Dinapuan ng coronavirus disease 2019 (COVID-19) ang world-record sprinter at eight-time Olympic gold medallist na si Usain Bolt.

Ayon sa health ministry ng Jamaica, posibleng nakuha raw ni Bolt ang COVID-19 ilang araw matapos idaos ang isang malaking party para sa kanyang ika-34 taong kaarawan kung saan wala raw suot na face mask ang mga dumalo.

Naglunsad na rin aniya ng contact tracing ang mga otoridad upang matukoy kung sinu-sino ang mga nakahalubilo ni Bolt.

Sa ngayon ay naka-self quarantine ngayon si Bolt sa kanyang tahanan sa nasabing bansa.

Una rito, nag-post ang Olympic sprinter ng video sa social media kung saan naghihintay daw ito ng kanyang resulta, bago himukin ang lahat ng kanyang mga nakasalamuha na sumailalim na rin sa quarantine.

“I’m just waking up, and like everybody else I checked social media which is saying I am confirmed to have Covid-19,” wika ni Bolt. “I did a test on Saturday to leave because I work. I am trying to be responsible so I am going to stay in and stay here for my friends.”

“I’m having no symptoms so I am going to quarantine myself and wait on the confirmation, to see what is the protocol and how I should go about quarantining myself,” dagdag ni Bolt. “Until then, I am saying anyone who has had contact with me should quarantine by themselves just to be safe, and just to take it easy.”

Batay sa pinakahuling datos, mayroon nang 1,612 kumpirmadong kaso ng virus ang Jamaica, na may 622 active cases at 16 deaths.

SOBRANG bigat.

Ito ang isang rason kaya ayaw kagatin ni reigning World Boxing Association (WBA) super featherwerwight champion Emmanuel ‘Manny’ Pacquaio si Gennady Golovkin ng Kazakstan sa sandaling magbalik sa ruwedang parisukat.

Ayon sa fighting senator, may kataasan ang timbang na 159.2 lbs. si Golovkin sa nakaraang pakikipagbanatan kay Sergiy Derevyanchenko ng Ukraine kung ihahambing sa bigat niyang 146.5 sa huling pakikipag-umbagan kay Keith Thurman ng USA.

Ayon pa kamakalawa sa Pambansang Kamao, papatulan niya si Golovkin kung sa welterweight limit 147-pound sila magkakasundo.

Iminungkahi naman ng dati niyang mentor na Amerikanong si Freddie Roach na kasahan niya si Gennady para sa middleweight world title. (REC)

Nagsagawa ng pagpugay ang iba’t-ibang basketball fans sa pagdiriwang ng ika-42 kaarawan ng yumaong NBA star na si Kobe Bryant.

Binuksan ang mga mural na nagpupugay sa Los Angeles Lakers star na makikita sa ib’at-ibang bahagi ng mundo bukod pa sa bayan nito kung saan siya isinilang sa downtown Los Angeles, isa sa malapit sa Convention Center ganun din sa Shoe Palace sa Fairfax District at ang pinakamalaking mural sa San Fernando Valley.

Sa kabuuan ay mayroong 331 murals sa buong mundo 267 sa US at 64 sa ibang bana.

Nagpost naman sa social media ng mahabang mensaheng pag-alala mula sa kaniyang asawa na si Vanessa maging ang anak nila na si Natalia Bryant.

Habang si Lakers star LeBron James ay nagpost sa kaniyang social media ng throwback na video noong ika-30 birthday ng NBA star.

Magugunitang pumanaw si Bryant kasama ang anak na si Gianna at pitong iba pa ng bumagsak ang sinakyan nilang helicopter noong Enero.

Si Jose ‘Jun’ V. Castro Jr. ang kinikilalang ng ama ng Philippine running.

Siya ang dahilan ng running boom sa bansa noong dekada 80 tapos ng bantog niyang Band Aid Family Marathon Clinic noong 70s.

Pero noong 1980 silang dalawa – Castro ng Intergames o Intersport at Rodolfo ‘Rudy’ Biscocho ng Run And Compete Enterprise o RACE – ang naging mahigpit na magkaribal sa pag-o-organize pagiging mga race director ng mga marathon at iba pang footrace sa Metro Manila at sa kapuluan na rin.

Naging race director si Castro ng National MILO Marathon, Batulao Marathon, Pilipinas Third World Marathon na kalauna’y naging San Miguel Beer Pilipinas International Marathon.

Na kay Biscocho ang Philippine Airlines Manila International Marathon, Puma Half-Marathon, at iba pa. Hinawakan din niya sa dekada 90 hanggang 2000-plus ang MILO Marathon nang yumao na si Castro noong 2015..

Namayapa na si Jun sa Estados Unidos sa kanser tapos umalis ng bansa noong 1993 sa kasagsagan ng panunungkulan niya bilang komisyoner ng Philippine Sports Commission (PSC).

Nasa Tate rin si Rudy sa kasalukuyan matapos mamatay ang isang anak na lalaki at paminsan-minsan na lang pumaparito para sa ilang piling binabalangkas pa rin niyang mangilan-ngilan na mga karera na lang gaya ng Yakult 10-Miler.

Sa kuwento ng aking papa (RDC) na nakoberan ang mga patakbo ng dalawa, Pareho aniyang mabuting makisama sina Catro at Biscocho.

Kaya dinudumog ng sports media ang kanilang mga patakbo. Nakatakbo’t taposdin pala ng NMM, PAL-MIM at PIM bukod pa sa Pasig Marathon at Subukan Full-Marathon sa Quezon City ang aking ama.

***

Kung nais po ninyong mag-reaksiyon  o may gusto po kayong itanong, mag-email lang po kayo  sa jeffersonogriman@gmail.com.

Idalangin po nating lahat na matapos na ang COVID-19. Ingat po tayong lahat palagi. Panatilihin po nating malakas ay malinis ang ating katawan sampo ng ating tahanan, mga kasamahan at kapaligiran.

Hanggang bukas po uli mga ka-PEOPLE’S Balita.

God bless us all! (REC)