2020 March 13 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 13th, 2020

Lockdown sa PSC, RMSC, Philsports

Posted on: March 13th, 2020 by @peoplesbalita No Comments

PARA masiguro na mapigilan ang paglaganap ng Novel Cornavirus Disease (COVID- 19), minabuti ng Philippine Sports Commission (PSC) na pansamantalang isasara ang tanggapan sa Maynila at Pasig upang isailalim sa sanitation ngayong araw (Biyernes, Marso 13).

Walang pasok ang mga empleyado at pansamantalang hindi muna ipagagamit sa publiko ang mga sports facilities sa Rizal Memorial Sports Complex sa Maynila sa Philsports Complex sa Pasig.

“The PSC will implement a preventive closure tomorrow to undertake sanitation procedures in all its facilities in Manila and Pasig, in light of the World Health Organization (WHO)-declared COVID-19 pandemic,” bahagi ng anunsiyo na ipinalabas ng PSC.

Ngunit, siniguro rin ng tanggapan na babalik sa Lunes, Marso 16 ang operasyon ng naturang ahensiya ng gobyerno at patuloy na maglingkod sa mga atletang Pinoy.

“In this light, the public is advised that work is suspended tomorrow, March 13, as the different offices will also undergo sanitation. Work will resume on Monday, March 16. We advise everyone to be pro-active in ensuring their safety and good health,” anila.

Noong nakaraang buwan lamang nang magdesisyon si PSC Chairman William ‘Butch’ Ramirez na kanselahin lahat ng mga nakahanay na laro at aktibidades sa ilalim ng kanilang pamamahala, upang masiguro ang kaligtasan ng mga atleta, coaches at sports officials, gayundin ang publiko.

Kabilang sa mga kinasela ng PSC ay ang Philippine National Games (PNG), Batang Pinoy, National Sports Summit, at ilan pang mga pagpupulong.

Mabuti ‘yan, siguraduhin ang kaligtasan ng mg empleyado para mas maging epektibo silang manggagawa ng bansa.

Babala sa hoarders: 15 taong kulong, P2M multa ipapataw

Posted on: March 13th, 2020 by @peoplesbalita No Comments

PlNASASAMPOLAN ng isang lider ng Kamara de Representantes ang mga hoarder ng alkohol at iba pang produkto na lalo lamang magpapasama sa kalagayan ng bansa ngayong kumakalat na ang coronavirus disease.

Ayon kay House committee on trade and industry chairman at Valenzuela Rep. Wes Gatchalian sa ilalim ng Price Act ang mga hoarder ay maaaring makulong ng lima hanggang 15 taon, at multang P5,000 hanggang P2 milyon.
“I have received reports that some basic goods in major supermarkets, like alcohol, masks, instant noodles, and canned goods are out of stock for a period of time now. This, despite reports from manufacturers that the supply of goods is enough to meet the increased demand caused by the public health crisis faced by the country, raising concerns of hoarding,” ani Gatchalian.

Sinabi ni Gatchalian na hindi lamang ang sarili ang dapat na intindihin kundi maging ang kapakanan ng iba, marami sa kanila ay sapat lamang ang panggastos sa pang-araw-araw na pangangailangan.

“Let us not purchase more than what we need in order to afford others who have the same need as you and I. Our collective effort is needed if we are to survive this crisis as one nation,” dagdag pa ng solon.

Sa ilalim ng Price Act (RA 7581) ay ipinagbabawal ang labis na pag-iimbak ng mga basic commodity upang pataasin ang presyo nito.

Kaugnay nito, maging ang Palasyo ay kaisa sa mungkahing ito kung saan ayon kay Presidential Spokesman Salvador Panelo, papatawan ng kaukulang parusa ang sinumang magsasamantala sa sitwasyon ngayon dahil nakalilikha lamang ito ng pagtataas sa presyo ng mga bilihin.

Ayon kay Panelo, hindi rin sasantuhin ng Palasyo ang mga reseller na nagbebenta ng sobra-sobrang presyon sa mga basic commodoties. (Ara Romero)

P2-M ecstasy, naharang sa NAIA; Kukuha ng parcel, timbog

Posted on: March 13th, 2020 by @peoplesbalita No Comments

NASABAT ng Bureau of Customs-NAIA sa koordinasyon ng Philippine Drug Enforcement Agency (PDEA) at Ninoy Aquino International Airport Inter-Agency Drug Interdiction Task Group (NAIA-IADITG) ang dalawang parcel na naglalaman ng halos P2 milyong halaga ng ecstasy pills sa Central Mail Exchange Center (CMEC) sa Pasay City.

Pawang mga galing sa Leusden, Netherlnds ang mga parcel na idineklarang “bags of candy”.

Sa isinagawang ekasaminasyon natuklasan na ang ang 4 na clear plastic sealed ay naglalaman ng hinihinalang ecstasy tablets na nakalagay naman sa caramel candy bags.

Sa laboratory results na isinagawa ng PDEA, lumabas na positibo na ecstasy ang laman ng nasabing mga parcel. Kinilala ang suspek na si Kim Fuentes mula sa Makati City na naaresto habang kini-claim nito ang parcel.

Itinurn-over na sa PDEA ang consignee at ecstasy para sa inquest proceedings para sa paglabag ng Comprehensive Dangerous Drugs Act na may kaugnayan sa pagbabawal sa pag-import, Goods Liable for Seizure and Importation at Customs Modernization and Tarrif Act (CMTA)

Bagunas biyaheng Japan, bagong kontra inilatag

Posted on: March 13th, 2020 by @peoplesbalita No Comments

MULING masisilayan si dating UAAP MVP Bryan Bagunas sa aksiyon sa Japan Volleyball Premier League dahil panibagong kon-trata ang ibibigay sa kanya ng Japanese club team na Oita Miyoshi.

Ito ang isiniwalat ni Bagunas matapos magsilbing import ng Oita Miyoshi sa nakalipas na 2019 season.

“Sinabi sa akin ng team na kukunin nila ulit ako so next season nandoon ulit ako sa Japan. Marami akong natutunan sa Japan na gusto ko rin sanang i-share sa Pilipinas lalo na sa national team,” ani Ba-gunas na ginawaran ng Mr. Volleyball award sa PSA Awards Night.

Masaya rin si Bagunas dahil pinahihintulutan ito ng kanyang club team na bumalik sa Pilipinas sakaling kailanganin nitong maging miyembro ng national team.

Nakapaglaro si Bagunas sa national squad noong 2019 Southeast Asian Games sa Maynila kung saan nasungkit ng mga Pinoy Spikers ang pilak na medalya.

“Thankful ako dahil napakabait ng owner ng team. Sinabi niya na papayagan daw niya ako maglaro basta may league ang national team,” ani Bagunas.

Ilan sa mga lalahukan ng national team ang 2020 Asian Men’s Club Volleyball Championship sa Nakhon Ratchasima, Thailand sa Abril at ang 2020 AVC Cup sa Nay Pyi Taw, Myanmar sa Agosto.

“Iba talaga ang training sa Japan. Sobrang disiplinado nila, marami ka talagang matututunan lalo na sa techniques sa volleyball,” ani Bagunas.

OA SA PANIC-BUYING

Posted on: March 13th, 2020 by @peoplesbalita No Comments

KALAT nasocial media ang mga insidente ng panic- buying kung saan nagkakaubusan na raw ng suplay ng alcohol, hand sanitizer, tissue, face mask at iba pa sa gitna ng outbreak ng Coronavirus Disease 2019 (COVID-19).

Kaugnay nito, agad na umapela ang gobyerno sa publiko na iwasan ang pagse-share ng mga hindi beripikadong impormasyon dahil magdudulot lamang ito ng panic.

Tiniyak din ng Department of Trade and Industry (DTI) sa taumbayan na hindi kailangang mag-hoard ng alcohol dahil hindi naman nagkaroon ng production stoppage sa mga ito.

Anila, mauubos ang pera ng mamimili, pero hindi ang suplay ng alcohol. Kaya mamili lang ng kailangan para sa isang linggo o pinakamatagal na ang isang buwan.

Pinayuhan na rin ang mga supermarket na limitahan ang pag-display ng mga produkto para hindi mag-hoard ang mga mamimili, pero huwag sanang hayaan na may mabakanteng estante dahil dito nagsisimula ang maling akala, tipong ‘pag nakita ng mga mamimili na wala nang display, iisipin nilang wala nang stock na nauuwi na sa panic.

Isa pang epekto ng panic-buying ay nagkakaroon ng pagkakataon ang mga abusado at sugapa sa pera na pagkakitaan ang sitwasyon. Magho-hoard saka ibebenta sa mas mataas na presyo sabay tatakutin ang buyer na kesyo lalo pang magmamahal hanggang sa wala nang mabili, ang tindi n’yo po.

Kaya ngayong nagbigay naman ng garantiya ang DTI na sapat ang suplay sa merkado ng essential items, huwag nang mag-panic. Huwag nang magpaloko sa mga nag-aalok ng alcohol sa hindi makatarungang halaga.

Try kaya nilang ipaligo hanggang sa luminis ang kanilang konsensiya? Tablan sana. Panawagan naman natin sa kinauukulan, turuan ng leksiyon ang mga mapagsamantala. Tuwing may problema sa bansa ay nakikisabay din sila na para bang nakakakita ng oportunidad para makapanlamang ng kapwa. Mahiya naman kayo!

Fernando sa publiko: Manatiling kalmado sa gitna ng health emergency

Posted on: March 13th, 2020 by @peoplesbalita No Comments

LUNGSOD NG MALOLOS- Kasunod ng anunsyo ng Kagawaran ng Kalusugan na umakyat na sa 33 ang kumpirmadong kaso ng COVID-19 sa bansa, kung saan kabilang ang isang Bulakenyo mula sa Lungsod ng San Jose del Monte, Bulacan, itinuloy ni Gob. Daniel R. Fernando ang suspensyon ng klase sa lahat ng antas, pampubliko at pribadong paaralan, mula kahapon hanggang Marso 14,2020, Sabado.

Umapela din ang gobernador sa publiko na manatiling kalmado sa gitna ng kinakaharap na health emergency dahil sa banta ng nasabing sakit na mabilis na kumakalat, at hinikayat ang lahat na magdasal.

“Tayo ay nagsasagawa ng contact tracing alinsunod sa direktiba ng Department of Health at Bulacan Provincial Health Office-Public Health kasama ang City Health Office of San Jose Del Monte upang matukoy ang mga nakasalamuha ng pasyente at magsagawa ng patuloy na beripikasyon. Ang mga estudyante ay mag-aral pa rin sa kani-kanilang mga bahay,” ani Fernando.

Aniya, wala siyang ibang hangad kundi masiguro ang kalusugan at kaligtasan ng mga Bulakenyo kung kaya naman gagawin ng Pamahalaang Panlalawigan ng Bulacan ang lahat upang proteksyunan ang mga residente, dahilan upang ipagbawal pansamantala ang mga malakihang pagtitipon.

Bago ito, pinirmahan ng gobernador ang Memorandum GO DRF031020-91 na nag-aatas sa mga punong bayan at lungsod, health worker at mga kapitan ng barangay upang mahigpit na ipatupad an mga angkop na hakbang upang makaiwas sa COVID-19 gaya ng nakasaad sa Proklamasyon Blg. 922 at alinsunod sa Republic Act No. 11332 o ang Mandatory Reporting of Notifiable Diseases and Health Events of Public Health Concern Act.

Hinihilingan ang mga punong bayan at lungsod at mga kapitan na isagawa ang Sustained Inter-agency coordination, pagsiguro sa back up systems to address surge capacity, at establish logistic management system habang ang mga health worker ay inaatasang panatilihing maalam ang publiko upang mabawasan ang takot at pangamba.

Dagdag pa rito, muli ding pinaalalahanan ng Provincial Health Office-Public Health ang mga mamamayan hinggil sa kahalagahan ng personal na mga paraan ng pag-iwas sa sakit gaya ng tama at palagiang paghuhugas ng kamay, pag-ubo at pagbahing ng tama, pag-iwas sa matataong lugar at tamang paraan ng pagluluto.

Samantala, sa isinagawang media briefing ng Kagawaran ng Kalusugan, sinabi ni Asec. Ma. Rosario Vergeire na ang mga kumpirmadong kaso ay ipinasok sa iba’t ibang ospital kabilang na ang San Lazaro, RITM, Makati Medical Center, Saint Luke’s BGC at Quezon City, The Medical City, Jose N. Rodriguez, Cardinal Santos, Lung Center, at ang mga repatriated na pasyente ay nasa New Clark City. (Bishop Jesus “Jemba” M. Basco)

Pangulong Duterte at Senator Bong Go, sumailalim sa COVID-19 test

Posted on: March 13th, 2020 by @peoplesbalita No Comments

TAPOS na ang COVID-19 test kina Pangulong Rodrigo Duterte at Sen. Bong Go.

Sinabi ni Sen. Go, alas 5pm kahapon nang kunan sila ng swab sample sa Bahay Pagbabago sa PSG Compound.
Nais umano nilang makatiyak na negatibo sila sa virus matapos makahalubilo nila kamakailan ang isang nagpositibo sa COVID-19.

Hinihintay pa ang resulta ng nasabing laboratory test kina Pangulong Duterte at Sen. Go.

Binigyang diin ngayon ni Presidential Spokesman Salvador Panelo na walanga numang sintoma ng coronavirus disease (COVID-19) ang Pangulong Rodrido Duterte.

“While PRRD and Senator Go do not have the symptoms of the virus, they have opted to undergo the test to ensure that they are fit and healthy to perform their duties as government workers,” ani Panelo.

“They are undertaking this pre-emptive step as per advice of health officials given that they have regularly engaged with Cabinet officials, some of whom have opted to undergo self-quarantine as they were exposed to those infected with #COVID19.”

Una rito kinumpirma ni Sen. Go na sasailalim sa coronavirus disease testing ang Pangulong Duterte.

Sinabi ng dating aide ito raw ang napagpasyahan ng Pangulo matapos na ianunsiyo ng ilang mga cabinet members na sasailalim sila sa self-quarantine makaraang makasalamuha ang mga nagpositibo sa COVID-19.

Ayon pa sa senador, sumailalim sila sa pagsusuri para matiyak na sila ay “fit and healthy” na makasalamuha ng publiko.

“We are doing this to ensure that we are fit and healthy to engage the public and perform our duties in the coming days and weeks. As always, the President and I remain ready to serve and die for the Filipino people,” wika pa ni Go sa statement.

NBA SEASON TIKLOP, GOBERT POSITIBO SA COVID-19

Posted on: March 13th, 2020 by @peoplesbalita No Comments

HINDI na rin nakaligtas ang National Basketball Association (NBA) sa bilis ng COVID-19.

Sinuspinde na rin ng liga, “until further notice”, ang lahat ng mga laro ngayong season sa gitna na rin ng paglaganap ng coronavirus disease na tinagurian ngayong pandemic.

Ang nakakagulat na hakbang ng pamunuan ng NBA ay matapos na ipatigil ang laro sana kahapon (Huwebes sa Manila) sa pagitan ng Utah Jazz at Oklahoma City Thunder makaraang magpositibo sa COVID-19 ang NBA All-Star na si Rudy Gobert ng Jazz.

Bago ang hindi inaasahang desisyon, nagpulong sa pamamagitan ng teleconference ang lahat ng team owners at majority ang sumang-ayon na magsagawa ng mga laro via ‘closed door’.

“The NBA is suspending game play following the conclusion of tonight’s schedule of games until further notice,” the league said in a statement sent shortly after 9:30 p.m. EDT. “The NBA will use this hiatus to determine next steps for moving forward in regard to the coronavirus pandemic,” ayon sa opisyal na pahayag ng NBA.

Lumabas ang resulta ng medical test ilang minuto bago ang tip-off sa laro ng Utah sa Oklahoma City. Nagpapapawis na ang mga players sa ‘warmups’ nang pabalikin sa locker room. Matapos ang 30 minuto, pormal nang ipinahayag ang kanselasyon ng laro “due to unforeseen circumstances.”

“It’s a very serious time right now,” pahayag ni Miami Heat coach Erik Spoelstra. “I think the league moved appropriately and prudently and we’ll all just have to monitor the situation and see where it goes from here.”
Nagpalabas ng pahayag ang Jazz hingil sa player na nagpositibo, ngunit hindi nila ito pinangalanan. Inilabas ng AP ang pangalan ni Gobert batay na rin sa dalawang mapagkakatiwalaang source.

“The individual is currently in the care of health officials in Oklahoma City,” ayon sa Jazz management.
Nito ring Miyerkoles, idineklara ng World Health Organization (WHO) na isa nang ‘pandemic’ ang COVID-19.
“This is crazy,” pahayag ni Cleveland forward Tristan Thompson sa kanyang Twitter.

Lubos naman ang pag-aalala ni Dallas Mavericks owner Mark Cuban sa kanyang matandang ina nang matanggap ang balita.

“This is a global pandemic where people’s lives at stake,” sambit ni Cuban. “I’m a lot more worried about my kids, and my mom is 82 years old, and talking to her, and telling her to stay in the house, than I am about when we play our next game.”

Dahil dito maging ang mga players ng dalawang team ay isasailalim na rin sa quarantine.

Bago ito sa darating na Sabado sisimulan na sanang ipatupad ang unang NBA games na walang mga live fans.
Sa ngayon wala pang pahayag ang NBA kung kelan magbabalik ang mga laro lalo na at nalalapit na sana ang NBA playoffs.

Samantala, umani nang pagkadismaya ang desisyon ng NBA na pansamantalang munang isuspinde ang natitirang mga laro ngayong season sa gitna na rin ng paglaganap lalo ng coronavirus pandemic.

Idinaan ni Lakers star LeBron James ang reaksiyon sa kanyang Twitter account sa pagsasabing ang “dapat kanselahin ay ang taong 2020.”

Hindi naitago ni Jameas ang hirap na kanilang dinanas sa nakaraang tatlong buwan bilang unang team na makapasok sa playoffs sa Western Conference.

Kasabay nito, ipinaabot din ng NBA’s assist leader ang pagdarasal na sana maging ligtas ang lahat.
“Man we cancelling sporting events, school, office work, etc etc. What we really need to cancel is 2020! Damn it’s been a rough 3 months. God bless and stay safe,” pahayag pa ni LeBron.

Ang may-ari ng Mavs na si Mark Cuban ay nalaman ang suspension ng NBA season noong kasagsagan ng laro ng Mavericks.

Sa una ay sa akala niya ay hindi ito mangyayari, pero sa huli ay sumang-ayon ito sa masaklap na desisyon dahil para naman ito sa kabutihan ng lahat dahil nakasalalay dito ang buhay.

“This is people’s lives at stakes. This isn’t about basketball, this isn’t about the Maverick,” wika pa ni Cuban. “This is a pandemic, a global pandemic where people’s lives are at stake.”

WHO idineklarang ‘pandemic’ ang COVID-19

Posted on: March 13th, 2020 by @peoplesbalita No Comments

SINABI ng World Health Organization (WHO) na hindi dapat ipagsawalang-bahala ang pagiging pandemic ng sakit.

Noong kasagsagan ng pagdami ng tinatamaan ng sakit na SARS hindi idineklara ng WHO na ito ay nasa pandemic level.

Huling ginamit ng WHO ang deklarasyon ng “pandemic” sa 2009 H1N1 o swine flu outbreak, pero binawi rin ang deklarasyon kalaunan.

Kinategorya ng World Health Organization ang outbreak ng new coronavirus bilang pandemic, ayon kay WHO Director General Tedros Adhanom Ghebreyesus.

“We are deeply concerned both by the alarming levels of spread and severity and by the alarming levels of inaction. We have therefore made the assessment that COVID-19 can be characterized as a pandemic,” aniya sa isang news conference.

Maaalalang noong Enero 30, idinekalra ng WHO ang public health emergency kung saan ilang bansa na rin ang nagpositibo sa kaso ng COVID-19.

Sa ngayon, mayroong 118,000 kaso sa 114 bansa at 4,291 na ang nasawi.

Samantala, inaasahan pang tataas pa ang naturang bilang dahil sa malawakang pagkalat nito sa iba’t ibang bahagi ng daigdig.

Apektado na kasi ng virus ang 6 kontinente sa mundo, o aabot sa higit 100 bansa.

“There are now more than 118,000 cases in 114 countries, and 4,291 people have lost their lives,” ani ng WHO director Tedros Adhanom Ghebreyesus.

Pero paano nga ba humantong sa pandemic ang naturang virus—na nagmula sa Wuhan City sa Hubei Province ng China—at ano ang malawakang ibig sabihin nito?

Ayon sa WHO, ang pag-deklara sa COVID-19 bilang pandemic ay walang kaakibat na bagong funding at hindi rin magsusulong ang anunsiyo ng bagong protocols, bagkus, isa lamang itong pagkilala sa bagsik ng pagkalat ng virus.
Matagal iniwasan ng WHO na tawaging pandemic ang sakit, lalo’t maaari raw itong magdulot ng panic kapag hindi wastong nagamit.

“Pandemic is not a word to use lightly or carelessly. It is a word that, if misused, can cause unreasonable fear, or unjustified acceptance that the fight is over, leading to unnecessary suffering and death,” babala ni Ghebreyesus.
Kasabay ng deklarasyon ng WHO, sinabi ng Department of Health (DOH) na pinaghahandaan na nila ang mga susunod na hakbang para hindi na lalong kumalat ang sakit sa Pilipinas.

“Kahit noong isang araw pa, nag-uusap na ang mga ahensya para sa iba pa pong stratehiya para maitaas natin ang antas ng pagresponde,” sabi naman ni Health Assistant Secretary Maria Rosario Vergeire.

“Kasama na po d’yan ang pagtingin natin doon sa mga [travel] restrictions natin from other countries na may mga localized transmissions,” dagdag niya.

Ads March 13, 2020

Posted on: March 13th, 2020 by @peoplesbalita No Comments