2024 January 19 Archive - People's Balita

November 17, 2024
Search in People's Balita
Ang Diyaryong Pinagkakatiwalaan

Archive for January 19th, 2024

Naungusan na ang movie nina Kathryn at Alden: ‘Rewind’ nina DINGDONG at MARIAN, hawak na ang ‘highest-grossing Filipino film of all time’

Posted on: January 19th, 2024 by @peoplesbalita No Comments

ANG 2023 Metro Manila Film Festival entry na Rewind, na pinagbidahan ng mag-asawang Dingdong Dantes at Marian Rivera, ang may hawak na ng record bilang ‘highest-grossing Filipino film of all time’ in domestic box office sales, na kumita na ng P815 million as of January 17.

Ayon ito sa pinost ng Star Cinema sa kanilang official page at may total gross na P845 million worldwide.

#SalamatLods! Damang dama namin ang greatest love Mo!

“In Philippine domestic sales, #RewindMMFF IS NOW THE HIGHEST GROSSING FILIPINO FILM OF ALL TIME!

“And as of 3PM today, the worldwide total gross of ‘Rewind’ is PHP 845 Million.

#RewindNowShowing in over 300 cinemas in the Philippines, USA, Canada, Guam, and Saipan!”

Kaya naman nag-uumapaw ang kaligayahan at emosyonal na nagpapasalamat sina Dingdong at Marian sa suportang natanggap mula sa ating mga kababayan, dito at sa ibang bansa, mula nang ipalabas ito noong Araw ng Pasko at hanggang ngayon ay marami pa ring nanonood.

At dahil dito, naungusan na ng Rewind ang local box-office records na naitala ng Hello, Love, Goodbye (2019) nina Kathryn Bernardo at Alden Richards, na may P691 million domestic box-office sales, at ang The Hows Of Us (2018) nina Kathryn at Daniel Padilla na may kinita namang P690 million.

Dahil patuloy pang pinalalabas ng Rewind sa iba’t ibang bansa ay ini-expect ng Star Cinema na baka malagpasan nito ang highest overall sales na PHP880 million na hawak ngayon ng Hello, Love, Goodbye.

Masayang-masaya nga si Marian na sa kauna-unahang niyang movie sa Star Cinema at kasama pa si Dingdong, kaya looking forward siya makagawa uli sa tamang panahon.

Hindi naman ito bago sa Kapuso Primetime King dahil nakagawa na siya ng mga pelikula sa Star Cinema na pawang matagumpay, ito ay ang Segunda Mano (2011 MMFF entry, na kung saan wagi siya ng Best Actor), One More Try (2012), She’s The One (2013), The Unmarried Wife (2016), at Seven Sundays (2017).

Tama nga ang sinabi nina Marian at Dingdong sa simula ng promo ng Rewind, ang pelikulang ito ay ipagmamalaki nila sa kanilang mga anak at magiging apo sa pagdating ng panahon, dahil tumatak talaga ang hatid na mensahe sa mga nakapanood.

At may bonus pa nga sa naitala nitong records at kaabang-abang pa maging magandang balita sa mga darating na buwan.

Congrats DongYan!

***

SAMANTALA, tiyak na ikatutuwa ng DongYan fans na muling mapapanood sa TV screens ang Kapuso Primetime King and Queen sa muling pagbubukas ng pintuan sa newest version ng Bonggang Villa.

Simula ngayong Sabado, January 20, eere na ang much-awaited sitcom na Jose and Maria’s Bonggang Villa 2.0!

Matsa-challenge na naman ang lovely couple na sina Jose (Dingdong) at Maria (Marian) sa pagbibigay buhay sa BnB business nina Mommy Janice at Lolo King.

Kung sa last season ay 500,000-peso ang quota, malaking challeng nga sa mag-asawa na maabot ang 1 million-peso quota ng hotel.

Pero hindi lang yun ang haharapin nilang pagsubok dahil may karibal na sila sa negosyo ang Bed & Breakfast @ Tiffany’s.

Produced ito ng GMA Network, in collaboration with APT Entertainment, at balik sa pagiging co-producers ang Kapuso Royalties.

Kasama pa rin sa weekly show sina Benjie Paras as Mr. Nero, Pekto as Sol Banayad, Shamaine Buencamino as Mama Au, at Pinky Amador as Mommy Janice.

Nagbabalik din sina Johnny Revilla as Lolo King, Hershey Neri as Marielou, at Loujude Gonzalez as Buboy.

Kukumpleto sa powerhouse cast and introducing the newest cast of ‘Bonggang Villa’ , si Pokwang as Tiffany, ang rival owner ng Bed & Breakfast @ Tiffany’s.

Simula na ng ‘Jose and Maria’s Bonggang Villa 2.0’ ngayong January 20, every Saturday at 6:15 PM on GMA Network.

Global Pinoys can also catch the program via GMA Pinoy TV. For more stories about the Kapuso Network, visit www.GMANetwork.com.

(ROHN ROMULO)

₱12B Comelec funding, hindi para sa Cha-cha plebiscite

Posted on: January 19th, 2024 by @peoplesbalita No Comments

KINATIGAN ng Department of Budget and Management (DBM) ang ginawang pagtanggi ng Commission on Elections (Comelec) na inilaan para sa plebisito ng Charter change (Chacha) ang P12 billion na additional funding ng Komisyon sa ilalim ng 2024 national budget.

“It is not for the purpose of Charter Change but may be used for various activities of the COMELEC such as the preparation of national and local elections, overseas absentee voting, continuing registration, recall, special elections, referenda, and other initiatives,” ayon kay DBM Secretary Amenah Pangandaman.

Ayon sa Kalihim, may diskresyon ang Comelec na gamitin ang budget na isinama ng bicameral conference committee ng Kongreso para sa plebesito kung magdedesisyon ang gobyerno na isulong anumang pagbabago o maging ito man ay people’s initiative.

Sinabi naman ni Comelec Chairperson George Garcia, na nang ibinigay sa kanila ang pondo ay wala naman ang alingasngas tungkol sa People’s Initiative.

Binigyang diin ni Garcia na sinikap lamang nilang maibalik ang P17.4 billion na tinanggal sa kanila sa national budget, subalit P12 million lang ang naaprubahan.

Kamakailan ay kinumpirma ni Garcia na humirit ang poll body ng ibalik ang tinapyas sa kanilang pondo para sa pagsasagawa at pangangasiwa sa mga eleksyon, referenda, recall votes, at plebesito.

Sinabi pa rin niya na nauna nang naglaan ang DBM ng P2-billion budget para sa Comelec sa 2024 National Expenditure Program (NEP), Sinasabing P17.4 billion na mas mababa sa paunang panukala na P19.4 billion. (Daris Jose)

Kelot na nangholdap at nambugbog sa babaeng Chinese national sa Valenzuela, timbog

Posted on: January 19th, 2024 by @peoplesbalita No Comments

NASAKOTE ng pulisya ang isang lalaki sa pambubugbog at panghoholdap sa isang babaeng Chinese national at ang kapatid nito hinihinalang kasabwat sa krimen sa Valenzuela City.

Kinilala ni Valenzuela police chief P/Col. Salvador Destura Jr., ang aarestong mga suspek na si alyas “Dannyper”, 33, at kapatid nitong si alyas “John Paul”, 24, kapwa ng P. Jacinto St., Brgy., Bagbaguin, Caloocan City.

Sa ulat ng pulisya, alas-4:16 ng umaga ng Enero 13, nang pasukin ng isang lalaki ang fastfood na pagmamay-ari ng biktimang si alyas “Tin”, 37, Chinese national sa Maysan Rd., Brgy. Maysan saka tinutukan umano ng baril ang biktima sabay hinihingi ang bag na may lamang pera.

Tumanggi ang biktima na ibigay ang kanyang bag at nagsisigaw ito na humingi ng tulong kaya pumasok na si Dannyper at pinagtulungang bugbugin ang ginang na nagtamo ng mga sugat sa mukha at ikinabali ng ilong nito.

Nagawang buksan ng mga suspek ang drawer ng restoran at nakuha ang perang nagkakahalaga ng P300,000 saka mabilis na tumakas sakay ng isang itim na Honda Click na walang plate number.

Nang makita naman ng tagaluto ang insidente, kaagad itong umakyat sa ikalawang palapag ng restoran at pinaalam sa asawa ng biktima ang pangyayari kaya agad silang humingi ng tulong sa mga tauhan ng Police Sub-Station 9 na mabalis namang nagsagawa ng follow-up operation subalit, nabigo sila na mahanap ang mga suspek.

Sa isinagawang imbestigasyon ng pulisya, nakita sa cctv footage noong Enero 10, tatlong araw bago ang krimen, nagpanggap na kostumer ang mga suspek at umorder ng pagkain sa naturang fastfood sakay ng isang malaking red orange na motorsiklo.

Isang Focus Investigation Team (FIT) ang binuo ni Col. Destura Jr na kinabibilangan ng Station Intelligence Section (SIS), Station Investigation Unit (SIU), at Detective Management Unit (DMU) para tugisin ang mga suspek hanggang sa maispatan ng pulisya sa Lawang Bato ang motorsiklong ginamit ng mga salarin bago pasukin ang fastfood restaurant.

Nang parahin nila ang nasabing motor ay humarurot ito para tumakas kaya hinabol sila ng mga parak hanggang sa makorner at maaresto ang magkapatid kung saan nakuha kay John Paul ang isang kutsilyong de-tiklop habang nakumpiska naman kay Dannyper ang kalibre .38 baril na may apat na bala.

Positibo namang kinilala ng biktima si Dannyper na isa sa mga nangholdap at bumugbog sa kanya matapos ipakita ang larawan nito.

Samantala, napag-alaman ng pulisya na ang lalaking kasama umano ni Dannyper sa panghoholdap ay isang nagngangalang “Edison Dawal”, kilala rin bilang “Ricky”, ng Northville 5, Brgy. Batia, Bocaue, Bulacan.

Ani PLt Armando Delima, isa pang kinokonsidera nilang suspek ang alyas “Sonny kalbo”, dating drayber ng pamilya ng biktima, na umano’y nagbigay ng mga detalye sa mga suspek ukol sa pang-araw-araw na buhay ng pamilya.

Nahaharap sa kasong Robbery with Sserious Physical Injuries at Illegal Possession of Firearms and Ammunition si Dannyper habang paglabag naman sa Article 151 at Illegal possession of Bladed Weapon ang kakaharapin ni John Paul. (Richard Mesa)

OSCAR®-WINNING SCREENWRITER DIABLO CODY ON “LISA FRANKENSTEIN,” A TEEN HORROR-COMEDY AND COMING-OF-RAGE ROMANCE STARRING KATHRYN NEWTON, COLE SPROUSE AND LIZA SOBERANO

Posted on: January 19th, 2024 by @peoplesbalita No Comments

“I have always toyed with themes of transformation and reinvention,” says screenwriter Diablo Cody, who catapulted onto the Hollywood stage with 2007’s “Juno,” for which she won the Academy Award, BAFTA and Critics’ Choice Award for best original screenplay.

“In everything I write, someone is going through a dramatic change, whether it’s becoming possessed by a demon or dealing with a new stage of life,” continues Cody, who is also known for penning acclaimed film “Young Adult,” starring Charlize Theron, and the Megan Fox-led cult-classic “Jennifer’s Body.” “The question I’m always asking is: are we the same person after a profound change? How many parts can we swap or replace before we’re a totally new entity? This movie is a pretty literal interpretation of that!”

“Lisa Frankenstein,” a sardonic spin on Mary Shelley’s 1818 classic, tells the story of Lisa Swallows (Kathryn Newton), an awkward 17-year-old trying to adjust to a new school and a new life after her mother’s death and her father’s hasty remarriage. Despite the unwavering support offered by her plucky cheerleader step sister Taffy (Liza Soberano), Lisa only finds solace in the abandoned cemetery near her house, where she tends to the grave of a young man who died in 1837 – and whose corpse she unwittingly reanimates (Cole Sprouse). Feeling obligated to help the poor soul regain his humanity, Lisa embarks on a quest to breathe new life into her long-dead new companion. All she needs to succeed are some freshly harvested body parts and Taffy’s broken tanning bed.

Watch the teaser trailer: https://youtu.be/ttEh6wkMPrA?si=jF47LfH0H2D3YeJj

“The idea of using a tanning bed as the power source [to bring the dead back to life] was hilarious to me,” Cody says. Inspired by another off-beat spin on Frankenstein mythology, the 1985 John Hughes film “Weird Science,” Cody set her own take on the story in the 1980s. “In that film, two teenage boys literally design their dream woman, animate her with electricity and watch in awe as she improves their lives,” she says. “I always thought it would be fun to see a female-centered take on that story.”

Playing the all-important role of Lisa Swallows is Kathryn Newton (“Pokémon: Detective Pikachu,” “Ant-Man and the Wasp: Quantumania”), who shares that one of the biggest influences for her portrayal was Gene Wilder’s performance in “Young Frankenstein” (1974). “Gene Wilder was an incredible actor who was able to master that in-between of playing a character that’s so over-the-top, but still grounded and pulling the audience in,” Newton says.

For Cole Sprouse (“Riverdale”), playing the creature reanimated by Lisa was the role of a lifetime, even though it meant having to act beneath layers of prosthetic makeup that had to be applied for hours each day and portraying the character primarily through moans, grunts and gestures. “His inability to speak was what really excited me, just technically, and I knew it would be a heavy physical role,” Sprouse says. “For me, it was an attempt to reach some more universal physical language about how we perceive emotions through gesture, through movement, which was fun.”

The Creature ignites the spark of life and love in Lisa, who now feels seen and heard. But Lisa has to keep it all hidden away and secret from her family, including kind, if somewhat clueless, step sister Taffy. “Taffy is my favorite character,” shares Cody. “She’s a beacon of positivity, and even when she’s unwittingly condescending or tone deaf, her intentions are always kind. She’s more protective of Lisa than anyone else in the film, other than the Creature. Lisa resents Taffy because she’s effortlessly beautiful and popular, but Lisa eventually comes to realize that her ire is misdirected. I felt that having Taffy be a standard ‘mean popular girl’ would be uninteresting. Most of the queen bees I’ve known were more complex than that.”

“I had an instant connection with her,” says Filipina actress Liza Soberano (“My Ex and Whys,” “Alone/Together,” “Trese”) of Taffy, her first Hollywood film role. “She’s such a fun character to play.”

Get ready for the funniest, goriest undead horror romance you’ll see all year when “Lisa Frankenstein,” directed by Zelda Williams (daughter of the late Robin Williams and herself part-Filipina) and distributed by Universal Pictures International, opens in cinemas February 7, just in time for Valentine’s Day! #LisaFrankensteinPH

(ROHN ROMULO)

Ads January 19, 2024

Posted on: January 19th, 2024 by @peoplesbalita No Comments

Kahit pareho na silang nagdidirek sa serye: GINA, inaming takot na takot din kay Direk LAURICE

Posted on: January 19th, 2024 by @peoplesbalita No Comments

THIS time ay artista muli si Gina Alajar at hindi direktor sa ‘Asawa Ng Asawa Ko’ ng GMA.

At ang direktor niya sa naturang GMA series ang kapwa niya actress/director na si Laurice Guillen.

Mas kumportable ba o naalangan si Gina kapag ang direktor niya ay kapwa rin niya actress/director tulad ni Laurice?

Lahad ni Gina, “Iba naman ang dynamics nun, pag artista naman ako, artista, and of course naging direktor ko na siya dati sa ‘Salome’, ang tingin ko talaga sa kanya hindi artista, direktor talaga.

“So she’s very superior, you know, takot na takot ako sa kanya because… takot in the sense na kasi meron siyang standards, e. “Like you know, she doesn’t want script on the set, so kailangan bago dumating sa set at mag-blocking, saulo mo na dapat,” pahayag pa ni Gina na gumaganap bilang Carmen.

Samantala, sa ‘Asawa Ng Asawa Ko’ ay mga lead stars sina Jasmine Curtis Smith as Cristy, Rayver Cruz as Jordan, Liezel Lopez as Shaira, Joem Bascon as Leon at Martin del Rosario bilang Jeff.

Napapanood ito tuwing 9:35 pm sa GMA Prime.

***

MABUTI naman at magaling na si Ruru Madrid matapos ma-ospital ng ilang araw dahil sa lagnat at pananakit ng lalamunan.

Nag-post si Ruru ng selfie niya sa set ng ‘Black Rider’ na pinagbibidahan niya at ang litrato kung saan suot niya ang costume ng papel niyang si Elias ay may simpleng caption na “I’m back.”

Matatandaang ilang araw bago ito ay nag-post rin si Ruru ng litrato niya na nakahiga sa hospital bed at binabantayan ng girlfriend niyang si Bianca Umali.

Napapanood ang ‘Black Rider’, Lunes hanggang Biyernes, 8:00 p.m. sa GMA Prime.

May simulcast ito sa digital channel na Pinoy Hits at may delayed telecast naman sa GTV, 9:40 ng gabi.

(ROMMEL L. GONZALES)

PBBM, muling pinagtibay ang suporta para sa mga tauhan ng AFP

Posted on: January 19th, 2024 by @peoplesbalita No Comments

MULING pinagtibay ni Pangulong Ferdinand Marcos Jr. ang kanyang suporta para sa mga uniformed members ng Armed Forces of the Philippines (AFP) sa gitna ng tuloy-tuloy na ‘tsismis” na destabilization plot laban sa kanyang administrasyon sa loob ng military at Philippine National Police.

Ang posisyon na ito ng Pangulo ay matapos na ipatawag niya at makapulong sina AFP Chief of Staff Romeo Brawner at commanding officers ng “3 branches of services” ng military sa Palasyo ng Malakanyang.

Present sa nasabing pulong si PNP Chief Gen. Benjamin Acorda at Iba pang top police officials ng bansa.

Nauna rito, inanunsyo ng Pangulo na inaprubahan na niya ang “a specific budget for rice subsidies and Tertiary Health Care at the AFP Medical Center for advanced medical services and overall wellness support.”

Samantala, makailang ulit namang itinanggi ng AFP at PNP ang nasabing ‘tsismis” na ang miyembro ng mga ito ay nagpa-plano ng destabilisasyon laban sa administrasyong Marcos. (Daris Jose)

Looking forward siya sa kumpletong tulog: AICELLE, nag-a-adjust pa sa pag-multi-task sa dalawang anak

Posted on: January 19th, 2024 by @peoplesbalita No Comments

PINOST na ni Kapuso singer Aicelle Santos via Instagram ang bagong miyembro ng kanilang pamilya.

Girl ulit ang second baby ni Aicelle na sinilang niya bago sumapit ang Pasko.

Walang binigay na mga detalye si Aicelle kung kelan at saan niya sinilang ang second baby nila ni Mark Zambrano. Kahit name ng baby ay hindi rin nila nire-reveal pa.

Sa mga posts ni Aicelle, makikitang karga na niya ang bagong baby girl kasama ang ilang miyembro ng kanyang pamilya.

May kuha rin ang bagong baby kasama ang panganay nila ni Mark na si Zandrine, who turned 3-years old noong nakaraang December.

“New hopes, new dreams for these two this year. Let’s go 2024! Happy new year one and all!” caption ni Aicelle.

Sa latest post ni Aicelle, makikitang sabay niyang inaalagaan ang dalawang anak nila ni Mark.

Nag-a-adjust pa raw ang 38-year old Miss Saigon star sa pag-multi-task sa dalawang bata. Habang nagpapa-breast feed siya sa isa, yun isa naman ay pinapatulog niya.

Caption ni Aicelle: “This has been us for the past weeks. The panganay wanting my hug as she sleeps and the bunso needing ‘karga/hele/breastfeeding’ to sleep at the same time. Lucky if Mark is home, hati kami. Pero pag wala siya, paano hatiin ang katawan?

“Iniisip ko na lang, sasamantalahin ko na itong pinag-aagawan nila ako – ang atensyon ko, dahil darating ang araw na hindi na ganito… Pero looking forward ako sa kumpletong tulog, aaminin ko, at alam kong matagal pa yun!… Ha ha ha.”

***

PROUD na pinost ni Althea Ablan ang naging bakasyon nila ng boyfriend niyang si Prince Clemente.

Sa Siargao sila pumunta at kita sa mukha ng Sparkle teen star na happy ito masama ang hunky boyfriend niya.

Hindi naman tinatago nila Althea at Prince ang kanilang relasyon sa simula pa lang. Magtu-two years na nga raw sila ngayong 2024.

Sey pa ni Althea na hindi nagseselos si Prince sa bagong partner niya sa ‘Sparkle U: #SoundTrip’ na si Matthew Uy. Kahit sinabi pa ni Matthew na kung walang boyfriend si Althea ay liligawan niya ito.

Busy rin si Prince dahil sa action-serye na ‘Black Rider.’

***

BALIK-ALINDOG ang Marvel actor na si Chris Pratt pagkatapos mag-binge eat noong Pasko at Bagong Taon.

Nag-post ito ng mirror selfie kunsaan kita na ang ripped abs niya sa Day 10 ng kanyang workout.

“I do that intermittent fasting thing. I’m still burning fat from that workout today. I feel good,” caption pa niya.

Pinost din ni Pratt ang photo ng kanyang tatlong anak na magkasama. Bihira raw na magsama ang tatlo kaya kinunan ito ng aktor habang nag-aalmusal.

Ito ay sina Jack (11), anak niya sa ex-wife na si Anna Faris at sina Lyla (3) and Eloise (1) na mga anak niya sa current wife na si Katherine Schwarzenegger.

(RUEL J. MENDOZA)

DOH nagpasaklolo sa PNP kontra ‘vape’

Posted on: January 19th, 2024 by @peoplesbalita No Comments

NAGPASAKLOLO na ang Department of Health (DOH) sa Philippine National Police (PNP) para matulungan sila sa pagpapatupad ng batas na nagbabawal sa mga menor-de-edad na bumili at gumagamit ng vape o e-cigarettes.

“I actually wrote a letter to the PNP asking them to implement the law and make sure none of these minors should have access to vaping,” ayon kay Herbosa sa isang media forum.

Sinabi ni Herbosa na tinatayang 14% na ng mga gumagamit ng e-cigarette ay mga minors sa kabila ng nakasaad sa batas na 18-taong gulang pataas lamang ang maaring gumamit nito.

Kasunod ito ng pagbaba sa paggamit ng tabako o sigarilyo sa bansa dahil sa mas mataas na buwis na dahilan ng pagtataas sa presyo ng mga ito.

Ayon sa Global Adult Tobacco Survey, bumaba ang paggamit ng tabako o sigarilyo sa mga adult sa 19.5% noong 2021 mula sa 29.7% noong 2019.

Kasabay ng pagbaba sa paninigarilyo, tumaas naman ang antas ng gumagamit ng mga vape at e-cigarettes. Ngunit ayon sa DOH, parehong may masamang epekto sa kalusugan ang paggamit ng mga ito.

Herbosa, umapela kay PBBM na suspendihin ang PhilHealth premium hike

Posted on: January 19th, 2024 by @peoplesbalita No Comments

TINITIMBANG na mabuti at masusing pinag-aaralan ng Malakanyang ang rekomendasyon ni Health Secretary Ted Herbosa kay Pangulong Ferdinand Marcos Jr. na suspendihin ng implementasyon ng premium rate increase ng Philippine Health Insurance Corporation’s (PhilHealth) ngayong 2024.

“The President is studying the request,” ayon kay Communications Secretary Cheloy Garafil nang hingan ng reaksyon sa naging pahayag ni Herbosa.

Nauna rito, nagpadala si Herbosa kay Pangulong Marcos ng recommendation letter, araw ng Martes na nagbibigay-diin na ang nasabing hakbang ay walang makabuluhang epekto sa financial standing ng PhilHealth kung ang pagtaas ng premium rate ay maaantala.

“If ever the President will agree to the contribution, my recommendation is to start from where we stopped, not the current 5%. If we stopped at 2% or 3% increase, we start at where it was suspended. That for me is the logical way to lift suspension. We don’t jump to a very high [rate] kasi kawawa ang mga tao,” ayon kay Herbosa.

“My position is that, I think PhilHealth has enough money to actually continue to give benefits. It will not be hurt by delaying the increase in premium. I need to see good actuarials on this one. You need to have a science-based policy. Hindi ‘yung whim na itataas mo lang . There are other things that are supporting health care,” dagdag na wika nito.

Iniugnay ng Kalihim ang posisyon niyang ito para mapanatili ang suspensyon ng premium hike sa gitna ng tumataas na presyo ng mga pangunahing bilihin.

“Nagtataasan kasi [ang presyo ng] lahat ng bilihin eh, so it is the right time to actually already fill in. I know PhilHealth is healthy with a very good reserve and a very good investment,” ang pahayag ni Herbosa.

Sa ulat, muling ipinaalala ng PhilHealth na itataas na sa 5% ang premium rate ng kontribusyon para sa taong 2024.

Kung matatandaan sa nakalipas na taon nasa 4% lamang ang premium rate na nagiging kontribusyon ng bawat empleyado.

Ayon kay PhilHealth President Emmanuel Ledesma Jr., sa loob ng 13 taon, nito lamang December 2023 sila nagtaas ng premium rate para sa kada buwan na kontribusyon.

Aniya, malaki ang maitutulong ng pagtaas ng premium rate ng kontribusyon para sa mga miyembro at empleyado nito dahil sa makukuhang benefit sa bawat mangangailangan ng serbisyo ng PhilHealth.

Kung noon ay nasa ₱400 lamang ang kontribusyon ng bawat empleyado ngayon ay nasa ₱500 to ₱5,000 na kada buwan na ang kontribusyon para sa mga sumasahod ng ₱10,000 to ₱100,000 o basic pay kada buwan.

Samantala, tiniyak naman ng PhilHealth na magagamit ng mga empleyado at mapupunta sa tama ang mga kontribusyon ng bawat empleyado para maihatid sa kanila ang iba’t-ibang serbisyo na ino-offer ng Philhealth. (Daris Jose)