2020 February 20 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 20th, 2020

Adik na mister kinasuhan, misis kinatay

Posted on: February 20th, 2020 by @peoplesbalita No Comments

HINDI umobra ang kasong isinampa ng misis sa kanyang mister na umano’y adik matapos tuluyan itong patahimikin nang pagsasaksakin ito sa loob ng kanilang silid, iniulat kahapon (Miyerkules) ng umaga sa lalawigan ng Pangasinan.

Kinilala ang biktimang si Jennelyn Qumiang habang tugis naman ang suspek na kinilalang si Reynaldo Catungal Loresco, at kapwa residente ng Brgy. Cablong sa bayan ng Sta. Barbara Pangasinan.

Batay sa report ng Sta Barbara Police Station, dakong alas-3:00 ng madaling-araw nang maganap ang insidente sa loob ng kuwarto ng mag-asawa sa nasabing lugar.

Lumabas sa imbestigasyon ng pulisya, nagkaroon ng pagtatalo ang mag-asawa sa loob ng kanilang kuwarto na nauwi sa pananaksak na ikinamatay ng biktima.

Kwento ng mga anak ng biktima, narinig pa nilang nag-aaway ang kanilang mga magulang subalit makalipas ang ilang minuto ay bigla na lamang tumahimik.

Lumabas sila ng kanilang silid para alamin ang nangyari pero nakita na nila ang ama na duguan ang mga kamay at naghuhugas habang ang kanilang ina ay nakahandusay sa sahig at naliligo sa sariling dugo at wala ng buhay.

Kaagad naman humingi ng tulong sa awtoridad ang mga anak pero mabilis na tumakas ang suspek gamit ang motorsiklo.

Nabatid na kinasuhan ng biktima ang suspek ng kasong paglabag sa Violence Against Women and their Children (VAWC) dahil sa pananakit sa kanya, subalit nakakapunta pa rin ito sa kanilang bahay.

Ayon pa sa pulisya, isa sa mga drug personality si Loresco sa bayan ng Sta. Barbara.

5th All Asia Cup 2020: Pilak, nasungkit ng GP-PH

Posted on: February 20th, 2020 by @peoplesbalita No Comments

PALABANG nakakopo ng silver medal ang GlobalPort-Philippine team sa 5th All Asia Cup 2020 na nitong Pebrero 2-9 sa VS Sports Club & Siam Polo Park sa Preng, Thailand.

Nabigo man sa host team sa gold medal game sa anim na koponang torneo, kuntento naman si Philippine National Federation of Polo Players (PNFPP) founding director at House Deputy Speaker Michael Romero sa niladlad ng koponan.

“Up against some of the best teams in the Asian region, we proved we can be at par with them,” bulalas nitong Martes ni Romero, kasapi ng PH squad na naka-bronze medal sa 30th Southeast Asian Games PH 2019 sa world-class Miguel Romero Field sa Calatagan, Batangas noong Disyembre.

“Given more time to train and play in various tournaments abroad, I strongly believe we can play much better the next time. The chemistry is there so we just have to sustain it,” panapos niyang sambit.

Pagkayuko sa unang laro kontra rin sa Thais, rumesbak sina Anthony Garcia, Adrian Garcia, Robert Esguerra at Romero laban sa Brunei sa dikdikang quarterfinals, 10-9, at Indonesia sa semifinals, 8-5.5, para makapasok sa finals.
Inumpisahan ang polofest ni dating King Power Duty Free owner Vichai Srivaddhanaprabha para mapasigla ang sport sa rehiyon. (REC)

Mr. Football, Ms. Golf sa PSA award

Posted on: February 20th, 2020 by @peoplesbalita No Comments

MAY dalawa pang magagaling na atleta sa katauhan nina Stephan Schrock at Bianca Pagdanganan ang special awardee sa Philippine Sportswriters Association (PSA) sa papasok na buwan.

Igagawad kay Schrock ang ng Mr. Football award, habang si Pagdanganan ang unang tatanggap ng Ms. Golf sa SMC-PSA gala night sa Marso 6 sa Centennial Hall ng Manila Hotel.

Mahahanay ang 33-anyos na si Schrock at 22-taong-gulang na si Pagdanganan sa Ms. at Mr. Basketball awardees na sina Jack Animam at Ferdinand Ravena III, Ms. at Mr. Volleyball na sina Cherry Ann Rondina at Bryan Bagunas, at Coach of the Year na si Patrick Henry Aquino sa mga may special award mula pinakamatagal na media organization sa bansa sa event na mga ihahatid ng Philippine Sports Commission, MILO, Cignal TV, Philippine Basketball Association, AirAsia, at Rain or Shine.

Ang Team Pilipinas naman ang napagkaisahan para sa pinakamataas na karangalang Athlete of the Year award sa pagbibigay karangalan sa bansa ng ikalawang overall title sa 30th Southeast Asian Games 2019 PH.

Nanguna sa pagwawagi ng bansa sa 11-nation, 12-day sportsfest sa pagkopo ng dalawang medalyang ginto sa women’s golf individual event at team event kasama si Lois Kaye Go.

Kinilala na rin siyang 2018 PSA Athlete of the Year kasama sina golfers Go at Yuka Saso, weightlifter Hidilyn Diaz, at skateboarder Margielyn Didal Wagi pa si Pagdanganan sa 2019 Hawkeye El Tigre Invitational sa Mexico sa nakaraang taon.

Bukod sa 2018 Asiad gold nang nag-aral sa Gonzaga University at ngayo’y sa University of Arizona, natulungan din ni Pagdanganan ang huli sa NCAA Division 1 women’s golf championship at ngdesisyon nang mag-pro ang sports at society major sa nagdaaang taon.

Tatanggapin naman ni Schrock ang ikalawa niyang Mr. Football matapos magwagi noong 2013.

Ang beteranong midfielder ng Ceres Negros ang nagsilbing pundasyon ng PH Azkals na kasalukuyan ngayong nasa pagbabagong bihis sa pagsisilbi bilang captain ng U22 team sa nakalipas na SEA Games at halos naabot ang unang pagtuntong sa knockout stage.

Kinilala rin ang Fil-German player ng ASEAN Football Federation bilang isa sa mga tatanggap ng AFF Best XI Award sa gaganapin na AFF Awards sa Hanoi, Vietnam.

Namuno rin si Schrock sa Ceres Negros sa ikatlong kinopong titulo ng Football League at giniyahan ang koponan sa ASEAN Zonal semifinals ng AFC Cup.

Kasama ang goalkeeper na si Neil Etheridge, pinamunuan din ni Schrock ang kampanya ng Azkals sa 2022 FIFA World Cup at 2023 AFC Asian Cup joint qualifiers.

Ads February 20, 2020

Posted on: February 20th, 2020 by @peoplesbalita No Comments

Bato, nag-sorry sa ABS-CBN

Posted on: February 20th, 2020 by @peoplesbalita No Comments

“Pasensya na po kung kayo ay nasaktan.”

Ito ang pahayag ni Senador Ronald “Bato” Dela Rosa mga kawani ng ABS-CBN Corporation matapos niyang sabihin noong Martes na mas prayoridad niya ang kapakanan ng milyong Pinoy kaysa 11,000 kawani na mawawalan ng trabaho kung magsara ang naturang network.

“Pasensya na po kung kayo ay nasaktan. Ang tingin ko po ay ang buong kapakanan ng buong bansang Pilipinas, kasama na po kayo doon, ‘di po ito exclusive kapakanan po ng buong bansa ang inisip natin,” pahayag ni Dela Rosa sa panayam ng CNN.

“Hindi na pabayaan na kung may mali magpatuloy ang mali. Tayong mga mahihirap lalo tayo kinakawawa ng mga oligarch na ito, hindi pwede ‘yun, hindi fair yun, dapat pantay ang laban. Hindi ‘yung iisahan tayo porke mahirap tayo,” sambit pa nito.

Sabi ni Dela Rosa, kung mapatunayang na pinagsamantalahan ng ABS-CBN ang Sambayang Pilipino, nararapat lang aniya hindi na bigyan ito ng panibagong prangkisa.

Pero kung mapatunayan aniya sa gagawing pagdinig ng Senado sa franchise bill ng ABS-CBN, itutulak aniya na ma-renew ang prangkisa nito.

“If during the hearing ma-establish natin na itong ABS-CBN pala ay isang Santo at hindi makasalanan, so ako mismo I will push para ma-renewal ng franchise,” sabi ni Dela Rosa.

“At ako mismo ang magsasabi kay President na “Sir mukhang mali ‘yung information na dumating sa iyo, ganito ganito pala ang tama. Ako mismo hindi ko hahayaan na mangibabaw ang mali, dapat ang tama lang, you tell the truth, yang dapat ang lalabas,” dagdag pa nito. (Daris Jose)

Mga Pinoy sa cruise ship na nagpositibo sa COVID-19, umakyat pa sa 41 – DOH

Posted on: February 20th, 2020 by @peoplesbalita No Comments

Pumalo na sa 41 ang bilang ng mga Pilipinong sakay ng naka-quarantine na MV Diamond Princess cruise ship sa Yokohama, Japan ang nagpositibo sa coronavirus (COVID-19).

Anim pang Pinoy ang nakumpirmang positibo sa sakit nitong Miyerkoles, ayon sa Department of Health.
Pawang mga crew member umano ang dinapuan ng virus.

Kaugnay nito, inaayos na ng gobyerno ng Pilipinas ang pagpapauwi sa nasa 500 Pilipinong manggagawa na sakay din ng Diamond Princess.

Sabi ng DOH, ang mga walang sintomas ng COVID-19 lamang ang mga maisasama sa repatriation habang ang mga Pilipinong nagpositibo sa virus ay maiiwan sa Japan hanggang sa makarekober.

Nilinaw naman ng DOH na boluntaryo o hindi sapilitan ang pagpapauwi sa mga Pilipino kaya kung ayaw bumalik ng mga ito sa Pilipinas ay hindi nila ito pipilitin.

4 na empleyado, ayaw mag-overtime, ikinulong sa loob ng warehouse

Posted on: February 20th, 2020 by @peoplesbalita No Comments

INARESTO ang dalawang Chinese national at may-ari ng isang kumpanya matapos na ireklamo ng mga empleyado nito na “ikinulong” sa loob ng kanilang warehouse upang mapilitang mag-overtime sa Kawit, Cavite.

Kasong illegal detention ang isinampa laban kina Qinghui Qui, 37 at Bin Chen, 32, kapwa Chinese national at Operations Manager ng Dan Chang Company at kapwa stay-in sa Gold Key Construction Management Inc Warehouse sa Brgy. Toclong, Kawit, Cavite dahil sa reklamo nina Rolando Averilla, 30, may live in partner ng 106 Brgy Toclong, Kawit, Cavite; Jaime Valenzuela, 43, driver ng Brgy. Toclong, Kawit, Cavite; Ian Clark Madlangbayan, 23, helper ng Brgy. Toclong, Kawit, Cavite at Ronald Grino, 37, driver ng Brgy Carsadang Bago, Imus Cavite.

Sa reklamo ng mga empleyado kay PSSg Ernesto Dasalla Jr ng Kawit Municipal Police Station, pinilit umano sila ng mga suspek na mag-overtime sa kanilang trabaho simula noong Biyernes ng hapon sa loob ng Dan Chang Company Warehouse sa loob ng Golden Key Construction Management Incorporated sa Brgy Toclong, Kawit, Cavite at wala na silang nagawa dahil hindi na umano sila pinalabas sa kumpanya.

Ayon pa sa mga nagreklamong empleyado, natatakot din umano silang sumuway sa utos dahil baka tanggalin sila sa kanilang tarabho.

“Wala naman daw problema kung mag-overtime ang mga empleyedo kaya lang hindi naman daw sila binabayaran ng kanilang overtime pay’ ayon kay Dasalla.

Pero nitong Martes, February 18, tumawag si Averilla sa kanyang live- in partner na si Ma. Angela Burgos dahil hindi pa rin umano sila pinapalabas kaya humingi na ng tulog sa pulisya ang huli dahilan upang magsagawa ng operasyon ng Kawit police at nagresulta sa pagkakaaresto sa dalawang Chines national at pagkakasagip sa mga empleyado nito.
Pero paliwanag ni Dasalla na nasa loob lamang sila ng warehouse subalit pinagbawalang lumabas at nakakakain naman umano ang mga empleyado sa kanilang kantina. (Gene Adsuara)

Truck driver na nakapatay sa mag-ina, inaming nakagamit ng droga

Posted on: February 20th, 2020 by @peoplesbalita No Comments

Patay ang isang vendor ng pakwan at ang sanggol niyang anak, habang 12 ang sugatan nang araruhin ng isang truck ang tatlong sasakyan at isang tindahan sa Quirino Highway sa Barangay Sto. Cristo, San Jose Del Monte, Bulacan, kamakalawa.

Ayon sa imbestigasyon ng San Jose Del Monte Police, nawalan umano ng kontrol sa manibela ang drayber ng truck na si Zander Herrere Sena sa pakurba at palusong na bahagi ng kalsada.

Dahilan ito para magdire-diretso ang sasakyan sa mga tindahan sa gilid ng kalsada.

Napuruhan ang namatay na si Michelle Ramos at ang 3 buwan pa lang na anak na nagbabantay lang ng tindahan nang mangyari ang aksidente.

Nahagip din ang bahagi ng bahay ng residenteng si Dang Abaloyan pero galos lang sa paa at kamay ang kanyang tinamo.

Samantala, inamin ng driver ng truck na umararo sa ilang mga kabahayan na nagbunsod sa pagkasawi ng mag-ina sa Bulacan na ito ay gumagamit ng iligal na droga.

Ayon sa driver na si Eliazar Lumawag, na bukod sa nakagamit ito ng droga ay nawalan ng preno ang minamaneho nitong truck na pinagkargahan ng backhoe.

Dahil dito ay iniwasan niya ang jeep sa harapan niya kaya namali ito sa kanyang napasukan sa Barangay Santo Cristo, San Jose del Monte, Bulacan. (Daris Jose)

BuCor officer itinumba sa Muntinlupa

Posted on: February 20th, 2020 by @peoplesbalita No Comments

POSIBLENG may kinalaman sa personal cases ang nangyaring pananambang sa isang suspendido at dating opisyal ng Bureau of Corrections (BuCor) na pinagbabaril sa lungsod ng Muntinlupa City, kahapon, Pebrero 19, Miyerkules ng hapon.

Kaya walang dapat na ika-alarma ang pamahalaan sa insidenteng ito.

“Siguro mga personal cases ‘yun, pag mga ganung tambangan puro personal ‘yun, kung may personal siyang atraso sa isang tao eh talagang tatambangan nga siya, ganun talaga pero hindi naman alarming,” ayon kay Presidential spokesperson Salvador Panelo.

Batay sa ulat ng Muntinlupa City police, tinambangan ng dalawang hindi pa nakikilalang lalaki ang biktimang si Fredric Anthony Santos sa harap ng Southernside Montessori School sa Katihan Street sa Barangay Poblacion dakong 1:50 ng hapon.

“ Susunduin na sana ng biktima ang anak niyang babae sa eskwelahan. Bago dumating sa lugar ng insidente, dalawang hindi pa kilalang lalaki ang bumulaga at pinagbabaril siya nang malapitan,” sabi ng isang witness.

Agad namatay si Santos matapos magtamo ng tama ng bala sa ulo, ayon sa Muntinlupa Rescue Team.

Matatandaang nailagay sa kontrobersiya ang pagpapatupad ng GCTA law, na nag-aawas ng sentensiya sa mga preso, matapos maisiwalat na ibinebenta ito ng ilang opisyal.

Karaniwang iginagawad ang GCTA sa mga inmate na nagpapakita ng magandang asal sa loob ng kulungan, ngunit hindi ito maaaring ibigay sa mga nakagawa ng karumal-dumal na krimen.

Setyembre taong 2019 nang masuspinde si Santos, kasama ng 27 BuCor officials, matapos sabihin ng Office of the Ombudsman na nakakita sila ng inisyal na ebidensya pagdating sa kwestyonableng pagpapalaya sa 1,914 heinous crime convicts sa pamamagitan ng Good Conduct Time Allowance (GCTA) law.

Dati nang umamin si Santos hinggil sa katiwaliang nangyayari sa loob ng Bilibid, ngunit nagtuturuan sila ng noo’y BuCor chief Nicanor Faeldon pagdating sa iligal na release ng mga inmates.

Ikino-connect ang isyu na si Santos ang sinasabing nag-hikayat kay dating Bureau of Corrections (BuCor) chief Nicanor Faeldon na dapat I report ‘yung mga, Chiong case.

“Irrelevant naman ‘yun eh. If you have a personal conflict with any person of a group of persons, yun lang naman ang problema mo,” ani Sec. Panelo.

Hindi naman naniniwala si Sec. Panelo na isa itong setback dahil sa pagnanais na ilabas ang katotohanan ay dumating naman ang pananambang kay Santos.

“No, because people will always reveal certain truths about their agencies/offices. Lalabas at lalabas yan. Di lahat ng tao kasama sa mga conspiracy on corruption,” anito.

Para sa Malakanyang ang insidenteng ito ay “Kung ano ang sabihin ng mga pulis, kung ano ang… syempre imbestigahan muna nila iyun. “

Samantala, mariing kinondena naman ng Malakanyang ang nangyaring pananambang kay Santos.

“We condemn any act of violence, palagi kaming ganyan. As a matter of policy, we condemn any transgressions of law, any violation inflicted on any person, any murder, we condemn that,” ayon kay Sec. Panelo. (Daris Jose)

GMRC, IBALIK

Posted on: February 20th, 2020 by @peoplesbalita No Comments

IBA na talaga ang kabataan ngayon. Ang dating madaling kausap, mahirap nang intindihin. Kung gaano kahirap pangaralan, ganu’n naman kadaling maimpluwensiyahan.

Bagama’t, hindi naman kailangang lahatin, pero meron talagang mga pasaway at nakalimutan na ang kagandahang-asal. Ito ang dahilan kung bakit isinusulong ang pagbabalik ng asignaturang Good Manners and Right Conduct (GMRC) sa elementarya at hayskul — sa pribado o pampublikong eskuwelahan man.

Sa ngayon, aprubado na sa ikatlong pagbasa sa Senado ang nasabing panukala. Sa ilalim ng Comprehensive Values Education Act, ang mga estudyante sa primary level ay obligadong dumalo sa 30-minutong klase kada araw para sa GMRC.

Habang ang mga junior at senior high school naman ay may isang oras na klase sa values education dalawang beses kada linggo.

Kaugnay nito, sana, bigyan din ng pansin ang kakulangan sa mga guidance counselor. Sila ang pinakatamang tao para magbigay-gabay sa mga estudyante. Ang guidance counselor ang bumubuo ng guidance program na ipalalaganap sa buong paaralan kung saan magpapatupad sila ng iba’t ibang guidance services.

Ito ang solusyon sa iba’t ibang suliranin ng mag-aaral mula sa absenteeism, cutting classes, iligal na gawain, mental at emosyunal na kalusugan.

Bagama’t, naniniwala tayong ang kagandahang-asal ay nagsisimula sa bahay, hindi naman lahat ng bahay ay maituturing na tahanan. Hindi lahat ay may mapagmahal at responsableng mga magulang kaya may mga anak na sa ibang lugar at ibang tao hinahanap ang masasabing pamilya.

At ang eskuwelahan, bilang isa sa maituturing na pangalawang tahanan ay may pagkakataon na matulungan at magabayan ang kabataang nalilihis ng landas.

Ang kalahati o isang oras na pagkilala at pakikinig sa kanila ay napakalaking tulong na.