulations.

“These deficiencies contributed to the challenges encountered and missed opportunities by the DOH during the time of state of calamity/national emergency, and casted doubts on the regularity of related transactions,” ayon sa COA.

Samantala, pinasaringan ni Pangulong Duterte ang ilang senador sa pagsasagawa ng mga ito ng imbestigasyon sa umano’y anomalya sa ilang ahensiya ng gobyerno.

Kasunod ito ng nakitang deficiency ng Commission on Audit (COA) sa Department of Health (DOH) na kasalukuyan nang ginagawan ng pagdinig ng Senado at Kamara.

Pinayuhan naman ng Chief Executive ang publiko na huwag agad maniwala sa imbestigasyon dahil wala namang itong magandang resulta.

Ang pagdinig ng Senate Blue Ribbon Committee ay pinangungunahan ni Senator Richard Gordon. (Daris Jose)

DOTr: Libreng sakay sa rail lines hanggang Aug. 31

Posted on: August 28th, 2021 by @peoplesbalita No Comments

Mayron patuloy na libreng sakay ang mga pasaherong nagpabakuna na laban sa COVID-19 sa mga rail lines na tatagal ng hanggang August 31.

Sinabi ng Department of Transportation (DOTr) na patuloy silang magbibigay ng libreng sakay sa mga rail lines tulad ng Metro Rail Transit Line 3 (MRT3), Light Rail Transit Line 2 (LRT2), at Philippine National Railways (PNR).

Ang libreng sakay ay mangyayari lamang kapag peak hours o di kaya ay simula sa 7:00 hanggang 9:00 ng umaga at mula naman sa 5:00 hanggang 7:00 ng gabi para sa mga light trains. Habang ang PNR ay magbibigay ng libreng sakay mula 10:00 ng umaga hanggang 3:00 ng hapon.

Yoong mga kualipikadong sumakay ng libre ay ang mga authorized persons outside residence (APOR) o di kaya ay ang mga may edad na 18 hanggang 65 na mayron trabaho at kinakailangan lumabas ng kanilang tahanan at bumili ng mga kailangan pagkain at serbisyo. Kailangan din na mayron na silang kahit isa man lamang na bakuna laban sa COVID-19.

“We would consider extending the period of the free train rides depending on changes in the quarantine status of Metro Manila and the operational requirements of the rail lines,” wika ni DOTr Secretary Arthur Tugade.

Ang mga pasahero ay dapat magpakita ng proof na sila ay talagang APOR at patuloy na sumusunod sa mga safety protocols at hindi rin pinapayagan ang magsasalita at kumakain sa loob ng mga rail lines.

Ang mga authorized persons outside of residence tulad ng frontliners na mayron ng isang dose ng COVID-19 vaccines ay maaaring din na sumakay ng mga rails lines ng walang bayad.

Kinakailangan lamang na ipakita nila ang kanilang vaccination cards upang makasakay ng libre at walang bayad.

Mayron mga train marshals ang nakasay sa mga trains upang mahigpit na mapatupad ang mga health requirements kasama na dito ang pagsusuot ng face mask at shield, pagsunod sa distancing rules at sumusunod sa “no talking, no eating” policy upang masiguro ang kinakailangan airflow at ventilation sa loob ng mga trains.

Sinigurado naman ni Tugade na ang lahat ng mga trains ay sumasailalim sa mga disinfection pagkatapos ng isang biyahe nito.

Ang LRT 2 ay mayron 13 na estasyon simula sa Recto hanggang Antipolo. Samantala, ang MRT 3 naman ay may 13 na estasyon na nagsisimula sa Pasay hanggang North Avenue. Ang PNR naman ay 20 na estasyon. LASACMAR

Mission: Impossible 7 Footage Shows Tom Cruise’s Biggest and Most Dangerous Stunt in Film History

Posted on: August 28th, 2021 by @peoplesbalita No Comments

NEW Mission: Impossible 7 footage screened at CinemaCon shows Tom Cruise’s most dangerous stunt yet.

Cruise made his first appearance as the IMF agent Ethan Hunt in 1996’s Mission: Impossible. While the franchise has seen many successful installments, it didn’t take off in a big way until 2018’s Mission: Impossible – Fallout which stands as the highest-grossing film in Paramount’s long-running franchise.

Over the years, Cruise has garnered quite the reputation for pulling off increasingly bold and daring stunts, whether it’s climbing the Burj Khalifa or hanging off the side of a flying plane.

Christopher McQuarrie, the writer/director behind the past two films in the franchise, Rogue Nation and Fallout, is returning to direct both M:I 7 and M:I 8. The COVID-19 pandemic has posed plenty of challenges during production (evidenced by Cruise’s highly-publicized on-set rant) and caused Paramount to reshuffle the two film’s release dates multiple times.

Now, everything seems to be on track for M:I 7 to meet its May 2022 release date. Reprising their respective roles are Ving Rhames, Simon Pegg, Rebecca Ferguson, and Vanessa Kirby along with newcomers Hayley Atwell, Pom Klementieff, Shea Whigham, Esai Morales, Rob Delaney, Indira Varma, Mark Gatiss, and Cary Elwes.

During Paramount’s presentation at CinemaCon, the studio screened a new behind-the-scenes reel featuring footage and interviews with the cast of Mission: Impossible 7. The footage shows Cruise ramping off the side of a cliff on a dirtbike and then base jumping to a point below. He lets go of the bike mid-air and freefalls for about 6 seconds before pulling his parachute, though Cruise says he could hold the bike for a little longer.

Cruise performed this particular stunt 6 times the day this reel was filmed. They called it the “most dangerous thing we’ve ever attempted” and the biggest stunt in film history.

The featurette also included some interviews with the cast and crew explaining how Cruise pulled off this improbable M:I 7 stunt. Cruise learned how to parachute properly and practiced dirt biking on a Motorcross track for an entire year before attempting the stunt during production in Norway. Director Christopher McQuarrie says the technology to film this stunt didn’t even exist two years ago, as the cameras needed to be small enough to fit on the front of the bike.

Although studios don’t generally reveal their presentations at CinemaCon to the public, there will likely be a BTS look at Cruise’s most dangerous stunt in the future. This dirtbike stunt was already teased by Cruise in an interview earlier this year, which included a photo of him on the bike.

The public is treated to a full look at this incredibly dangerous stunt before Mission: Impossible 7 releases in theaters on May 27, 2022. (source: screenrant.com)

(ROHN ROMULO)

Hiling ni Fernandez kay Pacquiao…

Posted on: August 28th, 2021 by @peoplesbalita No Comments

Isa pang laban bago magretiro!

Ito ang pananaw ni chief trainer Buboy Fernandez kung saan hangad nitong magkaroon ng engrandeng pagtatapos ang boxing career ni People’s Champion Manny Pacquiao.

Nais ni Fernandez na makabawi si Pacquiao matapos ang masaklap na unanimous decision loss kay World Boxing Association (WBA) welterweight champion Yordenis Ugas noong Linggo sa T-Mobile Arena sa Las Vegas, Nevada.

Hindi naman pinapangunahan ni Fernandez ang pagdedesisyon ni Pacquiao.

Nakasalalay pa rin ang lahat sa magiging pinal na desisyon ng Pinoy champion kung lalaban pa ito o tuluyan nang iiwan ang boxing world.

Subalit nais nitong maging maganda ang exit ni Pacquiao upang mas lalo pang maging maningning ang pangalan nito.

“Siyempre ang makakapag-desisyon lang niyan ay si senator,” ani Fernandez.

Isang rematch kay Ugas o sa sinumang kilalang boksingero ang mas nanaisin ni Fernandez sakaling matuloy ang inaasam nitong “last hurray” ni Pacquiao.

Umaasa naman ang ilang analysts na tuluyan nang magreretiro si Pacquiao lalo pa’t hindi na rin ito bata.

Nasa 42-anyos na si Pacquiao kung saan napansin ng ilang eksperto na bumagal ito sa kanyang huling laban.

Sa kabilang banda, naniniwala ang ilang eksperto na wala nang dapat pang patunayan pa si Pacquiao.

Anuman ang naging resulta ng huling laban nito, hindi na mabubura sa isipan ng lahat na isa si Pacquiao sa pinakamahusay na boksingero sa kasaysayan na maisasama sa listahan ng Greatest Boxers of All Time.