2020 August 06 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for August 6th, 2020

P15B sa Philhealth naglaho parang bula – Keith

Posted on: August 6th, 2020 by @peoplesbalita No Comments

Aaabot sa ₱15 billion ang ninakaw umano ng mga opisyal ng Philippine Health Insurance Corporation (PhilHealth) sa ahensya gamit ang iba’t-ibang maanolmalyang paraan, ayon sa dating opisyal nito.

Ayon sa nagbitiw na anti-fraud legal officer Thorrsson Montes Keith, naniniwala siyang ito ang halaga na ninakaw ng mga umano’y mafia sa ahensya.

“Naniniwala po ako na ang dahilan kung bakit hindi natatapos ang korapsyon sa PhilHealth at naging kultura na po nito, ay ang pagtatalaga ng mga sindikato o mafia ng kanilang kasamahan, kasabwat o kapwa sindikato sa mga matataas na posisyon na nakakatulong sa kanilang iligal operasyon,” ani Keith

Inaakusahan ni Keith si PhilHealth President at CEO Ricardo Morales na inuutusan siya nitong ipaamyenda kay Presidential Anti-Corruption Commission Commissioner Greco Belgica ang nakabinbin na kaso kaugnay sa overpriced COVID-19 testing kits.

Aniya, itinutulak din siya nitong i-endorso ang overpriced IT budget items na nagkakahalaga ng ₱750 million.

Una nang binanggit ni Sen. Panfilo Lacson ang mga umanoy sangkot sa nasabing korapsyon sa ahensya kung saan inakusahan niya ang mga ito na nagmamanipula sa financial records ng PhilHealth sa kabila ng pagbabago sa mga nangunguna rito.

Ayon sa senador na kinabibilangan umano ito nina Legal Sector Senior Vice (SVP) President Atty. Rodolfo del Rosario, SVP for Health Finance Policy Sector Dr. Israel Pargas, Corporate Secretary Jonathan Mangaoang at Management Services Sector SVP Dennis Mas. (Daris Jose)

400 AFP medical reservist ‘ire-recall for active duty’ para tumulong sa COVID fight

Posted on: August 6th, 2020 by @peoplesbalita No Comments

Ire-recall na for active duty ng Armed Forces of the Philippines (AFP) ang nasa 380 medical reservists para tumulong sa laban ng Pilipinas kontra COVID-19.

Ipinag-utos kasi ni Defense Secretary Delfin Lorenzana kay AFP chief of staff Lt. Gen. Gilbert Gapay na i-recall to active duty ang kanilang mga medical reservists kung hindi pa nagseserbisyo ang mga ito.

Sa oras na matukoy na aniya ang mga pwedeng maging active sa serbisyo ay kaagad nila itong irerekomenda kay Pangulong Rodrigo Duterte para maaprubahan.

Maliban sa mga military medical reservist ay mayroon ding 5,368 AFP enlisted personnel na nasa medical training para tumulong sa pagkontrol ng deadly virus.

Dagdag pa ni Lorenzana, pagbubutihin umano ng defense department ang mga AFP medical facilities para gawing reserve hospital kapag napuno na ang mga ospital sa labas ng mga kampo.

Sinabi naman ng bagong AFP chief of staff, buong gobyerno na ang gumagawa ng mga hakbang para labanan ang pandemic.

Actuarial life ng PhilHealth 1 taon na lang – opisyal

Posted on: August 6th, 2020 by @peoplesbalita No Comments

Mula sa mahigit 10 taon, isang taon na lamang ang actuarial life ng Philippine Health Insurance Corporation (Philhealth).

Ito ang inamin ni Philhealth Senior Vice President for Data Protection Office Nerissa Santiago sa pag-arangkada ng pagdinig ng Senate committee of the whole kahapon.

Ayon kay Santiago, posibleng hindi na sila makapagbigay ng benepisyo sa mga miyembro nito sa 2022.

Sa pagtatanong ni Senate Minority Leader Franklin Drilon, sinabi ni Santiago na sa kanilang pagtaya, sa pagtatapos ng taon ay aabot na sa P90 bilyon ang kanilang losses at sa pagtatapos ng 2021 ay aabot na sa P147 bilyon.

Iginiit ni Santiago na kung hindi sila mabibigyan ng karagdagang subsidiya ng gobyerno ay posibleng hindi na kayanin pa ng Philhealth ang pagkakaloob ng mga benepisyo.

Sa naturang pagdinig, dinikdik din ng mga senador ang mga opisyal ng PhilHealth kaugnay sa sinasabing anomalya sa kanilang tanggapan.

Kinuwestyon ni Senador Panfilo Lacson ang umano’y maanomalyang pagpapalabas ng advance na pondo para sa ilang medical facilities, kabilang ang dialysis centers at mga maternity package sa ilalim ng Internal Reimbursement Mechanism na para sana sa COVID-19 treatment.

Ilan sa tinukoy ni Lacson ang pagpapalabas ng kabuuang P45.176 milyon sa B. Braun Avitum Philippines Free Standing Dialysis Center, gayundin ang P226.38 milyong maternity package.

Nilinaw naman ng mga opisyal ng Philhealth na binigyan ng pondo kahit ang mga non-COVID-19 patients dahil nakasaad sa kanilang programa na lahat ng ospital na may pending claim ay dapat mabigyan.

Ibinunyag din ni Senador Francis Tolentino na nakatanggap sila ng impormasyon na ilang pagamutan, partikular sa lalawigan ng Cebu, ang idinedeklarang may COVID-19 ang kanilang pasyente kahit wala para lang makasingil sa Philhealth.

Kinuwestyon din ni Lacson ang mga opisyal ng PhilHealth sa pagbili ng umano’y overpriced na network switch layer.

Sa datos na iprinisinta ni Lacson, noong 2019 ay bumili ang Philhealth ng switches sa halagang P4.81 milyon gayong ang market price nito ay P939,360 lamang o overpriced ng P3.87 milyon.

Subalit kahit nakaimbak pa sa bodega ang mga equipment na ito ay muli umanong binalak ng ahensya na bumili ng karagdagang switch.

Naging mainit din ang pagtatanong ni Tolentino hinggil naman sa mga opisyal ng Philhealth na una nang pinagbibitiw ni Pangulong Rodrigo Duterte.

Inamin ni Philhealth President and CEO Ricardo Morales na hindi niya ipinatupad ang mga resolution kaugnay sa pagpapa-resign sa mga opisyal ng ahensiya dahil posible aniyang maparalisa ang kanilang operasyon.

Ipinaalala ni Tolentino na pinagbibitiw ang ilang opisyal ng Philhealth dahil sa isyu ng katiwalian subalit sa halip na ipatupad ang kautusan ay nabigyan pa ng promosyon ang mga ito.

Itinanggi naman ito ni Morales at iginiit na wala rin namang naihaing kaso laban sa mga opisyal ng PhilHealth kaya nanatili ang mga ito sa kanilang pwesto. (Ara Romero)

400 traffic enforcers, itinalagang COVID-19 safety marshals ni Yorme

Posted on: August 6th, 2020 by @peoplesbalita No Comments

“Alam ko ang sinasaway niyo lang ay driver, pero simula sa araw na ito, ang sasawayin niyo na ay taumbayan.”

Ito ang binitiwang salita ni Manila Mayor Isko Moreno Domagoso sa 400 traffic enforcers ng Manila Traffic and Parking Bureau (MTPB) na itinalaga nitong COVID-19 safety marshals sa lungsod.

Hinarap ng alkalde ang mga itinalagang COVID-19 safety marshals sa Kartilya ng Katipunan ngayong umaga kung saan sinabi nito na sila ang magsisilbing katuwang ng kapulisan at mga opisyal ng barangay sa pagpapatupad ng “health protocols” sa ilalim ng umiiral na Modified Enhanced Community Quarantine (MECQ) sa Maynila.

“Kayong lahat ay sanay sa kalsada. Araw-araw na ginawa ng Diyos marami na kayong nakitang makukulit, marami na rin kayong experience sa pakikiusap sa mga tao. We will help our uniformed personnel in the PNP and the MPD. We will augment them for their effort to keep peace and order of the city,” ani Domagoso.

Paliwanag ni Domagoso, sa kabuuang bilang ng mga traffic enforcers ng MTPB ay itinalaga nitong COVID-10 safety marshals habang ang kalahati naman ay ipagpapatuloy ang pagsasa-ayos sa daloy ng trapiko sa kalsada ng lungsod.

Dagdag pa ni Domagoso, bilang deputized civilian personnel, ang mga itinalagang safety marshals ay tutulong sa mga kapulisan at barangay na tawagin ang pansin o sitahin ang mga residente na pasaway at hindi sumusunod sa ipinapatupad na health protocols tulad ng pagsusuot ng facemask, pagpapanatili ng physical distancing, mga residente na maaaring lumabas o hindi sa kanilang bahay atbp. umiiral na ordinasa at batas.

“Sasawayin natin ang mga hindi sumusunod sa batas, pero hindi natin kailangan maging mainitin ang ulo, hindi tayo kailangan maggagalit-galitan. Magagalit lang tayo kapag talagang may tiyak na kagaguhan, kawalanghiyaan, katolonggesan,” ayon pa kay Domagoso. (Daris Jose)

Triple-double ni Doncic, susi sa OT win ng Mavs vs Kings

Posted on: August 6th, 2020 by @peoplesbalita No Comments

Gumawa ng makasaysayang triple-double si Luka Doncic kasabay ng 114-110 overtime win ng Dallas Mavericks kontra sa Sacramento Kings.

Bumuslo ang 21-anyos na si Doncic ng 34 points, career-high 20 rebounds at 12 assists, kaya itinanghal ito bilang pinakabatang player na nagtala ng 30 o mahigit pang puntos, 20 o mahigit pang rebounds, at 10 o mahigit pang assists sa pagtatapos ng isang laro.

Binasag ni Doncic ang naunang record ni Oscar Robertson na 23 taon at 12 araw.

“We needed that,” wika ni Doncic. “We played, I think, one of the worst games ever and we won. We didn’t play good. We still hang in there, help each other, never give up. I’m proud of the win.”

Kumubra rin ng 22 points at pitong rebounds si Kristaps Porzingis bago ma-foul out sa huling bahagi ng regulasyon.

Sa Dallas nanggaling ang huling anim na puntos ng regulation upang mapuwersa ang overtime, at itinablang muli ang iskor sa 102 nang ipasok ni Tim Hardaway Jr. ang tatlong free throws sa 3:10 nalalabi.

Binasag ni Doncic ang tabla tampok ang kanyang basket, at nagpasok ng limang sunod na puntos ang Mavs para hindi nang lumingon muli.

Sina De’Aaron Fox na may 28 points at Buddy Hield na may 21 points ang sinandalan ng Kings.

DA, nanawagan sa mga lokal na opisyal ng Luzon na makipagtulungan sa gobyerno para sa paghahatid ng suplay ng pagkain sa NCR

Posted on: August 6th, 2020 by @peoplesbalita No Comments

NANAWAGAN ang Department of Agriculture sa lahat ng mga provincial chief executives at sa mga municipal mayors sa luzon na mangyaring makipagtulungan sa gobyerno upang hindi maantala ang paghahatid ng suplay ng pagkain sa National Capital Region at mga karatig- lalawigan na muling isinailalim sa modified enhanced community quarantine (mecq).

Nakarating kasi kay Agriculture Sec. William Dar ang impormasyon na may mga sasakyang nagde-deliver ng pagkain ang hindi makalusot sa mga inilatag na checkpoint sa bahagi ng Benguet province.

Kaya ang pakiusap ni Sec. Dar sa mga local chief executives, partikular na sa Benguet LGU ay makipagtulungan sa kanilang ahensya para matiyak na walang mabubulok na mga gulay o pananim na galing ng Benguet at maayos itong makararating sa Metro Manila.

Sa kasalukuyan, kumikilos na ang regional field office ng DA sa Baguio City upang hindi na magkaroon pa ng pagkaantala ang delivery ng mga suplay ng pagkain patungo sa NCR at mga karatig lalawigan na muling ibinalik sa MECQ .(Daris Jose)

Mga negosyo na pinayagang mag-operate sa mga lugar na nasa ilalim ng MECQ, inilatag ng DTI

Posted on: August 6th, 2020 by @peoplesbalita No Comments

HINDI papayagan ang dine-in option para sa restaurants, barbershops, salons, internet cafes at review centers sa susunod na 15 araw matapos na muling ibalik ang Metro Manila sa modified enhanced community quarantine.

Ito ang binigyang diin ni Trade Secretary Ramon Lopez makaraang isailalim ni Pangulong Rodrigo Roa Duterte linggo ng gabi, Agosto 2 ang Metro Manila, Cavite, Laguna, Rizal at Bulacan sa ilalim ng MECQ hanggang Aug. 18.

Ito’y matapos na makumpirma ang pagsirit ng COVID-19 cases sa nakalipas na limang araw.

Sa ulat, hiniling ng mga medical frontliners sa pamahalaan na ilagay ang MM sa ECQ para magkaroon ng “breathing space.”

Ang desisyon ay “temporary step back” upang pagbigyan ang panawagan ng mga medical practitioners.

“Under the MECQ, there are still a number of business sectors allowed although most at limited scale, while some of the recently allowed sectors under GCQ such as dine-in restaurants, barbershops, salons, and the recent additions such as gyms, review and testing centers, other personal grooming shops, internet cafes, shall not be allowed temporarily in the next 15 days,” ayon kay Lopez.

Nauna rito, sinabi ng Kalihim na suportado ng Department of Trade and Industry ang localized lockdowns sa halip na ilagay ang buong MM sa ilalim ng ECQ.

“We wish that this move back to MECQ will break the increasing trend of positive COVID cases and will eventually allow us to bring back the much needed livelihood and jobs to many of our countrymen,” aniya pa rin.

Samantala, may ilan namang negosyo ang pinayagang mag- operate ng may 100 capacity sa panahon ng MECQ.

Ang mga ito ay :

• Agriculture, forestry at fisheries
• Production ng essential hygiene products, medicines, vitamins, PPEs, masks atiba pang medical supplies
• Essential retail gaya ng groceries, markets, convenience stores at drug stores
• Water refilling stations
• Laundry servicces
• Hospitals, clinics
• Logistics services
• Delivery at courier services
• Telcos, energy at power companies
• Gasoline stations
• Essential constructions (isolation faciities, at iba pa)
• BPOs
• Printing
• Media
• Mining
• Electronic commercce
• Postal
• Funeral, embalming, security
• Banks
• Capital markets

Ang mga negosyo naman na pinayagan na may 50 percent capacity sa ilalim ng MECQ ay ang

• iba pang manufacturing
• Office admin, support
• Financial services (money exchange)
• Legal and accounting
• Management consultancy
• Advertising and market research
• Architectural activities
• Publishing at printing
• Film, music, at TV production
• Recruitment
• Photography
• Restaurant delivery at takeout
• Malls at commercial centers – non leisure lamang

Ang Gyms, fitness centers, sports facilities, salons at barbershops ay hindi pinapayagan sa ilalim ng MECQ, base ss DTI guidelines ‘as of July 31.’ (Daris Jose)

2 LABANDERA TIMBOG SA P3.4 MILYON SHABU

Posted on: August 6th, 2020 by @peoplesbalita No Comments

NASAMSAM ng mga awtoridad ang mahigit sa P3 milyon halaga ng shabu sa dalawang labandera na big-time umanong tulak ng ilegal na droga matapos maaresto sa isinagawang buy-bust operation sa Caloocan city, kamakalawa ng gabi.

Kinilala ni Northern Police District (NPD) Director P/Brig. Gen. Ronaldo Ylagan ang naarestong mga suspek na si Mary Jane Malabanan, 49 ng 278 Bayanihan St. Brgy. 159 at Grace Palacio, 48 ng East Libis Baesa, Brgy. 160, Sta Quiteria.

Ayon kay Caloocan police chief P/Col. Dario Menor, bandang alas-11:20 ng gabi nang isagawa ng mga operatiba ng Station Drug Enforcement Unit (SDEU) sa pangunguna ni P/Capt. Joel Guimpatan at P/Capt. Danilo Esguerra, Jr. ng Sub-Station 6 sa harap ng bahay ni Malabanan.

Kaagad dinamba ng mga operatiba ang mga suspek matapos bentahan ng isang medium size knot tied transparent plastic bag ng shabu ang isang pulis na nagpanggap na poseur-buyer kapalit ng P70,000 marked money na binubuo ng dalawang tunay na P1,000 bill at 68 piraso ng 1,0000 boodle money.

Nakumpiska ng mga operatiba sa mga suspek ang aabot sa 500 gramo ng hinihinalang shabu na may standard drug price P3,400,000 ang halaga, at buy-bust money.

Kasong paglabag sa Comprehensive Dangerous Drug Act of 2002 ang isinampa ng pulisya kontra sa mga suspek sa Caloocan City Prosecutor’s Office. (Richard Mesa)

3-million initial vaccines ang ni-rehistro ng Pilipinas vs COVID-19: DOST

Posted on: August 6th, 2020 by @peoplesbalita No Comments

Tatlong milyong bakuna laban sa COVID-19 ang ni-rehistro ng Pilipinas sa pagsali nito sa COVID-19 Vaccines Global Access (COVAX) Facility, ayon sa Department of Science and Technology (DOST).

Sa Malacanang briefing, sinabi ni Science Sec. Fortunato de la Peña na ang naturang bilang ay minimum requirement para sa subscription sa nasabing pasilidad. Katumbas daw nito ang 3-percent ng populasyon.

Ang COVAX Facility ng kompanyang Gavi ay nagbigay ng pangako sa participating countries na makakatanggap ang mga ito ng patas na access sa madidiskubreng gamot.

“Noong ipinaalam sa amin na kailangan mag-commit ng minimum of three percent equivalent of the population, ‘yan po ay inakyat namin sa IATF for decision,” ani Dela Peña.

Nagkakahalaga raw ng US$10 o P500 ang isang bakuna, kaya inaasahang P1.5-bilyong budget ang kailangang ilaan para sa tatlong milyong target population.

Ayon sa kalihim, maaari pa naman bumili ang pamahalaan nang karagdagang bakuna para sa 20-percent ng populasyon.

Kasabay nang approval ng Inter-Agency Task Force, nagbigay din umano ng “go signal” ang Department of Budget and Management sa hakbang.

“Hindi lang sigurado kung ang bakuna ay isang beses lang ibibigay o dalawa. Kasi marami sa mga bakuna sa mga diseases ay kailangang two doses ang ibinibigay.”

Paliwanag ng DOST secretary, posibleng mga nasa laylayan o mahihirap na Pilipino lang ang gastusan ng pamahalaan para sa libreng bakuna.

“Magkakaroon din ng role ang pagbili sa ibang suppliers outside the COVAX facility kung ang maire-reserve lang natin is 20-percent of the population, siyempre yung iba manggagaling sa ibang supplier.”

Dagdag pa ng Cabinet official, mismong si Health Sec. Francisco Duque ang nagsabi na kailangang bakunahan ng estado ang 60-percent ng populasyon para maabot ang “herd immunity.”

“Kami sa DOST na naghe-head sa sub-technical working group on vaccines, ang aming role talaga ay ayusin yung pagco-collaborate sa trials. Yung pag-order ay hindi namin sakop.” (Bishop Jesus “Jemba” M. Basco)

Alaska workouts grabe – Teng

Posted on: August 6th, 2020 by @peoplesbalita No Comments

MASKI sa online lang muna nagkakakitaan ang Alaska Milk, kayod sa pagpapawis ang mga manlalaro ni Jeffrey Cariaso.

Ayon sa Aces coach, matindi pa aniya ang pinapagawa niya sa kanilang players kumpara sa harapan.

“Grabe kami mag-workout,” pagsisiwalat din kahapon ni third-year wingman Jeron Teng sa Philippine Basketball Association (PBA) Kamustahan podcast. “Sana makabalik (PBA) kasi nakakapagod ‘yung workout namin, halos araw-araw rin, eh.”

Tila nakakasaid aniya ng enerhiya kaysa sa face-to-face training.

Maghihintay pa ng ilang linggo bago makabalik sa practice facilities ang mga maggagatas.

Muling sa modified enhanced community quarantine ang Metro Manila, sarado na uli ang gyms kaya delayed ang balik-workout ng professional cage league.

Sanhi ng MECQ kanselado rin ang swab testing ng players na iniskedyul ng Agosto 6-7. Ang dating pakay na na Aug. 10 -11 na umpisa ng workout naunsiyami rin. Tatagal ng hanggang Aug. 18 ang MECQ sa National Capital Region. (REC)