Umaasa pa rin ang kampo ni Sen. Manny Pacquiao na makakalahok pa rin sa kahit isang laban ang 8-division world champion bago matapos ang taong kasalukuyan.

Pero aminado si Sean Gibbons, presidente ng MP Promotions, malabo pa rin sa ngayon na makapagsagawa sila ng laban bunsod ng patuloy na pagtaas ng mga kaso ng coronavirus disease 2019 (COVID-19) sa Estados Unidos.

“You got to remember there are a lot of things that have to happen. And first off all, COVID-19 rapidly needs to slow down,” wika ni Gibbons.

Inamin din ni Gibbons na nananatiling top market ang US para sa isang Pacquiao fight, kahit na naghayag ng interes ang Saudi Arabia na mag-host ng laban ng Fighting Senator bago pa man ang pandemya.

“If they (Saudi Arabia) would come around, that would be good for the senator because he really wouldn’t have to miss that much time like he does when he comes to the U.S.,” anang matchmaker.

Maliban dito, isa rin sa kanilang mga konsiderasyon ang schedule ng senador.

“His time to fight is generally July-January, July-January due to his schedule in the Senate,” ani Gibbons.

Huling nakipagbakbakan si Pacquiao noong nakaraang taon nang magwagi ito sa pamamagitan ng split decision kontra sa dating walang talo na si Keith Thurman.

Nanganganib na matatagalan bago makapaglaro si Sacramento Kings center Marvin Bagley III dahil sa injury.

Nagtamo kasi ito ng injury sa kanang paa noong kasagsagan ng ensayo sa Florida.

Agad na itong sumailalim sa MRI at hinihintay pa ng koponan ang resulta nito.

Ito na ang pangalawang injury ni Bagley dahil noong Disyembre ay nagtamo ng left midfoot sprain sa laban nila ng Phoenix na nagdulot sa hindi niya paglalaro ng 21 laro.

Mayroong average ito ng 14.2 points at 7.5 rebounds sa Kings at naging number 2 overall pick sa 2018 NBA Rookie Draft.

Kilala si dating six division world champion Oscar de la Hoya na hindi umaatras sa hamon, mentalidad na dala pa rin nito hanggang ngayon sa edad na 47.

Nagpahayag si De la Hoya na muling babalik sa boksing upang lumaban at target umano nitong makasagupa ang tigasin nitong alagang si Saul “Canelo” Alvarez.

Hindi ko aatrasan ang pagkakataon na makasagupa sa aking planong pagbabalik sa ring si Alvarez,” ani De la Hoya.
Matatandaang huling lumaban si De la Hoya noong 2008 nang talunin ito ni eight division world champion Manny Pacquiao via technical knockout sa eight round na nagresulta sa kanyang pagreretiro.

Naengganyo umanong bumalik sa ring si De la Hoya matapos makita ang magandang kondisyon ni dating heavyweight champion Mike Tyson na lalabang muli sa isang exhibition fight sa edad na 54.

“Pakiramdam ko kaya  ko pang lumaban matapos mamahinga ng 12 years,” ani De la Hoya.

NAKAILANG sesyon na po ang inyong lingkod sa jog-run na sinimulan ko noong Mayo.

Kahapon ng umaga, naka-30 minutes ako.

May kahirapan ang may nakakabit na face mask kapag nag-i-sprint ka, run o kahit jog lang.

Kaya ang ginagawa ko po kung walang katabi, kasalubong o masasalubong na tao sa tinatahak kong lansangan, binababa ko nang kaunti mask hanggang sa lumabas ang kapirasong butas sa ilong.

Pero binabalik ko agad ang face mask kapag may nakikita na akong makakasalubog na tao, kahit sasakyan pa para masiguradong proteksyon sa coronavirus disease 2019.

Kakambal na dear marathoners, runners ang face mask sa ating training at kapag nagbalik na ang mga road race.

Kahit po mahirap mag-face mask para iwas Coronavrus Disease 2019.

***

Kagaya po ninyo, dinadalangin kong matapos na ang Covid-19 hindi lang sa ating bansa, kundi sa sandaigdigan para mabalik na sa normal ang lahat, kabilang na ang sports events.

Mag-ingat po tayo araw-araw, panatilihin pong malakas ang ating katawan at kalusugan.

***

Kung may itatanong o reaksiyon po kayo, mag-email lang po sa jeffersonogriman@gmail.com.

Hanggang bukas uli mga ka-People’s BALITA. (REC)

Pinag-aaralan ngayon ni dating NBA superstar Kevin Garnett ang posibilidad ng pagbili sa franchise ng Minnesota Timberwolves kasama ang grupo ng mga investors.

Ito’y matapos na aminin ni Timberwolves owner Glen Taylor na kanya raw pinag-iisipan at sinusuri ang ilang mga opsyon kaugnay sa pagbenta sa kanyang koponan.

Sinabi pa ni Taylor na marami ring mga grupo ang nanliligaw para mabili ang team, pero binigyang diin nito na hindi niya raw ibebenta ang koponan sa mga nagnanais na alisin ito sa Minneapolis.

“I was recently approached by The Raine Group to discuss the future of our franchise,” ani Taylor. “From the time I bought the team in 1994, I have always wanted what’s best for our fans and will entertain opportunities on the evolution of the Timberwolves and Lynx ownership structure.”

“People have inquired who are interested but they want to move the team,” giit ni Taylor. “They are not a candidate. We’ve made that very clear.”

Sa isang social media post, sinabi ni Garnett na umaasa siya na mapapasakamay niya ang franchise ng koponan.

“I’m part of one of the groups trying,” saad ni Garnett sa Instagram. “Lawd please let my group get this.”

Kung maaalala, isinuot na rin ni Garnett ang uniporme ng Minnesota mula 1995 hanggang 2007, at sa pagbalik nito sa team noong 2015 hanggang sa magretiro na ito noong 2016.