2021 September 29 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September 29th, 2021

DTI, suportado ang muling pagbubukas ng mga gyms sa Kalakhang Maynila sa Setyembre 30

Posted on: September 29th, 2021 by @peoplesbalita No Comments

SINABI ng Department of Trade and Industry (DTI) na suportado nito ang muling pagbubukas ng mga gyms sa Kalakhang Maynila pagkatapos ng Setyembre 30 o kahit pa manatili ang rehiyon sa ilalim ng COVID-19 alert 4.

Pinag-aaralan nang mabuti ng technical working group ang panukala ng DTI na lagyan ng cap ang indoor capacity ng gyms ng 20% at limitahan lamang ang paggamit nito sa mga fully vaccinated na tao.

“Sa Level 3 allowed po iyan. Ang pinag-uusapan na lang natin dito ay sa Level 4 ay kung maisama siya,” ayon kay Trade Secretary Ramon Lopez sa virtual press briefing ni Presidential spokesperson Harry Roque.

“Parang dine-in at personal care services na limitahan ang operation nito sa Level 4, para lang may continuity ang ating mga kababayan sa mga activities na masasabing hindi naman mapanganib, na mapapanatili ang safety,” dagdag na pahayag nito.

Ang 13 milyong katao sa Kalakhang Maynila ay nasa testing hanggang Huwebes ng 5-step COVID-19 alert system na may kasamang granular lockdowns.

Hanggang ngayon ay wala pa ring nakikitang data ang mga awtoridad na susuporta sa panawagan na ibaba sa alert 3 mula sa kasalukuyang alert 4 ang rehiyon.

“Bottom line po dito, this is essential and it will boost immunity. At iyong virus is here to stay, so we should manage how to function in a very safe manner that can save small businesses and jobs,” ayon kay Lopez.

Biado naghahanda na sa pagsabak sa SEA Games

Posted on: September 29th, 2021 by @peoplesbalita No Comments

Tiniyak ni Filipino billiard champion Carlo Biado ang pagsali nito sa Southeast Asian Games sa Vietnam.

Matapos kasi ang panalo nito sa US Open Championship noong Setyembre 18 ay lumakas ang kumpiyansa nito para sa pagsali sa SEA Games sa 2022.

Bukod pa sa SEA Games ay isa ring pinaghahandaan nito ay ang World Games na gaganapin sa Birmingham, Alabama sa buwan ng Hulyo.

Magugunitang nagtapos lamang sa quarterfinals si Biado noong 2019 SEA Games na ginanap sa bansa matapos na talunin siya ni Ismail Kadir at nagtapos lamang ito ng bronze sa doubles 9-ball kasama si Joham Chua.

Wala pang data para maibaba ang Metro Manila COVID-19 alert sa level 3- Roque

Posted on: September 29th, 2021 by @peoplesbalita No Comments

WALA pang nakikitang data ang mga awtoridad para suportahan ang panawagan na ibaba ang Metro Manila’s COVID-19 alert level sa Alert level 3 ngayong linggo.

Sa kasalukuyan, ang national capital region ay nasa ilalim ng alert 4 hanggang Huwebes na may 5-level system kasama ang granular lockdowns.

“Sa ngayon po, wala pang datos na nagpapakita na pupuwedeng bumaba [ang alert level]. Pero pupuwede naman itong magbago,” ayon kay Presidential spokesperson Harry Roque.

Noong nakaraang linggo, ang Kalakhang Maynila ay nakapag-ulat ng average na 4,347 coronavirus infections para sa isang araw, bumaba mula sa peak o rurok na 5,714 daily cases mula Setyembre 5 hanggang 11, ayon kay Dr. Althea De Guzman, pinuno ng epidemiology bureau ng DoH.

Gayunman, ang output ng testing laboratories noong nakaraang linggo ay bumaba ng 37,000 hanggang 248,000.

Nakikipag-ugnayan na ang health department sa local governments upang alamin kung bakit.

“Tayo’y very cautiously interpreting the decline we saw because need to assess the large decline in laboratory output we saw in the past week,” ayon kay De Guzman.

Aniya pa, habang ang bed utilization rate ng MM ay bumaba sa 63% mula sa 68% ilang araw bago pa, ang pigurang ito ay nananatiling nasa moderate risk category.

Nananatili namang nasa high-risk o 76% ang paggamit ng ICU, medyo bumaba kumpara sa 78% utilization na naiulat noong mga nakaraang linggo.

“Kung ito pong mga numbering ito ng NCR ang ating pagbabasehan, tayo po ay posibleng manatili pa sa alert level 4,” ayon kay De Guzman.

Pero tulad po ng nabanggit ni spokes [man Roque], ang mga metrics natin at ang ating mga numero ay tuloy-tuloy po nating pag-aaralan. At napakahalaga na mayroon tayong tama at accurate na datos,” dagdag na pahayag nito. (Daris Jose)

ALDEN, pina-iyak si BETONG dahil ‘di akalain na papakyawin ang mga binebenta sa live selling

Posted on: September 29th, 2021 by @peoplesbalita No Comments

MATAGAL nang kumakalat ang rumors mula sa set ng upcoming GMA Afternoon Prime na Las Hermanas, na tampok ang nagbabalik-Kapuso drama actor na si Albert Martinez, with Yasmien Kurdi, Faith da Silva at Thea Tolentino.

Nagmula raw ang rumors sa lock-in taping ng kanilang serye, between Albert and Faith.

Kaya nang mag-guest si Faith at ang isa pang Kapuso actress na si Claire Castro sa The Boobay And Tekla Show last Sunday, September 26, diretsong tinanong si Faith nina Boobay at Tekla.

Hindi na raw nagulat si Faith sa tanong dahil expected na niya iyon since sa story ay magiging partner sila ni Albert.

“Napag-usapan na namin iyon ni Albert, pero bilang mga artista, professional lamang kami sa isa’t isa at wala kaming ilanan sa pag-execute ng role, first time kong nakasama sa isang serye at thankful ako kay Albert sa pagga-guide niya sa akin sa mga eksena naming dalawa.”

Very soon, mapapanood na ang Las Hermanas sa GMA-7, after ng Eat Bulaga.

***

BUKOD sa pag-arte, pinagkakaabalahan din ngayon ni Kapuso actor-comedian Betong Sumaya ang live selling, na ibinibenta niya ang mga nabili niya noon na mga gamit like mga damit na hindi pa niya naisuot.

Pero minsan na nag-live selling ulit siya, ang laking gulat ni Betong nang may magtanong sa chat comment na may pangalan na ‘RJ Richards.’

Akala ni Betong ay prank lamang iyon pero nang magtanong ang kausap niya ng ‘magkano?’ tinanong na siya ni Betong kung si Alden Richards ba ang kausap niya.

Nagtaka siya kasi hindi iyon ang username ni Alden sa Facebook.

Pero nagbigay din ng presyo si Betong at tinaasan pa niya dahil baka nga manloloko lamang ang kausap niya, na P50 thousand, baka raw tumawad pa.

Pero napaiyak na si Betong nang malaman niyang si Alden nga ang tumawag at nagpadala na ng bayad sa kanyang account.

To think na nasa-lock-in taping pa noon si Alden ng The World Between Us, nagawa pang makipag-chat sa kanya. Isa raw talagang kaibigan si Alden, na maaasahan mo, lalo na ngayon na panahon ng pandemic.

Kaya labis ang pasasalamat niya kay Alden, malaking tulong daw sa kanya ang ginawa ng actor.

***

NAG-POST and international stage actress-singer na si Rachelle Ann Go-Spies sa kanyang IG nang isama niya ang kanyang mag-ama, sina Martin Spies and their son Lukas, nang mag-perform siya ng Les Miserables musical sa London.

Special presentation iyon na six nights nag-perform si Rachelle.

“I was able to bring my little fam to the theater! (Gielgud Theater, London). Although Lukas didn’t watch me as Fantine in Les Miz Concert because he’s still too young (and he might cry), he waited patiently backstage while his Papa Martin watched the show and for me to feed him. He met the cast too and took loads of photos,” caption ni Rachelle.

Kapansin-pansin sa photo taken by Rachelle inside the theater na nag-observe sila ng health protocols because of Covid-19. Alternately may X-sign ang mga chairs na hindi pwedeng upuan ng audience. Outside the theater may suot ding face mask si Rachelle.

Nagpasalamat si Rachelle sa lahat ng mga nanood, pero stay daw muna siya sa home nila ni Martin ngayon para alagaan si Lukas.

(NORA V. CALDERON)

GEOFF, palaging galit na galit sa eksena kaya ang ‘OA’ ng dating ng acting; dapat magpaturo kina MICHAEL at GINA

Posted on: September 29th, 2021 by @peoplesbalita No Comments

HINDI ba napapansin ng tatlong director ng FPJ’s Ang Probinsyano na sina Coco Martin, Malu Sevilla at Albert Langitan ang masamang acting ni Geoff Eigenmann?

Aba eh lagi na lang siyang galit na galit sa mga eksena niya. Kaya ang OA tuloy ng dating niya.

Hindi ba niya alam ang restrained style of acting? Magpaturo kaya siya sa nanay niya na si Gina Alajar o sa daddy niya na si Michael de Mesa kung paano ang tamang timpla ng acting?

Sino kaya sa tatlong director ng Ang Probinsyano ang naka-assign sa mga eksena ni Geoff? May mga ibang teleserye naman siya na maayos ang pagganap niya pero dito sa action series ni Coco ay over the top ang acting niya.

Laging siyang parang nanggigil. Sad to say, hindi effective huh?

Aba kung hindi aayusin ni Geoff ang acting niya, baka siya na ang susunod na karakter na mamamatay sa FPJAP.

***

COMEBAACK directorial assignment ni Shandii Bacolod ang Love at the End of the World.

The last time nagdirek siya was ten years ago. Isinulat niya ang script nito as film three years ago. Pero last year ay nag-decide siya na i-rewrite ang script as a series.

An ode to loliness kung ilarawan ni Shandii ang pelikula. Dahil masyadong malapit sa puso niya ang kwento kaya he decided na siya ang magdidirek nito.

Bida sa pelikula sina Rex Lantano, Kristof Garcia, Mike Liwag, Gold Azeron, Nico Locco, Markki Stroem, Khalid Ruiz, Yam Mercado at Elijah Filamor.

“It is an adult queer story which happens sa last seven days of the earth. Sana magustuhan ng mga tao ang kakaibang kwento na ito,” pahayag ni Shandii.

***

CONGRATULATIONS sa lahat ng mga nagwagi sa Star Awards for Movies.

Masaya kami para sa panalo nina Sylvia Sanchez at Alden Richards who took home top acting honors.

Congrats din kina Maricel Laxa at Ricky Davao who won Best Supporting Actress at Best Supporting Actor respectively.

Gusto rin naman batiin ang PMPC dahil kahit na pandemya ay nakagawa sila ng paraan para maidaos ang awards night nila.

At hindi lang isa kundi tatlong awards night dahil may Star Awards for TV at Music pa.

(RICKY CALDERON)

2 hanggang 3 taon bago bumalik ang Pinas sa normal – PDU30

Posted on: September 29th, 2021 by @peoplesbalita No Comments

HINDI na dapat pang umasa ang mga filipino na kaagad na makababalik ang bansa sa normal na situwasyon nito dahil sa COVID-19 pandemic.

Sinabi ng Pangulo na 2 hanggang 3 taon pa ang ipaghihintay ng mga filipino bago maramdaman ang pagbabalik sa normal ng Pilipinas.

“We will not be able to return to the old norm. Mga ano pa siguro two to three years. Pero ‘pag ang mga tao mag — nandiyan ang bakuna, magpabakuna na kaagad. At least ma-minimize na and we can achieve the herd immunity, which is a long shot. But we can attain it with the help of the people and if God helps us, we can have a steady supply of vaccines,” ayon kay Pangulong Rodrigo Roa Duterte sa kanyang Talk to the People, araw ng Lunes.

Kaya nga inulit ng Pangulo na ang bakuna ang solusyon laban sa COVID-19.

Simula nang ikasa ang rollout ng inoculation program ng pamahalaan noong Marso 1, ay mayroon ng 20 milyong katao sa bansa ang fully vaccinated laban sa COVID-19, habang 22.5 milyon naman ang nakatanggap ng kanilang first shot.

Tinatayang pitong milyong residente naman sa Kalakhng Maynila, COVID-19 epicenter ng Pilipinas, ang kasama sa fully immunized, kinakatawan nito ang 71.86% na target ng NCR.

Tinukoy naman ang sinabi ni vaccine czar Sec. Carlito Galvez, tinuran ng Pangulo na “we will get a total of at least 100 million doses by the end of October, which means that maybe we can expand the vaccination program to the general population and hopefully also our children within October.”

Samantala, may maanghang na mensahe naman ang Pangulo para sa mga government workers na patuloy na tumatanggi na magpabakuna laban sa COVID-19.

“Ayaw mo magpabakuna, umalis ka. Go out of government. Why? Because when you are with the government you face people, people transact business officials, well, audiences or visits,” anito.

Layon ng pamahalaan na magbakuna ng mahigit 77 milyong indibiduwal upang makamit ang herd immunity laban sa nakamamatay na pathogen sa bansa. (Bishop Jesus “Jemba” M. Basco)

‘Player na ayaw magpabakuna palayasin sa team’ – NBA great Kareem Abdul-Jabbar

Posted on: September 29th, 2021 by @peoplesbalita No Comments

Dumarami umano ang mga players at NBA personnel ang naaalarma habang nalalapit ang pormal na pagbubukas ng bagong season dahil marami pa ring mga players ang ayaw pa ring magpabakuna.

Bukas ay magsisimula na rin ang training camp at nasa 90% umano ng mga NBA players ang bakunado na laban sa COVID-19.

Gayun man umugong ang tensiyon sa loob ng liga matapos na lumutang ang impormasyon na nasa 40 pa ang mga players na hindi pa nagpa-vaccine.

Sa ngayon kasi walang mandato na pinalalabas ang NBA na requirement ang pagsasailalim sa bakuna.

Umiiwas din ang NBA players association na pag-usapan ito sa negosasyon.

Ilang mga coach, players at staff na hindi nagpakilala ang nagpaabot umano ng kanilang pagkabahala dahil ang hindi mga bakunado na players ay baka magdulot ng peligro hindi lamang sa kanila kundi maging sa kanilang mga pamilya.

Ilan sa mga NBA superstar na lantarang inamin na ayaw nilang magpabakuna ay sina Brooklyn Nets guard Kyrie Irving, Washington Wizards star Bradley Beal at si Warriors player Andrew Wiggins.

Una nang binulabog ng basketball legend na si Kareem Abdul-Jabbar ang NBA matapos siyang manawagan na dapat palayasin sa team ang player na ayaw magpabakuna.

Warriors Andrew Wiggins sa ‘di pagpabakuna: ‘It’s my problem not yours’

Posted on: September 29th, 2021 by @peoplesbalita No Comments

Agaw atensiyon ngayon sa mga mamamahayag si Golden State Warriors swingman Andrew Wiggins dahil sa pagmamatigas pa rin nito na hindi magpabakuna laban sa COVID-19.

Natanong sa media day si Wiggins kung paano na lamang na maging ang kanyang sweldo ay baka maapektuhan sa hindi nito pagpa-vaccine.

Sagot naman ni Wiggins, problema na aniya ito.

“It’s my problem,” ani Wiggins. “I’m confident in my beliefs and what I think is right, what I think is wrong.”

Batay sa patakaran ng San Francisco Department of Public Health wala raw dapat exemption sa babakunahan mula 12-anyos pataas sa malalaking indoor gatherings.

Sinasabing nag-apply si Wiggins ng religious exemption para hindi magpaturok ng bakuna pero tinanggihan ito ng NBA.

Sa kabila nito umaasa naman si Warriors general manager Bob Myers na maayos din ang lahat lalo na para kay Wiggins sa pagsisimula ng regular season sa Oct. 19 kung saan haharapin nila sa Staples Center ang Los Angeles Lakers.

PDU30, hindi madadamay sa Senate probe sa Pharmally – Roque

Posted on: September 29th, 2021 by @peoplesbalita No Comments

KUMPIYANSA ang Malakanyang na hindi madadamay si Pangulong Rodrigo Roa Duterte sa nagpapatuloy na Senate investigation ukol sa ginawang pagbili ng gobyerno sa P8 bilyong halaga ng medical supplies mula sa Pharmally Pharmaceutical Corporation.

“Absolutely not. Wala naman po silang ebidensya na nakukuhang may overpriced,” ayon kay Presidential spokesperson Harry Roque nang tanungin kung ang imbestigasyon ay patungo sa pagdamay kay Pangulong Duterte.

“Anong maili-link kay Presidente? Ingay lang po. Desperado manalo sa eleksiyon,”dagdag na pahayag ni Sec. Roque.

Inamin ni Pharmally director Linconn Ong sa Senate probe na ang kompanya ay nangutang mula kay Michael Yang, dating economic affairs adviser ni Pangulong Duterte.

Noong nakaraang linggo, inamin din ni Pharmally official Krizle Mago na ang pinapakialaman ng mga empleyado ng Pharmally ang expiry dates ng face shield para sa health workers na binili sa kanila ng gobyerno.

Sinabi ni Sec. Roque na ang pag-amin ay hindi sapat para patunayan na ang ginawang pagbili ng pamahalaan ng medical supplies mula sa Pharmally ay irregular.

“This needs to be substantiated with physical evidence,” ani Sec. Roque sabay sabing “talk is cheap.”

Gayunman, hindi naman sinabi ni Sec. Roque kung magsasagawa ng imbesigasyon ang Justice department.

“It is up for them (Department of Justice) to decide,” aniya pa rin.

Sa kabilang dako, bago pa umamin si Mago, isang unidentified Pharmally warehouse worker ang nag-testify sa Senate blue ribbon committee na pinapalitan nila ang expiry dates ng face shields base sa utos ni Mago.

At nang tanungin ni Senador Richard Gordon “if that was the case and if Pharmally is swindling the government, ang sagot ni Mago ay “I believe so that is the case, Mr. Chair.”

Ani Mago, tumanggap lamang siya ng utos mula kay Pharmally corporate secretary at treasurer Mohit Dargani, subalit mariing itinanggi naman ng huli ang nasabin alegasyon.

Samantala, sinabi ni Sec. Roque na patuloy na ipagtatanggol ng Pangulo ang legalidad ng Pharmally purchases sa kanyang regular Talk to the People address.

“The President will continue to answer these matters as a matter of discourse between two independent branches of government. Hindi masama ito,” anito. (Daris Jose)

50% population protection sapat para simulan ang pagbabakuna ssa ma kabataan- Galvez

Posted on: September 29th, 2021 by @peoplesbalita No Comments

SINABI ni National Task Force Against Covid-19 chief implementer at
Vaccine Czar Sec. Carlito Galvez Jr. na sapat na ang 50-percent population protection para simulan ang pagbabakuna sa mga kabataang may edad na 12 hanggang 17.

Ani Galvez, winelcome ang pinakabagong shipment ng 3 milyong doses ng government-procured Sinovac vaccines sa Ninoy Aquino International Airport sa Pasay City, na sa oras na nakamit na ang “saturation point” ng inoculation drive para sa priority sectors, ang pagbabakuna sa mas batang age group ay maaari nang simulan.

“We will present in the IATF (Inter-Agency Task Force for the Management of Emerging Infectious Diseases) on how we would really look at the possibility as to when are we going to vaccinate our pre-adolescents and if we see that we get the sizeable threshold of more or less 50 percent of our population, we can start vaccinating them,” ayon kay Galvez sa isang panayam.

Matatandaang, ipinanukala ni Galvez ang pagbabakuna sa mga kabataan sa kalagitnaan ng Oktubre.

Prayoridad ani Galvez ang mga menor de edad na may comorbidities at mga anak ng health care workers.

Maaaring makapagbakuna ang pamahalaan ng 12 milyong kabataan sa pagdating ng 20 milyong doses sa unang linggo ng Oktubre.

Samantala, tinatayang may kabuuang 69,699,340 doses na vaccine stockpile ang Pilipinas habang 43,815,426 doses naman ang naiturok na sa buong bansa. (Daris Jose)