2021 November 12 Archive - People's Balita

June 30, 2024
Search in People's Balita
Ang Diyaryong Pinagkakatiwalaan

Archive for November 12th, 2021

Number coding posibleng ibalik na – MMDA

Posted on: November 12th, 2021 by @peoplesbalita No Comments

May posibilidad na maibalik na ang ‘number coding scheme’ ng Metropolitan Manila Development Authority (MMDA) dahil sa pagsikip na ng trapiko sa halos lahat ng kalsada sa Metro Manila ngayong palapit na ang Pasko at pagsailalim ng rehiyon sa mas maluwag na Alert Level 2.

Sinabi ni MMDA Chairman Benhur Abalos na pinag-aaralan na ng ahensya kung paano at kailan ang tamang pagbabalik nito. Tinitignan na maaari itong ipatupad muli tuwing ‘rush hour’ sa umaga at sa hapon kung kailan napakabigat ng trapiko.

“Kung patuloy na lalala ang trapiko, tinitignan namin na ipatupad ang number coding pero hindi sa buong maghapon,” ayon kay Abalos.

Posible umano na ipatutupad lamang ito tuwing ‘peak hours’ o mula alas-7 ng umaga hanggang alas-9 ng umaga at alas-5 ng hapon at alas-7 ng gabi.

Sinabi niya na patuloy ang pag-monitor ng MMDA sa sitwasyon sa trapiko sa mga susunod na araw bago gumawa ng desisyon. (Gene Adsuara)

Ads November 12, 2021

Posted on: November 12th, 2021 by @peoplesbalita No Comments

PUGANTENG SOUTH KOREAN, INARESTO SA PORNOGRAPIYA

Posted on: November 12th, 2021 by @peoplesbalita No Comments

INARESTO ng mga operatiba ng Bureau of Immigration (BI) ang isang puganteng South Korean national na wanted sa kanilang bansa dahil sa pagpapakalat ng pornograpiya.

Ayon kay BI Commissioner Jaime Morente si Jung Yonggu, 38, ay naaresto sa Cebu City sa bisa ng Warrant of Deportation na inisyu nitong October laban sa kanya sa pagiging undocumented alien at banta sa seguridad .

“The office received information of his crimes from South Korean authorities,” said Morente. “Upon receipt of the information, we immediately filed a charge against him and conducted an investigation to locate and arrest him,” ayon kay Morente.

Ayon din kay BI Fugitive Search Unit Chief Rendel Sy, si Jung ay may outstanding warrant of arrest na inisyu sa kanya ng Seoul Central District Court noong November 2018 dahil sa pagpo- promote at sirkulasyon ng pornography na labag sa Criminal Code ng Republic of Korea. Nagtago siya sa Pilipinas noong July 2018 upang takasan ang kanyang pananagutan.

Ang kanyang pasaporte ay kinansela na rin ng Korean government kaya maituturing siyang undocumented alien.

Si Jung ay responsible sa pagpapakalat ng mahigit 7,400 na malalaswang videos sa internet file sharing websites, isang daan upang ma-access ito ng mga online users. (Gene Adsuara)

AFP chief pinaalalahanan ang mga sundalo na manatiling tapat sa Konstitusyon

Posted on: November 12th, 2021 by @peoplesbalita No Comments

Pina-alalahanan ni AFP Chief of Staff Gen. Jose Faustino Jr, ang lahat ng miyembro ng Sandatahang Lakas ng Pilipinas na manatiling tapat sa Konstitusyon.

Ang paalala ay ginawa ni Faustino sa kaniyang mensahe sapagdiriwang ng ika-31st Aniberdsaryo ng AFP Code of Conduct .

Ayon kay Faustino, responsibilidad ng bawat sundalo na itaguyod ang integridad at dangal sa pagganap ng kanilang mandato na pagsilbihan ang bayan.

” We must always be reminded of our sworn duty and loyalty to the Constitution and its democratic institutions,” pahayag ni Gen. Faustino.

Ang nasabing mensahe ni Chief of Staff ay sabay sabay na binasa ng mga unit commanders sa buong bansa na sinundan ng renewal of Pledge of Allegiance sa AFP Code of Conduct.

Nakiisa sa pledge of allegiance ang lahat ng AFP Major Services, Unified Commands, units and offices ng AFP sa buong bansa sa pamamagitan ng virtual conference.

Ang AFP Code of Conduct Day ay isang paraan para paalalahanan ang bawat sundalo na respetuhin ang batas at ang legal processes.

Hinimok naman ni Faustino ang mga sundalo na ipagpatuloy na tumulong sa pagmantini ng isang “transparent” at “accountable” na AFP na ikararangal ng buong bansa. (Daris Jose)

NBA MVP Nikola Jokic sinuspinde ng NBA; Morris at Butler ng Miami minultahan

Posted on: November 12th, 2021 by @peoplesbalita No Comments

Sinuspinde ng NBA ng isang game ang Denver Nuggets star at reigning MVP na si Nikola Jokic dahil sa sinasadyang pagtulak sa Miami Heat forward na si Markieff Morris nitong nakalipas na Martes.

Dahil dito ang tinaguriang franchise center ay hindi makakalaro sa Huwebes kontra Indiana Pacers at wala ring sweldo sa isang araw.

Samantala si Morris naman ay pinatawan ng multa dahil sa flagrant foul kay Jokic na umaabot sa $50,000.

Ang Miami star naman na si Jimmy Butler ay hindi rin nakaligtas nang patawan naman ng $30,000 bunsod nang paghahamon kay Yokic upang ipagtanggol ang teammate na si Morris.

Comelec umaasang mailagay ang PH sa Alert Level 1 bago pa man ang May 9, 2022 elections

Posted on: November 12th, 2021 by @peoplesbalita No Comments

Umaasa ang Commission on Elections (Comelec) na maibaba na sa Alert Level 1 ang quarantine restrictions sa bansa bago pa man ang May 9, 2022 national at local elections.

Sa pagdinig ng House committee on suffrage and electoral reforms, sinabi ni Comelec Commissioner Marlon Casquejo na mahirap isagawa ang 2022 polls sa gitna ng COVID-19 pandemic.

Ito ay kahit pa ibaba na aniya sa 800 ang bilang ng botante sa bawat voting precincts bilang hakbang upang sa gayon ay maiwasan ang pagdagsa ng maraming tao salig na rin sa minimum health protocols na itinakda ng pamahalaan.

Sinabi ito ni Casquejo kasunod na rin ng isinagawang voting simulation ng Comelec noong nakaraang buwan.

Sa naturang simulation, natukoy na humaba ang oras na kailangan igugol ng isang indibidwal para sa buong proseso ng pagboto.

Ito ay dahil na rin sa mga inilatag na minimum health protocols na kailangan pagdaanan ng isang botante bago pa man ito tuluyang makaboto hanggang sa paglabas nito sa kanyang voting precint. (Daris Jose)

EXPERIENCE THE MAGIC IN THE NEW “CLIFFORD THE BIG RED DOG” TRAILER

Posted on: November 12th, 2021 by @peoplesbalita No Comments

HE’S the next big thing. Watch the new trailer for Paramount Pictures’ upcoming adventure comedy Clifford the Big Red Dog, in cinemas 2022! #CliffordMovie

YouTube: https://youtu.be/nAnHLdXKRtM

About Clifford the Big Red Dog

When middle-schooler Emily Elizabeth (Darby Camp) meets a magical animal rescuer (John Cleese) who gifts her a little red puppy, she never anticipates waking up to find a giant ten-foot hound in her small New York City apartment. While her single mom Maggie (Sienna Guillory) is away for business, Emily Elizabeth and her fun but impulsive uncle Casey (Jack Whitehall) set out on an adventure that will keep you on the edge-of-your-seat as our heroes take a bite out of the Big Apple. Based on the beloved Scholastic book character created by author Norman Bridwell, Clifford the Big Red Dog will teach the world how to love big!

Clifford the Big Red Dog features an all-star cast led by Darby Camp as Emily Elizabeth. The ensemble also includes Jack Whitehall, Academy Award®-nominee John Cleese, Sienna Guillory, Tony Hale, Izaac Wang, Horatio Sanz, Paul Rodriguez, Keith Ewell, Bear Allen Blaine, Tovah Feldshuh, Jessica Keenan Wynn, Alex Moffat and Russell Wong. Walt Becker (Alvin and the Chipmunks: The Road Chip, Old Dogs, Wild Hogs) directs from a script by Jay Scherick, David Ronn and Blaise Hemingway. Jordan Kerner and Iole Lucchese are producers.

In Philippine cinemas soon, Clifford the Big Red Dog is distributed by Paramount Pictures through Columbia Pictures. Follow us on Facebook at www.facebook.com/paramountpicsph/; Twitter at www.twitter.com/paramountpicsph/; Instagram at www.instagram.com/paramountpicsph/ and YouTube at https://www.youtube.com/channel/UCsZ7igjHZB-5k8DDM7ilVJw. Connect with #CliffordMovie and tag paramountpicsph

(ROHN ROMULO)

‘Amazing performance’ ni Steph Curry na may 50-pts nagpanalo sa Warriors vs Hawks

Posted on: November 12th, 2021 by @peoplesbalita No Comments

Nagbuhos ng 50 points ang NBA superstar na si Stephen Curry upang itumba ng Golden State Warriors ang Atlanta Hawks sa iskor na 127-113.

Umabot din sa siyam na three points shots ang naipasok ng two-time MVP at walang sablay sa free throw line.

Liban nito nagtala rin si Curry ng 10 assists at seven rebounds sa kanyang all-around game dahilan upang tawagin siya ng kanilang head coach na si Steve Kerr bilang “stunning and amazing performance.”

Hindi rin napigilan ng mga fans na bumilib sa nakakamanghang performance ni Curry hanggang sa ipinagsigawan nila ang “MVP,” “MVP!”

Sa edad na 30-anyos, nalampasan na ni Curry ang NBA legend na si Wilt Chamberlain dahil sa kanyang record na 50 points sa 10 games.

Sa ngayon may best record na ang Warriors na may siyam na panalo at isa pa lamang na talo.

PDu30 at Pacman, nagpulong sa Malakanyang, nagkabati na

Posted on: November 12th, 2021 by @peoplesbalita No Comments

KINUMPIRMA ng Malakanyang ang nangyaring pulong noong Nobyembre 9 sa pagitan nina Pangulong Rodrigo Roa Duterte at Senador Manny Pacquiao.

” It was a short and cordial meeting requested by the camp of the good Senator,” ayon kay Presidential Spokesperson Harry Roque.

Aniya, naroon din sa pulong si Senador Christopher Lawrence “Bong” Go.

Tiniyak ni Sec. Roque na walang napag-usapan ukol sa pulitika kundi “renewal of friendship.”

Ang importante rin aniya ay pulong ito sa pagitan ng dalawang national leaders mula Mindanao, kung saan ay pinag-usapan ang ilang bagay na may kinalaman sa concern ng mga mamamayan sa kanilang lugar lalo na aniya sa larangan ng imprastraktura at power industry.

Ganito rin ang naging pahayag ng Tanggapan ni Pacquiao.

Sinabi naman ni Senador Christopher Lawrence “Bong” Go na mabilis lamang ang nasabing pulong na ni- request ng kampo ni Pacquiao.

“Kamustahan lang, maikli na usapan, renewal of friendship, walang pulitika, importante nagkausap sila ni PRRD. Kami naman ni Manny , kaibigan naman kami ni kumpare,” ayon kay Go sa isang text message. (Daris Jose)

Benepisyaryo ng 4PS na nais magpabakuna, dumami – DSWD

Posted on: November 12th, 2021 by @peoplesbalita No Comments

Matapos pagbantaan na hindi makatatanggap ng kanilang benepisyo, mas marami nang benepisyaryo ng Pantawid Pamilyang Pilipino Program (4Ps) ang nais nang magpabakuna kontra COVID-19.

Inamin mismo ni Department of Social Welfare and Development (DSWD) Assistant Secretary Glenda Relova na marami talagang 4Ps beneficiary ang takot na magpabakuna dahil sa sabi-sabing masamang epekto. Pero napaliwanagan na umano sila sa ginanap na mga pagpupulong na isinagawa ng DSWD.

“Prior to our vaccination program, meron talagang ano, hesitancy and fears ang ating mga benepisyaryo. Ito ay napag-alaman namin based on the survey namin bago tayo nagkaroon ng bakuna,” ayon kay Relova.

Nagsagawa umano ang DSWD ng ibayong ‘information drive campaign’ para mabigyan ang mga benepisyaryo ng tamang impormasyon ukol sa mga benepisyo ng pagpapabakuna.

Aabot na umano sa 526,000 benepisyaryo ang nakapagpabakuna kontra COVID-19.

“It is also worthy to note na ang ating mga 4Ps ay kabilang sa ating A5. So nagsisimula palang tayong mag-rollout dito sa sector ng A5 so baka pagka nagkaroon tayo ng massive rollout, tataas pa po itong figures na ito,” paliwanag pa ni Relova. (Gene Adsuara)