2020 September 18 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for September 18th, 2020

Ponggay aayudahan ang mga mag-aaral

Posted on: September 18th, 2020 by @peoplesbalita No Comments

WALA pang katiyakan sa petsa sa pagbubukas ng 4th Premier Volleyball League (PVL) 2020.

Pero sinisinop ang oras ng mga team ng semi-pro women’s volleyfest, maging ang karamihan sa kanilang mga player.

Kagaya ni Pauline Marie Monique ‘Ponggay’ Gaston ng Choco Mucho Flying Titans, na naglalaro rin sa Ateneo Lady Eagles sa University Athletics Association of the Philippines (UAAP) kung saan siya pa ang team skipper.

Pinagkakaabalahan ng 22-anyos at may taas na 5-10 na middle hitter ang pangangalap ng pondo mula sa mga donasyon ng mga netizen at iba pang mga taong may ginintuang puso.

Ipinapantulong naman niya ang nalikom na pera para sa mga batang wala pang magamit sa kanilang pag-aaral sa nakatakdang pagbubukas ng mga klase sa darating na Oktubre 5.

“Hi everyone this is Ponggay Gaston from Ateneo de Manila University, ako po’y kumakatok sa inyong mga puso para makatulong po sa mga batang walang magagamit sa pag aaral nila ngayon,” isa sa mga huling post ng dalagang balibolista sa kanyang Facebook account.

Hinirit niya: “Kung willing kayong tumulong kahit konting halaga ay malaking tulong na po ‘yun, just pm me or comment down thank you.”

Isa sa bagitong manlalaro si Gaston sa Titans. Ang isa pa ay Jamie Lavitoria.

Saludo ang OD sa iyo Ponggay. Mabuhay ka. Dumami pa sana ang lahi ninyo! (REC)

Naire-record na average COVID test kada araw, umakyat na sa 10,000

Posted on: September 18th, 2020 by @peoplesbalita No Comments

UMABOT na sa mahigit 10,000 COVID test ang naitatala kada araw ng gobyerno.

Ito ang sinabi ni Chief Implementer Secretary Carlito Galvez sa gitna ng datos na ipinresenta nito na umaabot na sa halos tatlong milyon o nasa dalawa punto siyam na milyon na ang sumalang sa Corona virus test.

Ayon kay Galvez, ang datos ay 2.6 percent na ng populasyon ng bansa.

Kaya nga ikinatutuwa nila ang nasabing development na kung saan, may isang araw pa na pumalo sa 43,555 ang kabuuang nai- COVID test at iyo ay nitong nakalipas na Setyembre 10.

Samantala, inihayag din ni Galvez na may 102 dalawang mga nagsisipag-aplay pang magkaroon ng lisensiya para maging testing laboratory.

Sa ngayon ay nasa 122 testing laboratories mayroon sa bansa. (Daris Jose)

Malakanyang, inaasahan na ang mga patutsada at pangit na pahayag ni VP Leni sa gobyernong Duterte

Posted on: September 18th, 2020 by @peoplesbalita No Comments

INAASAHAN na ng Malakanyang na walang sasabihing maganda si Vice President Leni Robredo sa gobyernong Duterte sa gitna ng patuloy na pagbatikos nito sa ginagawang pagtugon ng pamahalaan sa COVID-19 pandemic.

Sinabi kasi ni Robredo na kulang ang pamahalaan ng “cohesive plan” at walang malinaw na direksyon sa pagresolba sa coronavirus disease 2019 (COVID-19).

“She is entitled to her opinion. Of course as the leader of the opposition, we don’t expect anything positive about this administration from her. We’ve accepted that. I think people have accepted that,” presidential spokesperson Harry Roque.

Maaari aniyang sabihin ni Robredo ang lahat ng negatibo tungkol sa administrasyon basta ang importante aniya ay suporta sa sambayanan ang Pangulo.

“She can say all the negative things about the administration but [the] people still support the President,” ayon kay Sec. Roque.

Sa ulat, iginiit ni Robredo na may karapatan siyang maging kritiko ng gobyerno.

Dagdag pa nito na marami siyang nakikitang kakulangan sa tagal ng pagsasailalim sa lockdown.

Aniya pa, ang pagsibak kay Health Secretary Francisco Duque III mula sa puwesto ay hindi naman makapagbabago sa kahit na anuman kung ang sistema na tinawag niyang bigo ay mananatili.

Ani Robredo na gagamitin niya ang posisyon niya bilang bise-presidente upang maging boses ng madla. (Daris Jose)

Villarito ‘di takot sa bomba

Posted on: September 18th, 2020 by @peoplesbalita No Comments

NALILIBANG si national women’s javelin throw record holder Rosie Villarito sa patuloy na military training habang wala pang kasiguruhan ang practice ng mga national athlete dahil sa coronavirus disease 2019.

Pinakahuling destino ng 40-anyos na tubong Cauayan, Negros Occidental at military athlete sa palipat-lipat na division sa iba’t-ibang lugar sa bansa ang pagiging kasapi ng isang Philippine Army disposal bomb unit.

“I’m done,” wika ni Villarito, na tila wala ng kaba dahil sa pangkaraniwan na lang ang paghawak-hawak sa mga uri ng bomba na kanyang mga pinag-aaralan.

Pero dinadalangin niya na matapos ang pandemya at makabalik na sa normal ang buong mundo. (REC)

Bawas sa physical distancing sa mga PUV taliwas sa safety policies

Posted on: September 18th, 2020 by @peoplesbalita No Comments

IPINAHAYAG ni Navotas City Mayor Toby Tiangco na ang pagbabawas ng distansya sa physical distancing sa mga pampublikong sasakyan ay taliwas sa mga umiiral na safety policies.

“Lumabas sa pag-aaral ng mga health experts na ang social distancing, tamang pagsuot ng face mask at handwashing ay nakakatulong para maiwasan ang hawaan ng virus,” ani Tiangco.

“Ang mga tren, air-con na bus, eroplano at iba pang pampublikong transportasyon ay mga closed spaces. Sa mga espasyong tulad nito, mas mataas ang posibilidad ng hawaan”, dagdag niya.

“Anim na buwan nating itinuturo sa ating mamamayan ang halaga ng pagdidistansya kahit sa bahay at lugar ng trabaho bakit natin hayaan na iwan nila ang safety measure sa pagsakay sa public transportation?” patuloy niya.

Naghayag din ng pagkabahala si Tiangco na ang pagre-relax sa physical distance requirement ay maaaring maglagay sa mga mamamayan sa panganib na mahawa ng sakit.

Kinatigan ng Inter-Agency Task Force on Emerging Infectious Diseases (IATF-EID) ang panukala ng Economic Development Cluster (EDC) at Department of Transportation (DOTr) para madagdagan ang mga sumasakay sa pamamagitan ng pagbabawas ng distansya sa mga mass transit.

Mula isang metro, ang itinakdang physical distance sa pagitan ng mga pasahero ay unti-unting babawasaan ng .3 meters matapos ang apat na lingo. (Richard Mesa)

Sec. Duque, hindi pa dapat maging kampante

Posted on: September 18th, 2020 by @peoplesbalita No Comments

HINDI pa rin dapat maging kampante si Health Secretary Francisco Duque III na hindi siya makakasama sa makakasuhan kaugnay sa iregularidad sa Philippine Health Insurance Corporation (PhilHealth).

Ayon kay Presidential spokesperson Harry Roque, panimula pa lamang naman ang ginagawang imbestigasyon ng task force PhilHealth kaya’t malaki ang posibilidad na may susunod na irerekomenda na makakasuhan ang mga ito.

“Gaya ng sinabi ko po, panimula pa lang naman po ito because they had very limited period of time given to them by the President na 30 days,” ayon kay Sec. Roque.

Ikinagulat kasi ni Senate President Vicente Sotto III na hindi kasama si Sec. Duque at iba pang opisyal ng PhilHealth na inirekomendang kasuhan ng task force ng Department of Justice (DOJ) dahil sa umano’y iregularidad sa ahensiya.

” Ipagpapatuloy pa po ang imbestigasyon ng DOJ, at ang imbestigasyon ng Ombudsman,” dagdag na pahayag ni Sec. Roque.

Sa ulat, dismayado si Sotto na hindi kasama si Sec. Duque at si resigned PHilhealth Senior Vice President for Legal Sector Rodolfo del Rosario Jr. sa inirekomendang sampahan ng kaso.

Tanong ni Sotto, bakit wala si Duque at Del Rosario gayung malinaw umano ang nakasaad sa Article 217 ng Revised Penal Code, kaya umaasa siya na iba ang magiging perspektibo ng Ombudsman kapag inihain na nila ang mga kaso.

Sa kabila nito, pag-uusapan pa umano nila ni Sen. Panfilo Lacson ang pag-abswelto kay Duque at del Rosario dahil ito ang dumiskarte sa mga rekomendasyon na nakasaad sa report ng Committee of the whole. (Daris Jose)

Ads September 18, 2020

Posted on: September 18th, 2020 by @peoplesbalita No Comments

Pascual mag-iiwan ng bakas

Posted on: September 18th, 2020 by @peoplesbalita No Comments

DUMADALANGIN si San Beda High School Red Cubs team captain Jose Miguel Pascual na maidaraos ang 96^th National Collegiate Athletic Association (NCAA) juniors boys basketball tournament 2020-21 upang maging makulay ang pag-eksit niya

Huling taon na 19 na taong gulang at 5-11 ang taas na point guard para sa Mendiola-based squad dahil magtatapos na siya ng senior high school.

Ang Beda ang nagkampeon sa ika-95 edisyon ng liga kung saan nakatropa ni Pascual ang mga nakapagtapos na nitong Marso na sina Rhayyan Amsali, Yukien Andrada, Justin Sanchez at Winston Ynot.

Isang beterano na rin ng internasyonal na kompetisyon si Pascual sa paglalaro sa Batang Gilas sa 4^th SEABA Under-16 Championship 2017 sa Pilipinas at sa 5^th FIBA World Cup Under-17 2018 sa Argentina. (REC)

Pamahalaang Panlalawigan, BTCVB pinag-usapan ang anxiety at depression sa industriya ng turismo

Posted on: September 18th, 2020 by @peoplesbalita No Comments

Bilang bahagi ng pagdiriwang ng Singkaban Festival sa taong ito, nakipagtulungan ang Pamahalaang Panlalawigan ng Bulacan sa pamamagitan ng Provincial History, Arts, Culture and Tourism Office (PHACTO) sa Bulacan Tourism Convention and Visitors Board (BTCVB) at pinag-usapan ang anxiety at depression sa industriya ng turismo sa isang online learning webinar sa pamamagitan ng Zoom application noong nakaraang Setyembre 11, 2020.

Mahigit isang daang practitioners at mag-aaral ng turismo at hospitality ang nakiisa sa webinar na pinamagatang “Conquering Anxiety and Depression during the Community Quarantine Among Tourism Students and Practitioners”.

Tinalakay ni Dr. Joseph Mauro Sayo ang mental health sa gitna ng COVID-19 at ipinunto na ang pangangalaga sa isipan ay kasing halaga ng pangangalaga sa katawan. Sa katunayan, hindi magiging malusog ang isa ng wala ang isa pa.

Pinayuhan niya ang mga nagsidalo na matulog ng sapat, kumain ng regular, mag-ehersisyo, maging konektado sa mga kaibigan at pamilya, isagawa ang mga relaxation techniques, at humingi ng tulong kung kinakailangan.

Para sa ikalawang yugto ng programa, ibinahagi nina Vergel Santos, Karl Pascual Del Rosario, Pamela Cindy Nuguid, at Ma. Vanessa Dela Cruz kung paano nila ginawang oportunidad ang kasawiang-palad.

Si Santos, isang head waiter sa isang cruising line at napauwi dahil sa pandemya, ay nagkaroon ng ideya sa negosyong chili garlic oil sa tulong ng kanyang pamilya; si Del Rosario, isang apektadong hotel bartender ang pumasok sa isang pizza with dip na negosyo; si Nuguid, isang cabin crew ay nadiskubre ang kanyang pagkahilig sa nutrisyon; at si Dela Cruz, isang akreditadong tour guide ang lumipat sa vlogging at negosyong milk tea.

Sa kanyang pre-recorded na mensahe, nagpasalamat si Gobernador Daniel R. Fernando sa lahat ng nakiisa sa mga programa ng Singkaban Festival kahit pa ang mga aktibidad ay isinagawa online.

“Sa ngayon, ipapakita natin na hindi kayang talunin ng pandemya ang pagmamahal sa kultura at talento ng liping Bulakenyo. Umasa po kayo na kahit nagbago na ang anyo ng ating pagdiriwang dahil online tayo at hindi face to face, mananatiling iisa ang kagalakan at pasasalamat para sa panibagong taon ng ating kasaysayan,” anang gobernador. (Bishop Jesus “Jemba” M. Basco)

Task Force rerepasuhin ang transport distancing

Posted on: September 18th, 2020 by @peoplesbalita No Comments

Bukas ang pamahalaan sa isang dialogue tungkol sa kanilang desisyon na bawasan ang physical distancing requirement sa mga public transportation na kung saan sinabi ng mga medical health experts na maaaring maging sanhi ng pagdami ng coronavirus infections.

Dahil sa kagustuhan muling buksan ang ekonomiya sa pamamagitan ng maraming available modes ng public transportation, hindi ibig sabihin na hindi na bibigyan ng pansin ang concerns ng health experts.

“We won’t be able to reopen the economy if we don’t increase our transportation. But of course we won’t play deaf to the opinions of our medical frontliners,” wika ni presidential spokesman Harry Roque.

Ayon kay Roque paguusapan ang issue ng Inter-Agency Task Force for the Management of Emerging Infectious Diseases (IATF).

Ang physical distancing requirement sa mass transport ay hindi na hinigpitan simula pa noong Lunes sapagkat inaasahan na mas marami na ang mga tao ang papasok sa kanilng mga trabaho

Ayon sa Department Of Transportation (DOTr) ang one-meter physical distancing ay puede ng ibaba ng 0.75 m at .5 meters at hanggang .3 meters upang magkaron ng optimization ng ridership. It ay dahil na rin sa strict protocols na ginagawa upang maiwasan ang pagkalat ng COVID19 dahil sa paggamit ng mandatory face masks at face shields.

Samantala, ang mga doctors ay nag naglabas ng kanilang concerns dahil sa issue na ito at nagbigay sila ng babala sa mga commuters na magkaron ng one-meter distance sa mga pasahero.

Sinabi ni Roque na pinayagan ng IATF ang relaxed distancing requirement noong nakaraang Huwebes subalit hindi pa na ito nabibigay kay President Duterte.

“When it was approved, nobody objected because I was present in that meeting. So the objections came after it was announced by DOTr,” dagdag ni Roque.

Ayon sa kanya ang desisyon ng DOTr na magkaron ng relaxed na physical distancing sa mga public transportation ay dahil sa kagustuhan na rin ng mga tao.

“The request came from the public because we are already opening our economy. There is a need for individuals to be able to get to work,” ayon naman kay DOTr undersecretary Artemio Tuazon Jr.

Ayon kay Tuazon inutusan ni DOTr Secretary Tugade ang iba’t ibang sectors sa public transportation upang pag-aralan ang relaxed na social distancing na siya naman ginamit na batayan ng proposal ng IATF. (LASACMAR)